Нурмуҳаммадов гуфт, кӣ қодир аст камарбанди қаҳрамониро аз ӯ "бигирад"

847
(Таҷдидшуда 12:33 30.12.2020)
Қаҳрамони UFC дар вазни сабук Хабиб Нурмуҳаммадов гуфт, танҳо чанд варзишкори боқувваттарини ҷаҳон қодиранд, камарбанди қаҳрамониашро аз худ кунанд

ДУШАНБЕ, 30 дек — Sputnik. Варзишкори номии русиягӣ, қаҳрамони UFC дар вазни сабук Ҳабиб Нурмуҳаммадов варзишкоронеро ном бурд, ки қодиранд, камарбанди қаҳрамониашро аз худ кунанд.

Ба гуфти ӯ, се варзишкор метавонад ин корро анҷом диҳад: варзишкори ирландӣ Конор Макгрегор, Дастин Пореи амрикоӣ ва варзишкори русиягӣ Ислом Махачев. Ҳар сеи ин варзишкорон дар вазни сабук дар UFC беҳтаринанд.

Дар баробари ин Нурмуҳаммадов гуфт, кадоме аз миёни ин се варзишкор барои қаҳрамон шудан, бештар шонс дорад.

"Ман фикр мекунам, ғолиби рақобати Дастин Поре ва Конор Макгрегор метавонад барои камарбанди қаҳрамонӣ рақобат кунад. Вале бар зидди кӣ ин саволи мушкил аст", - гуфт Ҳабиб Нурмуҳаммадов дар суҳбат бо шабакаи "МатчТВ".

Ҳамчунин Ҳабиб дар бораи вохӯрии дарпешистода бо раҳбари UFC Дана Уайт хабар дод. Ба гуфтаи варзишкор, онҳо бояд бисёр масъалаҳоро баррасӣ кунанд.

Қаҳрамони феълӣ ҳамчунин аз талошҳои роҳбарияти UFC дар мавриди баргардондани ӯ ҳарф зад. Ӯ гуфт, UFC ҳоло барои бозпас овардани ӯ маблағи ҳангуфт ва рақибони ҳархеларо пешниҳод мекунанд, вале ӯро ба ҳайрат овардан душвор аст.

Ҳабиб аз талошҳои UFC барои баргардондани ӯ гуфт: "маро ба ҳайрат овардан душвор аст"

Ёдовар мешавем, размикори доғистонӣ моҳи октябр Ҷастин Гетҷеи амрикоиро шикаст дода, камарбанди қаҳрамонии худро ҳимоя кард ва пас аз он истеъфояшро аз варзиш эълом кард. Вале баъдтар, роҳбари UFC Дана Уайт борҳо дар бораи эҳтимоли бозгашти Нурмуҳаммадов суҳбат мекард.

847
Барчаспҳо:
пешбинӣ, қаҳрамони UFC, Русия, Ҳабиб Нурмуҳаммадов
Юношеская сборная Таджикистана

Як сол инизорӣ: Чемпионати Осиё миёни наврасону ҷавонон лағв шуд

21
(Таҷдидшуда 12:46 16.01.2021)
КФО ин тасмимро бо дарназардошти номуайянӣ ва хавфҳои марбут ба пандемияи COVID-19, ҳифзи саломатӣ ва амнияти иштирокчиён гирифтааст

ДУШАНБЕ, 16 янв – Sputnik. Имсол Чемпионати Осиё миёни наврасону ҷавонон лағв карда шуд, хабар медиҳад Федератсияи футболи Тоҷикистон.

Тибқи қарори Конфедератсияи футболи Осиё (КФО) чемпионатҳои Осиё оид ба футбол миёни наврасон (U-16), ҷавонон (U-19), ҳамчунин Чемпионати Осиё оид ба футзал имсол доир намешаванд. 

"КФО ин тасмимро бо дарназардошти номуайянӣ ва хавфҳои марбут ба пандемияи COVID-19, ҳифзи саломатӣ ва амнияти иштирокчиён гирифтааст. Баҳрайн ва Ӯзбекистон ҳуқуқи мизбонии марҳилаҳои ниҳоии Ҷоми Осиёро байни наврасон (U-17) ва ҷавонон (U-20) дар соли 2023 ҳифз кардаанд", - менависад манбаъ.

Ҳаким Фузайлов сармураббии тими “Динамо”-и Самарқанд шуд

КФО, ҳамчунин Чемпионати Осиё оид ба футзалро, ки мебоист аз 23 март то 3 апрели соли равон дар Кувайт доир мешуд, барҳам дод. Тибқи қарори КФО, Кувайт низ ҳуқуқи баргузор кардани 16-ум Ҷоми Осиё оид ба футзалро дар соли 2022, ки мунтахаби Тоҷикистон низ ширкат мекунад, ҳифз кард.

Чемпионати Осиё-2021 оид ба футзал, ки бояд дар Тайланд доир мегардид, ба соли 2023 гузаронида шуд.

21
тренер Хаким Фузайлов, архивное фото

Ҳаким Фузайлов сармураббии тими “Динамо”-и Самарқанд шуд

63
Ҳаким Фузайлов, мутахассиси шинохтаи тоҷик сармураббии бошгоҳи футболи Узбакистони “Динамо”-и Самарқанд таъин шудааст

ДУШАНБЕ, 16 янв – Sputnik. Дар ин бора сомонаи бошгоҳи футболи “Динамо”-и Самарқанд иттилоъ дода, гуфтааст, маросими муаррифии Фузайлов дар тим 15 январ доир шуд.

Ба иттилои манбаъ, бошго бо мутахассиси тоҷик шартномаи яксоларо ба имзо расонидааст.

Гуфта мешавад, барои омода кардани тими “Динамо”-и Самарқанд ба Фузайлов мутахассисони маҳаллӣ Ҷасур Ҳамроев, Дилшод Шарофутдинов ва Шӯҳрат Муродов кӯмак мерасонанд.

Ёдовар мешавем мутахассиси 56-сола тайи ним соли гузашта дар бошгоҳи “Хуҷанд” фаъолият дошт, аммо тим охири соли гузашта эълон кард, ки шартномаро тамдид нахоҳад кард.

Фаъолияти мураббигии Фузайлов охири солҳои 90-ум аз роҳбарии бошгоҳи “Бухоро” ва “Динамо”-и Самарқанд оғоз кардааст. Аз соли 2005 то декабри соли 2011 дар “Ростов” ва “Локомотив”-и Маскав мураббии селексионер буд.

Моҳи январи соли 2012 вай ноиби президенти “Локомотив”  Тошканд оид ба масъалаҳои тарбияи бозигарон таъйин карда шуд. Моҳи майи он сол ба ҳайати мураббиён дохил шуд ва баъдан сармураббии даста шуд.

Раҳматулло Фузайлов сармураббии "Истаравшан" шуд

Ӯ ҳамчунин тими миллии Тоҷикистон, дастаҳои “Истиқлол” ва “Куктош” –ро тамрин дода, аввали моҳи июл вазифаи сармураббии бошгоҳи “Каганат”-и Қирғизистонро тарк карду бо дастаи “Хуҷанд” пайваст.  

Ҳаким Фузайлов дорои иҷозатномаи мураббигии дараҷаи PRO мебошад.

63
Хуроки шом дар хонаводаи тоҷик. Акс аз бойгонӣ

Қадами "лимит" ба Мурғоб низ, ки 30 дараҷа сард аст, расидааст

0
(Таҷдидшуда 17:26 16.01.2021)
Расонаҳо иттилоъ медиҳанд, ки дар ноҳияи Мурғоб, ки минтақаи сардтарини Тоҷикистон аст, интиқоли барқ маҳдуд шудааст

ДУШАНБЕ, 16 янв – Sputnik. Сармо кӯҳистоннишинони Тоҷикистонро бо камбуди барқ рӯбарӯ кард, гузориш медиҳад "Парс тудэй дар истинод ба "Топ тиҷи".

Манбаъ менависад, сармои шадиди зери 30 дараҷа сокинони ноҳияи Мурғоб баландтарин минтақаи вилояти Бадахшони Тоҷикистонро бо камбуди барқ рӯбарӯ кардааст.

"Бо вуҷуди ин ки дар ду соли ахир аз нерӯгоҳи барқи обии ҳазору 500 мегаватӣ, нерӯгоҳи офтобии 220 киловаттӣ дар ноҳияи Мурғоб баҳрабардорӣ шуда, аммо акнун ба хонаҳои сокинони ин ноҳияи кӯҳистонӣ, ки дар иртифоъи 3 ҳазору 600 метрӣ аз сатҳи дарё воқеъ шудааст, 12 соат дар шабонарӯз барқ мунтақил мешавад", - менависад хабаргузорӣ.

Дар ҳамин ҳол, Шоҳфозил Шоҳнизиров, корманди ширкати барқи вилояти Бадахшон гуфтааст, ки кам будани об дар нерӯгоҳи барқи обии Мурғоб мӯҷиби таваққуфи фаъолияти яке аз ду турбини ин нерӯгоҳ шудааст. Бо ҳамин далел масъулон маҷбуранд даст ба маҳдудияти барқ бизананд.

Вай афзуд, ин ширкат қасд дорад, ки дар 61 рӯстои ноҳияи Мурғоби вилояти Бадахшон нерӯгоҳҳои офтобӣ бисозад то аз манобеи оби камтаре истифода шавад ва нерӯгоҳҳои барқи обӣ низ таъмин шавад.

Ин дар ҳоле аст, ки қимат ҳар киловатт/соат барқ дар вилояти Бадахшон 27 дирам аст, ки дар муқоиса бо соири манотиқи Тоҷикистон гаронтар аст.

Мақомоти Ширкати давлатии “Барқи Тоҷик” аз рӯзи 6 январи имсол ба далели камбуди об дар сади нерӯгоҳи барқи обии Норак интиқоли барқро маҳдуд кардаанд.

Лимити барқ нархи ангишт ва ҳезуму таппакро боло бурд

Дар чорчӯби ин маҳдудияти сокинони манотиқи рустоии Тоҷикистон танҳо аз соати 6 субҳ то 23 шаб барқ доранд.

Аҳолии ноҳияи Мурғоб, тибқи омори соли 2010,  6 ҳазору 300 нафар гуфта мешавад.

0