Главный тренер команды «Истиклол» Виталий Левченко

Муҷозоти сармураббии "Истиқлол" барои ишораи таҳқиромез дар бозӣ бо "Истаравшан"

182
(Таҷдидшуда 12:09 28.08.2020)
Кумитаи назорату одоби Федератсияи футболи Тоҷикистон (ФФТ) сармураббии дастаи “Истиқлол”-и Душанбе Виталий Левченкоро муҷозот кард

ДУШАНБЕ, 28 авг — Sputnik. Тибқи иттилои дафтари матбуоти Федератсияи футболи Тоҷикистон, Левченко барои рафтори ғайриахлоқӣ, нодуруст ва ғайриварзишӣ дар бозии қаҳрамонии Тоҷикистон миёни дастаҳои лигаи олӣ "Истаравшан" - "Истиқлол", аз ду бозӣ маҳрум ва 500 сомонӣ ҷарима баста шуд".

Ҳамин тариқ Левченко ҳаққи ширкат аз ду бозии ояндаро бо тимаш надорад ва дар рақобат низ ба шогирдонаш роҳанамоӣ карда наметавонад.

Тибқи навори дар шабакаҳои интернетӣ паҳнгашта сармураббии “Истиқлол” ишораи таҳқиромез мекунад, ки мавриби баҳси ҳаводорони футбол қарор гирифт ва онҳо аз ФФТ дархости муоҷозоти ӯро карда буданд.

Аммо ФФТ расман ҷузъиёти муҷозоти Левченкоро шарҳ надодааст.

Тими “Истиқлол”-и Душанбе дар даври даври сенздаҳуми мусобиқаи Лигаи олии Тоҷикистон 24-уми август тими “Истаравшан”-и Истаравшанр бо ҳисоби 2:1 шикаст дода буд.

Аз зӯрӣ ба довар то рафтори ғайриахлоқӣ: ҷазои 8 бозигар ва як директори бошгоҳ аз сӯи ФФТ

Голи ягонаи “Истаравшан”-ро дар ин бозӣ  Салам Ашӯрмамадов ба ҳадаф расонида,  ду голи “Истиқлол”-ро Эҳсони Панҷшанбе ва Рустам Соиров заданд.

 

182
Барчаспҳо:
Виталий Левченко, "Истиқлол", Тоҷикистон
Открытие спортивного клуба «Парвиз Собиров» в Фирдавсинском районе Душанбе

Ҷаҳонпаҳлавон Парвиз Собиров дар Душанбе клуби варзишӣ сохт: Раҳмон онро ифтитоҳ кард

642
(Таҷдидшуда 17:54 29.09.2020)
Тамоми таҷҳизотҳои варзишӣ дар асоси фармоиши махсус дар шаҳри Гуанчжоуи Ҷумҳурии Мардумии Чин бо сифати ҷавобгу ба талаботи стандартҳои ҷаҳонӣ сохта шудааст

ДУШАНБЕ, 29 сен – Sputnik. Эмомалӣ Раҳмон, президенти кишвар ва Рустами Эмомалӣ, шаҳрдори пойтахт дар ноҳияи Фирдавсии Клуби варзишии “Парвиз Собиров”-ро мавриди баҳрабардорӣ қарор доданд.

Бино ба иттилои дафтари матбуотии президент, муассиси клуби варзишӣ ҷаҳонпаҳлавон Парвиз Собиров мебошад ва толор бо риояи тамоми меъёрҳои сохтмонию меъморӣ ба маблағи 2 милиону 400 ҳазор сомонӣ аз ҳисоби даромади шахсии ӯ бунёд шудааст.

Ба иттилои манбаъ, иншооти варзишӣ аз 2 ошёна иборат буда, масоҳати зери сохтмони он 468 метри мураббаъро ташкил дода, дар он 15 нафар соҳиби ҷойи кори доими гардидаанд.

“Тамоми таҷҳизотҳои варзишӣ дар асоси фармоиши махсус дар шаҳри Гуанчжоуи Ҷумҳурии Мардумии Чин бо сифати ҷавобгу ба талаботи стандартҳои ҷаҳонӣ сохта шудааст”,-афзудааст манбаъ..

“Дар ошёнаи якум толори машқи бадан дорои 45 намуд тренажёр барои 55 намуди варзиши чор гурӯҳ ҳар кадоме бо 20 нафарӣ дар ду баст, утоқи кории роҳбари маҷмаа, ҳуҷраи кории мураббиён, ҷойи ивазкунии сару либос, ҳаммом ва ҳоҷатхона дар ошёнаи дуюм толори машқу тамрини гуштини тарзи дзюдо барои 4 гурӯҳ ҳар кадоме бо 20 нафарӣ дар ду баст, дар маҷмуъ барои 100 нафар сохта шудааст”,-афзудааст манбаъ.

Гуфта мешавад, дар таҳхонаи бино ояндаи наздик дар нақша аст, ки барои занону бонувон толори машқи бадан бо тамоми таҷҳизот ба истифода дода шавад. Таҷҳизоти зарурии машқу тамрин харидорӣ шудааст.

 

642
Барчаспҳо:
варзишгар, паҳлавон, Душанбе, Тоҷикистон
Борьба гуштингири, архивное фото

Тасдиқи ҷадвали нави мусобиқоти куштӣ дар соли 2021

72
(Таҷдидшуда 14:10 28.09.2020)
Иттиҳоди ҷаҳонии куштӣ – “UWW” тақвими чорабиниҳояшро барои соли 2021 бо сабаби пандемияи COVID-19 ва пайомадҳои он бозбинӣ кард

ДУШАНБЕ, 28 сен — Sputnik. Чемпионатҳои қоравӣ аввали сол, қабл аз мусобиқаҳои интихобии Бозиҳои олимпии Токио-2020 ба нақша гирифта шуданд, хабар дод Кумитаи миллии олимпии Тоҷикистон.

Манбаъ афзуд, ки аз ҷумла, Чемпионати Осиё миёни калонсолон 16-21 феврали соли 2021 дар шаҳри Алмаатои Қазоқистон баргузор мешавад.

“Рӯзи 26-28 марти 2021 бошад, дар шаҳри Сияни Чин мусобиқаи интихобии Бозиҳои олимпии Токио дар қораи Осиё ба нақша гирифта шудааст. Сипас, аз 29 апрел то 2 май шаҳри Софияи Булғористон мизбони мусобиқаи интихобии олимпии ҷаҳонӣ хоҳад буд”, - омадааст дар иттилоия.

Инчунин чемпионати ҷаҳон миёни наврасон ба охири моҳи июл гузаронида шуд, то ба Бозиҳои олимпӣ халал нарасонад. Зикр гардид, ки фарқ миёни чемпионати ҷаҳон ва чемпионатҳои қоравӣ миёни наврасон набояд камтар аз як моҳ бошад.

Кумитаи миллии олимпии Тоҷикистон тавзеҳ дод, ки ба далели ба таъхир афтодани Бозиҳои олимпии наврасон-2022 чемпионатҳои қоравӣ миёни наврасон дар соли 2022 аз нав охири моҳи июн баргузор хоҳанд шуд.

72
Барчаспҳо:
мусобиқа, сабқати кушоди куштӣ, Ҷаҳон, Тоҷикистон
Руки в наручниках.

Боздошти зани 20-сола, ки гӯшворҳои тиллоиро аз гӯши кӯдакон медуздид

0
(Таҷдидшуда 11:04 30.09.2020)
Вазорати умури дохилаи Тоҷикистон аз боздошт шудани зани ҷавон, сокини шаҳри Ваҳдат ба гумони ғоратгарӣ хабар медиҳад

ДУШАНБЕ, 30 сен — Sputnik. Тибқи иттилои Вазорати корҳои дохилӣ дар ин бора ба ШВКД дар шаҳри Ваҳдат бо ариза зани 48-солаи сокини шаҳри мазкур муроҷиат намудааст.

Ӯ шикоят кардааст, ки рӯзи 24-уми августи соли 2020, тахминан соатҳои 16:00, шахси номаълум бо роҳи зӯроварӣ аз гӯшҳои духтарчаи 7-солааш 1-ҷуфт гӯшвори тиллоиро тасарруф намуда, аз ҷойи ҳодиса ғайб задааст.

"Зарари расонидашуда 750-сомониро ташкил медиҳад", -  омадаст дар хабарнома.

Ҳамин тавр, дар паи баргузори чорабиниҳои оперативӣ-ҷустуҷӯӣ аз ҷониби кормандони милитсия ҷавондухтари 20-солаи сокини ҷамоати деҳоти Б. Бурунови ҳамин шаҳр ҳамчун гумонбар дар содир намудани ҷинояти ғоратгарӣ дастгир карда шуд.

Инчунин дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки номбурда санаи 28-уми сентябри соли 2020, тахминан соатҳои 17:30-дақиқа, бо роҳи зӯроварӣ аз гӯшҳои духтарчаи 8-солаи сокини ҳамин шаҳр 1-ҷуфт гӯшвори тиллоиро тасарруф намуда, аз ҷойи ҳодиса ғайб задааст.

Зарари расонидашуда 1 ҳазору 300-сомониро ташкил медиҳад.

Манбаъ афзуда ки аз рӯи ин ҳодисаҳо тафтишот идома дорад.

0
Барчаспҳо:
Вазорати корҳои хориҷии ҶТ, тилло, зани ҷавон, боздошт