Бокс, архивное фото

Беҳтарин варзишгарони соли 2020 аз нигоҳи мухлисони сомонаи "Варзиш"

124
(Таҷдидшуда 18:06 11.01.2021)
Шабакаи телевизионии “Варзиш” натиҷаи назарпурсӣ миёни корбарони сомонаашро дар бораи беҳтарин варзишгари соли 2020 нашр кардааст

ДУШАНБЕ, 2 янв — Sputnik. Ба иттилои ТВ Варзиш, шуруъ аз 15-уми декабр то 31-уми декабри соли 2020 дар сомонаи расмии ТВ "Варзиш" миёни мухлисону алоқамандони шабака назарсанҷӣ доир ба муайян кардани беҳтарин варзишгари соли 2020 дар Тоҷикистон сурат гирифт.

“Баъд аз ҷамъбасти овоздиҳии мухлисон миёни 10 довталаб Муҳаммад Ёқубов дар риштаи бокси ҳирфаӣ бо гирифтани бештари овозҳо (42,5%) ғолиб баромад. Мавриди зикри хос аст, ки мавсуф дар соли 2020 танҳо як бор ба ринг баромад ва рӯзи 7-уми марти соли ҷорӣ барои дифои камарбанди худ бо Томас Рохаси мексикоӣ набард карда ӯро шикаст дод”, - омадааст дар иттилоия.

Манбаъ афзуд, зинаҳои дуюму сеюмро паҳлавонон Муҳаммад Икромов (гӯштини озод, дорандаи медали нуқраи чемпионати Осиё дар вазни 61 кг дар Ҳиндустон) ва Хушқадам Хусравов (самбо, дорандаи медали биринҷии чемпионати ҷаҳон дар вазни 62 кг дар Сербия) ишғол намуданд.

Топ-10 варзишгари соли аз рӯи фарзияи ТВ “Варзиш”,  Муҳаммад Ёқубов (бокс) – 4134 овоз, Муҳаммадҷон Икромов (гӯштини тарзи озод) – 3070 овоз,  Хушқадам Хусравов (самбо) – 727 овоз,  Меҳрубон Сангинов (бокс) – 391 овоз, Комроншоҳи Устопириён (ҷудо) – 329 овоз,  Илҳом Баротов (футбол) – 305 овоз,  Муҳаммад Наимов (ММА) – 253 овоз, Акмалиддин Каримов (самбо) – 50 овоз, Баҳодур Усмонов (бокс) – 37 овоз, Шаҳбоз Неъматуллоев (бокс) – 12 овоз гирифтаанд.

124
Барчаспҳо:
варзишгар, беҳтарин, "Варзиш", Тоҷикистон
Хабиб Нурмагомедов перед боем с Макгрегором

Рабаданов: Ҳабиб ба хотири шӯҳрату доллар ваъдаашро вайрон намекунад

233
(Таҷдидшуда 18:28 18.01.2021)
Шореҳи варзишӣ ва дӯсти хонаводаи Нурмуҳаммадовҳо, Рамазон Рабаданов хабарҳо дар мавриди бозгашти Ҳабиб ба октагонро шарҳ дод

ДУШАНБЕ, 18 янв – Sputnik. Рамазон Рабаданов шореҳи варзишӣ ва дӯсти қарини хонаводаи Нурмуҳаммадовҳо мегӯяд, Ҳабиб ваъдаашро намешиканад ва дубора ба октагон барнамегардад.

"Ба умед нашавед, ки Ҳабиб бармегардад. Ӯ нисбати худ ва ҳарфи гуфтааш сахтгир аст ва ҳеҷ вақт ба хотири шӯҳрат ва маблағи калон ваъдаашро вайрон намекунад", - шарҳ додааст Рабаданов.

Дӯсти ин хонавода ба сомонаи "Чемпионат" гуфтааст, ки мақсади Ҳабиб ҳарчӣ дарозтар нигоҳ доштани камарбандӣ қаҳрамонӣ аст.

"Камарбандро ӯ барои Ислом Махачев нигоҳ медорад. Ҳамин кӣ Ислом ба унвони қаҳрамонӣ наздик шуд, Ҳабиб бо хотири ҷамъ, камарбандро ба рафиқаш месупорад", - илова кард ӯ.

Дар ҳамин ҳол, чанде пеш роҳбари UFC Дана Уайт пас аз мулоқот бо Ҳабиб Нурмуҳаммадов изҳор дошт, ки масъалаи баргаштани размикори доғистонӣ пас аз рақобатҳои Конор Макгрегор, Дастин Пуаре, Дэн Ҳукер ва Майк Чендлер маълум мешавад.

Абдул-Азиз: барои ба майдон омадани Ҳабиб ба мо 100 млн пешниҳод карданд

Зеро Ҳабиб дар посух ба даъвати Уайт гуфтааст, ки "агар ин чор размикор набарди хуберо нишон диҳанд ва маро водор ба бозгашт намоянд, ман бармегардам".

Размикори доғистонӣ пас аз мағлуб кардани ҳарифи амрикоии худ дар моҳи октябри соли гузашта тасмими тарк кардани октагонро эълон кард.

233
Нападающий Барселоны Лионель Месси

Барои задани ҳариф: нахустин корти сурхи Мессӣ дар Барселона видео

178
(Таҷдидшуда 13:35 18.01.2021)
Лионел Мессӣ, футболбози шинохтаи аргентинӣ дар корномаи варзишияш дар бошгоҳои “Барселона” бори аввал корти сурх гирифту аз майдон берун карда шуд

ДУШАНБЕ, 18 янв — Sputnik. Дар бозии ниҳоии Суперҷоми Испания, тими “Барселона” дар вақти изофӣ аз “Атлетик Билбао” бо ҳисоби 3:2 мағлуб шуд.

На Мессиву на Роналду: беҳтарин футболбози мавсими гузашта дар ҷаҳон эълон шуд

Дар дақиқаҳои охири бозӣ, ҳамлагари каталониҳо Лионел Мессӣ барои задани рақиб корти мустақими сурх гирифт, хабар додааст сомонаи телевизиони “Варзиш”.

Манбаъ афзуд, ин аввалин корти сурхи Месси дар корномаи варзишии бошгоҳиаш ба ҳисоб меравад.

Мессӣ аз марги худ ва фавти Марадона гуфт

Қабл аз ин, ӯ  ду маротиба дар бозиҳои тими мунтахаби кишвараш - соли 2004 бар зидди Маҷористон ва соли 2019 бо Чилӣ корти сурх гирифта буд.

178
Барчаспҳо:
Лионел Месси, Футбол, Испания
Рустами Шоҳмурод, вакили парлумони Тоҷикистон, акс аз бойгонӣ

Қонуни нави хизмати ҳарбӣ: маблағу тартибро Ҳукумат муайян мекунад

688
Шӯрои Маҷлиси намояндагони Тоҷикистон лоиҳаи қонуни нав “Дар бораи уҳдадории ҳарбӣ ва хизмати ҳарбӣ”-ро ҷонибдорӣ кард

ДУШАНБЕ, 18 янв — Sputnik. Рустам Шомурод, раиси кумитаи Маҷлиси намояндагон оид ба тартиботи ҳуқуқӣ, мудофиа ва амният зимни ҷаласаи Шӯро аз ҳадафҳои қонуни нав гуфт.

“Уҳдадории ҳарбиро шаҳрвандони ҷинси марди Ҷумҳурии Тоҷикистон, қатъи назар аз миллат, нажод, забон, эътиқоди динӣ, мавқеи сиёсӣ, вазъи иҷтимоӣ, таҳсилот ва молу мулк, ки аз ҷиҳати саломатӣ ва инкишофи ҷисмонӣ қобили адои хизмат мебошанд, инчунин шаҳрвандони ҷинси зани Ҷумҳурии Тоҷикистон, ки ба талаботи муқарраршуда ҷавобгӯ буда, аз рӯи ихтисосҳо барои Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбӣ ихтиёран тайёрии заруриро гирифтаанд, иҷро мекунанд”, - изҳор доштааст Шомурод.

Ба иттилои котиботи Маҷлиси намояндагон, лоиҳи қонуни мазкур бо мақсади пурра ба танзим даровардани муносибатҳои хизмати ҳарбӣ, аз ҷумла даъвати шаҳрвандон ба хизмати ҳарбӣ, таҳия ва пешниҳод гардидааст.

“Дар лоиҳаи Қонун тартиби нави хизмати ҳарбӣ дар ҳайати захираҳои даъвати сафарбарӣ пешбинӣ гардидааст. Айни ҳол шаҳрвандони дар ҳайати эҳтиётӣ қарордошта сол ба сол бинобар синну соли ниҳоии дар ҳайати эҳтиётӣ будан кам шуда истодаанд, ки ҳангоми сафарбарӣ ё ҳолати ҷангӣ пуррагардонӣ ба Қувваҳои Мусаллаҳи Ҷумҳурии Тоҷикистон бо мақсади таъмини амнияти кишвар мушкилиро ба миён меорад”, - омадааст дар иттилоия.

Таъкид шудааст, ки татбиқ намудани чунин намуди хизмати ҳарбӣ ба зиёд гардидани шаҳрвандони ҳайати эҳтиётӣ ва ҷалби бештари ҷавонон мусоидат намуда, саркашии онҳо аз иҷрои вазифаи конститутсионӣ бартараф мегардад. Тартиб ва андозаи маблағи хизмати ҳарбии мазкурро Ҳукумати Ҷумҳурии Тоҷикистон муайян мекунад, афзудааст котиботи Маҷлиси намояндагон.

“Зимнан, дар лоиҳаи Қонуни мазкур ҷиҳати басанда будани афсарони ҳайати эҳтиётӣ ва ба танзим даровардани фаъолияти кафедраҳои ҳарбии назди муассисаҳои таълимии давлатии таҳсилоти олӣ, ба хатмкунандагони кафедраҳои ҳарбӣ додани рутбаи ҳарбии афсарӣ пас аз адои 12 моҳи хизмати ҳарбии ҳатмии муҳлатнок пешбинӣ карда шудааст”, - омадааст дар иттилоия.

688
Барчаспҳо:
қонун, хизмати ҳарбӣ, Тоҷикистон