Бозии волейболи соҳилӣ дар Бразилия, акс аз бойгонӣ

Таъхири бозиҳои соҳилии ҷаҳон: шарҳи Кумитаи олимпӣ

197
(Таҷдидшуда 10:08 03.05.2020)
Бозиҳои соҳилии ҷаҳон, ки бояд соли оянда баргузор мешуд, бо сабаби пандемияи Covid-19 ба соли 2023 таҳвил дода шуд

ДУШАНБЕ, 3 май — Sputnik. Кумитаи иҷроияи Ассотсиатсияи кумитаҳои миллии олимпӣ - "ANOC", ки ташаббускори бозиҳо мебошад, ин тасмимро ба хотири кам кардани фишор болои кумитаҳои миллии олимпӣ гирифтааст, хабар Кумитаи миллии олимпии Тоҷикистон. 

Ин ниҳод тавзеҳ дод, ки ин тасмим ба кумитаҳои миллӣ имконият медиҳад, ки барои омодагии варзишгаронашон ба Бозиҳои олимпии Токио-2020, ки ба соли 2021 гузаронида шуд ва Бозиҳои зимистонаи олимпии Пекин-2022 тамаркузи бештар намоянд.

Манбаъ зикр намуд, ки аввалин Бозиҳои соҳилии ҷаҳон соли 2019 дар Доҳаи Қатар доир гашт ва аз рӯи нақша он бояд ҳар ду сол баргузор шавад, вале акнун баъд аз чор сол доир мегардад.

"Дар робита ба он ки Бозиҳои олимпии Токио ба соли оянда таҳвил дода шуд ва пас аз шаш моҳ Бозиҳои зимистонаи олимпии Пекин-2022 ба нақша гирифта шудааст, Кумитаи иҷроияи ANOC ба хулоса омад, ки баргузории Бозиҳои соҳилии ҷаҳон миёни ду бозиҳои олимпӣ фишори бузург болои кумитаҳои миллии олимпӣ мешавад. Албатта варзишгарон ва барномаи бозиҳо фарқкунандаанд, аммо кумитаҳои олимпӣ бояд дастаҳояшонро омода кунанд", - омадааст дар изҳороти ANOC.

Ин созмон таъкид намудааст, ки "бо таҳвил додани бозиҳо мо ҳаҷми кори кумитаҳои миллии олимпиро дар соли оянда камтар мекунем ва барои омодагӣ ва сафарбар кардани беҳтарин варзишгаронашон дар соли 2023 имкон фароҳам меоварем".

197
Барчаспҳо:
таъхир, варзиш, Ҷаҳон
Тими наврасони Тоҷикистон (U-17)

Рақибони тими наврасони тоҷик дар "Ҷоми Иттиҳод" муайян шуданд

52
(Таҷдидшуда 20:41 20.01.2021)
Кумитаи миллии олимпии Тоҷикистон рақибони дастаи мунтахаби наврасони ҷумҳурӣ оид ба футбол – “U-17”-ро дар мусобиқаи байналмилалии “Ҷоми рушд-2021” номбар кард

ДУШАНБЕ, 20 янв — Sputnik. Тибқи иттилои Кумитаи миллии олимпӣ, футболбозони то 17-солаи тоҷик дар “Ҷоми рушд-2021” бо тимҳои мунтахаби наврасони Белорус, Қазоқистон ва Молдова рақобат мекунад.

“Тими мунтахаби наврасони Тоҷикистон (U-17) бо роҳбарии сармураббӣ Аҳлиддин Турдиев дар 17-ум мусобиқаи байналмилалии “Ҷоми рушд-2021”, ки аз 31 январ то 6 феврал дар пойтахти Белорус – шаҳри Минск доир мегардад, иштирок мекунад”,  - омадааст дар иттилоия.

Манбаъ афзуд, барои пирӯзӣ дар ин мусобиқа 4 дастаи мунтахаби наврасони соли таваллудашон на бештар аз 2004 талош мекунанд. Дар “Ҷоми рушд-2021” дар Минск футболбозони навраси тоҷик бо ҳамсолонашон аз Қазоқистон (31 январ), Молдова (3 феврал) ва Белорус (6 феврал) бозӣ хоҳанд кард.

Футбол: бозиҳои ниҳоии Ҷоми Тоҷикистон-2020 маълум шуд

Мусобиқаи анъанавии зимистона дар толори футболи Минск тибқи системаи даврӣ дар як давр баргузор мешавад. Ғолиб аз рӯи холҳои бадастоварда муайян мегардад, тавзещ дод Кумитаи олимпӣ.

52
Барчаспҳо:
Ҷом, Футбол, Тоҷикистон

Пеш аз рақобат бо Поре: Макгрегор дар рейтинги UFC мавқеашро аз даст дод

159
(Таҷдидшуда 20:28 20.01.2021)
Дорандаи ду камарбанди қаҳрамониро дар рейтинги навшудаи UFC муборизи австралиягӣ Роберт Уиттакер пеш гузашт

ДУШАНБЕ, 20 янв — Sputnik. Ситораи ирландӣ Конор Макгрегор дар рейтинги ҷанговарони беҳтарини UFC (новобаста аз вазн) мавқеашро аз даст дод, гуфта мешавад дар торномаи расмии ин ширкат.

Ин пеш аз задухурди Макгрегор бо Дастин Пореи амрикоӣ, ки шаби 23 ба 24 январ дар Файт Айленд дар Абу-Дабӣ баргузор мешавад, рух дод.

Макгрегор ҷои Нурмуҳаммадовро дар рейтинги беҳтарин муборизони UFC гирифт

Дорандаи собиқи камарбанди UFC дар вазни сабук тибқи рейтинги навшуда аз ҷои 12-ум ба 13-ум фаромадааст. Ӯро дар ин феҳрист, варзишкори австралиягӣ Роберт Уиттакер пеш гузашт.

Ҳабиб Нурмуҳаммадов, қаҳрамони феълӣ дар вазни сабук, дар рейтинги ҷанговарони беҳтарини UFC ҳамоно дар мақоми аввал аст.

Аз миёни занон то ҳол варзишкори бразилиягӣ Аманда Нунес дар ҷои аввал меистад. Ӯ қаҳраомни UFC дар вазни сабук мебошад. Валентина Шевченко, размикори қирғизистонӣ, дар рейтинг (новобаста аз категорияҳои вазн) ҷои дуюмро ишғол мекунад.

159
Барчаспҳо:
қаҳрамони UFC, рейтинг, мавқеъ, мавқеъ, Макгрегор