Хабиб Нурмагомедов, боец смешанного стиля, чемпион абсолютного бойцовского чемпионата (UFC) в легком весе

Ҳабиб иқрор шуд, ки пас аз марги падараш дар бораи анҷоми карерааш фикр мекард

296
(Таҷдидшуда 09:51 16.08.2020)
Қаҳрамони UFC Нурмуҳаммадов гуфт, ки фикр кардан дар бораи падараш ба ӯ ангезаву қувваи нав медиҳад.

ДУШАНБЕ, 16 авг — Sputnik.  Ҳабиб Нурмуҳаммадов, дорандаи камарбанди қаҳрамони чемпионати мутлақи (UFC) дар вазни сабук, иқрор шуд, ки пас аз марги падараш дар бораи хотимаи касби варзишияш фикр мекард.

Размикори доғистонӣ ин нуктаро ахиран зимни як нишати хабарӣ бо рӯзноманигорон изҳор доштааст.

“Ҳар гуна фикрҳо гуногун дар бораи хотимаи собиқаи варзишӣ омадан, аммо ман дар пеш муҳориба дорам. Ман ба қарибӣ 32-сола мешавам ва аллакай собиқадори ин варзишам, зиёда аз 8 сол аст дар UFC ҳастам. Ҳоло мехоҳам рақобат кунам, бо чизе банд бошам”,-гуфт, размикор.

Қаҳрамони UFC қайд кард, ки машқ ба ӯ кӯмак мекунад, ки аз фткрҳо дур шавад.

Расман, санаи баргузории муҳорибаи Ҳабиб ва Гэтҷи дақиқ шуд

Нурмуҳаммадов ҳамчунин илова намуд, ки фикр кардан дар бораи падараш ба ӯ ангезаву қувваи нав медиҳад.

"Шояд ин ҳиссиёт маро ба сатҳи нав бардорад, ба ман қувват бахшад".

296
Барчаспҳо:
размикор, қаҳрамони UFC, Ҳабиб Нурмуҳаммадов
футзал, акс аз бойгонӣ

Барои "Сипар" як ғалабаи дигар даркор то чемпиони Тоҷикистон шавад

59
(Таҷдидшуда 22:27 19.10.2020)
Кумитаи миллии олимпии Тоҷикистон мегӯяд, барои дастаи “Сипар”-и шаҳри Хуҷанд як пирӯзии дигар даркор аст, то қаҳрамони кишвар дар риштаи футзал шавад

ДУШАНБЕ, 19 окт – Sputnik. Тибқи иттилои Кумитаи миллии олимпӣ, дастаи “Сипар”-и шаҳри Хуҷанд бар тими “Соро компания”-и пойтахт дар ду силсилабозиҳои финали лигаи касбии футзали Тоҷикистон -2020 ғалаба карда, ба дарёфти унвони чемпионӣ наздик шуд.

"Бозии аввали дастаҳои мусовӣ (1:1) анҷом ёфт, вале дар задани силсилаи пеналтӣ бахти хуҷандиҳо омад кард – 4:3. Дар бозии дуюм бошад, “Сипар” бо ҳисоби 6:2 бар “Соро компания” ғолиб омад. Ҳар ду бозии аввал дар шаҳри Хуҷанд баргузор шуданд", - омадааст дар иттилоия.

Кумитаи миллии олимпӣ афзуд, ки ҳамин тариқ, клуби Хуҷанд дар силсилаи бозиҳо бо ҳисоби 2:0 пешсаф аст ва пас аз як ғалабаи дигар аввалин бор чемпион хоҳад шуд.

Зикр гардид, ки бозии навбатии дастаҳо 24 октябр сурат мегирад. “Соро компания” дар Душанбе “Сипар”-ро қабул мекунад.

Инчунин дар ду бозӣ барои ҷои сеюм бошад, дастаи “Муҳоҷир”-и шаҳри Душанбе бар тими “Истаравшан” ғалаба кард. Дар бозии аввал бо ҳисоби 8:5, дар бозии дуюм бо ҳисоби 6:5, тавзеҳ дод Кумитаи миллии олимпӣ. 

Футболбозони “Муҳоҷир” дар силсилаи бозиҳо барои ҷои сеюм бо ҳисоби 2:0 пешсафанд ва мумкин аст дар бозии навбатӣ медалҳои биринҷии лигаи касбии футзали Тоҷикистонро ба даст биёранд.

59
Барчаспҳо:
футзал, Кумитаи миллии олимпӣ, Тоҷикистон

Пеш аз муҳориба: бародари Ҳабиб Нурмуҳаммадов фавран дар беморхона бистарӣ шуд

574
(Таҷдидшуда 00:30 19.10.2020)
Умар Нурмуҳаммадовро бо нишонаҳои зуком, таб ва қайкунӣ фавран дар яке аз беморхонаҳои Дубай бистарӣ кардаанд

ДУШАНБЕ, 19 окт — Sputnik. Бародари размикори доғистонӣ ва қаҳрамони варзиши сабуки UFC Ҳабиб Нурмуҳаммадов, варзишкори муҳорибаи омехта Умар Нурмуҳаммадов ба таври таъҷилӣ дар беморхонаи Дубай бистарӣ шудааст.

Гуфта мешавад, ки Умарро бо нишонаҳои зуком ба беморхона интиқол додаанд.

"Умар Нурмуҳаммадов дарӣ як беморхонаи Дубай бо зукоми шадид, таб ва қайкун бистарӣ шуд",- гуфааст тими размикор.

Ба гуфтаи Ҳабиб Нурмуҳаммадов, бародараш чанд рӯз пеш бемор шудааст. Табибон ба варзишгар сирояти стафилококк ташхис доданд.

“Субҳи имрӯз, пеш аз парвоз ба Абу-Даби, ӯ худро бадтар ҳис кард ва дар беморхонаи Дубай бистарӣ шуд. Саломат бош бародарам, ин маънои онро дорад, ки тақдир чунин будааст",- навиштааст, Ҳабиб Нурмуҳаммадов.

Бо сабаби беморӣ, муборизаи Умар Нурмагомедов бо як муборизи қазоқистон Сергей Морозов дар доираи мусобиқаи UFC 254 лағв шуд.

574
Офис в здании МИА Россия сегодня в Москве.

Тоҷикистон мехоҳад дуркориро қонунӣ кунад

0
(Таҷдидшуда 16:03 20.10.2020)
Вакилони Маҷлиси намояндагон масъалаи қонунӣ намудани кори фосилавӣ дар ҷумҳуриро баррасӣ намуданд

ДУШАНБЕ, 20 окт — Sputnik. Дар ҷаласаи рӯзи 19 - уми октябр вакилони парлумон лоиҳаи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мусоидат ба шуғли аҳолӣ" - ро мавриди баррасӣ қарор доданд, хабар медиҳад котиботи Маҷлиси намояндагони МО Тоҷикистон. 

Дар ҷаласа қарор қабул гардид, ки бар асоси он ба як қатор қонунҳо тағйирот ворид гардид.  Аз ҷумла ҷорӣ намудани мафҳуми "кори фосилавӣ" мебошад.

Вобаста ба тағйироти пешниҳодгардида ба моддаи 1 қонуни амалкунанда сархатҳои якум, ҳаштум ва дувоздаҳум, ки фарогири мафҳумҳо оид ба "бекорӣ", "кори мувофиқ" ва "мақомоти ваколатдори давлатӣ дар соҳаи меҳнат ва шуғли аҳолӣ" мебошанд, дар таҳрири нав  баён карда шуда, ҳамзамон сархати нуҳум бо мазмуни "кори фосилавӣ" илова карда шудааст. Ин чунин маъно дорад, ки дар оянда фаъолияти меҳнатии онҳоро Кодекси меҳнати Тоҷикистон муайян мекунад.

Вазъи шадиди COVID - 19 дар Русия: 16 ҳазор мариз ва фавти 179 кас дар як рӯз

Зимнан, дар шаҳри Маскав бар тибқи қарори Сергей Собянин низоми дуркориро тамдид карда шуд.

"Аз 28 сентябр ба сокинони солхӯрдаи шаҳри Маскав ва ашхоси гирифтори бемориҳои музмин хонашинӣ ва ба раҳбарияти ташкилоту корхонаҳо ба низоми дуркорӣ гузаронидани коргарон, тавсия дода мешавад", - таъкид мешуд дар қарори Собянин

Ба гуфти раиси шаҳр, барои баромадан аз хона ягон намуди ҷарима ҷорӣ намешавад. Кортҳои нақлиётии одамони солхӯрда дар нақлиёти ҷамъиятӣ бекор нашуда, варзиши оммавӣ низ иҷоза дода мешавад.

0
Барчаспҳо:
кор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон