Чемпионат Таджикистана-2020

Боз "Истиқлол" пирӯз шуд: ғолибони Чемпионати Тоҷикистон муайян шуданд

85
Ғолибони даври дувоздаҳуми Чемпионати Тоҷикистон муайян шуданд. Дастаи "Истиқлол"-и Душанбе боз пирӯз шуд

ДУШАНБЕ, 17 авг — Sputnik. Чанде пеш дар варзишгоҳҳои Тоҷикистон бозиҳои даври дувоздаҳуми Чемпионати Тоҷикистон байни дастаҳои Лигаи олӣ  хҷамъбаст шуд, хабар медиҳад ФФТ.

 Дар ин давр дастаҳои футболи "Истиқлол"-и шаҳри Душанбе  бо  "Хуҷанд"-и шаҳри Хуҷанд, КМВА бо "Кӯктош"-и ноҳияи Рӯдакӣ, "Душанбе-83"-и Душанбе  бо "Регар-ТадАЗ"-и Турсунзода,  "Файзканд"-и ноҳияи Восеъ  бо "Хатлон"-и шаҳри Бохтар   ва "Локомотив-Помир"-и шаҳри Душанбе  бо  "Истаравшан"-и шаҳри Истаравшан   байни  ҳам рақобат карданд. 

Дар Чемпионати Тоҷикистон оид ба футбол миёни дастаҳои Лигаи олӣ талош на танҳо барои сазовор шудан ба  медалҳо, балки баҳри  мондан дар  ин Лига шиддат мегирад. Бо фарқияти панҷ хол чор даста дар ҷойҳои аз 2-юм то 5-ум мавқеъ гирифтаанд.

Дар бозиҳои даври дувоздаҳуми чемпионат дастаи  "Истиқлол"-и шаҳри  Душанбе  бар дастаи "Хуҷанд"-и шаҳри Хуҷанд бо ҳисоби калони  4:0 ғолиб омад. Пас аз ин пирӯзӣ фарқияти ҷойгиршавии дастаи "Истиқлол"-и  Душанбе  бо дастаи "Хуҷанд"-и Хуҷанд  11 холро ташкил дод. Голҳоро дар ин дидор Манучеҳр Ҷалилов, Муҳаммадҷон Раҳимов, Алишер Ҷалилов ва Табрези Давлатмир ба нишон расониданд.

Дар бозии дигари ин давр дастаи КМВА дар майдони худ аз дастаи футболи  "Кӯктош"-и ноҳияи Рӯдакӣ  бо ҳисоби 1:5 мағлуб шуд. Дар ҳайати  дастаи  ғолиб Муҳсинҷон Абдуғаффоров ду тӯб, Собирҷон Холматов, Принс Артур ва Мбеке Диеудонӣ яктӯбӣ ба ҳадаф расонданд.

Дастаи  футболи  "Душанбе-83"-и шаҳри Душанбе  дар Варзишгоҳи марказии шаҳри Ваҳдат ба дарвозаи "Регар-ТадАЗ"  се голи беҷавоб зад. Голҳои задаи Элчибек Рашидбеков, Агблей Ҷонсон ва Колинс Адухене ба  дастаи "Душанбе-83"-и шаҳри Душанбе  се хол оварданд.

Дастаи  футболи  «Хатлон»-и  шаҳри Бохтар ба дуюмин  бохти пайдарпай рӯ ба рӯ шуд. Дар даври 12-ум дастаи  Аслиддин Ҳабибуллоев дар шаҳри  Кӯлоб аз дастаи "Файзканд"-и ноҳияи Восеъ бо ҳисоби  2:1 шикаст хӯрд.  Пирӯзии восеъгиҳо тавассути зарбаҳои нишонраси Шарафҷон Солеҳов ва Анвар Муродов имконпазир гардид.

Бозӣ миёни дастаҳои футболи  "Локомотив-Помир"-и шаҳри Душанбе  ва "Истаравшан"-и  шаҳри  Истаравшан, ки барои мондан дар Лигаи олӣ мубориза мебаранд, мусовӣ – 2:2 анҷом ёфт.
То анҷоми Чемпионати Тоҷикистон шаш даври дигар боқӣ монд.

Ҷадвали мусобиқаро дастаи футболи  "Истиқлол"-и шаҳри Душанбе  бо 34 хол устуворона роҳбарӣ мекунад. Дар мавқеи дуюм  дастаи футболи  "Хуҷанд"-и шаҳри Хуҷанд  бо 23 хол қарор дорад. Дастаи  "Хатлон"-и шаҳри Бохтар бо 21 хол дар ҷои сеюм аст. Дастаи  "Кӯктош"-и ноҳияи Рӯдакӣ  бо 19 хол ба ҷои чоруми ҷадвал баромад.

Ёдовар мешавем, ки  бозиҳои даври навбатӣ 23-24 август баргузор мешаванд. 

85
Открытие спортивного клуба «Парвиз Собиров» в Фирдавсинском районе Душанбе

Ҷаҳонпаҳлавон Парвиз Собиров дар Душанбе клуби варзишӣ сохт: Раҳмон онро ифтитоҳ кард

444
(Таҷдидшуда 17:54 29.09.2020)
Тамоми таҷҳизотҳои варзишӣ дар асоси фармоиши махсус дар шаҳри Гуанчжоуи Ҷумҳурии Мардумии Чин бо сифати ҷавобгу ба талаботи стандартҳои ҷаҳонӣ сохта шудааст

ДУШАНБЕ, 29 сен – Sputnik. Эмомалӣ Раҳмон, президенти кишвар ва Рустами Эмомалӣ, шаҳрдори пойтахт дар ноҳияи Фирдавсии Клуби варзишии “Парвиз Собиров”-ро мавриди баҳрабардорӣ қарор доданд.

Бино ба иттилои дафтари матбуотии президент, муассиси клуби варзишӣ ҷаҳонпаҳлавон Парвиз Собиров мебошад ва толор бо риояи тамоми меъёрҳои сохтмонию меъморӣ ба маблағи 2 милиону 400 ҳазор сомонӣ аз ҳисоби даромади шахсии ӯ бунёд шудааст.

Ба иттилои манбаъ, иншооти варзишӣ аз 2 ошёна иборат буда, масоҳати зери сохтмони он 468 метри мураббаъро ташкил дода, дар он 15 нафар соҳиби ҷойи кори доими гардидаанд.

“Тамоми таҷҳизотҳои варзишӣ дар асоси фармоиши махсус дар шаҳри Гуанчжоуи Ҷумҳурии Мардумии Чин бо сифати ҷавобгу ба талаботи стандартҳои ҷаҳонӣ сохта шудааст”,-афзудааст манбаъ..

“Дар ошёнаи якум толори машқи бадан дорои 45 намуд тренажёр барои 55 намуди варзиши чор гурӯҳ ҳар кадоме бо 20 нафарӣ дар ду баст, утоқи кории роҳбари маҷмаа, ҳуҷраи кории мураббиён, ҷойи ивазкунии сару либос, ҳаммом ва ҳоҷатхона дар ошёнаи дуюм толори машқу тамрини гуштини тарзи дзюдо барои 4 гурӯҳ ҳар кадоме бо 20 нафарӣ дар ду баст, дар маҷмуъ барои 100 нафар сохта шудааст”,-афзудааст манбаъ.

Гуфта мешавад, дар таҳхонаи бино ояндаи наздик дар нақша аст, ки барои занону бонувон толори машқи бадан бо тамоми таҷҳизот ба истифода дода шавад. Таҷҳизоти зарурии машқу тамрин харидорӣ шудааст.

 

444
Барчаспҳо:
варзишгар, паҳлавон, Душанбе, Тоҷикистон
Борьба гуштингири, архивное фото

Тасдиқи ҷадвали нави мусобиқоти куштӣ дар соли 2021

72
(Таҷдидшуда 14:10 28.09.2020)
Иттиҳоди ҷаҳонии куштӣ – “UWW” тақвими чорабиниҳояшро барои соли 2021 бо сабаби пандемияи COVID-19 ва пайомадҳои он бозбинӣ кард

ДУШАНБЕ, 28 сен — Sputnik. Чемпионатҳои қоравӣ аввали сол, қабл аз мусобиқаҳои интихобии Бозиҳои олимпии Токио-2020 ба нақша гирифта шуданд, хабар дод Кумитаи миллии олимпии Тоҷикистон.

Манбаъ афзуд, ки аз ҷумла, Чемпионати Осиё миёни калонсолон 16-21 феврали соли 2021 дар шаҳри Алмаатои Қазоқистон баргузор мешавад.

“Рӯзи 26-28 марти 2021 бошад, дар шаҳри Сияни Чин мусобиқаи интихобии Бозиҳои олимпии Токио дар қораи Осиё ба нақша гирифта шудааст. Сипас, аз 29 апрел то 2 май шаҳри Софияи Булғористон мизбони мусобиқаи интихобии олимпии ҷаҳонӣ хоҳад буд”, - омадааст дар иттилоия.

Инчунин чемпионати ҷаҳон миёни наврасон ба охири моҳи июл гузаронида шуд, то ба Бозиҳои олимпӣ халал нарасонад. Зикр гардид, ки фарқ миёни чемпионати ҷаҳон ва чемпионатҳои қоравӣ миёни наврасон набояд камтар аз як моҳ бошад.

Кумитаи миллии олимпии Тоҷикистон тавзеҳ дод, ки ба далели ба таъхир афтодани Бозиҳои олимпии наврасон-2022 чемпионатҳои қоравӣ миёни наврасон дар соли 2022 аз нав охири моҳи июн баргузор хоҳанд шуд.

72
Барчаспҳо:
мусобиқа, сабқати кушоди куштӣ, Ҷаҳон, Тоҷикистон
Люди в защитных масках

41 нафар мариз шуданду 48 кас шифо ёфтанд: омори нави коронавирус дар Тоҷикистон

0
(Таҷдидшуда 18:24 29.09.2020)
Вазорати тандурустии Тоҷикистон омори нави сироят, фавту шифоёбии шаҳрвандон аз маризии коронавирусро нашр намуд

ДУШАНБЕ 29 сен – Sputnik. Шабонарӯзи гузашта дар Тоҷикистон 41 мавриди нави сироятшавӣ ба COVID-19 сабт гардид, хабар медиҳад Вазорати тандурустии кишвар.

Ба иттилои манбаъ, шабонарӯзи гузашта 72 нафар гумонбарон зери назорати табибон қарор дошта, 48 нафар баъд аз муолиҷа ба хонаҳояшон рухсат дода шуданд.

Манбаъ меафзояд, дар муддати аз 30 апрел то 29 сентябр шумораи гирифторони коронавируси нав ба  9 726 нафар расид. 

Дар Қазоқистон 6 толибилми мактаб гирифтори коронавирус шуданд

Гуфта мешавад дар Тоҷикистон то кунун 8531  нафар ё худ 87,7 дарсади гирифторон шифо ёфта, 75 нафар вафот кардаанд.

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

0
Барчаспҳо:
вазорати тандурустӣ, омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон