Хабиб Нурмагомедов, боец смешанного стиля, чемпион абсолютного бойцовского чемпионата (UFC) в легком весе

Ҳарифи навбатии Ҳабиб дақиқ шуд

1287
(Таҷдидшуда 17:50 10.05.2020)
Рақиби навбатии Ҳабиб Нурмуҳаммадов размикори доғистонӣ ва қаҳрамони  UFC барои рақобати ояндаашд маълум гашт

ДУШАНБЕ, 10 май – Sputnik. Дана Уайт, президенти UFC қаблан эълон кард, ки ғоли рақобати Тони Фергюсон ва Ҷастин Гэтжи бо размикори доғистонӣ муҳориба хоҳад кар.

Рузи гузашта мусобиқаи UFC 249 дар Ҷексонвилл (Флорида) доир гашт, ки дар он СФергюсонро шикаст дод.

Ҳаминтавр тибқи гуфтаи раҳбарияти UFC Ҷастин Гэтжи рақиби навбатии Ҳабиб Нурмуҳаммадов хоҳад шуд.

Пас аз мубориза бо Фергюсон Ҷастин Гэтжи камарбанди муваққатии қаҳрамони UFC -ро ба замин партофт. Вақте аз ӯ пурсиданд, ки чаро ин корро кардааст, варзишгар ҷавоб додааст, ки камарбанди ҳақиқияшро мунтазир аст.

 "Ман интизори камарбанди воқеӣ ҳастам. Ҳабиб беҳтарин дар ҷаҳон аст. Ман чор сол инҷониб барои чунин озмоишҳо кор мекунам ва шодам, ки ИМА-ро дар муқобили беҳтарин муборизи Доғистон ё Русия намояндагӣ мекунам. Вай дар 28 дидор 28 ғалаба ба даст овардааст. Ман вазифаи дигареро намехоҳам, ман мехоҳам бо он мубориза барам”,-гуфтааст, Гэтҷи.

Нурмуҳаммадов низ дар саҳифаи Твиттераш навиштааст: "Дар ин варзиш ва махсусан дар ин вазн ҳама вақт шерҳои гурусна дар пушти шумо нафас мекашанд. Агар шумо истироҳат кунед кунед, хотима хоҳед ёфт. Баъзеҳо тарк мекунанду дигарон меоянд ва ин чизи ҳайратовар нест. Ман пеш аз тир афтодан намехоҳам. Мо то ҳол мубориза хоҳем бурд. ”Навиштааст Нурмуҳаммадов.

Муҳорибаи навбатии Ҳабиб қариб баъди як соли танаффус дар назар аст, тирамоҳи соли ҷорӣ доир шавад.

Қаблан худи Ҳабиб Нурмуҳаммадов низ гуфта буд, ки дар моҳи шарифи Рамазон рӯза мегирад ва дар ин давра дар ягон рақобат ширкат намекунад.

Ҳамчунин ӯ қайд кард, ки пас аз доштани рӯза дар давоми 45 рӯз барои барқарор шудани вазнаш лозим аст. Ҳамин тавр, рақобати навбатии варзишкор дар давраи тирамоҳ хоҳад гузашт.

 

1287
Барчаспҳо:
дидор, рақобат, размикор, Ҳабиб Нурмуҳаммадов
Хабиб Нурмагомедов и Конор Макгрегор

Посухи Конор ба шарҳи Ҳабиб дар бораи шикаст: ба майдон хонд

320
(Таҷдидшуда 17:05 24.01.2021)
Конор Макгрегор, размикори ирландӣ баъди шикаст аз Дастин Поре изҳор дошт, ки омода аст, бо қаҳрамони UFC дар вазни сабук Ҳабиб Нурмуҳаммадов ба майдон барояд

ДУШАНБЕ, 24 янв — Sputnik. Макгрегор ба шарҳи Ҳабиб Нурмуҳаммадов дар бораи сабабҳои шикасти Конор аз Поре изҳор дошт, ки агар Ҳабиб чизе навиштан хоҳад бигзор ба майдон баргардад.

Агар вай омода аст, ба майдон баргардад, ман омодаам бо ӯ қувваозмоӣ кунам, изҳор дошт Конор Макгрегор.

“Ман чизеро тағйир надодаам, ин тим аз аввал бо ман буд. Бояд ба рақиб бо эҳтиром муносибат кард”, - изҳор дошт Конор дар посух ба навиштаи Ҳабиб Нурмуҳаммадов дар бораи сабабҳои шикасти Макгрегор аз Дастин Поре.

Ахиран Ҳабиб Нурмуҳаммадов пирӯзии Дастин Поре бар Конор Макгрегорро дар сафҳаи Твиттери худ  шарҳ дод.

"Ин вақте рух медиҳад, ки шумо дастаро иваз мекунед, шарикони тамриниро, ки шуморо қаҳрамон карданд тарк мекунед ва мусобиқаи тамриниро бо нафарони хурд оғоз мекунеду аз воқеият дур мемонед", - изҳор дошт қаҳрамони UFC дар вазни сабук.

Сабқати қаблии Ҳабиб ва Конор дар моҳи октябри соли 2018 бо шикасти Нурмуҳаммадов анҷом ёфт.

320
Барчаспҳо:
шикаст, сабқат, Ҷаҳон

Баҳонае надорам. Паси сар карданаш душвор аст: Конор дар бораи бохташ гуфт

521
Қаҳрамони собиқи UFC дар ду зина Конор Макгрегор шикасташро аз размикори амрикоӣ Дастин Поре шарҳ дод

ДУШАНБЕ, 24 январ - Sputnik. Собиқ қаҳрамони ду дивизиони UFC Конор Макгрегор зимни як нишасти матбуотӣ дар Абу-Даби муборизаи гузаштаи худро бо Дастин Поре шарҳ дод.

“Пои ман комилан хароб шудааст. Ҳатто вақте зарбаҳои пойи ҳарифро мегардондам, дардовар буд. Дастин муборизаи олиҷаноб дошт. Ман шунидам, ки Тиаго Алвеш дар кунҷ ба Дастин мегуфт: “Зарбаи хуб”, ҳангоме ки Поре бо пой зарба зад. Фикр мекардам, ки "Бале ..., ин зарбаи хуб аст.".

"Ман дар ин ҷо ҳеҷ баҳонае надорам, ин иҷрои фавқулодаи Дастин буд. Ман бо ҳамлаҳо каме шитоб доштам ва мутобиқ нашудам, тамом. Ин ҳаби талх аст, ки бояд фуру бурд".

Конор гуфт, худро ба даст хоҳад гирифт ва пас аз барқарор шудан, дубора ба майдон хоҳад омад. Ҳамзамон таъкид кард, ки усулҳои нави муҳорибаороиро эҷод мекунад ва аз он зидди Дастин кор мегирад.

Ирода ва тактика: Поре Макгрегорро шикаст дод

Конор инчунин ба паёми Ҳабиб Нурмуҳаммадов посух дод: “Ман аз рӯзи аввал бо ҳамин даста будам. Ман ҳеҷ чизро тағир надодаам. Буду шудаш ҳамин. Варзишгаронро эҳтиром кунед. Ин албатта шахсро тавсиф мекунад. Дар ҳар сурат, ӯ чӣ кор кардан мехоҳад? Оё ӯ мехоҳад баргардад ё не? Агар ӯ мехоҳад шарҳҳои беэҳтиромона нависад, баргард ва дубора ҷанг кунед, дӯстам. Барои ҳамин ман дар инҷо ҳастам".

Аммо Ҳабиб эълон кард, ки корномаашро идома нахоҳад дод.

Нурмуҳаммадов гуфт, барои рақобат бо Поре боз мегардад ё не?

 

521
Барчаспҳо:
бохт, размикор, қаҳрамони UFC, Макгрегор

Теъдоди фавтидагон аз коронавирус дар Эрон аз 57 ҳазор нафар гузашт

0
(Таҷдидшуда 18:59 24.01.2021)
Вазорати беҳдошт, дармон ва омӯзиши пизишкии Эрон аз беҳбудии беш аз як миллиону 164 ҳазор нафар аз мубталоён ба вируси корона дар кишвар хабар дод

ДУШАНБЕ, 24 янв— Sputnik. Симосодоти Лорӣ, сухангӯи Вазорати беҳдошти Эрон рӯзи якшанбе гуфт, дар 24 соати гузашта 5 ҳазору 945 бемори ҷадиди мубтало ба коронавирус дар кишвар шиносоӣ шуд.

Ба гузориши радиои тоҷикии Садои Хуросон,  аз ин теъдод 437 нафар бистарӣ шуданду ба бақияи беморон низ ба сурати сарипоӣ хадамот расонда шуд.

Маҷмӯи беморони COVID-19 дар кишвар ба як миллиону 372 ҳазору 977 нафар расидааст.

Лорӣ ҳамчунин бо баёни ин ки дар 24 соати гузашта 89 нафар аз беморони COVID-19 ҷони худро аз даст доданд , изҳор кард, ки маҷмӯи ҷонбохтагон бар асари ин беморӣ дар Эрон ба 57 ҳазору 383 нафар расидааст.

То кунун як миллиону 164 ҳазору 794 нафар аз беморон низ беҳбуд ёфта ва аз бемористонҳо мурраххасӣ шудаанд, таъкид намудааст ин мақомдори умури беҳдоштии Эрон.

Шумори афроди мубтало ба вируси корона дар ҷаҳон низ ба беш аз 99 миллион нафар расидааст, ки аз ин теъдод беш аз ду миллион нафар ҷони худро аз даст доданд ва ҳудуди 71 миллион нафар ҳам беҳбуд ёфтанд.

0
Барчаспҳо:
таманнои шифои комил, фавт, вируси корона, вируси нав, Эрон