Боксерские перчатки, архивное фото

Видеои муштзании Воҳидови шикастнадида бо варзишкори украинӣ: пирӯзӣ баъди нокаут-навор

364
(Таҷдидшуда 12:38 06.12.2020)
Асрор Воҳидов, муштзани шикастнадидаи тоҷик, Ержан Залилов, варзишкори украинӣ Данило Савченкоро шикаст дод

ДУШАНБЕ, 5 дек — Sputnik. Рақобати Асрор Воҳидов дар доираи мусобиқаи RCC Boxing  рӯзи гузашта дар шаҳри Екатеринбург доир гашт.

Муҳориба се давр давом карда, варзишкори украинӣ дар пайи ҳамлаҳои муваффақи Воҳидов ба замин афтид.

Ёдовар мешавем ин рақобати ҳаштуми Воҳидов буд, ки бидуни шикаст поён ёфт.

Ҳамакнун Воҳидови 24-сола дар 8 сабқат 8 пирӯзӣ ба даст овардааст, ки 4-тои он бо нокаут анҷомида буданд.

Асрор Воҳидов 20 октябри соли 1995 дар Исфара таваллуд шудааст. Варзишгар дар вазнҳои то 52 кг ва то 56 кг баромад мекунад.

Мақомоти Исфара ба варзишкорон Асрор Воҳидов ва Муҳаммадҷон Ёқубов замину пул тақдим кард

Асрор Воҳидов, баҳори имсол, Ержан Залилов, муштзани қазоқ, бо лақаби “Ракета”-ро дар як зӯрозмоии шадид шикаст дода буд.

Посмотреть эту публикацию в Instagram

Публикация от RCC Boxing Promotions (@rccboxing)

Воҳидов дар шарҳи пирӯзияш гуфтааст, ки ин як муборизаи одӣ бо омодагии душвор буд.

“Мо ба ин рақобат чор моҳ омодагӣ мегирифтем, ин аллакай омодагии сеюм буд, зеро бо сабаби пандемия - дидорҳои қаблӣ вайрон шуданд. Бадтарин ҳолат он аст, ки шумо омода мешавед, аммо мубориза бекор карда мешавад”,-гуфт Воҳидов.

Кӣ зӯртар: пуршӯртарин лаҳзаҳо аз зӯрозмоии муштзанони тоҷику узбак

Аммо имрӯз ман омода будам, ба мубориза бо шакли хеле хуб вориди майдон шудам, медонистам, ки рақибам муборизи хубу ҷавон буд, аз ин омодагии ман низ хуб буд, изҳор дошт муштзани тоҷик.

364
Женский футбол, архивное фото

Фозилова нахустин тоҷикдухтарест, ки ба тими Гурҷистон пайваст

129
(Таҷдидшуда 19:53 02.03.2021)
Мадина Фозилова мегӯяд, ҳоло гузариши ӯ ба тими Гурҷистон дар ҳоли анҷомёбист ва рӯзҳои наздик ӯ ба қасди он давлат Тоҷикистонро тарк мекунад

ДУШАНБЕ, 2 мар — Sputnik. Мадина Фозилова собиқ ҳамлавари бошгоҳи "Зебонисо" ва ҳоло сарвони тими мунтахаби бонувони Тоҷикистон, эҳтимол аст, ки фаъолияти футболбозии хешро дар Қаҳрамонии Гурҷистон идома диҳад, хабар медиҳад сомонаи Варзиш.

Ба иттилои манбаъ, ҳоло гузариши Мадина ба тими Гурҷистон дар ҳоли анҷомёбист.

"Ҳоло гуфтушунид байни футболбоззани тоҷик ва роҳбарияти дастаи "WFC Nike" идома дорад, - таъкид мешавад дар хабар.

Манбаъ меафзояд, охири ҳафтаи равон гузариши Мадина ба дастаи мазкур сурат мегирад.

Бояд гуфт, ки Мадина Фозилова нахустин бонуест, ки дар таърихи футболи тоҷик ба як тими аврупоӣ мепайвандад.

Духтарони тоҷику узбак футбол мебозанд: дидори Р.Эмомалӣ ва У. Аҳмадҷонов

Зикр мегардад, дастаи нави Мадина Фозилова дар Лигаи Қаҳрамонҳои Аврупо байни бонувон ҳунарнамоӣ мекунад.

129
Барчаспҳо:
Гурҷистон, футбол
Ученики Зебинисо Рустамова

Камонварони тоҷик дар Тошканд мақоми дуюм гирифтанд

55
(Таҷдидшуда 14:34 02.03.2021)
Дар ин мусобиқа тими занона ва мардонаи кишвари мизбон мақоми аввалро аз худ кард

ДУШАНБЕ, 2 мар — Sputnik. Камонварони Тоҷикистон дар мусобиқаи байналмилалӣ дар Тошканд ду медал ба даст оварданд, хабар медиҳад Кумитаи милли олимпӣ.

Ба иттилои манбаъ, мусобиқаи байналмилалӣ оид ба камонварӣ аз 22 то 27 феврал дар шаҳри Тошканд ҷараён дошт, ки тими Тоҷикистон низ дар кори он иштирок кард.

Тими занона ва мардонаи Тоҷикистон дар ин мусобиқа ба гирифтани медали нуқра даст ёфтанд.

Ба ҳайати тими бонувони Тоҷикистон, Мавзуна Азимова, Фирӯза Зубайдова ва Фирӯза Давлатова шомил буданд. Дастаи мардон аз Анушервон Раҳимӣ, Умед Раҳмонов ва Абдуғаффор Рустамов иборат буд.

Варзишгарони мизбон бошад, қаҳрамони мусобиқа шуданд.

Зимнан, мақоми сеюмро варзишгарони Қирғизистон касб карданд.

55
Барчаспҳо:
ғолиб, Тошканд, варзишгарони тоҷик
День 3 марта

Зодрӯзи Акашариф Ҷӯраев ва нахустин пирӯзии Майк Тайсон: имрӯзи таърих

0
(Таҷдидшуда 14:30 02.03.2021)
Рӯзи 3 март Рӯзи байналмилалии табиати ёбоӣ, Рӯзи байналмилалии нависанда буда дар Қирғизистон – Рӯзи парчами давлатӣ ва дар Судон – Рӯзи ваҳдати миллӣ мебошад

Рӯзи 3 март дар ҷаҳон чӣ рух дод

Соли 1842 дар ИМА аввалин маротиба дар таърихи ҷаҳон қонун дар бораи танзими меҳнати кӯдакон қабул карда шуд.

День 2 марта
© Sputnik/ Стас Этвеш/ Мария Вишнякова

Соли 1973 Конвенсия оид ба савдои байналмилалии намудҳои ҳайвоноти ваҳшӣ ва набототи ёбоии зери хатари нобудшавӣ қарордошта қабул гардид.

Соли 1987 боксёри машҳури америкоӣ Майк Тайсон аввалин маротиба унвони чемпиони ҷаҳонро ба даст овард.

Соли 1991 дар Латвия ва Эстония раъйпурсии умумихалқӣ баргузор гардид, ки дар он аксарияти аҳолӣ барои баромадан аз ҳайати Иттиҳоди Шӯравӣ овоз доданд.

Рӯзи 3 март дар Тоҷикистон чӣ рух дод

Соли 1992 миёни Ҷумҳурии Тоҷикистон ва Ҷумҳурии Фаронса муносиботи дипломатӣ барқарор карда шуданд.

Соли 2009  Президенти Тоҷикистон Эмомалӣ Раҳмон фармон ба имзо расониданд, ки тибқи он Муассисаи давлатии таълимии «Донишкадаи исломии Тоҷикистон» ба Муассисаи давлатии таълимии «Донишкадаи исломии Тоҷикистон ба номи Имоми Аъзам» тағйири ном кард.

Соли 2010 ФИФА рӯйхати нави раддабандии худро нашр намуд. Дар раддабандии мазкур дастаи мунтахаби Тоҷикистон  20 зина боло рафта, беҳтарин ҳисобида шуд ва мақоми 128-умро ишғол кард.

Соли 2010 дар ноҳияи Ёвон  бо иштироки Эмомалӣ Раҳмон корхонаи саноатии истеҳсоли борхалтаҳо ба кор дароварда шуд, ки дар як сол метавонад то 10 миллион борхалта барои гирифтани орд, ғалла, намак ва дигар ашёи рўзгор истеҳсол намояд.

Соли 2014 дар шаҳри Душанбе ҷаласаи муштараки  навбатии ҳайатҳои ҳукуматии  Ҷумҳурии Тоҷикистон ва Ҷумҳурии Қирғизистон баргузор гардид.

Соли 2017 Эмомалӣ Раҳмон ба муносибати 25-умин солгарди барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Фаронса ба Президенти ин кишвар Франсуа Жерар Жорж Олланд барқияи табрикӣ ирсол намуд, ки дар он, аз ҷумла, омадааст: "Мо аз он қаноатмандем, ки тӯли ин солҳо муносибатҳои байнидавлатӣ ва ҳамкории гуногунарсаи судманди кишварҳоямон ба таври муассир густариш ёфта, тобишҳои ҷадиду созанда пайдо кардаанд. Тоҷикистон густариши ҳамкориро бо Франсия яке аз самтҳои афзалиятноки сиёсати хориҷии худ медонад".

Ҷашнҳои рӯзи 3 март

  • Рӯзи байналмилалии табиати ёбоӣ.
  • Рӯзи байналмилалии нависанда.
  • Дар Қирғизистон – Рӯзи парчами давлатӣ.
  • Дар Судон – Рӯзи ваҳдати миллӣ.

Рӯзи 3 март дар Тоҷикистон кӣ таваллуд шуд

Соли 1894 — Акашариф Ҷӯраев, ҳофизи мардумии Тоҷикистон. 

Соли 1919 — Александр Усенко, шоири русзабони Тоҷикистон. 

Соли 1940 — Баҳром Сироҷев, собиқадори соҳаи энерджии Русия.

0
Барчаспҳо:
таърих, барои имрӯз, ҷашн, Тоҷикистон
Мавзуъ
Истеҳсоли "Фолксваген" ва шомил шуданиТоҷикистон ба САҲА: имрӯзи таърих
110 сол пеш Тоҷикистонро заминҷунбии шадид ларзонду кӯли Сарез пайдо шуд: имрӯзи таърих
Мавлуди Гул Шералӣ ва ихтирои нахустин лифти электрикӣ: имрӯзи таърих
Дар Украина ҳукм қатл бекор ва дар Тоҷикистон афсарон соҳиби хона шуданд: имрӯзи таърих
Тоҷикистон ба узвияти СММ пайваст: имрӯзи таърих