Национальная сборная Таджикистана провела заключительную тренировку в Куала-Лумпуре

Бозии Тоҷикистон - Ӯзбекистон: ҳайати тими миллӣ маълум шуд

151
(Таҷдидшуда 11:59 22.08.2020)
Ҳайати мураббиёни тими миллии Тоҷикистон номи 24 нафар бозигаронро эълон кард, ки барои бозии дӯстона бо тими миллии Ӯзбекистон дар моҳи сентябр ба Тошканд хоҳанд рафт

ДУШАНБЕ, 22 авг — Sputnik. Дастаи мунтахаби миллии Тоҷикистон ҳайати дастаро барои бозии дӯстона бо тими миллии Ӯзбекистон эълом кард, хабар медиҳад Федератсияи футболи Тоҷикистон.

Сармураббии тими миллии Тоҷикистон Усмон Тошев, барои рақобати дӯстона 24 бозигарро ҷамъ овардааст.

Ба ҳайати мунтахаби миллии Тоҷикистон дарвозабонҳо Шоҳрух Киргизбоев аз “Локомотив-Помир” ва Қурбоналӣ Бобоев аз “Куктош” шомиланд.

Ҳамлагарони тими миллӣ бозигарони “Истиқлол” Манучеҳр Ҷалилов ва Шериддин Бобоев, инчунин се бозигари дастаи “Хуҷанд” Ҷаҳонгир Эргашев, Дилшод Бозоров ва Тоҳир Малодустов интихоб шудаанд.

Гуфта мешавад, ҳимоятгарон ва нимҳимоятгарон футболбозони дастаҳои мисоли “Истиқлол”, “Локомотив-Помир”, “Истаравшан”, “Хатлон”, “Файзканд”, “Душанбе-83” ва инчунин легионери Ҳиндустон азтими “Мохун Баган” мебошанд.

Ҳамчунин ҳимоятгари “Бунёдкор” -и Тошканд Давронҷон Эргашев низ ба тими миллии дар Тошканд пайваст хоҳад шуд.

Мунтахаби футболи Тоҷикистон бе ягон бозии расмӣ мавсими 2020-ро ҷамъбаст мекунад

Дар ҳамин ҳол, дарвозабони "Истиқлол" Рустам Ятимов, ки дар бозии дӯстона бо тими миллии Малайзия корти сурх гирифтааст, дар бозӣ тибқи муқаррароти FIFA ширкат карда наметавонад.

Қарордоди ҳамлагари мунтахаби футболи Тоҷикистон бо 18 карата қаҳрамони Молдова

Ҳайати мураббиён бо роҳбарии Усмон Тошев омодагӣ ба бозии 3 сентябр дар Тошканд пешбинишударо 25 август оғоз мекунанд.

151

"Боз як Ҳабиб дар UFC": рекорди нави варзишгар дар 17 сония - видео

104
(Таҷдидшуда 14:41 20.09.2020)
Дар Лас-Вегас бозии UFC Fight Night 178 баргузор гардид, ки дар он варзишкори чеченӣ дар ин намуди варзиш рекорди нав гузошт

ДУШАНБЕ, 20 сен — Sputnik. Размикори чеченӣ Ҳамзат Чимаев, ки аз номи Шветсия мусобиқа мекунад, торафт машҳур мешавад.

Чанде пеш дар Лас-Вегасе мусобиқаи UFC Fight Night 178 баргузор гардид, ки дар он варзишкор бори нуҳум паиҳам пирӯз шуд.

Чимаев бо варзишкори амрикоӣ Ҷералд Миршерт ба майдон баромад. Ин бозии басо тезутунд, танҳо чанд сония давом карду халос.

Чимаев бозиро бо худбоварии хос сар кард ва дар зарбаи якум ҳарифашро беҳуш намуд. Ва ин дар сонияи 17-уми мусобиқа!

Ин пирӯзӣ барои Чимаеве, ки торафт номитар мешавад, дар ММА 9-ум ва дар UFC 3-ум буд.

Ин тактикаи ғайримаъмулии Чимаевро дар муҳорибаҳои омехта бо Ҳабиб муқоиса намуда, ӯро боз як Нурмуҳаммедов дар саҳнаи UFC меноманд.

104

Тавсифи Трамп аз Нурмуҳаммадов: беҳтарин размикори ҷаҳон аст

1348
(Таҷдидшуда 08:50 17.09.2020)
Кишвардори Амрико Доналд Трамп изҳор доштаст, ки новобаста аз серкорӣ, муҳорибаи Ҳабиб Нурмуҳаммадов ва Ҷастин Гейтҷиро ҳатман тамошо хоҳад кард

ДУШАНБЕ, 17 сен — Sputnik. Ба изҳори раисҷумҳури Амрико Доналд Трамп, размикори доғистонӣ Ҳабиб Нурмуҳаммадов беҳтарин варзишгари ҷаҳон дар муҳорибаи омехта новобаста аз вазн, ба ҳисоб меравад, хабар медиҳад Russia Today. 

Трамп мегӯяд, новобаста аз он ки, дар арафаи интихоботи президентӣ бисёр серкор аст, бо вуҷуди ин ҳам, муҳорибаи размикори доғистонӣ бо ҳамтои амрикоии ӯро ҳатман тамошо мекунад.

Филме, ки аз зиндагиномаи Абдулманап Нурмуҳаммадов қисса мекунад, нашр шуд - видео

"Гейтҷиро муҳорибаи вазнин дар пеш аст, зеро бо беҳтарин размикори ҷаҳон вориди рақобат мешавад. Ин як муҳорибаи бебаҳо хоҳад буд ва ман онро ҳатман тамошо мекунам", - изҳор доштааст Трамп.

Ёдовар мешавем, муҳорибаи Ҳабиб Нурмуҳаммадов ва Ҷастин Гейтҷи рӯзи 24 - уми октябр дар АМА баргузор мешавад. Гейтҷии 31 - сола аз 22 муҳорибаи худ танҳо дар ду маврид бохтааст.

Ҳарифи ӯ, размикори доғистонӣ Ҳабиб Нурмуҳаммадов бошад, ҳамаи 28 рақобати худро бидунӣ мағлубият анҷом додааст.

Бояд гуфт, ки Нурмуҳаммадов дар рейтинги UFC пас аз Ҷон Ҷонс дар мақоми дуюм қарор дорад.

1348
Барчаспҳо:
тавсиф, Ҳабиб Нурмуҳаммадов, Доналд Трамп
Эмблема Центральной комиссии по выборам и референдумам  Республики Таджикистан

Номзадҳо барои интихоботи президентӣ чӣ қадар маблағ масраф хоҳанд кард?

0
(Таҷдидшуда 14:36 20.09.2020)
Барномаи таблиғоти барномаҳои интихоботии номзадҳои раёсатҷумҳурӣ дар Тоҷикистон дар ҳоле оғоз шудааст, ки масъулон дар бораи ҳазинаи молии аҳзоби сиёсӣ дар ин марҳала камтар изҳори назар мекунанд

ДУШАНБЕ, 20 сен — Sputnik.Танҳо намояндагони Ҳизби коммунисти Тоҷикистон гуфтаанд, ки барои таблиғоти барномаи интихоботии Меъроҷ Абдуллоев раис ва номзади ин ҳизб 40 ҳазор сомонӣ ҳазина хоҳад шуд, иттилоъ додааст хабаргузории “Парстудей”.

Бино бар иттилои манбаъ,ҳизби кишоварзии Тоҷикистон барои барномаи таблиғотии Рустам Латифзода раис ва номзади ин ҳизб 15 ҳазор адад шиорнавишта ва варақҳои таблиғотӣ мунташир кардааст ва нашрияи ин ҳизб низ бо шуморагони 40 ҳазор нусха мунташир хоҳад шуд.

Рустам Раҳматзода, раис ва номзади Ҳизби ислоҳоти иқтисодии Тоҷикистон гуфтааст, ки барои таблиғот ба қадри кофӣ манобеи молӣ дар ихтиёр дорад.

Номзадҳо ҳамчунин аз 40 дақиқа замоне, ки телевизиони давлатии Тоҷикистон барои муаррифии барномаҳои интихоботии онон ихтисос додааст, истифода хоҳанд кард.

Аз сӯи дигар ба ғайр аз ҳизби халқии демократӣ бақияи аҳзоби сиёсӣ дар ин кишвар сомонаи интернетӣ надоранд.

Ҳамчунин густариши вируси куруно дидори мустақими номзадҳои интихоботи раёсатҷумҳурии Тоҷикистон бо мардум ва тавзеҳи барномаҳои интихоботии номзадҳоро ба шиддат маҳдуд кардааст.

Интихоботи раёсатҷумҳурии Тоҷикистон ёздаҳуми октябр баргузор мешавад.

0
Барчаспҳо:
Аҳзоби сиёсӣ, ҳазина, Интихоботи президентӣ, интихобот, Тоҷикистон