Заместитель главного редактора МИА Россия сегодня Андрей Благодыренко

Саргузаштҳо аз ҳаёт: Sputnik лоиҳаи "Москва-80: Ретро-tube"-ро рӯнамоӣ кард

130
(Таҷдидшуда 19:08 27.07.2020)
Дар шароити худинзовоии иҷборӣ бо далели пандемияи COVID-19 тарҳи махсуси оҷонсӣ лағви чорабинӣ бахшида ба 40-солагии Бозиҳои олимпиро, ки нақша доштнд бо супориши президент дар Маскав баргузор кунанд, ба андозаи кофӣ ҷуброн кард

Чунин баҳогузориро узви ифтихории Кумитаи байналмилалии олимпӣ, узви Кумитаи баргузоркунандаи Олимпиадаи Маскав Виталий Смирнов ҳангоми баромадаш дар конфронси бахшида ба оғози тарҳи "Москва-80: Ретро-tube" изҳор дошт.

20 июл, ҳамон рӯзе, ки 40 сол пеш дар СССР қисми варзишии Олимпиада-80 оғоз шуда буд, оҷонсии иттилоотӣ ва ридиои Sputnik аз оғози тарҳи вижаи "Москва-80: Ретро-tube" хабар дод.

Презентация олимпийского спецпроекта
© Sputnik / Владимир Трефилов
Презентация олимпийского спецпроекта

Махсус бо ҳамин баҳона дар маркази матбуотии байналмилалии "Россия сегодня" конфронси "Торихи олимпии Маскав" баргузор гардид.

Дар чорабинӣ узви кумитаи ташкилотии Олимпиада-80 Виталий Смирнов, аккос Сергей Гунеев,  ки мусобиқаҳоро аккосӣ мекард ва тавассути сӯҳбати видеоӣ чун қаҳрамони олимпии мунтахаби советӣ иштирок доштанд. Ҳамчунин ба ин сӯҳбат тавассути видео варзишкори амрикоӣ Фил Райли ҳамроҳ шуд, ки орзу дошт дар Олимпиада иштирок кунад, аммо бо далели бойкоти бозиҳо аз ҷониби Амрико натавонист ширкат варзад.

Дар шароити худинзовоии маҷбурӣ бо далели пандемияи COVID-19 тарҳи махсуси оҷонсӣ лағви чорабинӣ бахшида ба 40-солагии Бозиҳои олимпиро, ки нақша доштанд бо супориши президент дар Маскав баргузор кунанд, ба андозаи кофӣ ҷуброн кард.

 "Мо ба раисҷумҳур Владимир Путин ин пешниҳодро карда будем, ӯ моро дастгирӣ кард ва ба раиси шаҳри Маскав Сергей Собянин супориш дод, - мегӯяд Смирнов. - Мо нақша доштем, ки ба Маскав меҳмонони зиёд, аз ҷумла варзишгарон, президентони федератсияҳоро даъват кунем, кумитаи ташкилотиро созмон додем, аммо ба ҳамааш эпидемия садди роҳ шуд".

Афзун бар ин, бо шарофати тарҳи вижаи Москва-80: Ретро-tube" варзишгарони дорои медалҳои олимпиадаро ду ҳафта тариқи онлайн қадрдонӣ хоҳанд кард. Sputnik баробари варзишгарон ба роҳбаладон, тарҷумонҳо, кормандони маишӣ ва дигар нафароне ки Олимпиадаи 80-ро яке аз беҳтаринҳо гардониданд, диққат дод.

"Он рӯйдоди бесобиқа буд, - гуфт Виталий Смирнов. - Мо бояд садҳо ҳазор хориҷиро қабул мекардем, аммо меҳмонхонаҳои Маскав танҳо барои 40 ҳазор нафар буданд. Олимпиада -80 барои кишвар катализаторе гашт. Ба Маскав як терминали нави фурудгоҳ лозим буд ва дар натиҷа "Шереметьево-2" пайдо гардид. Дигар шаҳрҳо ба монанди Ленинград, Таллин, Минск ва Киев низ рушд карданданд".

Почетный президент Олимпийского комитета России, почетный член МОК Виталий Смирнов
© Sputnik / Владимир Трефилов
Почетный президент Олимпийского комитета России, почетный член МОК Виталий Смирнов

Ҷузъҳои шахсӣ

Ин тарҳи Sputnik  сирри зиёди Олимпиадаро ифшо хоҳад кард. Масалан, медалистон бори нахуст нақл карданд, ки ҳонорарҳои худро ба чӣ масраф карданд. Қаҳрамони чоркаратаи бозиҳои олимпӣ, президенти федератсияи шиноварии Русия Владимир Салников ба ёд меорад, ки мошин харида буд. 

"Бо се медал ман бе мушкилӣ метавонистам ки "Жигули" харам ва бисёр ифтихорманд низ будам, ки дар синни 20-солагӣ автомобили шахсии худро дорам", - мегӯяд вай.

Қаҳрамони дигари олимпӣ, Александр Сидоренко низ, ки мунтахаби ҶШС Украинаро муаррифӣ мекард, мошин харидааст, танҳо барои худаш неву барои падараш.

"Ӯ орзу мекард, ки "Волга" дота бошад, барои ҳамин ман пулҳоямро ба падарам додам", - мегӯяд варзишкор.

Варзишгарон мегӯяд, аз харидҳо дида, ҳиссиёти хурсандиву ифтихор бештар дар хотирашон нақш бастааст. Ба гуфтаи шиновар Сергей Фесенко, ӯ бо гирифтани медали тилло дарҳол дарк накард, ки чӣ дастовардеро ноил шуд, зеро бо делели ташхиси допинг дарҳол биноро тарк карда наметавонист.

" Ман ба "Олимпийская деревня" баргаштам, хоб кардам ва саҳари 4 бедор шудам ва ба фикр фурӯ рафтам, ки дирӯз дар ҳаёти ман чӣ гузашт",  - ба ёд меоварад ӯ.

Имкониятҳои нав

Аккоси номӣ Сергей Гунеев, ки то ҳол дар оҷонсии "Россия сегодня" кор мекунад, тавзеҳ дод ки чигуна тавонист беҳтарин аксҳои бозиро бигирад.

Ӯ барои аккосӣ кардани машҳуртарин акси "Давидан бо мамониятҳо"  як сол машқ мекард. 

"Барои камераро дар зери садди варзишгарон насб кардан, ман бо амният ва судяҳо ду рӯз баҳс кардам ва иҷозат гирифтам. Пленкаи он 36 кадр дошт ва 33-ми он  акси машҳур гардид", - нақл мекунад вай.
Специальный фотокорреспондент МИА Россия сегодня, лауреат World Press Photo, работавший на Олимпийских играх в Москве, Сергей Гунеев
© Sputnik / Владимир Трефилов
Специальный фотокорреспондент МИА "Россия сегодня", лауреат World Press Photo, работавший на Олимпийских играх в Москве, Сергей Гунеев

Қурбониёни бойкот

Шамшербози амрикоӣ Фил Райлӣ мегӯд, бештари варзигарон барои Бойкоти бозиҳо аз ҷониби Амрико ва дигар кишварҳо нигарон буданд.

"Мо намедонистаем, ки ба бозӣ меравем, ё не, аммо тамринро давом медодем. Бойкот - хело бад аст. Варзиш набояд бо сиёсат пойбаста шавад. Он бояд одамонро муттаҳид кунад. Варзиш - дӯстӣ, ошноӣ ва шиносоӣ бо фарҳангҳои мухталиф аст", - гуфт вай ҳангоми баромадаш.

Ба гуфтаи вай, узви мунтахаби Амрико оид ба шамшербозӣ дар бозӣ иштирок накарда бошад ҳам, онро пайгирӣ мекард.

Миқиёси беназир

Формати нашриётҳо дар ҳошияи лоиҳа гуногунанд: аз матн то навор. Аммо ҳар як маводро мӯҳраи хотирмоне оро медиҳад. Масалан, дар силсилафилми "Москва-80" дар як вақт чор муҷрӣ -  продюсери генералии телевизиони "МАТЧ ТВ" Тина Канделакӣ, шореҳи варзишӣ Дмитрий Губерниев, нависанда Дмитрий Пучков ва блогер Михаил Ронкаинен иштирок мекунанд.

Қисми аввали лоиҳаро ки ба амнияти Олимпиада бахшида шудааст, метавон ҳоло тамошо кард. Дигар қисмҳои филм дар бораи таъсири бозиҳои олимпӣ ба мӯд дар СССР, баргузории мусобиқаҳо ва фазои бозӣ бахшида шудааст.

Бо далели пандемияи коронавирус конфронси бахшида ба оғози лоиҳаи "Москва-80: Ретро-tube"  онлайн баргузор гардид. Аммо маҳз худинзивоӣ боиси рушди таҳ гардид, мегӯяд муовини сармуҳаррири оҷонсии "Россия сегодня" Андрей Благодиренко.

Дар шароити хона кормандони агентӣ имконият доштанд, ки ин тарҳро шавқовартар ва нигоҳи дигар ба нақша гиранд.

"Ин тарҳ имрӯз дар 13 вебгоҳҳо оғоз шуд. Аз болои он кормандони зиёди агентӣ чӣ дар Маскав ва чӣ аз бахшҳои миллии сайтҳо кор мекарданд. Мо бо ин лоҳи чӣ гуфтан мехостем? Пеш аз ҳама дар бораи зиндаги як кишвари бузург дар 40 соли пеш. Аз фазо: чигуна кишвар баъди баргузори бозиҳо тағйир кард ва ё ҷумҳуриҳои иттиҳод дар баргузори бозиҳо чӣ саҳме доштанд", - гуфт Андрей Благодиренко.

Феълан 13 вебгоҳи оҷонсӣ дар бораи Олимпиаде-80 200 мавод омода кардаанд, шумораи он то 3 август ба 250 мавод хоҳад расид, афзуд муовини сармуҳаррир.

"Мо аз ҳамагон даъват мекунем, ки лоиҳаи махсуси моро тамошо кунанд ва ба ёд оранд, ки Олимпиада-80 40 сол пеш чигуна баргузор шуда буд", - гуфт дар анҷом Андрей Благодиренко.

Бозиҳои тобистонаи олимпӣ соли 1980 дар Маскав, пойтахти Иттиҳоди Шӯравӣ аз 19 июл то 3 август баргузор шуда буд. Қисме аз бозиҳо дар Таллин, Киев, Ленинград ва Минск баргузор гардида буд. Он дар торихи Бозиҳои олимпӣ аввалин бозӣ дар ҳудуди Аврупои шарқӣ буд.

130
Таджикские мастера готовят подарок к зимней Олимпиаде в Пекине

Туҳфаи устоҳои тоҷик барои Бозиҳои зимистонаи олимпии Пекин

58
Ҷамшед Ҷӯраев ва Насим Негматов ду устои бомаҳорати тоҷик мебошанд, ки шӯҳрати наққошкориҳои онҳо берун аз Тоҷикистон ҳам паҳн шудааст

ДУШАНБЕ, 6 авг — Sputnik. Ҷамшед Ҷӯраев ва Насим Негматов ду устои машҳури тоҷик мебошанд, ки амалҳои ҷолиби наққошии онҳо иншоотҳои фарҳангӣ ва маконҳои дӯстдоштании кишварро оро медиҳанд. Ифтихори котиботи Созмони Ҳамкории Шанхай – толори рамзи қароргоҳи СҲШ – тариқи ҳамин ҳунар оро ёфтааст. 

Ҳамчунин, ороиши павилони СҲШ дар доираи Намоишгоҳи ҷаҳонии санъати боғдорӣ соли 2019 дар Пекин ба Ҷамшед ва Насим супорида шуда буд. Павилони СҲШ миёни меҳмонони намоишгоҳ машҳур шуд, хусусан ҳунари рассомон баҳои баланд гирифт.

Арчаи миллӣ бо розигии Президент: дастур барои насб пеши идораю хонаҳо - аксҳо

Кумитаи милли олимпии Тоҷикистон хабар медиҳад, ки устоҳои тоҷик омодагиро ба Бозиҳои зимистонаи олимпӣ, ки аз 4 то 20 феврали соли 2022 дар Пекин баргузор мешаванд, шуруъ карданд. Тилисми ин чорабинии бузурги варзишӣ – панда бо номи Бин-Дундун интихоб шудааст.

Зимнан, рассомони тоҷик тасмим гирифтаанд якчанд лавҳаро бо наққошии панда – ҳайвони дӯстдори миллионҳо нафар дар ҷаҳон – омода кунанд.

Дар доираи Бозиҳои олимпӣ, онҳо инчунин умед доранд, ки намоишгоҳ ташкил мекунанд ва ҳунарашонро ба пекиниҳо ва меҳмонони пойтахти Чин ошно менамоянд.

58
Барчаспҳо:
тоҷик, усто, туҳфа, Бозиҳои олимпӣ
Парвизҷон Умарбоев, нимҳимоятгари дастаи мунтахаби Тоҷикистон, бо тимаш Суперҷоми Булғористонро ба даст овард.

"Мессии тоҷик": Парвизҷон Умарбоев бо тимаш Суперҷоми Булғористонро соҳиб шуд

224
(Таҷдидшуда 11:15 04.08.2020)
Парвизҷон Умарбоев, нимҳимоятгари дастаи мунтахаби Тоҷикистон, ки дар дастаи “Локомотив” (Пловдив) бозӣ мекунад, бо тимаш Суперҷоми Булғористонро ба даст овард

ДУШАНБЕ, 4 авг — Sputnik. Тибқи иттилои Федератсияи футболи Тоҷикистон, дар бозӣ барои Суперҷом “Локомотив” (Пловдив) қаҳрамони Булғористон “Лудогоертс”-ро бо ҳисоби 1:0 шикаст дод.

Ба иттилои манбаъ, умарбоев дар ҳайати “Локомотив” 90 дақиқа ҳунарнамоӣ кард.

Гуфта мешавад, ин сеюмин дастовардест, ки Парвизҷон Умарбоев дар ҳайати “Локомотив”-и Пловдив соҳиб шудааст.

Қабл аз ин футболбози тоҷик ду маротиба ҳамроҳ бо тимаш Ҷоми Булғористонро ба даст овардааст.

Дар ҳайати “Локомотив” Умарбоев имсол дар даври муқаддамотии Лигаи Аврупо-2020/2021 бозӣ хоҳад кард.

Ёдовар мешавем Парвизҷон Умарбоев сар аз соли 2016 дар ҳайати  “Локомотив” ҳунарнамоӣ карда, давоми ҷаҳор соли фаъолияташ дар беш аз 100 бозӣ ширкат кардааст.

Парвизҷон Умарбоев аз бозигарони шинохтаи кишвар буда миёни ҳаводоронаш бо "Мессии тоҷик" шинохта шудааст.

 

224

10 миллион нафар дар Афғонистон мубталои коронавирус шуданд

0
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

0
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон