Каратэ, архивное фото

Аз Ҳоҷиқурбону Раҷаббек то Манижаю Фирӯза: мақоми варзишгарони тоҷик дар рейтинги каратэ

89
(Таҷдидшуда 11:12 29.08.2020)
Федератсияи байналмилалии карате рейтинги ҷаҳониро оид ба ин намуди варзиш нашр кард, ки дар он намояндагони Тоҷикистон низ дар мавқеъҳои гуногун ҷой гирифтаанд

ДУШАНБЕ, 29 авг — Sputnik.  Рейтинги Федератсияи байналмилалии каратэ аз рӯи натиҷаҳои мусобиқаҳои гуногуни интихобӣ тартиб дода шудааст.

Ба рӯйхати ҷаҳонӣ каратэчиёни тоҷик низ дохиланд. Дар маҷмӯъ, рейтинг ҳашт категорияи олимпиро дар бар мегирад, ки чортоӣ барои мардон ва занон аст.

Дар ҳар як вазн беш аз 700 варзишгар ширкат мекунанд. Дар тӯли сол, рӯйхати рейтингӣ нав карда мешавад, ки ин имкон медиҳад, ҳайати дастаҳои миллӣ барои ширкат дар мусобиқаҳо ташкил карда шаванд. Ғайр аз он, рейтинг барои бисёр каратэчиён роҳест ба Бозиҳои олимпӣ.

Ҳамин тавр, дар вазни то 67 кг, ҷои 161-умро Ҳоҷиқурбон Маҳмадов, дар ҳамин вазн дар ҷои 166-умро Қамариддин Ҳасанов ишғол мекунанд.

Раҷаббек Раҳимов дар вазни беш аз 75 кг дар ҷои 169-ум қарор дорад. Ва дар сатри 265-ум Ҷавоҳир Ҳайдаров ва дар зинаи 427-ум - Фаррухҷон Раҳимов қарор гирифтааст.

Манижа Суюнова дар ҷойи 229-юм байни занон дар категорияи "ката" қарор дорад. Дар вазни 55 кило Нигина Давлатова дар ҷои 53, Гулусори Сӯҳроб дар ҷои 288 ва Насиба Карликова дар ҷои 335 мебошанд. Дар вазни беш аз 61 кило бошад Муаззама Баҳромзода 193-ум ва Фирӯза Махсудова 282-юм мебошанд.

Шаббос Негматуллоев дуввумин роҳхати Бозиҳои олимпии Токио-2020-ро ба даст овард

Ёдовар мешавем, қаблан раҳбарии Федератсияи каратэ-дои Тоҷикистон Исроил Исмоилов, варзишгари маъруфи тоҷик, ки дар мусобиқоти Осиё ва ҷаҳон бомуваффақият баромад мекард.

Санаи баргузории Бозиҳои олимпии Токио дақиқ шуд

Аламхон Қурбонов, Саидобек Саидов ва Бобоалӣ Табаров муовинони президент интихоб шуданд. Муҳаммад Бодаков бошад, вазифаи сармураббии тими миллии Тоҷикистонро ба ӯҳда гирифт.

89
Борьба гуштингири, архивное фото

Тасдиқи ҷадвали нави мусобиқоти куштӣ дар соли 2021

68
(Таҷдидшуда 14:10 28.09.2020)
Иттиҳоди ҷаҳонии куштӣ – “UWW” тақвими чорабиниҳояшро барои соли 2021 бо сабаби пандемияи COVID-19 ва пайомадҳои он бозбинӣ кард

ДУШАНБЕ, 28 сен — Sputnik. Чемпионатҳои қоравӣ аввали сол, қабл аз мусобиқаҳои интихобии Бозиҳои олимпии Токио-2020 ба нақша гирифта шуданд, хабар дод Кумитаи миллии олимпии Тоҷикистон.

Манбаъ афзуд, ки аз ҷумла, Чемпионати Осиё миёни калонсолон 16-21 феврали соли 2021 дар шаҳри Алмаатои Қазоқистон баргузор мешавад.

“Рӯзи 26-28 марти 2021 бошад, дар шаҳри Сияни Чин мусобиқаи интихобии Бозиҳои олимпии Токио дар қораи Осиё ба нақша гирифта шудааст. Сипас, аз 29 апрел то 2 май шаҳри Софияи Булғористон мизбони мусобиқаи интихобии олимпии ҷаҳонӣ хоҳад буд”, - омадааст дар иттилоия.

Инчунин чемпионати ҷаҳон миёни наврасон ба охири моҳи июл гузаронида шуд, то ба Бозиҳои олимпӣ халал нарасонад. Зикр гардид, ки фарқ миёни чемпионати ҷаҳон ва чемпионатҳои қоравӣ миёни наврасон набояд камтар аз як моҳ бошад.

Кумитаи миллии олимпии Тоҷикистон тавзеҳ дод, ки ба далели ба таъхир афтодани Бозиҳои олимпии наврасон-2022 чемпионатҳои қоравӣ миёни наврасон дар соли 2022 аз нав охири моҳи июн баргузор хоҳанд шуд.

68
Барчаспҳо:
мусобиқа, сабқати кушоди куштӣ, Ҷаҳон, Тоҷикистон
Чемпионат Таджикистана между командами Истиклол и Худжанд

Медалҳои нуқраи "Хуҷанд" ва нахустин шикасти чемпион - "Истиқлол"

141
(Таҷдидшуда 13:11 28.09.2020)
Рӯзҳои 26-27 сентябр бозиҳои даври ҳабдаҳуми Чемпионати Тоҷикистон оид ба футбол миёни дастаҳои лигаи олӣ баргузор шуд

ДУШАНБЕ, 28 сен — Sputnik. Тибқи иттилои Кумитаи миллии олимпии Тоҷикистон, дар бозии марказии давр дастаи “Хуҷанд” дар меҳмонӣ тими “Хатлон”-ро бо ҳисоби 3:2 мағлуб намуда, ду давр пеш аз анҷоми чемпионат сазовори медалҳои нуқра гардида, ҷояшро дар Ҷоми КФО-2021 таъмин кард.

Манбаъ тавзеҳ дод, ки ҳисоби бозиро дар дақиқаи сеюм Дилшод Бозоров кушод. Фатҳулло Фатҳуллоев дар дақиқаи 12, Ҷаҳонгир Эргашев дар дақиқаи 32-юм ду тӯби дигар ба дарвозаи ҳариф ворид карданд. Дар нимаи дуюм бохтариҳо ташаббус ба даст гирифтанд, вале ба задани ду гол даст ёфтанд - Умарҷон Шарипов дар дақиқаи 64, Парвиз Боқӣ-Охунов дар дақиқаи 90+2.

Кумитаи миллӣ афзуд, ки бозӣ миёни дастаҳои “Куктош” – “Истаравшан” мусовӣ – 2:2 хотима ёфт. Голҳои дастаи ноҳияи Рӯдакиро Муҳсинҷон Абдуғаффоров, Мбаке Диеудонӣ, голҳои “Истаравшан”-ро Отабек Каримов ва Азизҷон Шамсиев ба ҳадаф расониданд.

"Дар бозии дигар “Регар-ТадАЗ”-и шаҳри Турсунзода дар майдони худ бар тими “Файзканд”-и Восеъ бо ҳисоби 1:0 ғолиб омад. Се холро ба дасти шаҳри Турсунзода ҳимоятгар Доробҷон Эргашев овард. “Душанбе-83” бар тими “Локомотив-Помир” бо ҳисоби 1:0 ғалаба карда, ҷояшро дар лигаи олӣ ҳифз намуд. Голи ягонаро бозингари “Локомотив-Помир” Исроил Холов ба дарвозаи дастааш зад", - омадааст дар иттилоия.

Нахустин шикасти чемпион

Кумита таъкид кард, ки ниҳоят “Истиқлол”, ки унвони чемпиониро аллакай гирифтааст, аввалин бохтро дар чемпионати мамлакат аз дастаи КМВА бо ҳисоби 1:0 чашид. Ягона голро Мунир Давлатбеков дар дақиқаи 40-ум ба номаш сабт кардааст.

Ҳамин тариқ, то анҷоми 29-ум Чемпионати Тоҷикистон оид ба футбол миёни дастаҳои лигаи олӣ ду даври дигар боқӣ монд.

Дар даври 15-ум, ки 29-30 сентябр баргузор мешавад, "Истаравшан" бо "Файзканд", "Регар-ТадАЗ" бо "Хуҷанд", "Куктош" бо "Истиқлол", "Хатлон" бо "Локомотив-Помир" ва КМВА бо "Душанбе-83" вомехӯранд.

Бозиҳои даври ҷамъбастӣ – 18-ум рӯзи 4 октябр ба нақша гирифта шудааст. Дар ин давр "Файзканд" бо "Локомотив-Помир", "Душанбе-83" бо "Истиқлол", "Хуҷанд" бо КМВА, "Истаравшан" бо "Хатлон", "Регар-ТадАЗ" бо "Куктош" бозӣ хоҳанд кард

141
Барчаспҳо:
нуқра, чемпионат, Тоҷикистон
Связка ключей от квартир многоэтажного жилого дома, архивное фото

Раҳмон ба  76 корманди Нерӯҳои марзбонии КДАМ хона тақдим кард

0
(Таҷдидшуда 10:22 29.09.2020)
Раисҷумҳури Тоҷикистон зимни боздид аз ноҳияи Шоҳмансури пойтахт бинои истиқоматиеро боз намуда аз он ба кормандони Неруҳои марзбонии Кумитаи давлатии амнияти миллии Тоҷикистон низ додааст

ДУШАНБЕ, 29 сен – Sputnik. Бино ба иттилои дафтари матбуотии раисиҷумҳур, Эмомалӣ Раҳмон пас аз шиносоӣ бо имкониятҳои бинои нав, нахустин калиди ҳуҷраҳои истиқоматиро ба кормандони Қӯшунҳои сарҳадии Кумитаи давлатии амнияти миллии Ҷумҳурии Тоҷикистон тақдим карданд.

“Дар бинои наву замонавӣ 76 корманди ниҳоди мазкур соҳиби хонаи истиқоматӣ гардиданд”, афзудааст манбаъ.

Манбаъ мегӯяд, ҳамаи хонаҳои истиқоматӣ таъмиру тармим гардида, пурра бо ҷиҳози рӯзгор, аз қабили қолинҳои гуногун, яхдон, телевизор, мошини ҷомашӯӣ ва дигар ҷиҳози зарурӣ таъмин мебошад.

Гуфта мешавад, иншооти нав аз 19 ошёна ва 591 хонаи истиқоматӣ иборат буда, онро ширкати “Сарманзил” бунёд кардааст.

Таъкид шудааст, бинои муҳташами баландошёнаи истиқоматӣ бо санъати хоси меъморӣ бунёд гардида, ҷавобгӯ ба талаботи замонавӣ ва дорои ҳама шароити лозима мебошад.

Раҳмон ба амниятиҳои ноҳияи Восеъ хона тақдим кард

Ёдовар мешавем. Чанд рӯз қабл Эмомалӣ Раҳмон бинои 3-ошёнаро бароии кормандони Кумитаи давлатии амнияти миллӣ дар ноҳияи Восеъ ифтитоҳ карда буд.

0