Легкая атлетика, архивное фото

Дастурамал барои мусобиқаҳои ҷаҳонӣ: аз дастпӯшу ниқоб то шумораи тамошобинон

57
Мусобиқаҳои варзиши сабуки ҷаҳонӣ акнун тибқи дастурамале, ки ба хотири пешгирӣ аз маризии коронавирус таҳия шудааст, баргузор мешаванд .

ДУШАНБЕ, 13  июн — Sputnik. Ташкилоти Варзиши сабуки ҷаҳон (World Athletics) барои ташкилкунандагони мусобиқот ҷиҳати пешгирии паҳншавии вируси COVID-19 дар замони пандемия як қатор дастурҳо пешниҳод кард.

Ба иттилоикотиботи Кумитаи миллии олимпӣ, дастуроти манзуршуда аз ҷониби Департаменти тандурустӣ ва илми World Athletics барои баргузории мусобиқаҳо дар ҳавои кушод ва варзишгоҳҳо пешбинӣ шудааст.

Ба ташкилотчиёни мусобиқот пешниҳод гардидааст, ки миёни нафарони бақайдгирифташуда ва иштирокчиён баҳои чорбалаи хатарро гузаронанд. Агар нафаре 2 ё зиёда бал бигирад, бояд то оғози мусобиқа аз ташхиси табибон гузарад.

Ҳамчунин, як қатор дастурот бояд пеш аз оғози мусобиқа иҷро гарданд. Ташкилкунандагони мусобиқот дар фурудгоҳ ва истгоҳҳои роҳи оҳан мизи қабул ташкил кунанд, то ҳар нафари воридшуда ҷузвдони қабул дарёфт намояд, ки дар он ниқобҳои яккаратаи тиббӣ, маводи зиддибактериявӣ барои дастҳо, сачоқҳои зиддибактериявӣ ва варақа оид ба шарҳи ҳолати сиҳатӣ ва амнияти чорабинӣ ҳаст.

Алорағми баҳси допинг: Дилшод Назаров ҳамоно беҳтарин дар варзиши сабук дониста шуд

Мусофирон бояд ҳангоми рафтан ба меҳмонхона ва иштирок дар мусобиқа бояд ҳамеша ниқоби тиббӣ пӯшанд. Дар варзишгоҳ бинандагон ва бақайдгирифташудагон бояд дари даромади алоҳида дошта бошанд. Бақайдгирифташудагон дар ҳолате ба ҷои баргузории мусобиқа роҳ дода мешаванд, ки ниқоби тиббӣ пӯшида бошанд ва бо худ маҳлули зиддибактериявӣ барои дастҳо дошта бошанд.

Маслиҳат дода шудааст, ки ҳамаи ҳозирбудагон дар варзишгоҳ, ба ғайр аз варзишгарон ҳангоми иштирок дар мусобиқа ва тамрин, бояд ниқоби тиббӣ пӯшида бошанд. Аз рӯи имкон минтақаи тамрин бояд кушод ва ба варзишгоҳ наздик бошад ва ҷиддӣ зери назорат гирифта шавад.

Ҳангоми мусобиқа шумораи одамон дар майдон то ҳадди ниҳоӣ кам карда шавад, намояндагони расмӣ, ки бо варзишгарон доим дар робитаанд, бояд айнакҳои муҳофизатӣ ё илова бар ниқобҳои тиббӣ ниқобҳои пластикӣ пӯшанд. Варзишгароне, ки ба финиш мерасанд, бояд масофаро миёни худ ва мухлисону намояндагони расмӣ риоя кунанд.

Пас аз мусобиқа минтақаи намояндагони расонаҳои хабарӣ бояд берун ва шумораи одамон бояд то ҳадди ниҳоӣ кам бошад.ими зиндаи ҷоизасупорӣ маслиҳат дода намешавад. Беҳтараш чораҳои алтернативии рақамӣ истифода гардад.
World Athletics бовар дорад, ки дастурамал "коромад" хоҳад буд ва бо пайдо шудани маълумоти дақиқу илман тасдиқшуда бозбинӣ мегардад.

57
Барчаспҳо:
дастурамал, мусобиқа, варзиш
Шота Арвеладзе

Сармураббии "Пахтакор" мубталои коронавирус шуд: ӯ дар Қатар аз ташхис гузашт

59
(Таҷдидшуда 18:27 23.09.2020)
Ташхиси Шот Арвеладзе барои ошкор кардани вируси COVID-19, ки рӯзи сешанбе гирифта шуд, натиҷаи мусбат дод

ТАШКЕНТ, 23 сен — Sputnik.  Сармураббии тими "Пахтакор" Шот Арвеладзе мубталои коронавирус шуд, хабар медиҳад котиботи бошгоҳи футболи Тошканд.

Ба иттилои манбаъ, тими "Пахтакор" ҳоло барои иштирок дар лигаи қаҳрамонии Осиё дар Қатар қарор дорад.

"Бегоҳи дирӯз натоиҷи ташхиси сармураббии дастаи "Пахтакор" дмақиқ шуд. Маълум гардид, ки Арвеладзе гирифтори коронавирус аст, - таъкид мешавад дар хабар.

Манбаъ меафзояд, феълан сармурабии тими мазкур дар инзиво қарор дорад.

Зикр мегардад, ки ҳайати дигари дастаи "Пахтакор" сиҳат буда, ба ин навъ маризӣ мубтало нестанд.

Ёдовар мешавем, моҳи июл панҷ бозингари ин даста якбора мубталои коронавирус шуданд.

59
Барчаспҳо:
маризӣ, Сармураббӣ, футбол, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон

Игор Черевченко мутахассиси тоҷик эҳтимол сармураббии тими футболи "Химки" шавад

84
(Таҷдидшуда 16:40 23.09.2020)
Пас аз бохти шадид аз “Краснодар”, дастаи вилояти Маскав дар бораи қатъи шартнома бо мураббӣ Дмитрий Гунко хабар дод

ДУШАНБЕ, 23 сен - Sputnik. Номзадии Игор Черевченко ба вазифаи сармураббии бошгоҳи “Химки” баррасӣ мешавад, гуфт чанд манбаи огоҳ аз вазъ ба РИА Новости.

Бошгоҳ бошад ин маълумотро ҳанӯз расман тасдиқ ё рад накардааст.

Ёдрас мешавем, ки 21 сентябр маълум шуд, ки бошгоҳи “Химки” ҳамкориро бо мураббии собиқ Дмитрий Гунко қатъ мекунад, ки дар ин бора дар изҳороти хадамоти матбуоти даста зикр шудааст.

"Игор Юшенко иҷрокунандаи вазифаи сармураббӣ таъин шуд, ки дастаро ба бозии навбатии РПЛ (Премер-Лигаи Русия - таҳрир) омода мекунад", - омадааст дар хабарнома.

Сарфи назар аз навиштаҳои ВАО дар бораи таъини қарибулвуқӯъи Черевченко, вазири варзиши вилояти Маскав Роман Терюшков гуфт, ки тасмим дар бораи мураббии нав ҳанӯз гирифта нашудааст.

"Мо ҳавзи мураббиён дорем, аммо ҳоло мебинем, ки Юшенко дастаро чӣ гуна омода мекунад, тасмими минбаъдаро хоҳем гирифт" гуфт Терюшков ва дар муколама бо ТАСС илова кард, ки тасмим дар бораи мураббӣ пас аз бозӣ бо "Динамо" гирифта хоҳад шуд.

Черевченко метавонад дар тӯли камтар аз як сол чорумин мураббии клуби вилояти Маскав шавад.

Бозгашти Сергей Юран низ баррасӣ мешавад, ки дар он “Химки” ба натиҷаҳои баланд ноил гашта, ҳуқуқи бозӣ дар РПЛ-ро ба даст овард ва ба финали Ҷоми Русия расид.

Дмитрий Гунко тавонист камтар аз ду моҳро дар даста гузаронад. Таҳти роҳбарии Гунко, “Химки” ба зинаи охири дар ҷадвали РПЛ фаромад.

Черевченко 46-сол дошта, писари Геннадий Черевченко, аз бозингарони маъруфи дастаи “Помир”-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард..

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва Тула "Аренал" -и Тула фаъолият кардааст.

84
Барчаспҳо:
номзад, тим, футбол, Сармураббӣ, Игор Черевченко
Река Кофарниган, архивное фото

Наврӯз нагуфт, ки ӯро Шаҳзода оташ зад: ҷузъиёти ишқи сӯзон дар Ваҳдат-видео

500
(Таҷдидшуда 21:13 23.09.2020)
Наврӯз Раҷабов ба Шаҳзода Шамсиева зарфи сӯзишворӣ дода, гуфтааст, ҳар коре бихоҳад бо ӯ анҷом диҳад, то дилаш ором шавад

ДУШАНБЕ, 23 сен – Sputnik. Тибқи гузориши ВУД, 26 - уми августи соли ҷорӣ, дар деҳаи Шаҳдбори шаҳри Ваҳдат, дар соҳили дарёи Кофарниҳон Шамсиева Шаҳзодаи 21-сола, дӯстдоштааш Наврӯз Раҷабови 25-соларо оташ задааст.

Наврӯз худаш ба Шаҳзода сӯзишворӣ дода гуфтаст, ҳар коре хоҳад бо ӯ бикунад

“Аз пушти мошин, бақлашкаи бензинро қатии зажигалка гирифта, дар дастам доду гуфт ин марҳамат чӣ кореям кунӣ, бикун, то дилат хунук шудана. Росто истода ин марҳамат гуфт. Ман ҳам бақлажка дар дастам, аз тори санг истода, болояш рехтам. Басай фиреб гуфтам, то кай фиреб мекунӣ, гуфтам, ин сӯ нигоҳ кун, ки зажигалкаро гирён кардаму оташ сӯяш давид”, - тавзеҳ дод Шаҳзода ҳодисаро.

ВУД мегӯяд, ҷабрдида содиркунандаи ин ҷиноятро пинҳон медошт, аммо кормандони милиса муайян кардаанд, ки ин корро Шаҳзода кардааст.

Наврӯз баъди сӯхтан ба Шаҳзода гуфтаст, ки ба касе чизе нагӯяд-видео

Шаҳзода дар гузориши ВУД изҳор дошт, ки Наврӯз дар роҳ ба ӯ гуфт, “рост ба хона рав, ба телефони ҳеч кас ҷавоб надеҳ, маро надидаӣ, намедонӣ”.

Шаҳзода изҳор доштааст, ки Наврӯз Раҷабов ба зиндагии осоиштаи ӯ дахл карда, сабабгори вайрон шудани оилааш шудааст.

Ба иттилои ВУД феълан аз рӯи ин ҳодиса алайҳи Шаҳзода парвандаи ҷиноӣ оғоз гардида, тафтишот идома дорад.

500