ФК Истиклол

Рейтинги клубҳои AFC: мавқеъҳои нави "Истиқлол" ва "Хуҷанд"

167
(Таҷдидшуда 13:09 22.11.2020)
Рейтинги нави клубҳои Конфедератсияи футболи Осиё маълум шуд, ки дар он дастаҳои Тоҷикистон мавқеъҳои худро беҳтар карданд

ДУШАНБЕ, 22 Ноябр - Sputnik. Қаҳрамони Тоҷикистон “Истиқлол”-и Душанбе дар қатори 50 дастаи беҳтарин дохил шуд.

Клуби Душанбе нисбат ба соли гузашта дар ин раддабандӣ 13 зина боло рафтааст, ки он замон охири моҳи ноябр дар ҷои 54-ум қарор гирифта буд.

Тибқи нишондодҳои моҳи октябри соли 2020, финалистони дукаратаи Ҷоми AFC дар маҷмӯъ 29,77 имтиёз дорад ва дар ин рейтинг зинаи 41-умро гирифтааст.

Дар маҷмӯъ, ба ин раддабандӣ 144 дастаи Осиё шомил шудаанд.

Дастаи дигари тоҷикон - "Хуҷанд" бошад бо 11,50 хол дар ҷои 84-ум қарор дорад.

Миёни тимҳои Осиёи Марказӣ, ҷои баландтарин ба “Локомотив” -и Тошканд тааллуқ дорад, ки бо 36,07 хол дар ҷойи 27-ум қарор гирифтааст.

Сеюмин шикаст дар бозии дӯстона: Тоҷикистон аз мунтахаби АМА мағлуб шуд

Панҷгонаи беҳтарин дастаҳои Осиё аз ин қабиланд- Кашима Антлерс (Ҷопон, ҷои 1-ум, 100,79 хол), Ал-Ҳилол (Арабистони Саудӣ, ҷои 2-юм, 97,91 имтиёз), Шанхай SIPG (Чин, ҷои 3, 96.00 хол), "Ал-Дуҳайл" (Қатар, ҷои 4-ум, 87.91), Гуанчжоу Эвергранд (Чин, ҷои 5, 86.00 хол).

167
Барчаспҳо:
Раддабандӣ, тими футболи "Хуҷанд", "Истиқлол", Тоҷикистон
Хабиб Нурмагомедов, боец смешанного стиля, чемпион абсолютного бойцовского чемпионата (UFC) в легком весе

"Кепка бо акси Масъуд": туҳфаи тоҷикон ва ваъдаи Ҳабиб барои як мусобиқа дар Душанбе-видео

2675
(Таҷдидшуда 15:28 04.12.2020)
Ҳабиб Нурмуҳаммадов қаҳрамони UFC дар вазни сабук зимни як нишасти матбуотӣ гуфт, ки ният дорад дар Тоҷикистон мусобиқа баргузор кунад

ДУШАНБЕ, 4 дек – Sputnik. Размикори доғистонӣ Ҳабиб Нурмуҳаммадов изҳор доштааст, ки мехоҳад дар Душанбе як мусобиқаи калон баргузор кунад, чун ҳаводорони ин намуд варзиш дар Тоҷикистон ниҳоят зиёданд.

Ҳабиб Нурмуҳаммадов дар як нишасти матбуотӣ дар мавриди нақшаҳои минбаъдаи худ дар ояндаи наздик ибрози назар кард.

Талоши Ҳабиб барои ворид кардани набардҳои ММА ба барномаи бозиҳои тобистонаи Олимпӣ

Дар ҷараёни нишасти хабарӣ, аз Ҳабиб пурсида шуд, ки нияти дар Тоҷикистон баргузор кардани мусобиқаро дорад ё хайр, ҷавоби мусбат дода шуд.

"Бале, мо чунин ният дорем. Зеро он ҷо теъдоди ҳаводорони ин намуд варзиш зиёд буда, ҳамзамон размикорони тайёр низ ҳаст, ки тавони гирд овардани шумораи зиёди тамошобинонро доранд", - тавзеҳ дод Нурмуҳаммадов.

Размикори доғистонӣ илова намуд, ки соли оянда ҳатман як мусобиқа дар Тоҷикистон баргузор мешавад.

Дар фарҷом аз номи мухлисони тоҷик ба Ҳабиб сарпӯше бо тасвири Аҳмадшоҳи Масъуд ҳадя карда шуд.

2675
Барчаспҳо:
навор, Душанбе, мусобиқа, Ҳабиб Нурмуҳаммадов

Дастпарвари футболи тоҷик беҳтарин мураббии моҳ дар Премер Лигаи Русия дониста шуд

184
(Таҷдидшуда 21:26 03.12.2020)
Зодаи Тоҷикистон, мураббии футбол Игор Черевченко дубора дар садри рейтинги Премер Лигаи Русия қарор гирифтааст

ДУШАНБЕ, 3 дек – Sputnik. Зодаи Тоҷикистон Игор Черевченко беҳтарин мураббии моҳи ноябр дар Премер Лигаи Русия эътироф шуд, хабар медиҳад хадамоти матбуотии ин созмон дар Twitter.

Мухлисон, мутахассисони Премер Лигаи Русия ва ҳамзамон шабакаи телевизионии MATCH якдилона ӯро беҳтарин номиданд.

Ёдовар мешавем, Черевченко барои кор бо тими футболи "Химки" даъват карда шуд. Таъиноти ӯ ба ҳайси мураббӣ рӯзи 25-уми сентябр тасдиқ шуд.

Давоми моҳи ноябр ба мураббӣ муяссар шуд, ки бо Рубин (2: 0), Уфа (2: 1) ва Краснодар (1: 0) се бозиро бо ғалаба анҷом диҳад.

Даспарварони Черевченко танҳо як бозиро бо тими "Зенит" (2:0) бохтанд.

Черевченко 46-сол дошта, писари Геннадий Черевченко, аз бозингарони маъруфи дастаи "Помир"-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Cобиқ футболбози тими миллии Тоҷикистон, сармураббии “Химки” шуд

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

184
Барчаспҳо:
беҳтарин, Сармураббӣ, футбол, Русия
Врачи работают с пациентами Covid-19 в отделении интенсивной терапии

Вазорат: марг бар асари СOVID-19 дар шабонарӯзи гузашта ба қайд гирифта нашудааст

0
(Таҷдидшуда 19:28 05.12.2020)
Вазорати тандурустӣ ва ҳифзи иҷтимоии аҳолии Тоҷикистон эълон кард, ки тайи шабонарӯзи гузашта ягон ҳолати фавт бар асари коронавирус ба қайд гирифта нашудааст

ДУШАНБЕ, 5 дек — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи гузашта дар ҷумҳурӣ 40 ҳолати нави сироятёбӣ ба COVID-19 ошкор гардид.

Раскрыта причина низкой стоимости российской вакцины от COVID-19 - YouTube
© Ruptly РФПИ / youtube_RussiaUN / www.cbc.ca / WHO / АФК "Система", завод "Биннофарм"

Манбаъ афзуд, шумораи умумии гирифторон аз 30 апрел то 5 декабр ба 12 ҳазору 389 нафар расид.

Вазорат таъкид намудааст, ки давоми шабонарӯзи гузашта 38 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба  11 ҳазору 796 баробар гардид.

Таносуби шифоёфтагон аз теъдоди умумии гирифторон 95,2% арзёбӣ шудааст.

Ҳамин тавр ба иттилои вазорат, аз 30 апрел то 5 декабри соли равон бар асари ин беморӣ 87 нафар фавтидаанд.

Мавриди зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

0
Барчаспҳо:
шабонарӯзӣ, фавт, Вазорати тандурустӣ, вируси корона, Тоҷикистон