Ҳабиб Нурмуҳаммадов, варзишкори шинохтаи Русия, акс аз бойгонӣ

Гусфанду буқаҳо мепарварам: Ҳабиб аз нақшаҳои панҷсолааш гуфт

686
(Таҷдидшуда 16:05 20.11.2020)
Ҳабиб Нурмуҳаммадов, қаҳрамони UFC, зимни суҳбат дар бораи нақшаҳояш гуфт, феълан худро дар сиёсати бузург намебинад ва нияти идомаи майдондории касбиро низ надорад

ДУШАНБЕ, 20 ноя — Sputnik. Нурмуҳаммадов дар мулоқот бо ҷавонон дар Дербент нақшаҳояш барои панҷ соли ояндаро баён дошт.

Тавре пойгоҳи интернетии Sports.ru гузориш медиҳад, размикори шинохта изҳор дошт, ки ният дорад дар дар Донишгоҳи иқтисодии ба номи Г. В. Плеханов, ки феълан дар бахши ғоибона таҳсил дорад, соҳиби маълумоти олӣ шавад.

“Соли оянда ман хатм мекунам, мехоҳам дипломро ҳимоя кунам, сипас магистратура ва ҳамин тавр бештари вақтро дар панҷ соли оянда барои таҳсил ҷудо намоям”, - изҳор дошт қаҳрамон.

Нурмуҳаммадов ҳамчунин аз тиҷоратҳояш дар бахши хоҷагии қишлоқ гуфтааст.

“Ман гӯсфандон харидам, ба хоҷагии қишлоқ машғулам, мехоҳам дар ин бахш низ кам-кам рушд намоям. Буқаҳои гӯштдеҳ ва говҳоро дорам. Дар сатҳи ҷаҳонӣ нест, аммо дар бахши варзиш ҳам замоне аз тамрин оғоз карда будам”, - илова намуд Нурмуҳаммадов.

Размикор таъкид намудааст, ки дар айни замон худро дар сиёсати бузург намебинад.

“Мехоҳам дар бахше  фаъол бошам, ки фоида расондан метавонам, шарт нест, ки ҳатман сиёсати бузург бошад. Айни ҳол метавонам муфид бошам, гарчанде сиёсатмадори калон нестам, ин барои ман басанда мебошад”, - таъкид намуд Нурмуҳаммадов.

Қаҳрамон бори дигар изҳор дошт, ки нияти идомаи майдондории касбиро надорад.

“Мешвад то 40-солагӣ ҳам сабқат кард, аммо бояд ҳадафе бошад. Мақсади ман раисдан ба қулла буд, ки расидам. Дигар он ҷо ҳавасмандии рақобатро надорам”, - изҳор дошт Ҳабиб.

Нурмуҳаммадов дар пайи пирӯзӣ бо бар Ҷастин Гетҷӣ, бо 29 ғалаба ва бидуни шикаст изҳор дошт, ки фаъолияти касбияшро хотима медиҳад.

686
Барчаспҳо:
пирӯзӣ, нақша, Ҳабиб Нурмуҳаммадов, Русия
Хабиб Нурмагомедов

Баъди Рамазон: Ҳабиб санаи баругзории GFC 20 дар Ӯзбекистонро гуфт

319
(Таҷдидшуда 19:29 01.12.2020)
Ҳабиб Нурмуҳаммадов, размикори шинохтаи Русия гуфт, тарҳи баргузории мусобиқаи GFC 20 дар Тошканд аллакай омода аст, аммо ба далели пандемияи коронавирус дар он метавонанд баъзе тағйирот ворид гарданд

ДУШАНБЕ, 1 дек — Sputnik. Нурмуҳаммадов, қаҳрамони UFC дар вазни сабук санаи тақрибии баргузории мусобиқоти GFC 20-ро гирифт, хабар дод Sputnik Ӯзбекистон.

Ӯ зимни нишасти матбуотӣ дар Кумитаи миллии олимпӣ дар Тошканд изҳор дошт, ки мусобиқа дар ин шаҳр баргузор хоҳад шуд.

"Фикр мекунем, ки баъди Рамазон дар моҳи май баргузор намоем ", - гуфт Нурмуҳаммадов.

Ба гуфтаи Нурмуҳаммадов, GFC 20, ки соли 2019 дар Тошканд баргузор шуда буд, ба рушди ҳунарҳои размии омехта дар Ӯзбекистон таъсири мусбат гузошт. Ин мусобиқот ба ҷавонон илҳом бахшиданд ва онҳо дар гуруҳҳои варзишӣ сабти ном карданд.

"Размандаҳо дастбакор шуданд, ҳавасмандӣ пайдо гардид", - таъкид намуд Нурмуҳаммадов.

Ӯ соли 2019 дар Ӯзбекистон изҳор дошта буд, ки омода аст барои варзишкорони бомаҳорат барои ҳунарнамоияшон дар саҳнаҳои ҷаҳонӣ мусоидат кунад. Қаҳрамони UFC инчунин изҳори ният кард, ки дар Ӯзбекистон Академияи муҳорибаҳоро таъсис медиҳад.

Қаблан ин ташаббуси Нурмуҳаммадовро роҳбари Шӯрои мудирони Premier Beverages, Игор Ким ҷонибдорӣ намуд.

319
Барчаспҳо:
варзиш, сабқат, Ӯзбекистон
Хабиб Нурмагомедов

Талоши Ҳабиб барои ворид кардани набардҳои ММА ба барномаи бозиҳои тобистонаи Олимпӣ

144
(Таҷдидшуда 18:18 01.12.2020)
Ҳабиб Нурмуҳаммадов, размикори шинохтаи доғистонӣ талош дорад санъати муҳорибаҳои омехта ё худ ММА-ро ба рӯйхати барномаи бозиҳои тобистонаи Олимпиада шомил созад.

ДУШАНБЕ, 1 дек — Sputnik. Қаҳрамони UFC Хабиб Нурмуҳаммадов гуфт, ки ба наздикӣ бо роҳбари Кумитаи байналмилалии олимпӣ (КБО) Томас Бах мулоқот карда, масъалаи ба барномаи бозиҳои тобистонаи Олимпиадаи 2028 шомил кардани ҳунарҳои муҳорибаи омехтаро баррасӣ мекунад.

"Дохил кардани ММА ба Олимпиада яке аз вазифаҳои асосии ман барои ду соли оянда аст, мо аллакай дар ин самт кор карда истодаем. Дар ояндаи наздик ман мулоқотҳои зиёде хоҳам дошт, аз ҷумла бо Президенти Кумитаи Олимпӣ. Ба фикри ман, агар дар Париж набошад, пас дар Лос-Анҷелес, мо имкониятҳои зиёди таблиғи ММА дорем ", - навиштааст Sputnik Узбекистон аз қавли Нурмуҳаммадов.

Ба гуфтаи Нурмуҳаммадов, ягона мушкилӣ дар ин самт бераҳмӣ дар ин навъи варзиш аст, зеро дар Олимпиада ин истиқбол намешавад, онҳо намехоҳанд хуни зиёд бошад.

Дана Уайт: Ман ҳанӯз шарт мебандам, ки Ҳабиб рекорди 30:0 мегузорад. Инро падараш мехост

Дар робита ба эътирофу сарпарастӣ ва таваҷҷӯҳ ба ин навъи варзиш Нурмуҳаммадов гуфт, агар ММА ба барномаи Олимпиада шомил карда шавад , он аз ҷиҳати манфиат бо футбол ва варзиши сабук дар як саф хоҳад буд.

Ҳабиб Нурмуҳаммадов, қаҳрамони UFC ва яке аз ситораҳои санъати муҳорибаҳои омехта мебошад.

Гусфанду буқаҳо мепарварам: Ҳабиб аз нақшаҳои панҷсолааш гуфт

Ӯ ахиран дар пайи пирӯзӣ бар Ҷастин Гетҷи, бо 29 ғалаба ва бидуни шикаст изҳор дошт, ки фаъолияти касбияшро хотима медиҳад.

144
Барчаспҳо:
Олимпиада, муҳориба, Ҳабиб Нурмуҳаммадов, ММА
Медицинский работник в спецзащите в отделении реанимации и интенсивной терапии

Вазорат марги боз як нафари дигарро бар асари COVID-19 дар Тоҷикистон таъйид кард

0
(Таҷдидшуда 19:48 02.12.2020)
Вазорати тандурустӣ ва ҳифзи иҷтимоии аҳолии Тоҷикистон эълон кард, ки тайи шабонарӯзи гузашта як ҳолати фавт бар асари коронавирус ба қайд гирифта шудааст

ДУШАНБЕ, 2 дек — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи гузашта дар ҷумҳурӣ 38 ҳолати нави сироятёбӣ ба COVID-19 ошкор гардид.

Манбаъ афзуд, шумораи умумии гирифторон аз 30 апрел то 2 декабр ба 12 ҳазору 269 нафар расид.

Вазорат таъкид намудааст, ки давоми шабонарӯзи гузашта 37 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба  11 ҳазору 677 баробар гардид.

Таносуби шифоёфтагон аз теъдоди умумии гирифторон 95,2% арзёбӣ шудааст.

Дар ҳамин ҳол, вазорати тандурустӣ қайд кардааст, ки мутаасифона шабонарӯзи гузашта боз як марги дигар ба қайд гирифта шуд.

Ҳамин тавр ба иттилои вазорат, аз 30 апрел то 2 декабри соли равон бар асари ин беморӣ 87 нафар фавтидаанд.

Мавриди зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

0
Барчаспҳо:
марг, вируси корона, фавт, шабонарӯзӣ, Вазорати тандурустӣ, Тоҷикистон