Рустам Эмомали открыл новые поля для мини-футбола в Курган-Тюбе и Дангаре

Баҳси бозии "Истиқлол"-у "Хуҷанд" ва муроҷиат ба Рустам: доварон обрӯи футболро мерезонанд

1202
(Таҷдидшуда 15:33 01.07.2020)
Мухлисони клуби футболи Хуҷанд бо ироаи муроҷиатнома ба Рустами Эмомалӣ, Президенти Федератсияи футболи Тоҷикистон (ФФТ) аз амалкарди доварон изҳори нигаронӣ кардаанд

ДУШАНБЕ, 1 июл – Sputnik. Дар муроҷиатномаи худ мухлисони бошгоҳи футболи "Хуҷанд" аз Рустами Эмомалӣ тақозо намудаанд, ки ба доварон барои амалкардҳои ношоиста ва судури таъйинотҳои ғайрикасбиашон танбеҳ дода шавад, то ки онҳо ба чунин рафторҳои шубҳабарангези худ дар ҷараёни бозиҳои футбол хотима диҳанд.

"Мӯҳтарам раис! Саҳми Шумо оид ба пешрафт ва оммавӣ гардонидани футбол дар кишварамон беназир аст. Мо мухлисони футболи тоҷик аз тамоми канору гӯшаи кишварамон аз Шумо миннатдорем. Лекин обрӯю нуфузи Федератсияи футболи Тоҷикистонро доварону нозирон ва баъзе кормандони федератсия рафторҳояшон паст зада истодаанд”, омадааст дар муроҷиатнома.

Мухлисони футболи Хуҷанд бо нашри муроҷиатномаи худ дар саҳфаи расмии КФ “Хуҷанд” дар шабакаи Фейсбук гуфтаанд, ки дар даври 4-уми бозиҳои Лигаи олӣ ба маҳзи содир намудани хатогии доварон бозӣ миёни дастаҳои “Истиқлол” ва “Хатлон” ба ҳисоби 2-2 ба анҷом расид, ки чунин натиҷа бо хатоии довар сар зад.

Сардовари ин бозӣ Насрулло Кабиров буд ва ба делели роҳ додан ба хатогӣ Кумитаи интизомии ФФТ аз ҳаққи доварӣ дар 2 давр маҳрум намуд.

“Ҳаммаи инро дидаю дониста Лигаи футболи Тоҷикистон дар бозии марказии даври 7-ум байни дастаҳои “Истиқлол” ва “Хуҷанд” Насрулло Кабировро ҳамчун сардовари бозӣ эълон намуд. Дар ин бози низ Насрулло Кабиров якчанд қарорҳои нодуруст ё қасдан нодуруст баровард ва ба ҳисоби бозӣ таъсири худро расонид”,-зикр намудаанд мухлисон дар муроҷиатнома.

Бино ба таъкиди мухлисони футбол бозии даври 7-ум миёни дастаҳои “Истиқлол” ва “Хуҷанд” бо зиёд камбудиҳо баргузор шудааст, вале нозирону доварони бозӣ барои саривақт ислоҳ намудани камбудиҳо чораандешӣ карда натавонистаанд.

Бозӣ бидуни тамошобин: “Истиқлол” боз соҳиби суперҷоми Тоҷикистон шуд

“Дар вақти танаффус бозингарони “Истқилол” 30 дақиқа ба бози набаромаданд, вале сардовар ба ин амалкарди худсаронаи футболбозон ягон чора андешида натавонистааст”, омадааст дар муроҷиатнома.

Дар ҳамин ҳол Мурод Умаров, директори КФ "Хуҷанд" дар суҳбат ба Sputnik Тоҷикистон гуфт, муроҷиатномаи мухлисони дастаашро ба унвони Раиси ФФТ аз тариқи шабакаҳои иҷтимоӣ хондааст.

Ӯ гуфт, баъд аз танаффуси 15 дақақаи, футболболзони дастаи “Истиқлол” то даҳ дақиқа эътироз карда ба майдон набаромаданд.

“Футболбозон гуфтанд, ки то замони аз варзишгоҳ берун нашудани мухлисон, онҳо ба бозӣ идома нахоҳанд дод. Онҳо 8-9 дақиқа эътироз карда ба майдон набаромаданд. Дуруст аст, ки ҳоло тибқи дастури ФФТ баргузории бозиҳо бе иштироки тамошобинон бояд сурат бигирад, аммо масъалаи роҳ додан ё надодани тамошобин кори комиссари бозӣ аст, на хости футболбозон. Барои чи футболбозон чунин эътироз карданд, инро худошон медонанд, мо аз ин амалкарди онҳо ҳайрон мондем”, гуфт Умаров.

Директори КФ "Хуҷанд" иброз намуд, ки ба фаъолияти доварони футбол онҳо дахолат карда наметавонанд ва амали ғайриҳирфавии онҳо аз сӯи ФФТ баррасӣ карда мешавад.

Дастаи “Истиқлол” қаҳрамони феълии кишвар ноиби қаҳрамони мамлакат рӯзи 28-уми июн, дастаи “Хуҷанд”-ро бо ҳисоби 3:1 шикаст дод ва ба ин тартиб бо касби 19 хол мавқеи худро дар садри ҷадвали мусобиқоти Тоҷикистон ҳифз намуд.

Тими "Хуҷанд" баъд аз ин бохташ бо 13 имтиёз пас аз "Хатлон" дар ҷои 3-юм қарор гирифт.

Бино ба иттилои манобеъи огоҳ аз фаъолияти футболи кишвар ҳақмузди доварон ба ҳисоби сарулибоси варзишии онҳо дар бозиҳои Лигаи Олӣ ва Якум аз ҷониби ФФТ пардохт карда мешавад.

Дар ҳар як бозӣ то панҷ нафар довар сафарбар шуда ба онҳо аз 3, 7 то 4, 5 ҳазаор сомонӣ гонорар барои доварӣ дар ҳар як бозии Лигаи Олӣ ва Якум пардохт карда мешавад.

Ҳақмузди доварон дар Лигаи Дуюм бошад, бар души худи дастаҳо аст ва барои як бозӣ дастаи мизбон муваззаф аст, ки 1700 сомонӣ гонорари доварони бозиро пардохт намояд.

Шикасти "Хуҷанд" аз "Истиқлол" дар нахустин бозии марҳилаи гурӯҳии Ҷоми AFC-2020

Мухлисони футболи Хуҷанд дар муроҷиатномаи худ таъкид намудаанд, ки аз муносибати яктарафаи доварон боиси бешавқии мухлисон ба футболу коҳиши боварӣ нисбати Федератсияи Футболи Тоҷикистон мегардад.

Мухлисони футбол аз масъулини ФФТ хостори ислоҳ намудани доварон шудаанд.

1202
Арбитр показывает красную карточку на футбольном матче. Архивное фото

Аз 10 бозӣ маҳрум то 1000 сомонӣ ҷарима: ҷазои мураббии “Душанбе-83” барои таҳқири доварон

111
(Таҷдидшуда 15:10 09.07.2020)
Се намояндаи дастаи футболи пойтахт аз чанд бозӣ маҳрум ва ба ҷарима кашида шуданд: ҳамаи онҳо ба доварон «суханони сахт» гуфтанд

ДУШАНБЕ, 9 июл — Sputnik. Кумитаи назорат ва одоби ФФТ дар ҷаласаи ахири хеш масъулини дастаи  “Душанбе-83”-ро ҷаримаҳои калон ва аз иштирок дар бозиҳо маҳрум кардааст.

Тибқи иттилои дафтари матбуотии Федератсияи футболи Тоҷикистон,  сармураббии даста Мирзобек Мирзоев аз даҳ бозӣ маҳрум карда шуд ва барои таҳқири ҳайати доварон дар ин бозӣ ҳазор сомонӣ ҷарима шуд.

Эҳтимол, дар ин раванд ноиби президенти дастаи “Душанбе-83” Абдураҳим Мирзозода низ ба ӯ ҳамроҳ шуд. Барои таҳқири доварон, ӯ низ аз панҷ бозӣ маҳрум ва ҳазор сомонӣ ҷарима шуд.

Инчунин иштирокчии дигари муноқишаи лафзӣ бозигари даста Далер Имомназаров барои алфози қабеҳу таҳқиромез нисбат ба ҳайати расмии мусобиқаи қаҳрамонии Тоҷикистон байни дастаҳои Лигаи олӣ, аз ду бозӣ маҳруму 500 сомонӣ ҷарима шуд.

Ёдовар мешавем, ки бозии ҷавобӣ миёни дастаҳои “Душанбе-83” ва “Истаравшан” рӯзи 4 июл дар Варзишгоҳи марказии Ваҳдат баргузор шуда, ҳисоби ниҳоӣ 3:3 мусовӣ шуд.

111
Юношеская сборная Таджикистана (U-17) в равной борьбе уступила сборной Аргентине

Тими милии футболи Тоҷикистон барои бозии дӯстона ба шаҳри Тошканд меравад

76
(Таҷдидшуда 17:00 08.07.2020)
Футболбозони тими милии футболи Тоҷикистон санаи 4 сентябр дар шаҳри Тошканд бо тими милии футболи Ӯзбекистон рақобат хоҳанд кард

ДУШАНБЕ, 8 июл — Sputnik. Федератсияи футболи Тоҷикистон (ФФТ) ва Ассотсиатсияи футболи Ӯзбекистон барои баргузор намудани бозии дӯстона байни ин ду кишвар ба мувофиқа расиданд, иттилоъ додааст сомонаи расмии ФФТ.

Бино бар иттилои манбаъ, бозии дӯстона миёни ду тими миллӣ санаи 4 сентябр соли равон дар  шаҳри Тошканд баргузор мешавад. 

Инчунин манбаъ зикр кардааст, ки бозии дӯстона байни дастаҳои  мунтахаби  Тоҷикистон ва Ӯзбекистон қарор буд 31  март баргузор мешуд, вале бинобар сабаби паҳншавии бемории   коронавирус вақти баргузории ин дидор мавқуф гузошта шуда буд.

Бояд қайд, кард дастаҳои  мунтахаби Тоҷикистон ва Ӯзбекистон то ин замон  миёни якдигар 8 вохӯрӣ баргуор карда буданд. Маротибаи охир дастаҳо 15 ноябри соли 2011 дар  шаҳри Тошканд бозӣ карда буданд.

76
Барчаспҳо:
рақобат, Ӯзбекистон, Тошканд, Футбол, Тоҷикистон
Самолет на закате, архивное фото

Русия омода аст парвозҳоро ба 13 кишвар барқарор кунад

0
(Таҷдидшуда 15:46 09.07.2020)
Роспотребнадзор пешниҳод кардааст, ки бо назардошти беҳтар шудани вазъи эпидемиологӣ парвозҳо бо 13 кишвар барқарор карда шаванд

ДУШАНБЕ, 9 июл – Sputnik. Русия дар ду марҳила ҳамлу нақли байналмилалии ҳавоиро бо кишварҳои дигар  барқарор мекунад.

Ин тасмим аз ҷониби ситоди фаврӣ оид ба мубориза бо паҳншавии коронавирус дар кишвар пас аз як ҷаласа қабул карда шудааст.

Роспотребнадзор идеяи ситоди фавриро дастгирӣ намуд, кушодани парвозҳо ба 13 кишварро пешниҳод кардааст.

Мактуби дахлдорро Михаил Орлов, муовини сардори Раёсат ба Агентии федералии нақлиёти ҳавоӣ ва Вазорати нақлиёт фиристодааст.

Дар ин санад гуфта мешавад, ки пас аз таҳлили вазъи эпидемикӣ, Роспотребнадзор 13 кишварро ҳамчун номзад барои барқарор кардани парвозҳо дар марҳилаи аввал баррасӣ мекунад.

Сухан дар бораи Бритониё, Маҷористон, Олмон, Дания, Италия, Нидерландия, Норвегия, Лаҳистон, Финляндия, Чин, Ветнам, Муғулистон ва Шри Ланка меравад.

Казантсев сабабҳои барқарор кардани парвозҳо миёни Русия ва кишварҳои ИДМ-ро гуфт

Ҳамзамон, дар бораи шартҳои барқарор кардани парвозҳо ва имкони қабули шаҳрвандони Русия ба парвозҳо маълумоте нест.

Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.

Фаврӣ: 13 парвози дигар аз Русия ба Тоҷикистон дар моҳи июл - ҷадвали парвозҳо

Қаблан Агентии федералии нақлиёти ҳавоӣ ба фурудгоҳҳо ва ширкатҳои ҳавопаймоӣ дар бораи тамдиди манъи вуруди шаҳрвандони хориҷӣ ба Русия то 1 август дастур дода буд.

0