Карина Климык

"Допинг"-и роҳбанд: чигуна бонуи шиновари рақами яки Тоҷикистон аз Олимпиада монд

165
Қаҳрамони шиноварии Тоҷикистон дар бораи ҷанҷоли "допинг" нақл кард. Карина Климик низ пас аз мамнӯъ шудани истифодаи доруҳои нерӯбахш ба "рӯйхати сиёҳ"-и Агентии ҷаҳонии зиддидопингӣ ворид шуд

ДУШАНБЕ, 12 окт — Sputnik. Қаҳрамони якчандкаратаи шиноварии Тоҷикистон Карина Климик дар бораи дастовардҳо ва мушкилиҳои варзиши ҳирфаӣ гуфт.

Мусоҳибаи варзишкор дар канали телевизиони "VarzishTV" дар Ютуб нашр шудааст.

Ба гуфтаи Карина, ӯ ҳудуди шаш сол пайиҳам  дар сабқатҳои ҷумҳуриявӣ пирӯз мешуд ва ҳатто рекорд гузошт, аммо ба ҳамаи ин нигоҳ накарда, машҳур набуд.

Дар ҳамин ҳол, Карина дар шаш қаҳрамонии ҷаҳон, олимпидаи наврасон иштирок дошт ва қариб буд, ки ба олимпиадаи ҷаҳонӣ роҳ меёфт, агар ҷанҷол атрофи допинг ё ба истилоҳ доруҳои нерӯбахш намехест.
"Маро аз ташхиси допингӣ гузарониданд ва дар баданам ҳудуди 0,05% милдронат пайдо карданд",- иқрор мешавад зани шиновар.

Ба гуфтаи духтар, ӯ ин доруро пеш аз мамнӯъ шуданаш баъди баҳсҳои Агентии ҷаҳонии зиддидопенгӣ ва Русия истифода бурда буд. Дар натиҷаи ин баҳсҳо чанд варзишкор аз ИДМ низ ба рӯйхати сиёҳ ворид шуданд.

Ин барои Климик ҳолати садамоти сахте буд. Зеро ӯ пурра ба Олимпиада омода буд.

"Се сол боз мураббиам маро ба Олимпиада омода мекард. Ним соли ахир ман каме беғамӣ кардам, зеро ҳариф надоштам. Ман хуб медонистам, ки пирӯз мешавам", - иқрор мешавад варзишгар.

Духтар мегӯяд, ин мушкилии пешомада барояш муҷозот буд, зеро ба танбалӣ роҳ дод.

Феълан Карина дар ҳолати "омодабош" қарор дорад ва мегӯяд, ки дар Душанбе барои тамрину такмил шароити хубе фароҳам омадааст.

165

Дана Уайт: Ҳабиб дар роҳи бузургтарин размикори таърих шудан аст

415
(Таҷдидшуда 18:16 23.10.2020)
Мусобиқаи навбатии UFC 254 фардо дар пойтахти Аморати Муттаҳидаи Араб доир мегардад, ки дидори Ҳабиб ва Гэтҷи аз муҳорибаҳои асосии он мебошад

ДУШАНБЕ, 23 окт - Sputnik. Президенти UFC Дана Уайт мӯътақид аст, ки агар Ҳабиб Нурмуҳаммадов дар UFC 254 бар Ҷастин Гетҷи ғолиб ояд, русиягӣ новобаста аз категорияи вазн беҳтарин размикори ҷаҳон хоҳад шуд ва дар садри рейтинги ба истилоҳ Pound-for-Pound пеш ҷой хоҳад гирифт.

"Агар ӯ рӯзи 24 октябр Ҷастин Гетҷиро мағлуб кунад, новобаста аз категорияи вазн беҳтарин размикори ҷаҳон хоҳад шуд. Вай дар роҳи бузургтарин размикори таърих шудан аст”,­ - гуфтааст ӯ.

"Бубинед, ки ӯ чӣ қадар муҳорибаҳо дорад ва ҳанӯз ҳам шикастнопазир аст. Ҳамзамон, ӯ дар як гурӯҳи сахт ва хеле сангин баромад мекунад", - таъкид кардааст, Дана Уайт.

Муборизаи Ҳабиб Нурмуҳаммадов - Ҷастин Гетҷӣ рӯзи 24 октябр дар "Fight Island" дар Абу-Даби (Аморати Муттаҳидаи Араб) баргузор мешавад ва ҳодисаи асосии намоиш хоҳад шуд.

Раҳбари UFC дар бораи рақобати Ҳабиб ва Гэтҷи навори дидание нашр кард - видео

Муҳориба рӯзи  24 октябр дар Абу-Дабӣ (АМА) баргузор мешавад. Дар ин рақобат қаҳрамони феълии UFC бо рақиби худ Ҷастин Гэтҷи вомехӯрад ва қувва меозмояд.

Ёдовар мешавем, ки Ҳабиб ин навбат талош мекунад камарбанди қаҳрамонии худро барои маротибаи сеюм ҳифз кунад.

Ҳабиб гуфт, чӣ гуна Гэтҷиро "мешиканад": "Зидди ӯ нақшаи нав дорам".

Ҳабиб то ҳол 28 муҳориба баргузор намудааст ва боре ҳам мағлуб нашудаст. Ҳарифи ӯ бошад аз 22 рақобати умумӣ 2 мағлубият дорад.

415
Барчаспҳо:
муҳориба, размикор, Ҳабиб Нурмуҳаммадов, Русия
Журналист держит плакат с олимпийскими кольцами

Эълони қоидаҳои беҳдоштӣ дар Олимпиадаи Токио-2020

49
Кумитаи байналмилалии олимпӣ ва Кумитаи тадорукот қоидаҳои беҳдоштиеро, ки зимни Олимпиадаи Токио-2020 бояд риоя шаванд, эълон карданд

ДУШАНБЕ, 23 окт - Sputnik. Кумитаи байналмилалии олимпӣ (КБО), Кумитаи тадорукоти Бозиҳои олимпии Токио-2020 барои сардорони дастаҳои ширкаткунандаи Олимпиадаи Токио-2020 қоидаҳои ҷадидро тавзеҳ додаанд.

Тибқи иттилои сомонаи ТВ Варзиш, дар семинари онлайнӣ инчунин ҳамаи кумитаҳои миллии олимпӣ ширкат варзиданд.

Манбаъ афзуд, ворид шудан ба Ҷопон аз аксари кишварҳо карантини 14-рӯзаро талаб мекунад.

Масъалаи мутобиқгардонии варзишгарон ҳангоми карантин баррасӣ мешавад, то онҳо ба шароити нав мутобиқ шуда, тамрин карда тавонанд. Ҳангоми расидан ба Ҷопон, далели натиҷаи манфии озмоиши COVID-19 (72 соат пеш аз парвоз анҷом дода мешавад) ва озмоиши иловагӣ дар кишвар талаб карда мешавад, таъкид кардааст сомонаи Варзиш.

Инчунин манъи муоширати варзишгарон бо одамони берун аз деҳа пешбинӣ шудааст.

Ҷонибҳо эълон карданд, ки бо Созмони умумиҷаҳонии тандурустӣ ҳамкорӣ намуда, инчунин самаранокии ваксинаҳоеро, ки дар кишварҳои мухталиф таҳия мешаванд, назорат хоҳанд кард.

Президенти КБО Томас Бах таъкид кард, ки барои ҳифзи саломатии ҳамаи иштироккунандагони Олимпиада тадбирҳои назаррас андешида мешаванд ва Бозиҳои Токио барои дигар чорабиниҳои васеъ намуна хоҳанд шуд.

Бозиҳои олимпӣ дар Токио аз 23-юми июл то 8-уми августи соли 2021 ба нақша гирифта шудааст. Дар доираи Олимпиада варзишгарон барои 339 маҷмӯи медалҳо аз рӯи 33 намуди варзиш рақобат хоҳанд кард.

49
Барчаспҳо:
Олимпиада, Ҷопон, Тоҷикистон
Ёдгор Файзов, раиси ВМКБ ҳангоми мулоқот бо ризокорон дар Хоруғ

Ташкили колхозу кооператив ба ҷои хоҷагиҳои оилавӣ: пешниҳоди ҳукумати ВМКБ

0
(Таҷдидшуда 20:58 23.10.2020)
Ҳукумати Вилояти Мухтори Куҳистони Бадахшон аз натиҷаи машварати назоратии назди раиси вилоят гузориш дод, ки хоҷагиҳои деҳқонӣ ё худ оилавӣ дар вилоят таҷдиди сохтор шаванд

ДУШАНБЕ, 23 окт - Sputnik. Ҳукумати ВМКБ теъдоди хоҷагиҳои хурди деҳқонӣ ё худ оилавиро 15 ҳазору 844 адад гуфта, фаъолияти онҳоро ноустувор ва нокифоя хондааст.

Бар асоси иттилоияи нашркардаи мақомоти ВМКБ, гузаронидани ислоҳоти соҳаи кишоварзӣ ва таҷдиди хоҷагиҳо - ташкили кооперативҳои истеҳсолию колхозҳо зарур аст. Манбаъ илова намудааст, ки инчунин зиёда аз 1300 гектар замин солҳои дароз дар зери сохтмон ҳастанд, вале ҳанӯз аз ҳисоботи омори замини кишт бароварда нашудаанд

Ин дар ҳолест, ки қаблан низ Ёдгор Файзов, раиси ВМКБ,  барои истифодаи самараноки заминҳои мавҷуда ва таъмини бозор бо маҳсулоти кишоварзӣ  ташкили ассотсиатсияҳо ва кооперативҳои деҳқониро пешниҳод карда буд.

“Хочагиҳои деҳқонии инфиродӣ имрӯз дар вилоят зиёда аз 16 ҳазор ҳастанд, вале ҳиссаи ҷамъи замин ба ҳар яки онҳо 0,10 ҳисса мерасад. Ба ин хотир ассотсиатсияҳо ё кооперативҳои хоҷагиҳои деҳконӣ таъсис додан зарур аст. Ин омил имкон медиҳад, на танҳо ҳисобу китоби фаъолият, балки тавлиди зиёди ҳосили рӯёнда ва андозбандии онҳо, ҳамзамон хизматрасониҳои дигар ба онҳо беҳтар ба роҳ монда мешаванд", - омада буд дар изҳороти Файзов, ки котиботи ҳукумати ВМКБ нашр карда буд.

0
Барчаспҳо:
ВМКБ, пешниҳод, Тоҷикистон