Сипар стал чемпионом Таджикистана

Дастаи "Сипар" - и Хуҷанд нахустин бор қаҳрамони Тоҷикистон шуд

113
(Таҷдидшуда 16:42 26.10.2020)
Дастаи "Сипар"-и шаҳри Хуҷанд дар бозии ниҳоии футзали Тоҷикистон бар тими "Соро компания"-и Душанбе пирӯз шуд

ДУШАНБЕ, 26 окт — Sputnik. Дастаи "Сипар"-и шаҳри Хуҷанд дар бозии чоруми финали лигаи касбии футзали Тоҷикистон бар тими "Соро компания"-и Душанбе бо ҳисоби 3:1 ғалаба карда, медалҳои тиллоро сазовор шуд.

Бино ба гузориши Кумитаи миллии олимпии Тоҷикистон, даста бо роҳбарии мутахассиси рус Евгений Осинтсев ба чунин натиҷа ноил шуд.

Гуфта мешавад, пас аз чор бозӣ ҳисоби силасилаи бозиҳо 3:1 ба фоидаи дастаи Хуҷанд ҳал шуд.

Ғалабаи "Сипар" дар бозии чорум тавассути зарбаҳои нишонраси Илёс Чотбоев, Дилшод Саломов ва Парвиз Раҳматов таъмин гардид.

Ногуфта намонад, ки дастаи "Сипар" дар таърихи мавҷудияти клуб аввалин маротиба ба унвони чемпионӣ расид. Қаблан чанд маротиба соҳиби медалҳои нуқраи лигаи касбии футзли Тоҷикистон шудааст.

Барои "Сипар" як ғалабаи дигар даркор то чемпиони Тоҷикистон шавад

"Соро компания", ки солҳои 2018 ва 2019 қаҳрамони Тоҷикистон шуда буд, имсол ҷои дуюмро ишғол кард.

Медалҳои биринҷӣ бошад, насиби дастаи "Муҳоҷир" шуд, ки дар се бозӣ барои ҷои сеюм тими "Истаравшан"-ро шикаст дод.

Ин ҳафтум мавсими лигаи касбии футзали Тоҷикистон буд. Қаблан ду дастаи Душанбе – "ДИСИ Инвест" чор маротиба (2014, 2015, 2016, 2017) ва "Соро компания" ду маротиба (2018, 2019) ғолиб гардидаанд.

113
Барчаспҳо:
қаҳрамон, "Сипар", даста, Тоҷикистон
Глава парламента Таджикистана Рустам Эмомали

Интихоби президент ФФТ: Рустами Эмомалӣ меравад ва ё мемонад

203
(Таҷдидшуда 14:52 03.12.2020)
Дар Федератсияи футболи Тоҷикистон, ки роҳбариашро раиси шаҳри Душанбе ва раиси Маҷлиси миллии Тоҷикистон Рустами Эмомалӣ бар ӯҳда дорад, аз нав интихобот баргузор мекунанд

ДУШАНБЕ, 3 дек – Sputnik. Дар бораи аз нав интихоб шудани президенти ФФТ сомонаи федератсия хабар додааст.

Гуфта мешавад, интихоботи президенти ФФТ дар Конфронси ҳисоботиву интихоботии Федератсияи футболи Тоҷикистон рӯзи 16 декабр баргузор мешавад. 

Интизор меравад, ки конфронс дар маҷмааи "Кохи Наврӯз" доир шавад.

"Дар рӯзномаи Конфронс ҳафт масъала интихоби котибот, ҳисобот дар бораи фаъолияти ФФТ дар солҳои 2016-2019, ворид намудани тағйиру иловаҳо ба низомномаи федератсия, интихоби президенти ФФТ ва муовинонаш, интихоби Кумитаи иҷроияи ФФТ баррасӣ хоҳад шуд", - тавзеҳ медиҳад манбаъ.

Ёдрас мешавем, феълан президентии федератсияро Рустами Эмомалӣ, раиси шаҳри Душанбе ва раиси Маҷлиси миллии Тоҷикистон бар ӯҳда дорад.

Аз зӯрӣ ба довар то рафтори ғайриахлоқӣ: ҷазои 8 бозигар ва як директори бошгоҳ аз сӯи ФФТ

Рустами Эмомалӣ ҳамчунин яке аз созмондиҳандагони дастаи футболи "Истиқлол" аст, ки соли 2007 ташкил шуда буд. Аз соли 2008-2010  дар ҳайати даста бозӣ мекард. Пас аз анҷоми бозӣ, аввал муовини раиси ФФТ ва сипас президенти ФФТ интихоб гардид.

Аз моҳи апрели соли 2019 Рустами Эмомалӣ президенти Ассотсиатсияи футболи Осиёи Марказӣ аст.

203
Главный тренер команды «Истиклол» Виталий Левченко

Виталий Левченко беҳтарин мураббии футбол дар Тоҷикистон дониста шуд

34
(Таҷдидшуда 14:28 03.12.2020)
Шарики расмии Лигаи футболи Тоҷикистон Ширкати байналмилалии букмекерии “Parimatch” беҳтаринҳоро аз рӯи нишондиҳандаҳои инфиродӣ дар мавсими 2020-и Лигаи олӣ муайян кардааст

ДУШАНБЕ, 3 дек – Sputnik. Аз рӯи фарзияи "Parimatch" сармураббии дастаи  "Истиқлол"-и  Душанбе Виталий Левченко, ки дастаро дар ин мавсим чемпиони Лигаи олӣ намуд, беҳтарин мураббии Чемпионати Тоҷикистон эътироф гардид, иттилоъ додааст дафтари матбуоти Федератсияи футболи Тоҷикистон.

Тибқи иттилои манбаъ, қаблан  ширкати байналмилалии букмекерии "Parimatch" бозингари дастаи футболи "Истаравшан"-и шаҳри Истаравшан Илҳом Баротовро беҳтарин футболбози мавсим ва дарвозабони дастаи футболи "Истиқлол"-и шаҳри Душанбе Рустам Ятимовро беҳтарин дарвозабон муайян карда буд.

Ҳамчунин муҳофизатгари украинии дастаи "Истиқлол" Алексей Ларин беҳтарин муҳофизатгар, бозингари шинохтаи  дастаи футболи  "Хуҷанд"-и шаҳри Хуҷанд Фатҳулло Фатҳуллоев беҳтарин ниммуҳофизатгар ва ҳамлавари дастаи футболи "Истиқлол"-и шаҳри Душанбе Манучеҳр Ҷалилов беҳтарин ҳамлавари Лигаи миллӣ аз рӯи фарзияи "Parimatch" дониста шуданд.

34
Барчаспҳо:
лигаи олӣ, сармураббӣ, истиқлол, беҳтарин, Футбол, Тоҷикистон
Сохтмони роҳ, акс аз бойгонӣ

Оғози сохтмони роҳи дорои 8 хати ҳаракат дар Душанбе бо пули Ҳинд

0
(Таҷдидшуда 14:55 03.12.2020)
Шаҳрдории Душанбе аз оғози сохтмони роҳи автомобилгард аз Дарвозаи Ғарбӣ то маҳаллаи Чортут расман оғоз бахшида шуд

ДУШАНБЕ, 3 дек — Sputnik. Ба иттилои шаҳрдорӣ, роҳи автомобилгард аз Дарвозаи Ғарбӣ то маҳаллаи Чортут тибқи нақша дар се марҳила бунёд мешавад.

“Марҳилаи аввал аз Дарвозаи Ғарбӣ то роҳи автомобилгарди Айнӣ, бо дарозии 4,2 километр марҳилаи дуюм аз роҳи автомобилгарди Айнӣ то роҳи автомобилгарди Шарора бо дарозии 3,2 км ва марҳилаи сеюм аз роҳи автомобилгарди Шарора то пайваст ба кӯчаи Раҳмон Набиеви маҳаллаи Чортут бо дарозии 1,88 км-ро дар бар мегирад”, - омадааст дар иттилоия.

Манбаъ таъкид намуд, ки паҳноии роҳ аз 40 метр иборат буда,  8 хати ҳаракат дар ду самт, пиёдароҳҳо, як адад пул дар болои канали калони Ҳисор ва як гузаргоҳи роҳи оҳан, 2 адад гардишҳои нақлиётӣ, чароғакҳои роҳнамо дар ду қитъа, аломатҳои бехатарии роҳ, хати кабудизор, дарахту буттаҳои ороишию сояафкан дар ду тараф унсурҳои асосии роҳро ташкил медиҳанд.

Зикр шудааст, ки иншоот дар доираи ҳамкориҳои судманди миёни Тоҷикистону Ҳиндустон бо харҷи 46,5 миллион доллари ИМА сохта мешавад.

Лоиҳаи “Сохтмони роҳи автомобилгард аз Дарвозаи Ғарбӣ то маҳаллаи Чортут” яке аз тарҳҳои самарабахши ҳамкорӣ байни шаҳрдорӣ ва Ҳукумати Ҷумҳурии Ҳиндустон маҳсуб меёбад, ки марҳилаи аавали он расман шуруъ гардид.

0
Барчаспҳо:
роҳ, сохтмон, Тоҷикистон