Теннисная рокетка, архивное фото

Чемпионҳои Тоҷикистон дар риштаи тенниси рӯи миз маълум шуданд

40
(Таҷдидшуда 18:36 13.11.2020)
Кумитаи миллии олимпии Тоҷикистон аз анҷоми чемпионати кишвар дарриштаи тенниси рӯи миз хабар дода, ғолибонро эълон намуд

ДУШАНБЕ, 13 ноя – Sputnik. Тибқи иттилои Кумитаи миллии олимпӣ, дар Мактаби махсуси варзишии захираҳои олимпии №5-и шаҳри Душанбе Чемпионати Тоҷикистон оид ба тенниси рӯи миз баргузор шуд, ки дар натиҷа беҳтаринҳои ин намуди варзиш муайян гардиданд.

Манбаъ аз қавли директори иҷроияи Федератсияи тенниси рӯи мизи Тоҷикистон Сайдулло Саидамиров навиштааст, ки дар чемпионат 80 варзишгар дар ҳайати 9 дастаи мардон ва 9 дастаи занон иштирок кардаанд.

Теннисбозон, ки аз ҳамаи минтақаҳои кишвар иштирок доштаанд, барои 16 маҷмуи медалҳо рақобат карданд.

"Дар натиҷа, варзишгарони вилояти Суғд 15 медал, аз ҷумла 10 тилло, 3 нуқра, 2 биринҷӣ, шаҳри Душанбе 17 медал, аз ҷумла 5 тилло, 5 нуқра, 7 биринҷӣ, Хатлон-2 15 медал, аз ҷумла 1 тилло, 7 нуқра, 7 биринҷӣ ва Бадахшон як медали нуқра ба даст оварданд".

Дар сабқат аз рӯи ҳисоби даставӣ миёни мардон Суғд ҷои якум, Душанбе-1 ҷои дуюм ва Хатлон-2 ҷои сеюм гирифта, миёни бонувон Суғд ҷои аввал,  Хатлон-2 ҷои дуюм ва Душанбе-1 мақоми сеюмро соҳиб шудааст.

40
Барчаспҳо:
мубориза, сабқат, теннис, Тоҷикистон
Хабиб Нурмагомедов, боец смешанного стиля, чемпион абсолютного бойцовского чемпионата (UFC) в легком весе

"Кепка бо акси Масъуд": туҳфаи тоҷикон ва ваъдаи Ҳабиб барои як мусобиқа дар Душанбе-видео

2504
(Таҷдидшуда 15:28 04.12.2020)
Ҳабиб Нурмуҳаммадов қаҳрамони UFC дар вазни сабук зимни як нишасти матбуотӣ гуфт, ки ният дорад дар Тоҷикистон мусобиқа баргузор кунад

ДУШАНБЕ, 4 дек – Sputnik. Размикори доғистонӣ Ҳабиб Нурмуҳаммадов изҳор доштааст, ки мехоҳад дар Душанбе як мусобиқаи калон баргузор кунад, чун ҳаводорони ин намуд варзиш дар Тоҷикистон ниҳоят зиёданд.

Ҳабиб Нурмуҳаммадов дар як нишасти матбуотӣ дар мавриди нақшаҳои минбаъдаи худ дар ояндаи наздик ибрози назар кард.

Талоши Ҳабиб барои ворид кардани набардҳои ММА ба барномаи бозиҳои тобистонаи Олимпӣ

Дар ҷараёни нишасти хабарӣ, аз Ҳабиб пурсида шуд, ки нияти дар Тоҷикистон баргузор кардани мусобиқаро дорад ё хайр, ҷавоби мусбат дода шуд.

"Бале, мо чунин ният дорем. Зеро он ҷо теъдоди ҳаводорони ин намуд варзиш зиёд буда, ҳамзамон размикорони тайёр низ ҳаст, ки тавони гирд овардани шумораи зиёди тамошобинонро доранд", - тавзеҳ дод Нурмуҳаммадов.

Размикори доғистонӣ илова намуд, ки соли оянда ҳатман як мусобиқа дар Тоҷикистон баргузор мешавад.

Дар фарҷом аз номи мухлисони тоҷик ба Ҳабиб сарпӯше бо тасвири Аҳмадшоҳи Масъуд ҳадя карда шуд.

2504
Барчаспҳо:
навор, Душанбе, мусобиқа, Ҳабиб Нурмуҳаммадов

Дастпарвари футболи тоҷик беҳтарин мураббии моҳ дар Премер Лигаи Русия дониста шуд

172
(Таҷдидшуда 21:26 03.12.2020)
Зодаи Тоҷикистон, мураббии футбол Игор Черевченко дубора дар садри рейтинги Премер Лигаи Русия қарор гирифтааст

ДУШАНБЕ, 3 дек – Sputnik. Зодаи Тоҷикистон Игор Черевченко беҳтарин мураббии моҳи ноябр дар Премер Лигаи Русия эътироф шуд, хабар медиҳад хадамоти матбуотии ин созмон дар Twitter.

Мухлисон, мутахассисони Премер Лигаи Русия ва ҳамзамон шабакаи телевизионии MATCH якдилона ӯро беҳтарин номиданд.

Ёдовар мешавем, Черевченко барои кор бо тими футболи "Химки" даъват карда шуд. Таъиноти ӯ ба ҳайси мураббӣ рӯзи 25-уми сентябр тасдиқ шуд.

Давоми моҳи ноябр ба мураббӣ муяссар шуд, ки бо Рубин (2: 0), Уфа (2: 1) ва Краснодар (1: 0) се бозиро бо ғалаба анҷом диҳад.

Даспарварони Черевченко танҳо як бозиро бо тими "Зенит" (2:0) бохтанд.

Черевченко 46-сол дошта, писари Геннадий Черевченко, аз бозингарони маъруфи дастаи "Помир"-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Cобиқ футболбози тими миллии Тоҷикистон, сармураббии “Химки” шуд

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

172
Барчаспҳо:
беҳтарин, Сармураббӣ, футбол, Русия
Морозное утро

Ҳушдор аз сардиҳо: чанд тавсияи КҲФ ба сокинон

15
(Таҷдидшуда 12:40 05.12.2020)
Кумитаи ҳолатҳои фавқулодда ва мудофиаи граждании Тоҷикистон ба далели сардии ҳаво аз 5 то 8 декабри соли равон ба сокинони кишвар чанд тавсия додааст

ДУШАНБЕ, 5 дек – Sputnik. КҲФ Тоҷикистон хабар додааст, ки тибқи маълумоти Агентии обуҳавошиносии кишвар, аз 5 то 8 декабри соли 2020 ҳаво сард мешавад. Даводиҳо борон меборад, дар доманакӯҳҳо ва кӯҳҳо барф, дар баъзе минтиақаҳо барф шадидтар меборад. Ҳарорати миёнаи рӯзонаи ҳаво дар водиҳо 5 ° С хоҳад буд.

Кумитаи ҳолатҳои фавқулодда ҳушдор медиҳад, ки барфи тар метавонад сабабгори хароб шудани хатҳои интиқоли барқ, қисман шикастану афтидани дарахтон, инчунин хароб гаштани сутунҳои сустниҳоди реклом дар кӯчаҳо шавад.

“Дар робита ба тағйири обо ҳаво ва сардиҳои чанд рӯзи ояндаву барфу боронҳо  Кумита аз шаҳрвандони кишвар хоҳиш мекунад, ки ҳангоми истифодаи асбобҳои гармидиҳандаи барқӣ қоидаҳои бехатарии сӯхторро қатъиян риоя кунанд, инчунин бехатарии ҳаракат дар роҳҳоро риоя намоянд, хусусан ҳангоми истифода аз роҳҳо ва гузаргоҳҳои кӯҳӣ то ҳадди имкон ҳушёр бошанд”,  - таъкид доштааст манбаъ.

Ҳамзамон КҲФ дар ин рӯзҳо аз шаҳрвандон даъват кардааст, ки ҳаракатро дар роҳҳои кӯҳӣ бидуни эҳтиёҷоти фаврӣ маҳдуд кунанд.

Инчунин ин ниҳод аз сокинон даъват кардааст, ки аз корҳои кишоварзӣ, чаронидани чорво, ҷамъоварии ҳезум ва шикор дар минтақаҳои кӯҳӣ худдорӣ намоянд.

15
Барчаспҳо:
Кумитаи ҳолатҳои фавқулодда, КҲФ Тоҷикистон, тавсия, сокинон, сарди ҳаво, Тоҷикистон