Владимир Гуреев  дар шабакаи  Facebook

Одам ба одам мерасад ё тақдири кӯдаке, ки шоҳиди ҷанги шаҳрвандии Тоҷикистон аст

160
(Таҷдидшуда 19:23 17.10.2016)
Собиқ низомии рус, ки дар солҳои ҷанги шаҳрвандӣ дар Тоҷикистон адои хидмат мекарад, дар сомонаи иҷтимоии худ дар бораи духтари тоҷикистоние навишт. Ӯ бо варақ задани аксҳои пешини худ, ногаҳон аз кӯдаке ёдовар шуд, ки дар солҳои ҷанг бо вай дидор намудааст, ҳоло бошад тақдири духтарак барояш номуайян ва аҷиб аст.

ДУШАНБЕ, 17 окт — Sputnik, Анастасия Лебедева. Владимир Гуреев — рӯзноманигори рус дар вақти азназаргузаронии аксҳои пешини худ духтарчаеро ба ёд овард, ки ҳангоми адои хидмат дар Тоҷикистон, дар вақти ҷанги шаҳрвандӣ бо ӯ ногаҳон во хӯрда буд ва бо вай акс гирифта ба ӯ қанд дода буд. Номи духтар Оксана мебошад.

Пасон, он дар саҳифаи интернетии худ дар Facebook навишт, ки ин духтар ҳоло дар куҷо бошад. Ба қайди вай дар саҳифа қисми зиёди хонандагон бетараф намонданд.

Дар ҷустуҷӯ шаҳрвандони зиёде аз Тоҷикистон низ иштирок доштанд, ки Оксанаро мешинохтанд. Онҳо ҳамакаса тавонистанд, ки духтарчаро дар саҳифаҳои интернетӣ дарёфт кунанд, аммо натавонистанд бо вай сӯҳбат намоянд.

Пас аз гузаштани чаҳор моҳ духтар ба ҳар ҳол ҷавоб навиштааст, рӯзнаманигор ҳатто тавонистааст бо вай тариқи телефон сӯҳбат кунад.

Sputnik Тоҷикистон бо Гуреев сӯҳбат намуд ва дар бораи ёфт гардидани ин духтар аз вай пурсон шуд.

"Ман за сӯҳбат бо духтар хело хурсандам ва ӯ низ шод гардид",- нақл намуд ҳамсӯҳбат.

Маълум гардид, ки духтар чор моҳ дар сафар будааст, дар Абхазия қарор доштааст ва ба интернет дастрасӣ надоштааст.

"Вақте ки ӯ бар мегардад, дарҳол ба ман менависад. Дар ёд дорам, шаби 30-уми сентябр буд. Бо ӯ ба  воситаи шабака сӯҳбат кардем ва як рӯз пас вай ба ман занг зад", мегӯяд рӯзноманигор.

Оксана нақл кард, ки пас аз гузаштани як рӯз аз гирифтани он акс, онҳо бо оилаашон ба Душанбе омаданд. Баъдан ба Русия кӯч бастанд. Духтар дар Маскав мактабро хатм намуда, дар донишгоҳ ҳам таҳсил кардааст. Ҳоло бошад ба шавҳар баромада, худ соҳиби ду фарзанд мебошад.

"Оксана он рӯз, ҳатто гирифтани аксро ҳам дар хотир надорад. Он вақт вай танҳо 10-11 сола буд. Аммо вазъияти он вақтаи Тоҷикистон дар хотираш хело хуб мондааст: табиати зебо, ҳавои гарм, кӯдакӣ, хурсандӣ, дар як вақт хатар, ҷанг, танк- ин чизҳое мебошад, ки вай дар хотир дорад. Алабатта, ӯ худашро дар акс шинохт, аммо манро не",- нақл мекунад Владимир.

Гуреев хотиррасон намуд, ки мақсади вай дар умум дарёфти духтар набуд. Ҳамаааш якбора ва худ ба худ рӯй дод, мегӯяд вай.

"Ман ҳатто фикр намекардам, ки ин кор мумкин аст. Ман танҳо дар фикри он будам, ки аҳволи кӯдаконе, ки он замон дар байни ҷанги шаҳрвандӣ монда буданд, ҳоло чӣ шуда бошад. Чӣ аҳвол дошта бошанд, дар куҷо бошанд?! Дар саҳифаам ман бо ин мақсад аксро гузоштам, вале ҳама якбора ба кофтуков сар карданд",- қайд кард ӯ.

Маълум шуд, ки чор моҳ пеш касе ба Оксана гуфтааст, ки ӯро мекобанд.

"Аммо духтар ба он аҳамият надодааст, ба фикрам ба вай нафаҳмониданд, ки барои чӣ ӯро мекобанд. Вай ҳақиқати гапро нафиҳмидааст. Худаш ҳам мегӯяд: Ман ба ин аҳамияти ҷиддӣ надодам, зеро дар шабакаҳои иҷтимоӣ мавзӯъҳои гуногун пайдо мешаванд",- мегӯяд Гуреев.

Дар бораи он, ки шахси ношиносе вайро тариқи як акс мекобад, ӯро ҳам хурсанд кард ва ҳам ҳайрон намуд.

Духтар журналистро ба меҳмонӣ ба Маскав даъват намудааст, аммо вай ҳоло мақсади сафар надорад.

"Ман дар ҳазорҳо километр дурӣ аз вай зиндагӣ мекунам. Ин ҷо ман ҳаёти худамро дорам, оила ва кор дорам.Агар ба Маскав рафтам, ҳатман ба Оксана занг мезанам. Акнун рақамҳои телефони ҳамдигарро дорем ва метавонем сӯҳбат кунем. Аз ҳама муҳимаш он, ки ӯ зинда ва саломат аст ва қурбони ҷанг нагаштааст ва ман дар ин бора бо гузашти 20 сол хабардор гаштам",- мегӯяд бо табассум Владимир Гуреев.

Рӯзноманигор дар охир ба ҳамаи нафароне, ки дар кофтукови як духтар, дар муайян намудани тақдири як кӯдаки ҷангдида иштирок намуданд, изҳори миннатдорӣ баён намуд.

160
Барчаспҳо:
Пайдо гардидани Оксана Шерб, Владимир Гуреев, Русия-Тоҷикистон
Концерт в память барда Лидуша Хабибо в Душанбе, Далер Назаров

Назаров дар бораи убури марзи Ӯзбекистон, вохӯрӣ бо роҳбарону лағви консерташ дар Бухоро

1775
(Таҷдидшуда 18:17 12.01.2021)
Далер Назаров, ҳунарманди маъруфи тоҷикистонӣ пас аз чанд сол бори нахуст дар Ӯзбекистон ҳунарнамоӣ кард. Ӯ ин сафарашро олиҷаноб хондаву гуфтааст, барои консерти лағвшудааш дар Бухоро, дубора ба ин кишвар хоҳад баргашт

ДУШАНБЕ, 12 янв — Sputnik. Овозхон ва оҳангсози шинохтаи тоҷик Далер Назаров, ки охирҳои моҳи декабр дар Ӯзбекистон консерт гузошт, таассуроташ аз ин сафари ҳунариашро нақл кардааст.

Ҳунарманд дар саҳифаи Инстаграмаш, ин сафарро ба шаҳрҳои Тошканду Самарқанд пур аз эҳсоси наҷибу хурсандӣ хондааст.

Вай гуфтааст, сафар ба Ӯзбекистон, ҳарчанд дер боз дар нақша буд, якбора сурат гирифт.

"Ба назарам чунин менамуд, ки ба ин мулоқоти ҷолиб бо тамошобинони Ӯзбекистон бояд омодагии тӯлонӣ бошад. Хусусан, пас аз он ки сарони давлатҳои мо монеаи байни моро бартараф карданд, ки ба ҳама хурсандии зиёд овард ва ман ин ҳодисаро дар солҳои охир матлубтарин ва хурсандибахш мешуморам", - қайд кардааст ӯ.

Далер Назаров омили асосии рушд накардани эстрадаи тоҷикро тавзеҳ дод

Вай афзудааст, ки "новобаста аз пандемия ва баста будани марзҳо, марзбонон  моро хушҳолона пешвоз гирифтанд ва пас аз гузаштани тамоми расмиятҳо ба сарзамини ошно ворид шудем".

"Дар чашми пешвозгирандагон як ҳаяҷон ва тантана намудор мешуд, дар дили мо бошад ҳеҷ "мову шумо"-е набуд, танҳо шодӣ аз вохӯрии деринтизор буд", - афзудааст Далер Назаров.

Овозхон таъкид кардааст, ки дар Самарқанду Тошканд вақташ хуш ва пур аз муҳаббат гузашт. Аммо ҳунарнамоияш дар шаҳри Бухоро бо сабабҳои номаълум лағв шуд.

Хоҳишмандон зиёд шуданд: Далер Назаров дар Тошканд ду рӯз консерт медиҳад

"Мутаассифона, консерти мо дар Бухоро, ки хело интизорамон буданд, лағв шуд. Сабабашро намедонем, аммо медонем, ки вохӯрӣ дар ин шаҳр дар сатҳи олӣ албатта мешавад", - таъкид мекунад ӯ.

Овозхон, қайд кардааст, ки дар давоми ин сафар бо табақаҳои гуногун, аз ҷумла аз роҳбарон то ошпазҳову савдогарон мулоқот дошт.

"Ман инро барои он мегӯям, ки касеро махсус интихоб накардем, ҳама бидуни ягон маҷбурӣ хурсанду самимӣ буданд", - таъкид мекунад ҳунарманд.

Далер Назаров афзудааст, ки то ҳол ба унвонаш "мактубҳои саршор аз меҳру муҳаббат мерасанд ва дар оянда ин ҳама самимият дар таронаҳои тозааш дарҷ хоҳанд шуд".

1775
Барчаспҳо:
консерт, таассуроти нахустин, Ӯзбекистон, Далер Назаров
Манижа Давлат, архивное фото

Рақси Манижа Давлат ба навор афтод - видео

9134
(Таҷдидшуда 17:41 12.01.2021)
Сарояндаи саршиноси тоҷик Манижа Давлат, ки солҳост тарки саҳна кардаву дар ягон чорабинии фарҳангӣ ширкат намекунад ва аз наворбардорьӣ дурӣ меҷӯяд, дар шабнишиние ба навор афтод

ДУШАНБЕ, 3 янв — Sputnik. Ахиран мудели машҳури тоҷик Парвина Саидова дар сториси instagram-аш навореро нашри кард, ки дар он ҳамроҳи Манижа Давлат зери навои эронӣ чарх мезананд.

Манижа Давлат дар навбати худ дар сториси instagram-аш барои ташкили ин шабнишинӣ аз Парвина Саидова сиосгузорӣ карда ин рӯзро аз хушбахтарин лаҳзаи ҳаёташ гуфтааст.

"Агар инсон мехостааст барои як лаҳзаи хушбахии дӯсташ, дар як шаб дар байни ҳамагӣ чанд соат чӣ корҳоеро ичро намекардааст...Бо вуҷуди он қадар исрори на гуфтани ман, ту барои як шаб хурсандии ман хамаи инро муҳайё кардӣ, чанд сол буд, ки чунин хурсанд набудам...Дӯстам, хоҳарам аз ту миннатдорам, дили маро як лаҳза шод кардӣ бигзор Худованд шодии ду дунёро барои туву фарзандонат ато кунад",- навиштааст Манижа дар саҳифаи instagram-и худ.

Корбарони интернет ҳадс задаанд, ки ин шабнишинӣ шояд зодрӯзи Манижаи Давлат бошад, ки 31 декабр ба дунё омадааст, вале Парвина Саидова дар посух ба ин савол гуфтааст, ки ин танҳо як базми хонаводагӣ буд.

Манижаи Давлат 31 декабри соли 1982 дар шаҳри Кӯлоб ба дунё омада, соли 1999 мактаби рақами 8-и шаҳри Кӯлобро хатм кардааст.

Соли 2006 бошад риштаи журналистикаи Донишгоҳи давлатии миллии Тоҷикистонро поён бурдааст.

Манижа Давлат дар авоили соли 2000-ум рӯи саҳнаи ҳунар омад ва дар фурсати кӯтоҳе миёни сокинони кишвар ва форсзабонҳо маҳбубият пайдо кард.

Ӯ дар соли 2002 консерти нахустини худро дар "Кохи Борбад"-и Душанбе баргузор карда, ҳамон сол албоми таронаҳояшро низ бо номи "Сарнавишти ман" пешкаши мухлисонаш кард.

Манижа аз камтарин овозхонҳое ҳаст, ки солҳои дароз дар саҳна нест, вале маҳмубияташ ҳамоно кам нашудааст.

9134
Барчаспҳо:
Манижа Давлат, Парвина Саидова, Душанбе
День 24 января

Аз рӯзи байналмилалии эскимо то фавти 50 ҳазор нафар дар Чилӣ: имрӯзи таърих

0
(Таҷдидшуда 19:43 23.01.2021)
Рӯзи бистучоруми январ ҳамчун Рӯзи байналмилалии эскимо мебошад. Зимнан дар ин рӯз дар Ҳиндустон аз Рӯзи миллии духтарон ва дар Британияи Кабир Рӯзи ёдбуди қурбониёни генотсид дар Ҷанги дуюми ҷаҳонӣ таҷлил мегардад

Рӯзи 24 январ дар ҷаҳон чӣ рух дод

Соли 1939 дар Чили заминҷунбии шадид ба амал омад, ки дар натича зиёда аз 50 ҳазор нафар ба ҳалокат расиданд.

 

Последствия землетрясения и цунами в Чили 16 сентября 2015 года
Pablo Ovalle Isasmendi/AGENCIA UNO via AP
Последствия землетрясения и цунами в Чили 16 сентября 2015 года

Соли 1946 Комиссияи СММ оид ба энергияи атомӣ таъсис дода шуд.

Рӯзи 24 январ дар Тоҷикистон чӣ рух дод

Соли 2013 дар шаҳри Душанбе таҳти раёсати раисҷумҳури Тоҷикистон Эмомалӣ Раҳмон ҷаласаи Шӯрои амнияти Ҷумҳурии Тоҷикистон доир ба натиҷаҳои фаъолият дар соли 2012 ва вазифаҳо барои соли 2013 баргузор гардид.

День 3 января
© Sputnik/ Стас Этвеш/ Мария Вишнякова

Соли 2014 дар шаҳри Душанбе масоили вақт ва дурнамои ҳамкории мутақобиланд судманду гуногунҷанбаи Тоҷикистону Русия муҳокима карда шуданд.Соли 2014 пас аз анҷоми ҷаласаи 12-уми байниҳукуматии Тоҷикистону Русия оид ба ҳамкории тиҷоратӣ-иқтисодӣ шартномаи муштарак оид ба ҳамкории дуҷониба ба имзо расид.

Соли 2008 Стратегияи мубориза бо коррупсия дар Ҷумҳурии Тоҷикистон барои солҳои 2008-2012 қабул гардид.

Соли 2010 намояндагии дипломатии Шоҳигарии Арабистони Саудӣ фаъолияти худро дар Ҷумҳурии Тоҷикистон оғоз намуд.

Соли 2014 дар шаҳри Санкт-Петербурги Федератсияи Русия бозии кушодашавии Ҷоми "Иттиҳод-2014" миёни дастаҳои Тоҷикистон ва Эстония бо натиҷаи мусовӣ  2:2 ба анҷом расид.

Ҷашнҳои рӯзи 3 январ дар Тоҷикистон ва ҷаҳон

Соли 2017 дар Сафорати Япония дар Душанбе маросими баимзорасии 10 лоиҳаи нави Барномаи Ҳукумати Япония оид ба кумаки бебозгашт ва бехатарии гуманитарӣ барои ҳамаи қишрҳои аҳолӣ ба имзо расид.

Ҷашнҳои рӯзи 24 январ

  • Рӯзи байналмилалии эскимо.
  • Дар Британияи Кабир – Рӯзи ёдбуди қурбониёни генотсид  (қатли ом бо баҳонаҳои нажодӣ, миллӣ ва динӣ)  дар Ҷанги дуюми ҷаҳон.
  • Дар Ҳиндустон – Рӯзи миллии духтарон.
0
Барчаспҳо:
ҷашн, ҷаҳон, Тоҷикистон