Футбольный матч сборных Таджикистана и Мьянмы. Онлайн-трансляция

Имрӯз бозии дӯстонаи мунтахаби Тоҷикистон ва АМА баргузор мешавад: ки пирӯз мешавад?

70
(Таҷдидшуда 18:04 12.11.2020)
Мунтахаби футболи Тоҷикистон шоми имрӯз бозии дуввуми дӯстонаашро бо яккачини Аморати Муттаҳидаи Араб дар сафар доир мекунад

ДУШАНБЕ,12 ноя – Sputnik. Тибқи иттилои торномаи Федератсияи футболи Тоҷикистон, бозии яккачинҳои АМА ва Тоҷикистон дар варзишгоҳи "Забил"-и Дубай, ки майдони хонагии тими  футболи "Ал-Васл" аст, доир мешавад.

Ба иттилои манбаъ, рақобати дастаҳо соати 18:00 ба вақти маҳаллӣ (соати 19:00 ба вақти Душанбе) оғоз меёбад.

ФФТ мегӯяд, дар умум ин нахустин рақобати мунтахабҳои Тоҷикистону АМА мебошад.

Ёдовар мешавем, мунтахаби кишвар дар нахустин бозии расмии рафиқонааш аз тими Ӯзмекистон шикаст хурд ва ҳамзамон санаи 7 ноябр аз яккачини Баҳрайн мағлуб шуд.

Шикасти мунтахаби Тоҷикистон дар меҳмонӣ аз дастаи Ӯзбекистон-видео

Дар ин сафар сармураббии миллипӯшони кишвар Усмон Тошев бо худ 25 футболбозро ҳамроҳ гирифтаст, ки аз инҳо 3 дарвозабон, 8 муҳофиз, 9 ниммуҳофиз ва 5 ҳамлагар гирифтааст.

 

Ҳайати тими миллии Тоҷикистон дар бозиҳои дӯстона бо тимҳои миллии Баҳрайн 7 ноябр ва АМА 12 ноябр аз ин қабил аст:

Дарвозабонҳо: Рустам Ятимов ("Истиқлол"), Шоҳрух Қирғизбоев ("Локомотив-Помир"), Мухриддин Ҳасанов ("Хуҷанд");

Муҳофизон: Давронҷон Эгашев ("Бунёдкор", Узбекистон), Аҳтам Назаров, Искандар Ҷалилов, Зоир Ҷӯрабоев, Табрези Давлатмир, Ваҳдат Ҳанонов (ҳама аз "Истиқлол"), Манучеҳр Сафаров ("Локомотив-Помир"), Алишер Баротов ("Хуҷанд");

Ниммуҳофизон: Парвизҷон Умарбоев ("Локомотив", Пловдив, Булғоистон), Эҳсони Панҷшанбе ("Навбаҳор", Узбекистон), Комрон Турсунов ("ТРАУ", Ҳиндустон), Илҳом Баротов ("Истаравшан"), Амирбек Ҷӯрабоев, Муҳаммадҷон Раҳимов (ҳама аз "Истиқлол"), Шервони Мабатшоев (КМВА), Абдулмумин Забиров ("Хуҷанд"), Шарафҷон Солеҳов ("Файзканд"), Хуршед Абдуллоев ("Душанбе-83");

Тошев дар бораи сатҳи омодагии мунтахаби миллии футболи Тоҷикистон гуфт: видео

Ҳамлагарон: Манучеҳр Ҷалилов, Шериддин Бобоев, Рустам Соиров (ҳама аз "Истиқлол"), Тоҳир Малодустов ("Хуҷанд"), Ислом Зоиров ("Локомотив-Помир").

 

 

70
Диего Марадона

Диего Марадона - номвартарин ситораи ҷаҳонии футбол даргузашт: 61 сол дошт

550
(Таҷдидшуда 14:19 26.11.2020)
Номвартарин ситораи ҷаҳонии футбол, қаҳрамони ҷаҳон дар соли 1986, Диего Марадонаи 61- сола аз олам гузашт

ДУШАНБЕ, 25 ноя — Sputnik. Ассосиатсияи футболи Аргина дар Twitter хабари даргузашти ситораи ҷаҳонии футболро тасдиқ намуд.

Бар хабари TN, санаи 30- юми октябр Марадонаро барои гузаштан аз ташхиси тиббӣ ба бемористон оварда буданд, зеро ӯ қаблан ҷарроҳии мағзи сар шуда буд.

Манбаъ меафзояд, Марадона рӯзи 12 уми декабр пас аз ҷарроҳии мағзи сар, аз дармонгоҳ мураххас шуда буд.

Дар ҳамин ҳол, рӯзномаи Perfil сабаби марги ситораи ҷаҳониро, аз тапидан бозмондани қалбаш рабт медиҳад. Ин манбаъ меафзояд, ки фишори хуни Марадона ба якборагӣ пас шуд ва пизишкони Ёрии таъҷилӣ натавонистанд ӯро аз чанголи марг раҳонанд.

Дар дақиқаи чорум: Роналдо аллакай ҳисоби бозии Португалия ва Марокашро боз кард

Дар робита ба даргузашти Марадона, кишвардори Аргентина Алберто Фернандес дар қаламрави кишвараш се рӯзи мотам  эълон намуд.

Диего Армандо Марадона 30 октябри соли 1960 таваллуд шудааст. Дар синни 10- солагӣ ба тими наврасони "Лос Себолитас" пайваст.

Аз соли 1977 Диего ба ҳайати тими миллӣ шомил гардид.

Бозии охирони Марадона бо тими "Ривер Плейта" санаи 25 октябри соли 1997 сурат гирифта буд. Пас аз ин бозӣ, санаи 30- юми октябр ситораи футбол аз анҷоми "карера"- и худ хабар дод.

Ӯ аз соли 2008 то 2010 мураббии тими миллии Аргентина буд.

550
Барчаспҳо:
даргузашт, Диего Марадона
Комроншохи Устопириен, архивное фото

Ҷарроҳии Комроншоҳи Устопириён дар Туркия

1150
(Таҷдидшуда 21:27 25.11.2020)
Комроншоҳи Устопириён - аз машҳуртарин паҳлавонони Тоҷикистон дар яке аз бемористонҳои Туркия ҷарроҳӣ шуд

ДУШАНБЕ, 25 ноя – Sputnik. Варзишкори номдори тоҷик Комроншоҳи Устопириён дар яке аз беморхонаҳои шаҳри Карси Туркия ҷарроҳӣ шуд, дар ин бора  Sputnik Тоҷикистон хабар медиҳад.

Ҷарроҳии дасти Комроншоҳ ба хубӣ анҷом дода шуд ва аҳволи варзишкор беҳбуд меёбад. Ҳафтаҳои оянда паҳлавони тоҷик табобати физиотерапияро гузаронида ва баъд ба тамрин бармегардад.

Эҳтимолан варзишкор соли 2021 ба майдони варзиш бозмегардад.

Ёдовар мешавем, ки Будапешт соли оянда мизбони қаҳрамонии ҷаҳон оид ба ҷудо мегардад. Дар аввал, пойтахти Маҷористон мебоист Ҷоми ҷаҳонро дар соли 2022 ташкил мекард, дар ҳоле ки Ҷоми Ҷаҳон-2021 ба Тошканд (Ӯзбекистон) супорида шуда буд.

Аммо Федератсияи байналмилалӣ тақвимро ислоҳ кард ва Будапешт ҳуқуқи баргузории қаҳрамонии ҷаҳонро дар соли оянда ба даст овард. Интизор меравад, ки ин рақобат мақоми роҳхат ба Олимпиадаи Токиоро доро мешавад.

Кумитаи байналмилалии олимпӣ эълом дошт, ки Олимпиадаи Токио-2020 аз 23 июл то 8 августи соли 2021 баргузор хоҳад шуд. Аз ин лиҳоз, Ҷоми Ҷаҳон марҳилаи интихобии Олимпиада хоҳад шуд, ки бо эҳтимоли зиёд то моҳи майи соли 2021 баргузор мешавад.

Медали биринҷии Комроншоҳи Устопириён дар Қаҳрамонии ҷаҳон

Комроншоҳи Устопириён дар қаҳрамонии ҷаҳонии самбо медали биринҷӣ ба даст овард.

Ҷудочиёни тоҷик аллакай ба мусобиқа омодагӣ мебинанд. Комроншоҳи Устопириён яке аз пешвоёни ҷудои тоҷик аст. Инчунин, умед ба ҷудочиёни дигар: Сомон Маҳмадбеков, Темур Раҳимов, Беҳрӯз Хоҷазода, Саидҷалол Саидов ва дигарон низ ҳаст.

Дар мавсими ҷорӣ Комроншоҳи Устопириён дар қаҳрамонии ҷаҳон оид ба самбо, ки дар Сербия баргузор шуд, ширкат кард ва дар вазни 90 кило медали биринҷиро ба даст овард.

"Ташаккур ба ҳамаи ҳаводорон. Ман минбаъд низ барои ба даст овардани натиҷаҳои хуб саъй хоҳам кард. Мехостам қаҳрамони ҷаҳон шавам, кӯшиш мекунам, ки дар қаҳрамонии оянда аввалин бошам, -  гуфт варзишгар.

1150
Барчаспҳо:
Туркия, даста, ҷарроҳӣ, варзишкор, Комроншоҳи Устопириён
Заседание Координационного совета руководителей компетентных органов государств – членов ОДКБ

Мақомдорони СААД вазъи муҳоҷират дар пандемияро баррасӣ кардаанд

0
(Таҷдидшуда 19:04 26.11.2020)
Дар ҷаласаи Шӯрои махсуси Созмони аҳдномаи амнияти дастаҷамъӣ дар бахши сиёсати умури муҳоҷират натиҷаҳои вазъ дар замони пандемияро ҷамъбаст карданд

ДУШАНБЕ, 26 ноя — Sputnik. Дар Маркази вокунишҳои буҳронии СААД таҳти раёсати ноиби аввали вазири умури дохилии Русия, генерал-полковник Александр Горовой ҷаласаи Шӯрои ҳамоҳангсозии кишварҳои узви СААД баргузор гардид.

Дар ҷаласа роҳбарони сохторҳои масъули мубориза бо муҳоҷирати ғайриқонунӣ иштирок карданд.

Валерий Семериков, ноиби дабири кулли СААД, зикр намуд, ки паҳншавии коронавирус одоти зиндагӣ тақрибан дар тамоми ҷаҳонро тағйир дод.

 Ӯ зарур хонд, ки бояд пайомадҳои пандемия хеле дақиқ таҳлил карда шаванд ва бояд роҳҳои ҳалле дар умури муҳоҷират пешниҳод гарданд, дар сурате агар чунин вазъият боз такрор шавад.

Дар ҷаласа таъкид шудааст, ки вазъи муҳоҷират сарфи назар аз мушкилоти пайдошуда дар маҷмӯъ муътадил ва назоратшаванда мебшад.

Инчунин хабар дода шуд, ки соли 2021 амалиёти махсуси минтақавии СААД таҳти унвони “Нелегал” гузаронда хоҳад шуд. Ҷаласаи оянда дар Тоҷикистон баргузор хоҳад шуд, чун роҳбарӣ дар СААД ба ин кишвар мегузарад.

0
Барчаспҳо:
Русия, муҳоҷират, амният