Хабиб Нурмагомедов, архивное фото

Ҳабиб Нурмуҳаммадов дар бораи сирри пинҳонӣ дар набард гуфт - видео

269
(Таҷдидшуда 12:50 20.02.2021)
Ҳабиб Нурмуҳаммадов дар ҷараёни набард бо Ҷастин Гетҷи гуфтугӯ кард, ки ин барои рӯҳан саркӯб кардани душман кӯмак расонд

ДУШАНБЕ, 20 феврал - Sputnik. Қаҳрамони UFC  оид ба вазни сабук Ҳабиб Нурмуҳаммадов дар бораи як ҳиллаи психологие, ки ҳангоми мубориза бо рақиби худ Ҷастин Гетҷи ба кор бурд, нақл кард.

Размикор зимни мусоҳиба дар шабакаи "Лысый Хищник" дар YouTube хотираҳои худро дар бораи муборизаи пуровозааш нақл кард.

Маълум шуд, ки замони набард Ҳабиб тасмим гирифт, ки бо рақибаш да октагон сӯҳбат кунад. Ин идея пас аз якчанд зарбаҳои беҷавоб ба сари Ҳабиб омадааст.

"Ҳаминқадар тамом?" – ин суоле буд, ки Ҳабиб аз рақибаш Гетҷӣ мепурсид. Ҳарифи ӯ пас аз ҳар як зарбаи расондаи худ, чунин суол мешунавид, ки руҳан ӯро беқарор ва то андозае дар ҳайрат ҳам гузошт.

Ба нақли ӯ, пас аз ин суолҳо, бо пой ба шиками ҳариф зарба зад.

Пас аз зарба мебинад, ки Гетҷӣ нафаси вазнин мекашад, ӯ бори дигар аз рақибаш пурсид, ки оё ӯ аз аклиматизатсия ранҷ мекашад?

Ҷангро идома дода, Гейҷ посух дод, ки ӯ хуб аст.

"Ман дар бораи худ фикр мекунам: ман савол додам. Чаро ту ҷавоб медиҳед? Мо ҷанг мекунем", - гуфт Ҳабиб.

Маълум мешавад, дар он лаҳза ӯ дарк кард, ки ҳариф аллакай таслим шудааст.

Ҳамзамон, Ҳабиб Нурмуҳаммадов бовар дорад, ки вай дар ин мубориза "на аз ҷиҳати ҷисмонӣ", балки ба шарофати як усули равонӣ пирӯз шудааст.

"Ман тавонистам ӯро шиканам", - хулоса кард варзишгар.

Ёдовар мешавем, ки шаби 25 октябри соли 2020 задухӯрд байни Ҳабиб Нурмуҳаммадов ва Ҷастин Гетҷӣ баргузор шуд. Мубориза камтар аз ду давр давом кард ва бо пирӯзии размикори доғистонӣ ба поён расид.

Пас аз он, Хабиб Нурмуҳаммадов UFC-ро тарк кард.

Рабаданов: Ҳабиб ба хотири шӯҳрату доллар ваъдаашро вайрон намекунад

Дар маҷмӯъ, Нурмуҳаммадов дар 29 мубориза 29 ғалаба дорад ва дар тамоми карераи варзишии худ ягон мағлубият надорад.

Ёдовар мешавем Ҳабиб дар муҳорибаҳои қаблияш низ дар баробари зарбаҳо ба ҳарифонаш фишори равонӣ меовард. Яке аз чунин наворҳои суханронии ӯ ҳангоми набард бо Конор низ нашр шуда буд, ки корбарон онро нодиртарин усули роҳгум кардани арзёбӣ карданд.

269
Барчаспҳо:
пирӯзӣ, зӯрозмоии размикорон, Ҳабиб Нурмуҳаммадов
Сабқати волейбол ба муносибати Рӯзи Модарон дар Душанбе

Ғолибияти духтарони ВМКБ ва "команда" - и Раҳимзода дар сабқати волейбол - аксҳо

258
(Таҷдидшуда 14:51 06.03.2021)
Дар Душанбе сабқати волейбол миёни бонувони манотиқи гуногуни кишвар барои ба даст овардани "Ҷоми раиси шаҳри Душанбе" ҷамъбаст шуд

ДУШАНБЕ, 6 мар – Sputnik. Духтарони волейболбози Вилояти Мухтори Кӯҳистони Бадахшон дар сабқати касбӣ ва бонувони ВКД дар мусобиқаи ғайрикасбӣ, ки ба муносибати Рӯзи Модар баргузор шуд, мақоми аввалро ба даст оварданд.

Дар ин сабқат 42 дастаи волейболбозони касбӣ ва ғайрикасбӣ ширкат карданд.

Дар мусобиқаи касбӣ - дастаи волейболбозони Вилояти Мухтори Кӯҳистони Бадахшон ҷойи аввал, дастаи Душанбе-1 ҷойи дуюм ва дастаи вилояти Суғд мақоми сеюмро ишғол намуданд.

Аз миёни волейболбозон дар сабқати ғайрикасбӣ, ки байни бонувони вазорату кумитаҳо ва ташкилоту муассисаҳо дастаи волейболбозони "Динамо"-и Вазорати корҳои дохилӣ ғолиб омада, соҳиби Ҷоми мусобиқа гардид. 

Онҳо рӯзи 5-уми март дар даври ниҳоии мусобиқа дастаи Кумитаи давлатии амнияти миллиро бо ҳисоби 3:0 мағлуб сохтанд. Дар ин гурӯҳ мақоми сеюмро дастаи Раёсати маорифи шаҳри Душанбе ба даст овард.

Дар ин росто, рӯзи 6-уми марти соли 2021 вазири корҳои дохилӣ  Рамазон Раҳимзода волейболбозони ғолибро бо ин дастовардашон ва иди бонувон – "Рӯзи Модар" табрику гуфт.

Волейболбозони ВКД бо вазири ин ниҳод Рамазон Раҳимзода
Волейболбозони ВКД бо вазири ин ниҳод Рамазон Раҳимзода

Ҳамчунин ба варзишгарони ғолиб тӯҳфаҳои хотиравӣ тақдим карда шуд. 

Ғолибони мусобиқа аз ҷониби ташкилкунандагони чорабинӣ бо Ҷом, диплом, медалу Ифтихорнома ва мукофотпулӣ сарфароз гардонида шуданд.

Мусобиқаи мазкур бахшида ба таҷлили "Рӯзи Модар", ки бо ташаббуси Мақомоти давлатии ҳокимияти иҷроияи шаҳри Душанбе роҳандозӣ гардида буд, аз 10-уми феврал то 5 марти соли 2021 дар толори Муассисаи давлатии Маркази омодакунии олимпии тимҳои мунтахаби шаҳри Душанбе (Манеж) идома ёфт.

258
Барчаспҳо:
ғолибият, волейбол, ВКД ҶТ, Рамазон Раҳимзода, ВМКБ, Душанбе
Футбольный клуб Худжанд

Футболбозони клуби “Хуҷанд” ба Туркия мераванд: мақсад чист?

151
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кард

ДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.

Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.

Дар ин росто бозингарони дастаи "Хуҷанд"  бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.

"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.

Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.

Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.

151
Барчаспҳо:
Раҷаббой Аҳмадзода, Туркия, Хуҷанд, Футбол

COVAX даҳҳо кишварро бо ваксин таъмин кард: Тоҷикистон дар навбат аст

0
(Таҷдидшуда 18:41 06.03.2021)
Интизор меравад, ҳафтаи оянда боз 31 кишвари дигар дар доираи механизми COVAX бо ваксин алайҳи коронавирус таъмин шаванд

ДУШАНБЕ, 6 мар – Sputnik. Созмони ҷаҳонии беҳдошт мегӯяд, даҳҳо кишвари олам тибқи барномаи байналмилалии COVAX соҳиби ваксин алайҳи маризии коронавирус шуданд.

Ба иттилои манбаъ, дар доираи ин барнома аз ҷумла кишварҳои африқоӣ ба мисли Нигария, Судон, Гана, Руандо,Лесота ваксинро дастрас карданд.

Илова бар ин, COVAX, Ҳиндустону Комбоҷа, Молдова ва Колумбияро низ бо ваксин таъмин кардааст.

Дар ҳамин ҳол, СҶБ мегӯяд, ҳафтаи оянда боз 31 кишвари дигар соҳиби ваксин алайҳи вируси COVID - 19 мегарданд. Ҷамъан 14,4 миллион воя ваксин миёни 31 давлат таҳсимбандӣ мешавад.

Ёдовар мешавем, ки Тоҷикистон расман ваксини AstraZeneca-ро тасдиқ кард. Чанде пеш, Наврӯз Ҷаъфаров, сардори Раёсати амнияти санитарию эпидемиологии Вазорати тандурустӣ иттилоъ дод, ки моҳи март 732 ҳазор вояи он ба Тоҷикистон ворид мешавад.

Ба таъкиди ӯ, Тоҷикистон барои қаблуи ваксини мазкур тамоми шароит дорад ва ҳоло воситаҳои нақлиёт барои интиқол ва ҳамчунин макони нигаҳдории он омода шудааст.

Таъкид мегардад, ки дар доираи механизми COVAX, эмкунии 20% аҳолии Тоҷикистон ба нақша гирифта шудааст.

0
Мавзуҳо:
Пайомадҳои COVID-19 дар Тоҷикистон ва ҷаҳон