Таджики отметили в Москве День России

Созмони “Нур” - гӯшаи ҷамъияти муҳоҷирони тоҷик дар Маскав

196
(Таҷдидшуда 16:35 20.09.2019)
Созмони ҷамъияти “Нур” дар Маскав барои муҳоҷирони тоҷик 2 навъ хидматрасонии асосиро ба роҳ мондааст: кумак ба муҳоҷирон барои мутобиқшавии онҳо дар Маскав ва дур намондан аз урфу одатҳои тоҷикӣ

ДУШАНБЕ, 20 сен - Sputnik. Аз соли 2007 инҷониб дар Маскав созмони “Нур” яке аз ҷамъияти калонтарини тоҷикон дар Русия фаъолияташро ба роҳ мондааст.

Мактаб. Акс аз бойгонӣ
© Фото : ПРЕСС-СЛУЖБА ЦЕНТРАЛЬНОГО ВОЕННОГО ОКРУГА

Шаҳрвандони Тоҷикистон даҳсолаҳо боз ба Русия барои фаъолияти меҳнатӣ сафар мекунанд, барои ҳамин дар бисёр шаҳрҳои Русия ҷамъиятҳои тоҷиконро пайдо кардан мумкин.

Ҳангоми сафар ба шаҳру кишвари бегона дилхоҳ инсон ба баъзе мушкилиҳо дучор шуданаш мумкин аст: шаҳри дигар, фарҳанги бегона, одамони ношинос ва ҳоказо.

Дилхоҳ корҳои на он қадар мушкил, масалан, ба назди духтур рафтан ва ё фарзандро ба боғча супурдан барои муҳоҷирон мушкилиҳои зиёдеро ба бор меоранд.

Муҳоҷирони меҳнатии тоҷик, ки қисмати зиёдаш ба муҳлатҳои тулонӣ ба Русия меоянд дар мулки бегона худро беҳимоя ҳис мекунанд. Ба зиндагии нав одат кардан мушкил аст, махсусан дар танҳои ва худ ба худ. Ҳисиёти дурӣ ва муштоқи рӯи наздикон ва ёди хоки ватан инсонро ба дилтанги водор мекунад.

Барои ҳамин созмонҳои ҷамъиятӣ ва диаспораҳо дар кишварҳои бегона махсусан Русия барои тоҷикон сахт лозим ва зарурӣ мебошанд. Чунки маҳз ҳамин гуна ҷамъиятҳо метавонанд ба муҳоҷирон дар мутобиқшавӣ ва дур нашудан аз фарҳангу одатҳои худ кумак кунанд.

Кумак ба ҳама дар ҳама кор

Фестиваль культур России и Таджикистана, Памир-Москва
Sputnik / Стас Этвеш
Фестиваль культур России и Таджикистана, Памир-Москва

Созмони ҷамъиятии минтақавии “Нур” дар аввал танҳо муҳоҷирони бадахшониро ба ҳам меовард. Ҳоло бошад ин созмон худро ҳамчун ҷамъияти умумӣ барои ҳамаи муҳоҷирони тоҷик дар Русия муарифӣ мекунад.

 Созмон кумак ба муҳоҷиронро дар ҳама мушкилиҳо – ба расмиятдарории суғурта, ёрии тиббӣ, таъмир ба кор ва ё тавсияҳои лозима ба роҳ мондааст. Аммо бояд иқрор кард, ки муҳоҷирони тоҷик ҳангоми пеш омадани мушкилиҳо дар бисёр ҳолатҳо дар Маскав ва дигар шаҳрҳои Русия намедонанд ба куҷо муроҷиат кунанд.

“Мо кӯшиш мекунем, ки муҳоҷирони мо худро дар мусофират, ки бо сабабҳои гуногун аз ватан дур шудаанд танҳо ҳис накунанд. Ихтиёриёни (волонтёр) “Нур” дар ҳолатҳои пеш омадани мушкили ба ҳамватанонамон онҳоро кумак мекунанд ва онҳоро танҳо намегузоранд”, - мегуянд роҳбарони ин ҷамъият.

Барои беҳтар кардани кор “Нур” ба кумитаҳо ҷудо карда шудааст. Масалан, кумита оид ба омӯзиш ва масоили ҳуқуқӣ, оид ба кумаки тиббӣ ва мушкилиҳои ба кор таъминкунӣ. Сохторҳои махсус ба корҳои занон, ҷавонон ва ихтиёриён бахшида шудаанд.

“Дар маҷмуъ кумитаҳо қариб ҳамаи соҳаҳоеро, ки муҳоҷирон дар он ба мушкилӣ дучор мешаванд фаро гирифтаанд” – тавзеҳ медиҳанд кормандони ҷамъият.

Бояд гуфт, ки ҳамаи ин кумитаҳо дар як бино, дар кӯчаи Угрешская ҷойгир шудааст.

Созмони “Нур” на танҳо ба кумаки муҳоҷирон машғул аст, балки корҳои ташкилӣ низ мегузаронад, ки муҳоҷиронро водор мекунанд аз хастагиҳои муҳоҷират фориғ шаванд. Масалан, ҷамъият иду ҷашнвораҳоро таҷлил мекунанд, консертҳо ва дигар барномаҳои фароғатӣ бо иштироки муҳоҷирон баргузор мекунад.

Бо баргузории чунин барномаҳо ҷамъияти “Нур” на танҳо хастагии муҳоҷиронро аз ғарибӣ берун мекунад, балки фарҳангу маданияти миллати тоҷикро низ ба мардуми рус нишон медиҳад. Солҳо боз “Нур” бо Депортаменти сиёсати миллӣ ва алоқаҳо миёни минтақаҳои Ҳукумати Маскав ҳамкорӣ карда истодааст.

Масалан созмони “Нур” ҳангоми таҷлили Иди Ғалаба дар “Ҳанги ҷовидон” иштирок мекунад ва ҳамин тариқ сафи иштироккунандагони тоҷик дар ин қадамзанӣ дар шаҳри Маскав сол аз сол зиёд шуда истодааст.

Аммо фаъолияти ин созмон бо ин ҳам маҳдуд намешавад ва ҳақу ҳуқуқи кудакон, низ ба инобат гирифта мешавад.

Кӯдакон ҳам муҳиманд

Дети во время праздника, архивное фото
Фото предоставлено НУР
Дети во время праздника, архивное фото

Дар Русия аз ҳама мушкилии вазнин барои муҳоҷирон ин таъмини кудакон ба омӯзиш дар мактабҳо аст. Чунки дар ҳолати надоштани қайди ҷои иқомати доимӣ ба кӯдакони муҳоҷирон барои ворид шудан ба боғчаю мактаб мушкилиҳои зиёд пеш меоянд ва онҳо аз ин ҳуқуқашон маҳрум мемонанд.

Кормандони “Нур” ба таври фаъолона баҳри рафъи ин мушкили камар бастаанд ва якчанд барномаҳои омӯзишӣ барои кӯдакон ба роҳ мондаанд.

Барои ҳар як давраи кӯдакон – аз таваллуд то ба шомил шудан ба донишгоҳ барномаҳои омӯзишии махсус пешбинӣ шудаанд. Ҳамасола барои мактаббачагон курсҳо ва маҳфилҳои махсус баҳри омода шудан ба супурдани имтиҳонҳои ягонаи давлатӣ  “ЕГЭ” ба роҳ монда мешавад.

Нишастҳои гуногун барои волидайн низ баргузор мегарданд. Омӯзгорон тарзи дурусти тарбияи фарзандро меомӯзонанд ва машварат медиҳанд, ки чигуна вақтро баъди дарсҳо гузаронд.

Ҷамъияти “Нур” ҳангоми таътилҳои тобистона кӯдаконро ба истироҳатгоҳҳо мефиристад.

Ихтиёриёни "Нур" 

Концерт, посвященный алмазному юбилею Ага-Хана IV в ГЦКЗ Россия
Sputnik / Стас Этвеш
Концерт, посвященный алмазному юбилею Ага-Хана IV в ГЦКЗ "Россия"

“Нур” аз 10 кумита иборат аст, ки ҳар яке дорои мутахассисони касбӣ ва бомаҳорат аст. Барои чунин корҳоро амали гардонидан қувваи кории калон лозим аст ва хушбахтона “Нур” аз ин имконият баҳраманд аст.

Зодагони Тоҷикистон, ки солҳои тулонӣ дар Маскав кору фаъолият кардаанд, ба таври иловагӣ дар созмони “Нур” ҳам фаъолият мекунанд: вакилони дифоъи муҳоҷиронро ёрии ҳуқуқӣ ва духтурони касбӣ – кӯдакон ва калонсолонро машварат медиҳанд.

Ин ҳама корҳои ташкилию маълумотӣ дар шакли ройгон ба роҳ монда шудаанд. Бояд гуфт, ки ба воситаи ин ҷамъият худи шаҳрвандони Тоҷикистон ба ҳамватанони худ – онҳое, ки дар ҳақиқат ба кумак ниёз доранд дасти ёрӣ дароз мекунанд.

Ризокорони “Нур” то рафт сафашон зиёд шуда истодааст. Дар ин созмон сандуқи хайрияи махсусе мавҷуд аст, ки ҳар ниёзманде, ки аз он истифода мекунад баъдан вақте, ки имкон пайдо кард метавонад дигаронро кумак кунад ва ҳамин тариқ сафи онҳо зиёд шуда истодаанд.

Ҳамин тариқ созмони “Нур” яке аз маконҳои асосии муҳоҷирони меҳнатӣ дар шаҳри Маскав дониста мешавад. Ба ин даргоҳ муҳоҷирон ба таври оилавӣ мераванд ва барои ҳамаи аъзои оила дар ин ҷо барномаи мувофиқе пайдо мешавад. 

Бояд гуфт, ки Русия дар ҷаҳон яке аз кишварҳое ба ҳисоб меравад, ки дар он сафи муҳоҷирон зиёд аст. Мувофиқи маълумот дар Русия зиёда аз 11 миллион муҳоҷир ба сар мебаранд, ки як ҷузъи онҳоро зодагони Тоҷикистон ташкил мекунанд. 

196
Барчаспҳо:
"Нур", муҳоҷир, Маскав, Русия, Тоҷикистон
Мавзуҳо:
Таърихи Тоҷикистон дар харитаи Маскав (22)
Диктант

Кор барои донишҷӯён: дар Маскав чигуна дар баробари таҳсил метавон кор кард

157
(Таҷдидшуда 20:47 03.12.2019)
Кори хуб давраи донишҷӯйи ба донишомӯзон на танҳо пул балки таҷрибаи корӣ, дониш ва малакаи касбӣ низ меорад

Қисмати зиёди донишҷӯёни тоҷик дар баробари дарсҳои донишгоҳ дар Маскав ба корҳои аз рӯи вақт нимрӯза, соатакӣ ва ҳатто пурра мепардозанд ва баро хароҷоти худ пул пайдо мекунанд. Корро метавон чӣ дар дохили донишгоҳ ва чӣ берун аз он пайдо кард, муҳим он, ки аз дарсҳо қафо намонд.    

Дар донишгоҳ ва ё берун аз он

Масъалаи пайдо кардани сарчашмаи даромад барои донишҷӯён дар ҷомеа хамеша ҷои худро дорад, чунки дилхоҳ идрорпулии донишҷӯ аз музди меҳнат камтар аст. Донишҷӯй метавонад дар баробари дарсҳояш кор ҳам кунад ва соҳиби маблағе ҳам гардад, барои ин ба донишҷӯёни хориҷӣ дар Русия иҷозатномаи корӣ лозим намешавад.  

Бештари донишгоҳҳо барои донишҷӯён ҷойҳои корӣ низ пешниҳод мекунанд. Чун қоида донишҷӯёни рӯзона дар ним баст кор мекунанд, донишҷӯёни шабона бошанд метавонанд як басти пурра кор кунанд. Тобистон метавонанд ба гуруҳҳои корӣ ба сохтумонҳо раванд.

“Агар дар донишгоҳ ҷои кори холӣ бошад метавон дар он ҷо ба кор шуруъ кард. Ҳамчунин донишгоҳҳо ба донишҷӯён кумакҳои молӣ мекунанд”, - мегӯяд донишҷӯйи Донишгоҳи иқтисодии Русия ба номи Г.В. Плеханов, Мақсадҷон Ризоев, ки аз Тоҷикистон ба Маскав барои хондан омадааст.

Новобаста аз он, ки дар донишгоҳҳо имкони кор кардан ҳаст, аммо бештари донишҷӯён пайдо кардани корҳои фосилавиро, ки маоши беҳтар доранд авлотар медонанд. Дар ин корҳо барномасозони оянда бештар муваффақ мегарданд. Онҳо ба осони корҳои фосилавӣ мувофиқи ихтисосҳояшон пайдо мекунанд.

Ҳамчунин корҳои маъмули барои донишҷуён дар соҳаҳои хидматрасонӣ: пешхидмат, фурушанда, маъмурият, курер, тақисимоти эълонҳо, рекламаҳо ва ғайраҳ мебошанд. Чунин корҳо дорои ҷадвали кории махсус буда сари вақт маошро месупоранд.

Набояд фаромӯш кард, ки барои ба кор шуруъ кардан шаҳрванди хориҷӣ бояд 18-ро пур карда бошад ва дорои ҳуҷҷати иҷоза барои кор бошад. Ин ҳуҷҷат ба донишҷӯёни рӯзонаи донишгоҳҳо аз рӯи ихтисос дода мешавад ва донишҷӯй танҳо дар ҳамон минтақаи донишгоҳ кор карда метавонад.

Ба гуфтаи Мақсадҷон Ризоев донишҷӯён набояд аз рӯзи аввали донишҷӯи ба кор шуруъ кунад.  

“Албатта донишҷӯй метавонад кор кунад ва худро таъмин кунад ва дастнигарӣ волидайну ёру бародарон набошад, аммо аз рӯзи аввали донишҷӯйи ба кор оғоз кардан хоҳ нохоҳ мушкилтар аст. Ту танҳо ба ҳаёти донишҷӯйи ворид мешавӣ ба як фазои нав ҳама чиз бароят ношинос аст, бояд каме одат кард баъд ба кор пардохт”, - гуфт ӯ.

Максаджон Ризаев, приехавший в Москву из Таджикистана
Фото из личного архива Максаджона Ризаева
Максаджон Ризаев, приехавший в Москву из Таджикистана

Донишгоҳ ҳамчун миёнрав дар ҷустуҷӯи кор ба донишҷӯён

 Кори хуб давраи донишҷӯйи ба донишҷӯён на танҳо пул балки таҷрибаи корӣ, дониш ва малакаи касбӣ низ медиҳад. Кумакҳои марказҳои рушди коромӯзӣ, ки дар ҳамаи донишгоҳҳо фаъол мебошанд ба донишҷӯён кам нестанд.

Кормандони чунин марказҳо бо донишҷӯён машваратҳо барпо намуда, ба онҳо дар омода намудани ҳолномаи муфид кумак мерасонанд, то ки ба корфармоён писанд бошад. Онҳо намояндагони ширкату корхонаҳои гуногунро барои мулоқот бо донишҷӯён даъват менамяонд.

Дар як сол чанд маротиба ярмаркаи ҷойҳои кори холӣ баргузор мегардад, ки хатмкунандагон ба воситаи ин метавонанд ба худ аз рӯи ихтисос кори мувофиқ пайдо кунанд.

Дар донишгоҳҳои бонуфузи Маскав дар як сол зиёда аз 100 ширкату корхонаҳо ярмаркаҳои ҷойҳои корӣ холи пешниҳод мекунанд ва бо донишҷӯёни ихтисосҳои гуногун вохӯрӣ баргузор менамоянд. Ин ширкатҳо ҳамчунин барои донишҷӯён мастер-класс-ҳо низ баргузор менамяонд. Донишҷӯён дар ширкату корхонаҳое, ки бо донишгоҳ шартнома доранд таҷрибаомӯзӣ гузашта ба ин восита соҳиби ҷойи кор низ мегардаднд.

Пайдо кардани ҷои кор ба воситаи коромӯзӣ

Ҳангоми коромӯзӣ ба донишҷӯён маоши хуб намедиҳанд, аммо онҳо сбаб мешаванд, ки коргару корфармо аз шарту шароит ва қобилияту малакаи якдигар огоҳ гарданд. Дар натиҷаи кори муваққатӣ метавон аз рӯи ихтисос ба фаъолият шуруъ кард.

Коромӯзӣ дар корхона ва ташкилотҳои хуб ба донишҷӯён дар баробари таҷриба ба ҳолномаашон боз як плюси дигарро зам мекунад, ки дар оянда ҳангоми иштирок дар ягон ҷои корӣ холи тариқи озмун ва ё интихоб ба кас кумаке мебошад. Чунки дар ягон корхонаи пешрафта мутахассиси бетаҷрибаро ба кор қабул намекунанд.

Вақте, ки донишҷӯй мақсади кор кардан дорад бояд ӯ фикр карда барояд, ки оё ӯ метавонад дар як вақт ҳам кор кунад ва ҳам аз дарсҳои донишгоҳаш қафо намонаду номаш ба хориҷ набарояд. Бояд мувофиқи имкониятҳои худ амал кард.  

Дар ин ҳол бисёр донишҷӯёни кор мекардагӣ қоиланд, ки муаллимон онҳоро ба қавле “мефаҳманд”  ва ба онҳо дар ҳолати доштани ғоибҳо мушкиле эҷод намекунанд. Корфармоён низ ба донишҷӯён имкониятҳо медиҳанд, то ки аз дарсҳояшон дер намонанд.

“Ман дар ҷои корам беҳтарин ҳамкорон ва роҳбари хубе дорам, ки ҳатто барои он ки аз дарсҳоям дер намонам онҳо дар ташвиш меафтанд. Ҳамчунин онҳо маро барои дер ҳозир шудан дар ҷои кор, аз сабаби ҷадвали дарсҳо чизе намегуянд ва вазъро мефаҳманд”, - гуфт Мақсадҷон Ризоев.

Агар донишҷӯй бо фаросат ва меҳнатдӯст бошад, вай доим метавонад ҷояшро дар ҷомеа пайдо кунад.  

157
Барчаспҳо:
кор, донишҷӯ, Русия, Тоҷикистон
Невеста, архивное фото

“Талоқ бо паёмак” таҳдид барои занони мусалмон

397
(Таҷдидшуда 18:50 23.09.2019)
Мушкилии талоқ тариқи паёмак дар бисёр кишварҳои Осиёи Миёна мавриди баррасии на танҳо руҳониён, балки фаъолони ҷамъиятӣ низ қарор гирифтааст. Масалан дар Тоҷикистон кам нестанд заноне, ки аз шавҳарҳояшон ба воситаи телефон талоқ мегиранд ва дар нимароҳ мемонанд

ДУШАНБЕ, 23 сен – Sputnik. Дар ҷомеаҳои мусалмонӣ бар зидди “талоқ ба воситаи паёмак” муборизаҳо баҳри поин бурдани ин амли номатлуб оғоз шудааст.

Талоқ – ин калимаест, ки бо ифода шуданаш аз ҷониби мард мувофиқи қавонини шариат никоҳро бекор мекунад. Ин доғи рӯз на танҳо мушкилии кишварҳое гаштааст, ки ақалияти шаҳрвандонаш  мусалмон аст, балки барои Русия низ ҳамчун мушкили арзёбӣ мешавад.

Паёмакҳои хурд, ки дар онҳо калимаи “талоқ” ҷой дорад ҳаёти оилавии зиёд одамонро вайрон кардаанд ва чигуна занон бояд рафтор кунанд, то ки ба чунин мушкилӣ гирифтор нашаванд. Дар ин бораи РИА Новости маълумот пешниҳод мекунад.

Паёмак фиристоду бедарак шуд

Пешрафти технологияи замонавӣ ба ҳаёти динии инсон таъсири худро мерасонад. Агар дар аввал ҷудошавии ҳамсарон бо истифода аз калимаи талоқ аз ҷониби мард ва дар миёни хешу ақрабои тарафҳо ва ё ҳади ақал дар шоҳидии на кам аз ду нафар сурат мегирифт, ҳоло бошад барои баъзеҳо хело осон ва ҳатто ба воситаи паёмак амалӣ мегардад.

Имам казанской мечети «Бишбалта» Шавкят Абубекеров
© ил личного архива Шавкята Абубекерова

Масалан зодаи Уфа – Оиша Нур, ки ба Англия ба назди шавҳараш рафта буд аз ӯ паёмаке бо такрори калимаи талоқ 3 маротиба, гирифт. Шавҳараш дар сафари хидматӣ будааст ва ба занаш сабабро шарҳ надода будааст.

Оиша барои шарҳи ин масъала ба назди имом рафтааст то ки нисбати ин рафтори шавҳараш ҷавоби аниқе пайдо кунад. Шавҳараш пурра талоқашро тасдиқ кардааст барои ҳамин аз рӯи қавонини шариат талоқ тасдиқ шуда ҳисобида мешавад. Қонунҳои  Бритониёи ҳукмҳои додгоҳҳоии мусалмониро тасдиқ мекунанд.

Дар Русия, ки дар ҳудуди он зиёда аз 20 миллион мусалмон зиндагӣ мекунад чунин талоқҳо ба назар мерасанд, аммо қавонини ин кишвар никоҳҳои динӣ ва ё шариатиро тасдиқ намекунанд.

Истиқоматкунадаи шаҳри Костовои вилояти Нижний Новгород Зулфия Собирова (номаш бо хоҳиши ӯ иваз шудааст) сараввал никоҳ карда баъдан ба идораи САҲШ рафта ақди никоҳ бастааст. Аммо баъди чанд моҳ шавҳари ӯ ба таври ногаҳонӣ ба вай талоқ дода аз хона баромада рафт ва дигар бар нагаштааст.

“Вақте, ки ӯ аз хона берун мешуд як маротиба талоқ дод. Баъдан занг зада ба воситаи телефон ин калимаро ду маротибаи дигар такрор кардааст. Ман бошам он вақт ҳомиладор будам”, - мегуяд Зулфия.

Онҳо аз рӯи қонун то ҳол дар қайди никоҳ мебошанд, аммо Зулфия чизе карда наметавонад. Танҳо ба худотарсии шавҳар ва далели шаръии имом умед бастаасту халос. Чунки барои баъзе мусалмонҳо хулосаи имом қонун ҳисоб мешавад.

Занҳо воситаҳои ҳимоя аз паёмакҳоро пайдо кардаанд

“Ҷудошавиҳои яклаҳзаина” - бемулоҳиза дар зиёда аз 20 кишвари мусалмони инкор шудаанд. Чанде пеш дар Ҳиндустон, ки 14 фоизи аҳолиаш мусалмон аст тарафдорони дини ислом қонуне қабул карданд, ки чунин шакли ҷудошавиро рад мекунад. Мувофиқи ин қонун барои талоқ ба воситаи паёмак мардро ҷаримаи калон ва ё ба муҳлати се сол маҳрум аз озодӣ  интизор аст.

Ин масъала аз кишварҳои Осиёи Миёна низ сахт зери омӯзиш қарор гирифтаааст. Масалан, роҳбарияти руҳониёни Тоҷикистон бо нигарони аз он, ки дар кишвар соли гузашта 11 ҳазор талоқ ба қайд гирифта шудааст мехоҳанд талоқ тариқи паёмакро инкор кунанд.

Аз сабабҳои пасти будани вазъи иқтисодӣ дар кишварҳои Осиёи Миёна бисёр мардони ин минтақа ба муҳоҷирати меҳнатӣ мераванд, махсусан ба Русия. Ва гоҳо дар онҷо оила барпо мекунанд.

Масалан сокини Санкт-Петербург Людмила Кузнетсова барои шавҳараш шуда дини исломро қабул кардааст. Мард ӯро бовар кунонидааст, ки ӯ дар зодгоҳаш Тоҷикистон оиладор нест, Людмила бошад бо ӯ никоҳи мусалмонӣ кардааст.

“Чанде пас маълум гардид, ки ӯ оиладор ва соҳиби фарзандон будааст, модараш бошад мухолифи оиладории мост. Алакай 8 моҳ мо зиндагии умумӣ надорем, ва мехоҳам фаҳмам, ки никоҳ барқарор аст ё не”, - мегуяд Людмила.

Мувофиқи қавонини ислом талоқ танҳо мард дода метавонад. Аммо шавҳари Людмила ин корро кардан намехостааст.

Фиреби мардон дар бисёр ҳолатҳо сабабгори талаби талоқ аз ҷониби занон мегардад. Қозикалони шаҳри Қазон Булат Мубораков тасдиқ мекунад, ки дар Татаристон мардҳо кам ҳолат талаби ҷудошавӣ мекунанд.

“Мешавад ба назди ман меоянд ва мепурсанд, қозӣ чигуна ҷудо шавем. Баъзеҳо намехоҳанд зани дуюм бошанд, ба шавҳар мебароянд ва баъдан норозигӣ баён мекунанд, ки намехоҳанд ҳамчун маъшуқа зиндагӣ кунанд. Мешавад мардон аз гузаштаи худ пинҳон мекунанд ва дар ин гуна ҳолатҳо занон хурсанд мешаванд, ки ҳатто ба воситаи паёмак талоқ мегиранд, аммо мардон қасдан ба онҳо талоқ намедиҳанд”, - тавзеҳ медиҳад вай.

Аммо қозӣ бар он аст, ки тартиботи ҳимояи занон вуҷуд дорад. Агар никоҳ дар хонаи САҲШ ба қайд ва ё бекор шуда бошад аз рӯи шариат як баробар оснтар аст.

“Агар додгоҳ қарор дар бораи бекор кардани ақди никоҳ барорад никоҳ аз замони имзо гузоштани тарафҳо дар зери он бекор дониста мешавад ва ин аз рӯи шариат ҳисоб мешавад”, - мегуяд ӯ.

Талоқ – амали хело нозук аст

Қавонини шариат ҳама ҷанбаҳои ҳаётии инсонро муайян кардаанд, аз ҷумла талоқ ва марҳилаҳои онро. Аммо ҳар як ҳолати алоҳидаро бояд имом ва ё муфтӣ бояд шарҳ диҳад.

“Масоили талоқ ҳар яке дорои нозукиҳои худ ва омӯзишро талаб мекунанд. Вақте, ки мард паёмак мефиристад ва ӯ медонад, ки чӣ кор кардаистодааст ин талоқ ҳисоб мешавад. Аммо агар ин амал дар ҳолати бехудӣ рух дода шуда бошад баъзеҳо бар онанд, ки  талоқ ҳисоб намешавад”, - мегуяд муфтии Маскав Илдар Аловудинов.

Мешавад, ки аз сабаби як муноқишае дар заминаи рашк оилаҳо барҳам мехуранд.

“Дар аввал ҷангу хархаша гапҳои қабеҳ нисбати якдигар. Баъдан мард ба воситаи паёмак ба зан талоқ мефиристад, то ки зан ранҷ кашад”, - мегуяд муфтӣ.

Зодаи Қирғизистон Илёс (ном иваз шудааст) боре ҳамсарашро бо ҳамкоронаш рашк карда дар ҳолати мастӣ ба ӯ паёмаки талоқ фиристодааст. Занаш чизҳояшро ҷамъ карда ба хонаи модараш рафтааст.

“Саҳар ман аз кардаам хело пушаймон шудам: кадом шайтон маро ба ин кор водор кард”, - иқрор мешавад Илёс.

Вай чӣ кор карданашро надониста ба назди муфтӣ рафтааст. Муфти гуфтааст ту мастӣ шароб будӣ ва никоҳ бурида намешавад ва пешниҳод кардааст, ки дар ҳол бо завҷааш оштӣ кунад ва ҳамин тавр ҳам шудааст.

“Ақидаҳо дар бораи чӣ гуна бояд талоқ дод зиёданд. Аммо агар ҷавҳари асосиро гуем ин кор бояд дар рӯзҳое рух диҳад, ки зан дар ҳолати ҳайз набошад ва баъди он бо шавҳараш ҳамхоба нашуда бошад. Чизи дигар ин будани ду шоҳид аст, аммо ин чиз ҳатмӣ нест. Ғайр аз ин мард бояд чӣ кор карданашро донад ва ибораи талоқ доданро дар шакли замони гузаштаи феълӣ ифода кунад: “Ман туро талоқ додам”. Ин бисёр масъалаи нозук аст”, - қайд мекунад муфтӣ Аловудинов.

Давои талоқ 

Омор дар бораи талоқ ба воситаи паёмак дар ҷомеаи мусалмонии Русия мавҷуд нест. Аммо ба гуфтаи Аловудинов дар Маскав ин ҳисобот аз 3 як ҳисаро ташкил мекунад.

“Мо болои системаи ба қайдгирии ақди никоҳ ва ҷудошавии оилаҳое, ки дар асоси шартҳои шариат амалӣ шудаанд кор кардаистодаем”, - илова кард муфтӣ.

Гуфтагӣ барин аз рӯи мушоҳидаҳои муфтӣ талоқ ба воситаи паёмак ва ё дар як лаҳза бе таҳамул аз ҷониби мусалмонҳое, ки аз рӯи гуфтаҳои ислом амал мекунанд ба назар намерасанд. Ин гуна амалҳоро мардҳои ба ном мусалмон ба ҷо меоранд.

“Дар ислом меъёрҳои оиладорӣ зиёданд, ки бояд риоя шаванд ва ин махсусиятҳои олами оиладорӣ дар ислом аст. Гоҳо дар оила мушкилиҳо дар ҳолати фаҳмишҳои гуногуни динии ҳамсарон ба миён меояд”, қайд кардааст муфтӣ.

Давои асосии дури аз талоқро муфтӣ аз дурст барпо намудани оила дида дар мувофиқатӣ ва мутаносибии ҳамсарон мебинад.

397
Барчаспҳо:
паёмак, зан, талоқ, оила, Тоҷикистон
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

0
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

0
Барчаспҳо:
ҷаласа, ҳамкорӣ, Ӯзбекистон, Тоҷикистон