Футбол, архивное фото

Баъди шикасти ҳангомавӣ: "Барселона" сармураббияшро барканор кард

244
(Таҷдидшуда 11:04 18.08.2020)
Тими футболи “Барселона”-и Испания пас аз шикасти ҳангомавӣ аз тими “Бавария”-и Олмон сармураббияш Кике Сетенро аз мақомаш барканор кард

ДУШАНБЕ, 18 авг — Sputnik.  Бозии “Барселона” ва “Бавария”дар даври чорякниҳоии бозиҳои Лигаи қаҳрамонҳо санаи 14 август доир гашта, бо ҳисоби 2:8 хотима ёфт.

Тибқи иттилои сомонаи бошгоҳи “Барселона” тасмими барканории Кике Сетен аз сӯи Шӯрои директорони даста гирифта шуд.

"Ин аввалин қарор дар доираи як сохтори васеътари бозсозии дастаи асосӣ мебошад, ки байни котиботи феълии техникӣ ва мураббии нав мувофиқа карда мешавад ва дар рӯзҳои наздик эълон хоҳад шуд", гуфта мешавад дар изҳороти нашркардаи тим.

Сетен моҳи январи имсол роҳбарии “Барселона”-ро бар ӯҳда гирифт. Қаблан ӯ ҳамзамон тимҳои дигари испанӣ, дастаи миллии Гвинея ва дастаи футболи соҳилии Русияро тамрин додааст.

Бино ба тахмини расонаҳои испанӣ номзади эҳтимолӣ ба вазифаи сармураббигии бошгоҳи шинохтаи ҷаҳон мутахассиси голандӣ Роналд Коумен аст.

Ба иттилои расонаҳо варзишии ҷаҳон, директори иҷроияи тими каталониҳо Оскар Грау барои бастани шартнома бо Коуман ба Амстердам парвоз кард. Пас аз бозгашт ба Испания, ӯро дар фурудгоҳ рӯзноманигорон пешвоз гирифта, аз ӯ дар бораи мураббии эҳтимолии нав пурсидаанд. Грау гуфтааст, "Бале, мо бо Коуман гуфтугӯ кардем."

Хотиррасон мекунем, ки тими "Барселона" то охири мавсими имсола натавонист ҷоизаро ба даст орад.

244
Барчаспҳо:
Сармураббӣ, барканор, футбол, "Барселона"
Игор Черевченко, акс аз бойгонӣ

Cобиқ футболбози тими миллии Тоҷикистон, сармураббии “Химки” шуд

145
(Таҷдидшуда 19:28 25.09.2020)
Дастаи “Химки” дар пайи қатъи шартнома бо сармураббӣ Дмитрий Гунко хабар дод, ки Игор Черевченко сармураббии нави тим таъйин гардид

ДУШАНБЕ, 25 сен - Sputnik. Собиқ сармураббии тими “Арсенал”-и Тула, Игор Черевченко ба мақоми сармураббии дастаи “Химки” таъйин шудааст, хабар дод бошгоҳ дар саҳифааш.

Рӯзи 21 сентябр маълум шуд, ки бошгоҳи “Химки” ҳамкориро бо мураббии собиқ Дмитрий Гунко қатъ мекунад, ки дар ин бора хадамоти матбуоти даста хабар дод.

Черевченко дар тӯли камтар аз як сол чорумин мураббии клуби вилояти Маскав шуд.

Дмитрий Гунко тавонист камтар аз ду моҳро дар даста гузаронад. Таҳти роҳбарии Гунко, “Химки” ба зинаи охир дар ҷадвали “РПЛ” фаромад.

Черевченко 46-сол дошта, писари Геннадий Черевченко, аз бозингарони маъруфи дастаи “Помир”-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

145
Барчаспҳо:
Футбол, Русия
Арбитр Сайёджон Зайниддинов из Душанбе

Довари ФИФА Саидҷон Зайниддинов аз ширкат дар ду даври бозиҳои Лигаи олӣ маҳрум шуд

133
Дар дақиқаи 56-уми бозӣ довари асосӣ баро хатоӣ зарбаи 11-метра ба дарвозаи дастаи “Файзканд” таъйин накард, қайд мекунад хадамоти матбуотӣ

ДУШАНБЕ, 25 сен - Sputnik. Кумитаи доварони Федератсияи футболи Тоҷикистон довари ФИФА Сайёҷон Зайниддиновро аз хидмати бозиҳои Лигаи футболи кишвар барои ду давра маҳрум кард, иттилоъ медиҳад хадамоти матбуоти ФФТ.

Кумитаи доварони ФФТ ҳисоботи нозири доварони бозии даври шонздаҳуми чемпионати Тоҷикистон байни дастаҳои лигаи олӣ “Файзканд” – “Душанбе-83” (1: 1) Абдулло Алимовро аз ноҳияи Ҳамадонӣ баррасӣ кард, ки ба сардовари бозӣ Сайёдҷон Зайниддинов баҳои ғайриқаноатбахш дод.

Дар дақиқаи 56-уми бозӣ довари асосӣ баро хатоӣ зарбаи 11-метра ба дарвозаи дастаи “Файзканд” таъйин накард, қайд мекунад хадамоти матбуотӣ

View this post on Instagram

РЕФЕРИ ФИФА САЙЁДЖОН ЗАЙНИДДИНОВ ОТСТРАНЕН ОТ СУДЕЙСТВА НА ДВА ТУРА Судейский комитет Федерации футбола Таджикистана отстранил столичного рефери ФИФА Сайёджона Зайниддинова от обслуживания матчей под эгидой Футбольной лиги страны на два тура. Судейский комитет ФФТ рассмотрел рапорт инспектора судей матча шестнадцатого тура чемпионата Таджикистана среди команд высшей лиги «Файзканд» – «Душанбе-83» (1:1) Абдулло Алимова из района Хамадони, который поставил неудовлетворительную оценку главному арбитру Сайёджону Зайниддинову. На 56-й минуте матча главный арбитр ошибочно не назначил 11-метровый удар в ворота команды «Файзканд». Ознакомившись и обсудив данный вопрос, судейский комитет ФФТ решил в соответствии со статьей 2 пункта 2 и подпункта 2.3 Дисциплинарного кодекса судей ФФТ, отстранить арбитра Сайёджона Зайниддинова от обслуживания всех матчей под эгидой ФЛТ на два тура.

A post shared by TAJIKISTAN FOOTBALL FEDERATION (@fft_official) on

Пас аз шиносоӣ ва баррасии ин масъала, Кумитаи доварони ФФТ тасмим гирифт, ки довар Сайёҷон Зайниддиновро аз тамоми бозиҳои таҳти сарпарастии ФЛТ барои ду давра маҳрум кунад.

133
Барчаспҳо:
довар, футбол, ФФТ, Тоҷикистон
Приветственная арка перед въездом в город Нурек в Таджикистане, архивное фото

Супориши Маликшо Неъматзода: барои пешгирӣ аз Covid-19 тадбирҳои иловагӣ андешед

0
(Таҷдидшуда 15:40 26.09.2020)
Раиси шаҳри Норак ба масъулини дахлдор супориш додааст, ки барои пешгирӣ аз Covid-19 тадбирҳои иловагӣ андешанд ва ба маъракаҳои барӯйхатгирии аҳолӣ ва интихоботи президнтӣ ҷидди омодагӣ гиранд

ДУШАНБЕ, 26 сен — Sputnik. Бино ба иттилои дафтари матбуоти раиси шаҳри Норак, ахиран дар толори хурди мақомотии шаҳри Норак машварати кории раиси шаҳр Неъматзода Маликшо Маҳмадшо бо иштироки шахсони масъул баргузор гардид.

Гуфта шудааст, ки дар рафти кори машварат чаҳор масоили муҳим баррасӣ гардид.

Тибқи иттилои манбаъ раиси шаҳр ба андешидани тадбирҳои иловагӣ ҷиҳати пешгирӣ аз бемории Covid-19 супоришҳои қатъӣ додааст.

Ҳамзамон гуфта шудааст, ки раиси шаҳри Норак бо масъулин масоили  натиҷагирӣ аз фаъолияти Ситоди шаҳрӣ оид ба даъвати тирамоҳии наваскарон ба хизмати ҳарбӣ, ҳисоботи гурӯҳи корӣ оид ба ташкилу баргузор намудани маъракаи ҷумҳуриявии барӯйхатгирии аҳолӣ ва масъалаи омодагии ҳавза ва участкаҳои интихобот оид ба баргузории чорабинии муҳими сиёсӣ, интихоботи Президенти Тоҷикистон баррасӣ кард.

 Зикр гардидааст, ки дар асоси гузоришҳо мавзуъҳои баррасишаванда натиҷагирӣ гардида, диққати масъулин ба иҷрои саривақтии камбудиҳои ҷойдошта равона гардид.

0
Барчаспҳо:
вируси корона, Интихоботи президентӣ, пешгирӣ, супориш, Норак, Тоҷикистон