Дзюдо, архивное фото

Боқиев, Шайхов, Қувватов... ҷоизадорони сабқати ҷумҳуриявӣ оид ба ҷудо муайян шуданд

140
(Таҷдидшуда 14:00 02.02.2021)
Дар Тоҷикистон ғолибону ҷоизадорони Мусобиқаи ҷумҳуриявӣ оид ба ҷудо миёни калонсолонро муайян карданд

ДУШАНБЕ, 1 фев — Sputnik. Дар толори Муассисаи давлатии "Мактаби ҷумҳуриявии тайёрии олимпии дастаҳои мунтахаб" мусобиқаи ҷумҳуриявӣ оид ба ҷудо байни калонсолон баргузор шуд.

Ин сабқат рӯзҳои 30 ва 31 январ баргузор шудааст, хабар медиҳад Кумитаи миллии олимпии Тоҷикистон.

Бино ба иттилои Федератсияи ҷудои Тоҷикистон, дар мусобиқа 273 варзишгар аз минтақаҳои кишвар ширкат карданд.

Гуфта мешавад, ки ҳадаф аз баргузор кардани мусобиқа дар аввали сол муайян кардани мавқеи паҳлавонон дар радабандии ягонаи ҷумҳуриявӣ мебошад, ки имкон медиҳад ҳангоми сафарбарии онҳо ба мусобиқаҳои байналмилалӣ беҳтаринҳо бе мушкилӣ интихоб шаванд.

Рӯзи якум қувваозмоиҳо дар вазнҳои -60кг, -66кг ва -73кг, рӯзи дуюм қувваозмоиҳои вазнҳои -81кг, -90кг, -100кг, +100кг ва дар ду вазн миёни бонувон сурат гирифт.

Ғолибону ҷоизадорони мусобиқаи ҷумҳуриявӣ оид ба ҷудо миёни калонсолон дар вазни -60 кило инҳоянд. Мақоми аввал аз Муҳаммадсолеҳ Қувватов, ҷойи дуввум аз Фирӯз Мелибойзода, мақоми сеюмро Сарвар Абдушукуров ва Аминҷон Холов аз худ карданд.

Дар вазни -66 кило ҷойи аввал насиби Ёқубҷон Боқиев, мақоми дуввум аз Баҳром Суфиев ва ҷойи саввум аз они Алиҷон Сафаралиев ва Шаҳбоз Саидаброров шуд.

Ҳамин тавр дар вазни -73 кило ғолиби мутлақ Разиаллоҳ Лоиқов гардида мақоми аввалро аз худ кард. Ҷойи дуввум насиби Иброҳим Саибакбаров гардиду мақоми саввумро Муҳаммадиқбол Тошев ва Алӣ Боқиев аз худ карданд.

Дар вазни -81 кило баранда Саидмухтор Расулов гардид. мақоми дуввум насиби Ҳамроз Раҷабов ва ҷойи сеюм насиби Муҳаммадҷон Абдуҷалолзода ва Хусрав Аламов гардид.

Дар вазни  -90 кило ҷойи аввалро Сабрулло Ҳикматуллоев аз худ карду, Комрон Карликов соҳиби ҷойи дуюм гардид. Мақоми сеюмро Беҳрӯз Гулмаҳмадзода ва Исроил Раҳимов аз худ карданд.

Дар вазни -100 кило мақоми аввалро Мансур Раҳмон аз худ карду, ҷойи дуввум насиби Абубакри Акобир гардид. Ҷойи сеюмро Эмомризо Анварзода ва Саидиброз Икромов гирифт.

Дар вазни +100 кило мақоми аввал насиби Фарёд Шайхов, ҷойи дуввум насиби Некрӯз Некбахтзода ва ҷойи сеюм аз они Иброҳим Элмуродов ва Умед Камолов гардид.

Миёни бонувон дар вазни -63 кило мақоми аввалро Аҳлия Муъминова ва ҷойи дуюмро Мавлуда Одинаева аз худ карданд.
Дар вазни -70 кило бошад, барандаи сабқат Шоҳида Қаландарова шуду, Фирӯза Раҳимова мақоми дуввумро гирифт.

140
Барчаспҳо:
ғолибон, мусобиқаи ҷумҳуриявӣ, сабқати ҷумҳуриявӣ, сабқат, Тоҷикистон
Спортивный директор ФК «Тамбов» Павел Худяков

Худяков дар бораи гузариши Восиев ба "Тамбов": ӯ ҳадаф ва хоҳиши бозӣ карданро дорад

158
(Таҷдидшуда 00:26 25.02.2021)
Павел Худяков, директори варзишии КФ "Тамбов" шарҳ дод, ки .чаро барои футболбози тоҷик Фарҳод Восиев як гардиши куллии вазнин рӯй дод

Шарики кориям, ки қаблан дар "Оренбург" кор карда буд, пешниҳод кард, ки нозадии Восиевро аз дида бароям, гуфт директори варзиши КФ "Тамбов" Павел Худяков дар муколама бо Sputnik Тоҷикистон.

"Як бачаи муқаррарӣ, омодааст дар шароити хоксоронаи мо кор кунад", - гуфт намояндаи КФ "Тамбов".

Директори варзиши клуби футболи Русия илова намуд, ки чизи асосӣ он аст, ки варзишгари тоҷик ҳадаф дорад, хоҳиши бозӣ кардан вуҷуд дорад, гарчанде ки ӯ аллакай ба қатори футболбозони ботаҷриба шомил аст.

"Вай мехоҳад ба худ чизе исбот кунад ва ба мо кумак кунад. Ҳоло лаҳзае аст, ки ӯ бояд исбот кунад, ки ҳунари хуб дорад ва ин маҳз сатҳи ӯст. Ҳама чиз танҳо аз ӯ вобаста хоҳад буд", - гуфт Худяков.

Ва чӣ гуна футболбози тоҷик худро нишон хоҳад дод, танҳо бо мурури замон маълум хоҳад шуд, хулоса кард директори варзиши КФ "Тамбов".

Ёдовар мешавем Фарҳод Восиев, футболбози 30-солаи тоҷик чанд рӯз қабл бо тими "Тамбов" шартнома баст ва ҳамакнун ҳунарнамоии варзишии худро дар Премер Лигаи Русия идома медиҳад.

Пас аз 19 даври бозии Премер лигаи Русия, "Тамбов" 13 имтиёз дорад ва дар арафаи хориҷшавӣ аз лига қарор дорад.

158
 Таджикский атлет Бехруз Ходжазода выиграл серебряную медаль Гран-При Ташкента по дзюдо

Дар зӯрозмоии Тошканд 13 паҳлавони тоҷик, аз ҷумла як зан ширкат мекунанд

160
Федератсияи ҷудои Тоҷикистон мегӯяд, дар мусобиқаи байналмилалии “Tashkent Grand Slam 2021”, ки рӯзҳои 5-7 март дар шаҳри Тошканд дар назар аст, 13 варзишгари тоҷик иштирок мекунанд

ДУШАНБЕ, 24 фев – Sputnik. Тибқи иттилои  Федератсияи ҷудо дар зӯрозмоии Тошканд аз Тоҷикистон 13 паҳлавони ҷудокор, аз ҷумла як зан намояндагӣ хоҳад кард.

Аз ҷумла Қаюмзода Абумуслим – 60 кило, Суфиев Баҳром - 66кило, Сафаралиев Алиҷон – 66 кило, Сомон Маҳмадбеков, Беҳрӯзи Хоҷазода, ҳарду дар вазни то 73 кило, Акмал Муродов  ва  Назаров Ҳақназар дар вазни то 81 кило, Комроншоҳи Устопириён - то 90 кило, Саидҷалол Саидов то 100 кило, Раҳмон Мансур – 100 кило, Темур Раҳимов ва Шакармамад Мирмамадов ҳарду дар вазни беш аз 100 кило сабқат мекунанд. Хабаргузории “Ховар” аз қавли Федератсия овардааст, ки дар сабқати занон аз Тоҷикистон як нафар - Шоҳида Қаландарова дар вазни то 63 кило зӯрозмоӣ менамояд.

Манбаъ афзуд, барои ширкат дар мусобиқаи “Tashkent Grand Slam 2021” то ҳол иштироки 547 варзишгар, аз ҷумла 317 мард ва 230 зан аз 78 кишвари панҷ қораи ҷаҳон дар назар аст.

Дар  рӯзи аввали мусобиқа – 5  март  қувваозмоиҳо дар вазнҳои  60 - 66 кило миёни мардон ва аз 48 то 57 кило миёни занон доир мегарданд.

Дар рӯзи дувум – 6 март паҳлавонони  вазнашон аз 73 то 81 кило миёни мардон ва аз 63 то 70 кило миёни занон рақобат мекунанд.  Мусобиқа 7 март бо қувваозмоиҳои варзишгарони вазнашон аз 90 то зиёда аз 100 кило миёни мардон ва 78 кило миёни занон ба поён мерасад.

Ғолибони ин зӯрозмоӣ баробари холҳои олимпӣ инчунин 5 ҳазор доллар барои ҷои дуюм 3 ҳазор доллар ва барои ҷойҳои сеюм 1500-долларӣ хоҳанд гирифт.

Бар асоси меъёрҳо, ҷудокоророни ҷаҳон имкон доранд, то моҳи июни соли равон холҳо барои роҳхат ба Бозиҳои тобистонаи олимпии Токиоро ба даст оранд. Баъдан Федератсияи байналмилалии ҷудо феҳристи ниҳоии ҷаҳонӣ ва инфиродии олимпиро нашр мекунад ва 22 нафар беҳтаринҳо дар ҳар вазн соҳиби роҳхат ба Бозиҳои олимпии Токио хоҳанд шуд.

160
Барчаспҳо:
паҳлавон, Душанбе, Тоҷикистон
Пассажиры в зале ожидания аэропорта в городе Худжанде

Аз рухсатии бемузди кормандон то қарзи маош: зарбаи ҷиддии пандемия ба Фурудгоҳи Хуҷанд

0
(Таҷдидшуда 17:36 25.02.2021)
Парвоз нест, даромад ҳам нест: гуфта шуд, ки COVID-19, чи қадар ба хазинаи Фурудгоҳи Хуҷанд зарба задааст

ДУШАНБЕ, 25 фев – Sputnik. Бино ба маълумоте, ки имрӯз зимни нишасти матбуотӣ ироа гардид, дар қиёс ба соли 2019, сатҳи даромади Фурудгоҳи байналмилалии Хуҷанд соли гузашта 122 милиону 848 ҳазор сомонӣ кам шудааст.

Соли 2019 ин корхонаи вилояти Суғд ба андозаи 81 миллиону 660 ҳазор сомонӣ даромади соф ба даст оварда буд.

Юсуф Маюсуфов, котиби матбуотии Фурудгоҳи Хуҷанд иброз намуд, ки ба дунболи коҳиш ёфтани сатҳи даромад ҳаҷми хароҷот ҳам дар ин давра ба маблағи 34 милиону 819 ҳазор сомонӣ кам гардид.

“Фурудгоҳ натиҷаҳои молиявии худро дар соли 2020 ба маблағи 6 милиону 368 ҳазор сомонӣ зарар ҷамбаст намудааст”, гуфт Маюсуфов.

Масъулин дар нишасти матбуотӣ иброз намуданд, ки соли 2020, аз 2592 адад ҷамъи хатсайрҳои банақшагирифташуда, танҳо 619 парвоз сурат гирифта, бо сабаби хуруҷи пандемияи COVID-19, 1979 парвози ҳавопаймоӣ иҷро нашудааст.

Фурудгоҳи Хуҷанд дар давраи ҳисоботӣ ба 152 621 мусофир хизмат расонидааст, ки ин рақам нисбат ба ҳамин давраи соли 2019, 77 % коҳиш ёфтааст.

“Соли гузашта 94 ҳазору 528 мусофир гусел карда шуда ва ҳамагӣ 58 ҳазору 93 мусофир қабул карда шудааст. Ин нишондиҳандаҳо дар муқоиса ба соли 2019, 510 ҳазору 814 мусофир кам гуфта мешавад”, гуфта шуд дар нишасти матбуотӣ.

Парвозҳо дар Фурудгоҳи байналмилалии Хуҷанд аз ҷониби ширкати ватании “Somon Air” ва ширкатҳои байналмиллалии “Сибир”, “Ют Эйр”, “Уралские авиалинии”, “Рус Аэро”, “Tianjin Airnines” ва “Bon Air Havacilik” анҷом дода шудааст.

Роҳбарони Фурудгоҳи Хуҷанд ҳамчунин гуфтанд, ки бинобар қатъ гардидани парвозҳои мунтазами ҳавопаймоӣ ва коҳиш ёфтани ҳаҷми кору хизматрасонӣ, шурӯъ аз моҳи марти соли 2020, 70 % ё ҳудуди 600 нафар аз 824 кормандро ба рухсатии бемузд фиристодаанд.

Коҳиши парвозҳо: ширкатҳои ҳавоию фурудгоҳҳо чанд миллиард зарар диданд?

Айни ҳол маблағи қарзи музди меҳнати кормандони ин корхона ба 1 миллиону 90 ҳазор сомонӣ баробар шудааст.

Қаблан Кумитаи андози Тоҷикистон низ гуфта буд, солҳои қаблӣ бо фурудгоҳҳо мушкил дар андозсупорӣ надошт, аммо имсол Фурудгоҳи байналмилалии Хуҷанд 31 миллион сомонӣ қарздор шудааст.

Масъулин таъкид меварзанд, ки Фурудгоҳи Хуҷанд барои қабул ва гусели парвозҳои байналмилалӣ омода аст.

0
Барчаспҳо:
парвоз, фурудгоҳ, Суғд, Тоҷикистон