Коргардон Умедшо Мирзоширинов. Акс аз бойгонӣ

Коргардони “Мушкилкушо”: Маблағ не, набудани фикри тоза мушкили синамои мост

1197
(Таҷдидшуда 12:09 22.11.2016)
Умедшо Мирзоширинов, коргардони филми “Мушкилкушо”, ҷоизадори ҷашнвораи байналмиллалии “Дидор” ҳадаф гузоштааст, тариқи сабти филмҳои бештар бо забонҳои помирӣ урфу одатҳои мардуми Бадахшонзаминро нишон диҳад.

Умедшо, ки феълан ба сабти филми ҷадид, зери унвони "Пӯнд" (Роҳ) бо забонҳои помирӣ машғул аст, дар сӯҳбат бо "Sputnik Тоҷикистон" гуфт, мушкили синамои тоҷик на маблағ, балки набудани фикри тоза ва дарки амиқи зиндагист.

Сӯҳбат бо Мирзошириновро аз филми "Мушкилкушо", ки миёни тамошобинон хуш пазируфта шуд, оғоз кардем ва нахуст далели интихоби номи "Мушкилкушо"-ро пурсидем.

— Маънои "Мушкилкушо" нишон додани ҳастии инсоният аст. Ин ҳастии инсон аст. Вақте ки инсон дар зиндагӣ бо мушкилот  рӯ ба рӯ мешавад, ӯ аз Худо мурод металабад ва бо қувваҳои махфӣ сӯҳбат мекунад, он вақт мушкилкушои худро дармеёбад. Мақсади асосии филм муаррифӣ намудани фарҳангу забонҳои мардуми Бадахшон буд ва хушбахтона ба мақсадам расидам. Яъне нишон дода тавонистем, ки мардуме, ки бо лаҳҷаҳои гуногун сӯҳбат мекунанд арзишҳои умумифарҳангӣ доранд.

Дар кадом минтақаҳо филм ба навор гирифта шудааст?

— Чун филм дар бораи сарнавишити як духтар аз Помир нақл мекунад наворҳои он  аз водии Ғунди ноҳияи Шуғнон сар шуда, то қишлоқи Поршневу баъдан қишлоқи Емси водии Бартанг идома мекунад. Бар асари  бӯҳрони иқтисодӣ духтар  муҳоҷир шуда, ба Русия сафар мекунад ва баъзе наворҳои филм дар Русия гирифта шудаанд.

Кадр из фильма режиссера Умедшо Мирзоширинова, архивное фото
© Фото : из личного архива Умедшо Мирзоширинова
Навор аз филми "Мушкилкушо". Дар акс Ирана Нуроншоева

Нақшофарони филм ҳунармандони касбианд, ё хайр?

— Дар филм Ирана Нуроншоева, Александр Мичков, Алиакбар Одинамамадов, Ҷонбоз Душанбиев, Мусаввар Минаков, Самад Мансуров ва дигарон нақш офаридаанд. Аз байни нақшофарон танҳо ду нафарашон ҳунармандони касбӣ буда, дигар ҳамаи иштирокчиёни филм сокинони минтақаҳои гуногуни кишвар мебошанд. Барои зиндаву табиӣ ва комилтар нишон додани урфу одатҳои халқи Бадахшон мо ҳунармандонро аз сокинони маҳаллӣ интихоб кардем.

Ғамгин аз онам, ки устод Мусаввар Минаков филми худро нодида, ҷаҳонро падрӯд гуфт,  вале  шод аз онам, ки тавонситам барҷастагии ин марди бузургро дар филм ба навор гирам ва барои насли оянда нишон диҳам.

Чӣ гуна мушкилиҳо пеш омад зимни ба навор гирифтани филм?

— Ягон кор бе мушкилӣ намешавад. Албатта, зимни ба наворгирӣ низ мушкилиҳо пеш омада буд, вале барои ман паси сар кардани ҳар як ноҳамвории зиндагӣ дар касбам, ҷони дигар мебахшад ва маро ба тай кардани қуллаҳои боз ҳам тундтар водор месозад.  Агар инсон кори худро, касби худро дӯст дорад, барои ӯ паси сар кардани мушкилиҳо ҳаловате беш нест. Ман ҳангоми ба наворгирии филм зимни омода намудани он ҳаловат мебурдам.

Ба фикри шумо кадом ҷиҳати  "Мушкилкушо" филмро соҳиби унвон кард?

— Бибиям ҳамеша мегуфт, "Агар лалаикро бо сӯз сароидан натавонӣ, пас насаро".  Ҳар як кор бояд аз таҳти дил иҷро шавад.  Вақте, кор бо ҷону дил шуд, фарқ нест вай филмбардорӣ аст ё ошпазӣ, иҷрокунанда ба мақсади худ мерасад. Агар кор бо ҷону дил анҷом дода шавад пас ба дили мардум роҳ меёбад. Агар ошро танҳо ба хотири анҷом додани вазифаи хонагӣ тайёр куенӣ, он ба касе маъқул намешавад. Чи гунае, ки ту нисбати корат муносибат кардӣ, нафари дигар низ бо ҳамон меҳру муҳаббат онро қабул  мекунад.

На съемках фильма режиссера Умедшо Мирзоширинова, архивное фото
© Фото : из личного архива Умедшо Мирзоширинова
Зимни наворбардории филми "Мушкилкушо"

Кадом забонҳоро дар филм шунидан мумкин аст?

— Ҳунармандон дар филм бо чанд забон сӯҳбат мекунанд. Аввал бо забонҳои помирӣ: шуғнӣ-рӯшонӣ, вахӣ, ишкошимӣ ва ғайра. Ҳамчунин дар филм забони тоҷикӣ ва забони русӣ истифода шудаанд.

Синамои тоҷик имрӯз чӣ мушкилот дорад?

— Мушкилоти маблағ имрӯз барои ба навор гирифтани филме асос шуда наметавонад. Чун дар замони муосир роҳҳои зиёди ба даст овардани грантҳо мавҷуд аст. Озмунҳо зиёданд, ҷашнвораҳои синамо чӣ дар миқёси Тоҷикистон ва чӣ ҷаҳонӣ зуд-зуд баргузор мешаванд. Имрӯз мушкилоти асосии ин соҳа набудани  фикри тоза, андешаи баланд, дарки  маънои чуқури зиндагӣ. Ҳангоме, ки инсон сояи худро мебинаду ба ҳастии худ ба ботини худ чуқур назар намекунад, аз ин чизе бар намеояд. Вақте инсон танҳо ба хотири маъруфиат пайдо кардан, кореро анҷом медиҳад, аз он чизе ҳосил намешавад.  Ин қоидаи ҳаёт аст. Агар дар кор худро об кунӣ, ҳосили он бошира хоҳад шуд.

Ҳамватанони бурунмарзӣ бисёр интизори тамошои филм шудаанд. Оё дар нақша ҳаст намоиши филм дар дигар кишварҳо?

— Албатта. Ба наздикӣ, Худо хоҳад мо барои намоиш додани филм ба Русия сафар мекунем. Дар нақша ҳаст, ки филм дар тамоми манотиқи тоҷикнишин намоиш дода шавад. Мехоҳем дар Маскав, Санкт-Петербург, Екатеринбург ва дигар шаҳрҳое, ки дар он ҷо шумораи тоҷикон нисбатан зиёдтар аст намоиш диҳем. Ва баъдан дар саҳифаи ютуб низ филми "Мушкилкушо" нашр хоҳад шуд.

Дар оянда чӣ нақша доред?

— Дар оянда мехоҳам дар ҷодаи синамо боз талошҳои бештар дошта бошам. Айни замон филми навро таҳти унвони "Пӯнд" (Роҳ) бо забони помирӣ ба навор гирифта истодаам. Шояд дар рафти омода намудани филм номи он иваз шавад, вале барномаи он аллакай омода аст ва дар ояндаи наздик филм пешкаши тамошобинон хоҳад шуд.

  • Навор аз филми Мушкилкушо
    Навор аз филми "Мушкилкушо"
    © Фото : из личного архива Умедшо Мирзоширинова
  • Мусаввар Минаков, зимни наворбардории филм
    Мусаввар Минаков, зимни наворбардории филм
    © Фото : из личного архива Умедшо Мирзоширинова
  • Ҳангоми наворбардории филми Мушкилкушо
    Ҳангоми наворбардории филми "Мушкилкушо"
    © Фото : из личного архива Умедшо Мирзоширинова
1 / 3
© Фото : из личного архива Умедшо Мирзоширинова
Навор аз филми "Мушкилкушо"

 

1197
Барчаспҳо:
мушкилоти синамо, филми "Мушкилкушо", Умедшо Мирзоширинов, Тоҷикистон, Русия
Мавзуъ
“Мушкилкушо”-и Умед Мирзоширинов беҳтарин филми тоҷикӣ унвон шуд
Стоматолог

Оиларо гузошту ба Сахалин рафт: чӣ гуна тоҷик дар Русия карйера сохт

817
(Таҷдидшуда 12:59 24.01.2021)
Зодаи Тоҷикистон, дандонпизишк Маҳмад Неъматов боре тасмим гирифт, ки қадами ҷасуронае гузорад ва барои кор ба Русия рафт. Ин қадами ҷасурона ҳаёти ӯро ба куллӣ дигар кард

ДУШАНБЕ, 24 янв – Sputnik. Дандонпизишк Маҳмад Неъматов аз Тоҷикистон ба Русия кӯчид ва тавассути барқарор кардани шуъбаи дандонпизишкӣ дар Сахалин карйераи барҷаста сохт.

Чизе, ки ӯ тӯли 13 сол дур аз ватан ба даст овард ва ба хотири кор чиро қурбон кард, дар матлаби муаллифи РИА Новости Мария Марикян бихонед.

Ба дӯсташ ваъда доду аз Тоҷикистон рафт

Неъматов дар деҳаи Оббурдони ноҳияи Масчоҳи Тоҷикистон таваллуд шудааст. Пас аз мактаб дар Душанбе ба ҳайси духтури дандон таҳсил кардааст. Баъди хатми донишгоҳ аввал дар муассисаҳои тиббии вилоятӣ кор карда, сипас ба зодгоҳи хурди худ баргашт.

"Бо гузашти вақт, муовини сардухтур шудам, ва ҳамзамон раиси иттифоқи касаба будам. Ҳамааш қонеъкунанда буд", - мегӯяд, Неъматов.

Ҳамааш дар соли 2007 тағир ёфт: дӯст ва ҳамкори Маҳмад ба Сахалин рафт ва ӯро бо худ даъват кард.

"Ман розӣ шудам. Ин муколамаи мо, ба назари ман, ҷиддӣ набуд. Ва ногаҳон - занг."  Хуб, ин ҷо хуб аст.  Даромади мӯътадил, таҷрибаи нав. Омода шав! "- гуфт Неъматов.

Ба гуфтаи Неъматов, иҷрои ваъда кори осон набуд: оила ин иқдомро бо камҳавасӣ қабул карданд. Падар ошкоро зидди он буд, ва баҳс мекард, ки ҳоҷат ба тарки вазифа ва гузошта рафтани оила нест.

Аммо Маҳмад ба ин гуфтаҳо гӯш накарду оиларо дар ватан гузошт ва роҳи Русияро пеш гирифт.

Оғози муваффақиятҳои табиби тоҷик дар Русия

Ҷои кори аввалини Неъматов бахши дандонпизишкӣ дар Александровск-Сахалинский дар шимоли вилоят буд. Сахалин пеш аз ҳама ӯро бо барфи зиёд мутаассир кард.

"Ҳолатҳое мешавад, ки шумо дар канори роҳраве, ки ҳар рӯз тоза мекунанд, мегузаред ва дар паҳлӯҳо барф болотар аз шумост. Мисли нақб. Саҳар, баъзан аз даромадгоҳ баромада наметавонед. Ман аз тирезаи ҳамсояҳоям дар ошёнаи якум берун шуда будам ",- ба ёд меорад Маҳмад.

Пас аз панҷ сол, Неъматов қариб тасодуфан ба деҳаи Смирних кӯчид. Ман бо як ҳамватани худ вохӯрдам, ки гуфт, беморхонаи маҳаллӣ мутахассис надорад. Ва дӯсте, ки барояш ба Русия омадам, аллакай ба нафақа баромад, мегӯяд ӯ.

Маҳмад ба беморхонаи марказии ноҳиявии Смирниховский ба кор даромад ва ӯро фавран мудири шӯъбаи дандонпизишкӣ таъин карданд. Духтури дандон дар ихтиёри худ се ҳуҷра дошт: ду ҳуҷра барои қабул ва як ҳуҷра барои табобат.

Махмад Неъматов в Смирныховской ЦРБ
© Фото : из личного архива Махмада Неъматова
Махмад Неъматов в Смирныховской ЦРБ

Чӣ гуна тоҷик дар Русия дандонпизишкиро тағйир дод

Дар ҷои нави кор муҳоҷир  ба вазъи ногувору фанои умумии стоматология дучор шуд. Барои тағир додани шӯъба саъйи зиёд лозим буд.

"Ба назар мерасид, ки ин деворҳо дер боз таъмир нашудаанд. Таҷҳизот аз замони Шӯравӣ буд", - гуфт табиб.

Шуъбаро таъмир карданд, таҷҳизоти нав оварданд. Ва худи Неъматов мутахассисони ҷавон ва кадрҳои ботаҷрибаро фаъолона ҷалб мекард.

Ҳоло беморон дар чор ҳуҷра қабул карда мешаванд. Маҳмад 13 корманд дорад: панҷ табиб, техник-стоматолог, ҳамшираҳои тиб, фаррош. Ифтихори алоҳидаи шуъба- стоматологияи сайёр мебошад.

Ҷеймс Насимӣ - нахустин коргардони тоҷик, ки Ҳолливудро тасхир кард

"Вақте ки ман нав омадам, хеле ҳайрон шудам, ки чаро дар минтақае, ки шароити боду ҳавои махсус дорад, чунин таҷриба вуҷуд надошт. Мо мошинро соли 2019 гирифтем. Онро се сол мунтазир шудем. Дар як моҳ ду маротиба сафар мекунем", - бо болидагӣ мегӯяд, духтури дандон.

Барои карйера, маҷбур будам, оиларо қурбон кунам

Ҳама ин 13 сол Маҳмад аз оилааш дур зиндагӣ кард. Ҳамсараш ҷуръат накард, ки то калон шудани духтарони хурдӣ ба Русия ояд. Ӯ иқрор кард, ки хонаашро хеле пазмон шудааст, гарчанде кӯшиш мекунад, соле ду маротиба ба назди оилааш равад.

Ҳамзамон ба назди Маҳмад, писаронаш низ омаданд: калонӣ, ҳамчун техники дандон таҳсил карда, таҳти назорати падар тахассусашро такмил медиҳад, писари миёнааш ду сол пеш Донишгоҳи давлатии Чувашияро хатм кард ва инчунин ба Сахалин кӯчид.

Махмад с сыном
© Фото : из личного архива Махмада Неъматова
Махмад с сыном

"Ҳоло набераҳоям низ калон шуда истодаанд. То он даме, ки қувват дорам, кор мекунам ва ҳамзамон донишамро ба ҷавонон меомӯзам. Ман як вазифа дорам - ба одамон кӯмак расонидан. Чӣ фарқ дорад, ки дар куҷо? Мо ҳама дар як замин зиндагӣ мекунем. Барои табиб фарқияти ҷинсият, миллат ва дин вуҷуд надорад “, - гуфт Неъматов.

Сайёра Сафарӣ: ҳаргиз бо ҳампешагонам роман надоштам

Маҳмад мегӯяд, ки ӯ худро аллакай Сахалини воқеӣ ҳис мекунад, аммо ба ҳар ҳол нақша дорад, ки пас аз нафақа баромадан, ба зодгоҳаш Тоҷикистон баргардад.

817
Барчаспҳо:
Масчо, Сахалин, касби табибӣ, Русия, Тоҷикистон
Концерт в память барда Лидуша Хабибо в Душанбе, Далер Назаров

Назаров дар бораи убури марзи Ӯзбекистон, вохӯрӣ бо роҳбарону лағви консерташ дар Бухоро

1789
(Таҷдидшуда 18:17 12.01.2021)
Далер Назаров, ҳунарманди маъруфи тоҷикистонӣ пас аз чанд сол бори нахуст дар Ӯзбекистон ҳунарнамоӣ кард. Ӯ ин сафарашро олиҷаноб хондаву гуфтааст, барои консерти лағвшудааш дар Бухоро, дубора ба ин кишвар хоҳад баргашт

ДУШАНБЕ, 12 янв — Sputnik. Овозхон ва оҳангсози шинохтаи тоҷик Далер Назаров, ки охирҳои моҳи декабр дар Ӯзбекистон консерт гузошт, таассуроташ аз ин сафари ҳунариашро нақл кардааст.

Ҳунарманд дар саҳифаи Инстаграмаш, ин сафарро ба шаҳрҳои Тошканду Самарқанд пур аз эҳсоси наҷибу хурсандӣ хондааст.

Вай гуфтааст, сафар ба Ӯзбекистон, ҳарчанд дер боз дар нақша буд, якбора сурат гирифт.

"Ба назарам чунин менамуд, ки ба ин мулоқоти ҷолиб бо тамошобинони Ӯзбекистон бояд омодагии тӯлонӣ бошад. Хусусан, пас аз он ки сарони давлатҳои мо монеаи байни моро бартараф карданд, ки ба ҳама хурсандии зиёд овард ва ман ин ҳодисаро дар солҳои охир матлубтарин ва хурсандибахш мешуморам", - қайд кардааст ӯ.

Далер Назаров омили асосии рушд накардани эстрадаи тоҷикро тавзеҳ дод

Вай афзудааст, ки "новобаста аз пандемия ва баста будани марзҳо, марзбонон  моро хушҳолона пешвоз гирифтанд ва пас аз гузаштани тамоми расмиятҳо ба сарзамини ошно ворид шудем".

"Дар чашми пешвозгирандагон як ҳаяҷон ва тантана намудор мешуд, дар дили мо бошад ҳеҷ "мову шумо"-е набуд, танҳо шодӣ аз вохӯрии деринтизор буд", - афзудааст Далер Назаров.

Овозхон таъкид кардааст, ки дар Самарқанду Тошканд вақташ хуш ва пур аз муҳаббат гузашт. Аммо ҳунарнамоияш дар шаҳри Бухоро бо сабабҳои номаълум лағв шуд.

Хоҳишмандон зиёд шуданд: Далер Назаров дар Тошканд ду рӯз консерт медиҳад

"Мутаассифона, консерти мо дар Бухоро, ки хело интизорамон буданд, лағв шуд. Сабабашро намедонем, аммо медонем, ки вохӯрӣ дар ин шаҳр дар сатҳи олӣ албатта мешавад", - таъкид мекунад ӯ.

Овозхон, қайд кардааст, ки дар давоми ин сафар бо табақаҳои гуногун, аз ҷумла аз роҳбарон то ошпазҳову савдогарон мулоқот дошт.

"Ман инро барои он мегӯям, ки касеро махсус интихоб накардем, ҳама бидуни ягон маҷбурӣ хурсанду самимӣ буданд", - таъкид мекунад ҳунарманд.

Далер Назаров афзудааст, ки то ҳол ба унвонаш "мактубҳои саршор аз меҳру муҳаббат мерасанд ва дар оянда ин ҳама самимият дар таронаҳои тозааш дарҷ хоҳанд шуд".

1789
Барчаспҳо:
консерт, таассуроти нахустин, Ӯзбекистон, Далер Назаров
Президент Республики Таджикистан Эмомали Рахмон

Раҳмон гуфт, баъзе сарони кишварҳои ИДМ аз пушташ механдиданд: шарҳ дод, ки чаро

0
Эмомалӣ Раҳмон, раисиҷумҳури кишвар гуфт, сатҳи боғу токпарвариро барои рушди иқтисоду зиндагӣ бештар кард, ва аз деҳқонон даъват кард, ки ба ҳеҷ кас гуш надиҳанд ва талош барои беҳбуд кунанд

ДУШАНБЕ, 26 янв — Sputnik. Раисиҷумҳури кишвар ин нуктаро зимни паёми солонааш ба парлумон изҳор дошта гуфт, вақте барои барномаи рушди боғу токпарвариро қабул кард ҳатто баъзе сарони кишварҳои ИДМ аз пушташ хандиданд.

Ӯ гуфт, вақте дастур дод, ки талу теппаҳоро боғзор кунанд, баъзе сарони кишварҳои ИДМ ба ӯ хандида гуфтаанд: “Раҳмон дигар кор надорад талу теппаҳоро боғу токпарварӣ мекунад”.

Ба гуфти президент, ин талошҳояш буд, ки самар доданд ва афзоиши маҳсулот то чанд маротиба афзуд.

Ӯ гуфт, дастураш ва талошҳои деҳқонону боғдорон буд, ки ба ин сатҳ расид.

Раисиҷумҳур мисол оварда гуфт, дар замони Шӯравӣ  дар самти Душанбе-Хатлон талу теппаҳо чизе надошт: “Чизе набуд ҳатто ошхонае набуд. Имрӯз бубинед чигуна обод шудааст. Маҳсули ин боғот ба хориҷа содир мешавад”.

Ба таъкиди ӯ самараи ин боғу токзорҳо ҳоло ба хориҷа содир мешавад.

Раҳмон аз пандемияву буҳрон гуфт: ҷаҳон чунинро тайи сад сол ёд надош

Ӯ аз деҳқонон даъват кард, ки ба касе гӯш надиҳанд ва боғу токзорро зиёд кунанд ва ӯ имтиёзҳо хоҳад дод.

0