Таджикский боец Фаридун Одилов рассказал о своем отце: трогательное видео

Бидуни карнаю сурнай, вале бо ҳузури мухлисони зиёд: пешвози Одилови қаҳрамон - навор

3223
(Таҷдидшуда 11:29 13.02.2021)
Фаридун Одилов, ки дар мусобиқаи Eagles Fighting Championship унвони қаҳрамониро аз худ кард, ба Тоҷикистон баргашт

ДУШАНБЕ, 13 фев – Sputnik. Размикори тоҷик ва ҳоло қаҳрамони Eagle FC дар вазни гарон, Фаридун Одилов бо камарбанди қаҳрамонӣ ба Тоҷикистон баргашт.

Маъмулан, дар Тоҷикистон варзишгароне, ки дар сабқат пирӯз мешаванд ва унвони қаҳрамониро аз худ мекунанд, бо карнаю сурнай ва гулдастаҳои зиёд пешвоз гирифта мешаванд.

Аммо, Фаридун Одиловро бидуни дабдабаи зиёд дар толори Фурудгоҳи байналмилалии Душанбе пешвоз гирифтанд.

Шояд пешвози хоксоронаи размикори тоҷик айби пандемияи коронавирус бошад.

Вале, теъдоди зиёди мухлисон ба пешвози Фаридуни қаҳрамон омаданд ва саъй намуданд то бо размикори тоҷик аксбардорӣ кунанд.

Дар наворе, ки аз пешвози Одилов дар фурудгоҳи Душанбе дар шабакаҳои иҷтимоӣ нашр шудааст, маълум аст, ки мухлисон омадани ӯро ба ватан интизор доштанд ва ҳама бо ифтихор ба ӯ назар мекарданд.

Дар навор маълум аст, ки Одилов низ хоксорона дасти қариб ҳамаи мухлисонашро мефишурд ва бо табассум бо онҳо ҳарф мезад.

Муҳорибаи Фаридун шоми рӯзи 9 феврал баргузор шуд ва набарди асосии мусобиқаи Eagle FC 33 ба шумор мерафт. Одилов, ки дар вазни 84 кило баромад мекард, тавонист камарбанди қаҳрамонии "Eagles Fighting Championship2" аз худ кунад.

Ҳарифи ӯ, размикор аз Русия Сергей Калинин буд, ки дар даври чоруми мусобиқа аз роҳӣ буғӣ кардан мағлуб шуд.

Ин пирӯзии 11-уми Одилов дар MMA мебошад. Фаридун Одилов ҳамакнун қаҳрамони нави Eagle FC дар вазни гарон гардид.

3223
Барчаспҳо:
навор, пешвоз, тоҷик, размикор
Сабқати волейбол ба муносибати Рӯзи Модарон дар Душанбе

Ғолибияти духтарони ВМКБ ва "команда" - и Раҳимзода дар сабқати волейбол - аксҳо

280
(Таҷдидшуда 14:51 06.03.2021)
Дар Душанбе сабқати волейбол миёни бонувони манотиқи гуногуни кишвар барои ба даст овардани "Ҷоми раиси шаҳри Душанбе" ҷамъбаст шуд

ДУШАНБЕ, 6 мар – Sputnik. Духтарони волейболбози Вилояти Мухтори Кӯҳистони Бадахшон дар сабқати касбӣ ва бонувони ВКД дар мусобиқаи ғайрикасбӣ, ки ба муносибати Рӯзи Модар баргузор шуд, мақоми аввалро ба даст оварданд.

Дар ин сабқат 42 дастаи волейболбозони касбӣ ва ғайрикасбӣ ширкат карданд.

Дар мусобиқаи касбӣ - дастаи волейболбозони Вилояти Мухтори Кӯҳистони Бадахшон ҷойи аввал, дастаи Душанбе-1 ҷойи дуюм ва дастаи вилояти Суғд мақоми сеюмро ишғол намуданд.

Аз миёни волейболбозон дар сабқати ғайрикасбӣ, ки байни бонувони вазорату кумитаҳо ва ташкилоту муассисаҳо дастаи волейболбозони "Динамо"-и Вазорати корҳои дохилӣ ғолиб омада, соҳиби Ҷоми мусобиқа гардид. 

Онҳо рӯзи 5-уми март дар даври ниҳоии мусобиқа дастаи Кумитаи давлатии амнияти миллиро бо ҳисоби 3:0 мағлуб сохтанд. Дар ин гурӯҳ мақоми сеюмро дастаи Раёсати маорифи шаҳри Душанбе ба даст овард.

Дар ин росто, рӯзи 6-уми марти соли 2021 вазири корҳои дохилӣ  Рамазон Раҳимзода волейболбозони ғолибро бо ин дастовардашон ва иди бонувон – "Рӯзи Модар" табрику гуфт.

Волейболбозони ВКД бо вазири ин ниҳод Рамазон Раҳимзода
Волейболбозони ВКД бо вазири ин ниҳод Рамазон Раҳимзода

Ҳамчунин ба варзишгарони ғолиб тӯҳфаҳои хотиравӣ тақдим карда шуд. 

Ғолибони мусобиқа аз ҷониби ташкилкунандагони чорабинӣ бо Ҷом, диплом, медалу Ифтихорнома ва мукофотпулӣ сарфароз гардонида шуданд.

Мусобиқаи мазкур бахшида ба таҷлили "Рӯзи Модар", ки бо ташаббуси Мақомоти давлатии ҳокимияти иҷроияи шаҳри Душанбе роҳандозӣ гардида буд, аз 10-уми феврал то 5 марти соли 2021 дар толори Муассисаи давлатии Маркази омодакунии олимпии тимҳои мунтахаби шаҳри Душанбе (Манеж) идома ёфт.

280
Барчаспҳо:
ғолибият, волейбол, ВКД ҶТ, Рамазон Раҳимзода, ВМКБ, Душанбе
Футбольный клуб Худжанд

Футболбозони клуби “Хуҷанд” ба Туркия мераванд: мақсад чист?

151
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кард

ДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.

Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.

Дар ин росто бозингарони дастаи "Хуҷанд"  бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.

"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.

Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.

Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.

151
Барчаспҳо:
Раҷаббой Аҳмадзода, Туркия, Хуҷанд, Футбол

Кай ҳамагирии коронавирус анҷом меёбад: пешгӯии навбатии СҶБ

0
(Таҷдидшуда 18:53 06.03.2021)
Намояндаи Созмони ҷаҳонии Беҳдошт дар масъалаи ваксина ба сабру таҳаммул даъват кард, зеро эм кардани ҳамаи сокинони сайёра якбора ғайриимкон аст

ДУШАНБЕ, 6 мар – Sputnik. Ҳамагирии коронавирус дар соли 2021 хотима намеёбад. Дар ин бора сардори шӯъбаи урупоии Созмони Ҷаҳонии Беҳдошт (СҶБ) Ҳанс Клюге дар мусоҳиба бо Die Welt  гуфт.

Ба гуфтаи ӯ, соли 2021 "як соли дигари COVID хоҳад буд", аммо агар дар соли 2020 мардум дар бораи бемории нав каме иттилоъ дошта будандд, ҳоло пандемия "пешгӯишаванда ва идорашаванда аст".

"Соли 2020 terra incognita, номуайянии илмӣ ва сиёсӣ буд. Пас аз як сол, мо чизҳои бештареро медонем. Мо асбобҳо, барномаҳои ташхисӣ дорем, ваксина дорем. Барои ман, дар кори худ нақшаи пешакӣ муҳим аст. Пандемия то аввали соли 2022 хотима хоҳад ёфт", - гуфт ӯ дар мусоҳиба.

Ба ақидаи ӯ, муҳим аст, ки чӣ гуна кишварҳо маҳдудиятҳоро бекор мекунанд: агар зуд ба амал ояд, вазъ ба тасвири аввала бармегардад.

Клуге инчунин даъват кард, ки дар масъалаи ваксина мардум сабур бошанд, зеро эм кардани ҳамаи сокинони сайёра якбора ғайриимкон аст.

0
Барчаспҳо:
пешгӯӣ, вируси корона, хатм, СҶБ