Ӯ то охири дунё қаҳрамон хоҳад монд: тоҷикон дар бораи пирӯзии Ҳабиб

426
(Таҷдидшуда 15:33 25.10.2020)
Муҳорибаи Ҳабиб Нурмуҳаммадовро дар саросари ҷаҳон аз ҷумла Тоҷикистон миллионҳо нафар тамошо кардаву ба он вокунишҳо карданд

ДУШАНБЕ, 25 октябр - Sputnik. Размикори доғистони шоми гузашта ҳарифи амрикоияш Ҷастин Гетҷиро бо як маҳорити зебои ба худ хос шикаст дод.

Ин рақобатро дар баробари миллионҳом мухлисони сайёра дар тоҷикистон низ тамошо карданд.

Сафҳаҳои расонаҳои иҷтимоӣ то оғози рақобат пур аз таманниёти пирӯзӣ бар размикори доғистонӣ буду баъдан табрикборон шуд.

Яке офаринаш мехонду дигаре аз маҳорат ва сеюми табрикаш мекарду шери майдон мегуфт.

Ҷонӣ Сафарзода аз корбарони фаъоли фейсбук аз одамият ва шахсияти размкиор ситоиш карда, навиштааст: “Суҳробе, ки бе падар дигар мубориза намебарад!

Шояд манро ҳам ба Ҳабибпарастӣ гунаҳгор кунед. Аммо шахсияте, ки миллати манро, расму ойни манро, забони манро эҳтиром мегузорад чаро эҳтиромаш накунам. Рафтору гуфтори Исломияш худ як инсоният аст. Охирон муҳориба ва ғалабааш ба кулли мухлисонаш муборак! Ӯ то охири дунё вуҷуд дорад қаҳрамон хоҳад монд!".

Аъзам Акбаров, журналит ва фаъоли ҷомеаи шаҳрвандӣ навиштааст, ки Ҳабиб Нурмуҳаммадов ба таърихи варзиши ҷаҳонӣ абадӣ ҳамчун муборизи боинтизом, боодобтарин ва мағлубнашавандаи UFC дохил шуд!

Ҳолати ғайриинтизор барои ҳама мухлисон ин эълони хотимаи корномаи варзишгар буд.

Ӯ гуфт, ба модараш ваъда додааст, ки ин охирин набардаш аст ва бо ҳамин тарки майдон мекунад

Сорбон Амонуллозода бошад навиштааст: “Бо сари баланд тарки майдон кардан ба мисли оне аст, ки ҳамеша қаҳрамони майдон боқӣ мемонӣ. Ҳабиб ту ҳамеша барои мо қаҳрамон будӣ, ҳастӣ ва хоҳӣ монд!”.

Азиз Нақибзод, рӯзноманигори тоҷик тарки майдон кардани размикорро қаҳрамонӣ хондааст. 

"Қаҳрамонии Ҳабиб дар айни шуҳрат тарки майдон карданаш аст! Бо сари боло ва обурӯ.
Бузургтарин ғалабааш ҳам ғалаба бар нафс ва васваса аст",- навиштааст Нақибзод.


Алӣ Ализод корбари дигар бошад навиштааст, ӯ меравад, меравад шикстнопазир. Ташаккур барои ҳама чиз, қаҳрамон!

Ёдовар мешавем ин нахустин рақобат ва пирӯзии Ҳабиб бидуни падараш буд, ки чанд моҳ меш фавтид.

Размикор пас аз пирӯзӣ дар майдон барои набуди падараш гирифт ва пирӯзияшро ба ӯ бахшид.

Завқибек Сайидаминӣ, фаъоли шабакаҳои иҷтимоӣ навиштааст дар ин ҳолат бо ӯ гирист.

"ОҲҲҲ БЕПАДАРӢ.... Дишаб вақти дидани ин лаҳзаҳо дар баробри Ҳабиб сахт гиристам Ин ҳолатро фақат инсоне дарк мекунад, ки аз сояву дасти Дуои Падар маҳррум аст Сахти сахт аст, вақте ба мушкилие рӯ ба рӯ мешавиву ба насиҳату ҳидояти Падар зор, вале Ӯ канорат нест Ё дар коре муваффақ мешаву Ӯ нест, то дар канорат шодиву фахр кунад. Ҳамин аст, ки набуданаш лаззати ҳар муваффақиятро берангу беарзиш мекунад".

Ҳабиб Нурмуҳаммадов рақиби амрикоии худ Ҷастин Гетҷиро аз роҳи буғӣ кардан шикаст дод. Аз 29 муҳорибае, ки Ҳабиб анҷом додааст, ягон маротиба ба шикаст мувоҷеҳ нашуд ва акнун бидуни мағлубият дар ин намуди варзиш, ба фаъолияти худ нуқта гузошт.

Ёдовар мешавем, соли 2019 дар Душанбе низ пирӯзии Ҳабиб Нурмуҳаммадов бар Дастин Пуареро таҷлил мекарданд. Шабе, ки рақобати ин ду размикор ба ғалабаи Ҳабиб анҷом ёфт, сокинони зиёд дар пойтахт ба хиёбонҳо баромада, ғалабаи Нурмуҳаммадовро якҷо қайд мекарданд.

426

Дана Уайт: Ман ҳанӯз шарт мебандам, ки Ҳабиб рекорди 30:0 мегузорад. Инро падараш мехост

375
(Таҷдидшуда 18:12 22.11.2020)
Президенти UFC Дана Уайт эълони қаҳрамони UFC Ҳабиб Нурмуҳаммадовро, ки гуфт ҳама имконот барои бозгашти дубора ба майдонро рад кард, шарҳ дод

ДУШАНБЕ, 22 ноя - Sputnik. Президенти UFC гуфтааст, минбаъд низ ба он боварӣ дорад, ки Ҳабиб бармегардад ва рекорди 30-0 сабт мекунад, ҳамон тавре ки падараш мехост.

"Ҳабиб бо Гетҷи охирин муборизаи хеле эҳсосотӣ дошт, аз ин рӯ ман ба бозгашти ӯ боварӣ дорам", - гуфтааст, Уайт.

Ӯ гуфтааст, дар ин масъала ҳоло ҳеҷ чиз ҳал нашудааст, аммо ба рушди ҳаводис нигариста шарт мебандад, ки Ҳабиб бармегардад.

"Ки рақиби ӯ хоҳад буд? Ин метавонад на танҳо Сен-Пейр бошад. Конор ва Порйе мубориза мебаранд, ҳамзамон Фергюсон ва Чандлер низ ҳастанд...",- гуфтааст Дана Уайт.

Номбурда гуфт, ҳоло интизор мешавем, ки Ҳабиб ин таваққуфро то кай нигоҳ дошта метавонад. Агар ӯ қарор диҳад, ки баргардад ва ин корро бикунад, пас ин бачаҳо омодаанд бо ӯ мубориза баранд, гуфт президенти UFC.

Санаи рақобати дуввуми собиқ ҳарифони Ҳабиб - Конор ва Порйе дақиқ шуд

Ёдовар мешавем, Нурмуҳаммадов дар пайи пирӯзӣ бар Ҷастин Гетҷи, бо 29 ғалаба ва бидуни шикаст изҳор дошт, ки фаъолияти касбияшро хотима медиҳад.

375
Барчаспҳо:
бозгашт, муҳорибаи омехта, Ҳабиб Нурмуҳаммадов, қаҳрамони UFC
Ожирение, архивное фото

Мубориза бо фарбеҳӣ: дар Ӯзбекистон ба назорати вазни мансабдорон шурӯъ мекунанд z

115
(Таҷдидшуда 14:59 22.11.2020)
Дар мақомоти Ӯзбекистон барои аз байр бурдани фарбеҳӣ сар аз соли оянда давоми рӯзи корӣ барои машқҳои гимнастикӣ вақти махсус ҷудо карда мешавад

ДУШАНБЕ, 22 Ноябр - Sputnik. Бино ба иттилои “УзА”, им мавзӯъ дар нишасти матбуотие, ки дар Агентии иттилоот ва коммуникатсияи оммавӣ бо иштироки намояндагони Вазорати тарбияи ҷисмонӣ ва варзиш садо дод.

Дар ҷараёни чорабинӣ масъалаҳо оид ба таҳияи меъёрҳои арзёбии фарбеҳии мансабдорон ва роҳандозии системаи онлайнии мониторинг барои таҳлили натиҷаҳои ба даст овардашуда дар асоси рейтинг тартиб дода шуданд.

Тибқи фармони президент "Дар бораи чораҳои васеъ ҷорӣ намудани тарзи ҳаёти солим ва рушди минбаъдаи варзиши оммавӣ", роҳбарон, кормандони идораҳои давлатӣ ва ташкилотҳо ба тарбияи ҷисмонии фаъол ҷалб карда мешаванд ва барои онҳо мусобиқаҳои гуногуни варзишӣ ба нақша гирифта шудаанд.

Дар ин санад қайд шудааст, ки аз 1 январи соли 2021 онҳо вазифадоранд, ки ҳадди аққал як маротиба дар як ҳафта бо мақсади "коҳиш додани фарбеҳӣ ва беҳтар намудани саломатӣ" варзиш кунанд.

Ғайр аз ин, аз соли оянда сар карда, дар давоми рӯзи корӣ барои машқҳои гимнастикӣ вақти махсус ҷудо карда мешавад.

Гуфта мешавад, ҳамзамон дар назар аст то 1 сентябри соли 2021 "Энсиклопедияи варзишҳои миллии варзишӣ ва бозиҳои халқии Ҷумҳурии Ӯзбекистон" омода ва нашр шавад.

ВКД Тоҷикистон аз кормандон талаб кард, ки аз фарбеҳӣ халос шаванд

Дар тоҷикстон бошад, чунин тасмими вижа набуд, аммо дар гузашта Вазорати корҳои дохилии кишвар аз ҳама кормандони сохторҳояш талаб карда буд, ки аз вазни зиёдатӣ халос шаванд ва ба намуди зоҳирии худ таваҷҷӯҳ зоҳир намоянд. ВКД ҳатто ба кормандон муҳлат ҳам дода буд, ки ин камбудашонро ислоҳ кунанд.

 

115
Барчаспҳо:
мансабдорон, Ӯзбекистон, мубориза, фарбеҳӣ
Солдаты спецназа США (зеленые береты) в Афганистане. Архивное фото

Худкушии 9 сарбози австралиягӣ пас аз ифшо шудани бедодгарии онҳо дар Афғонистон

0
(Таҷдидшуда 12:03 24.11.2020)
Пас аз ошкор шудани ҷиноятҳои содиркардаи сарбозони австралиягӣ дар хоки Афғонистон, 9 тан аз онҳо даст ба худкушӣ заданд

ДУШАНБЕ, 24 ноя - Sputnik. Давоми се ҳафтаи охир дар Австралия дасти кам 9 сарбоз даст ба худкушӣ заданд, хабар медиҳад The Daily Mail.

Ба иттилои манбаъ, сарбозон пас аз ошкор шудани ҷиноятҳои слодиркардаи онҳо дар Афғонистон сӯиқасд ба ҷони худ намуданд.

Дар мавриди бедодгариҳои сарбозони австралиягӣ дар Афғонистон,Фармондеҳи қувваҳои мусаллаҳи ин кишвар Ангус Кэмпбелло гузориши вижа омода намуд ва ҳамаи ҷиноятҳои содиркардаи сарбозонро ифшо кард.

Дар гузориши таҳиянамудаи ӯ, маълумот дар мавриди қатли 39 сарбози афғон ва сокинони осоишта давоми солҳои 2005 - 2016 ҷамъоварӣ гардидааст.

Деги ҷӯшони Афғонистон: аз ихроҷи нирӯҳои Амрико кӣ бурд мекунад

Гуфта мешавад, ҳудуди 400 нафар шоҳидӣ додаанд, ки ин теъдод ҷиноятҳоро маҳз сарбозони Австралия дар Афғонистон содир карданд.

Манбаъ меафзояд, нахустин бор дар таърих давоми ҳамагӣ се ҳафта, шумораи зиёди сӯиқасд ба ҷон сабт гардидааст.

Гуфта мешавад, пас аз гузориши Кэмпбелло 8 мард ва 1 зан даст ба худкушӣ заданд. Ҳарчанд ҳанӯз ҳеҷ далели даст доштани онҳо дар куштори сарбозон ва сокинони осоиштаи Афғонистон вуҷуд надорад, вале тафтишот гунаҳгор будани онҳоро истисно намекунад.

0
Барчаспҳо:
худкушӣ, Австралия, сарбоз, Афғонистон