Салима Худобердиева. Акс аз бойгонӣ

Dolce-и помирӣ: либосҳои Салима барои арӯсу домоди тоҷик дар Маскав

2535
(Таҷдидшуда 19:31 09.02.2017)
Салима дар Маскав зиндагӣ мекунад ва барои арӯсони тоҷик либоси миллии тӯёна медӯзад. Муштариёни ӯ ҷавононе ҳастанд, ки мехоҳанд тӯйи худро махсусан бо либоси миллӣ гузаронанд

ДУШАНБЕ, 9 фев — Sputnik. Вақтҳои охир шумораи ҷавнони тоҷик, ки тӯйи худро дар Маскав барпо мекунанд, зиёд шудааст. Дур аз ватан будан барои бо тамоми анъанаҳои миллӣ ва либоси арӯсӣ гузаронидани тӯй баҳона намешавад. Ба қавли Салима ҷавонони тоҷики муқими Маскав  ба либосҳои миллӣ таваҷҷӯҳи зиёд доранд.

Либоси арӯсии тоҷикиро дар мағозаҳои Маскав дарёфт кардан душвор, ҳатто номумкин аст. Ба арӯсони тоҷик Салима Худобердиева, ки ба дӯхтани либосҳои арӯсӣ машғул аст, кӯмак мекунад.

"Асосан ман барои арӯсу домоде, ки хоҳиши пӯшидани либоси помириро доранд, либос медӯзам. Матои сафеди абрешимиро аз Максав харидорӣ мекунам, чун сифаташ баланд аст. Вале мешаванд ҳолатҳое, ки муштариён худ маторо аз Тоҷикистон харидорӣ мекунанд. Шерозиро ман аз Тоҷикистон фармоиш медиҳам, чун ин кори дастӣ аст",-нақл мекунад Салима.

Жених и невеста на свадьбе, архивное фото
Либосҳои дӯхтаи Салима

Аз ҳама муҳим чен кардан

Салима мегӯяд, ки мавсими куртадӯзӣ асосан фасли тобистон аст. Фармоиш чунон зиёд мешавад, ки ҳатто вақти бо тифлаш сайругашт кардан ҳам намеёбад.

"Буданд ҳолатҳое, ки дар як рӯз ман то се курта медӯхтам",-мегӯяд Салима.

Тобистони соли гузашта, дузанда тавонист 15 ҷуфт ҷавонро ба тӯй омода карда, ҳамчунин барои дигар муштариёнаш низ курта дӯзад.

"Одатан куртаи мардонаро ман дар давоми як рӯз медӯзам, вале агар фармоиш оҷилӣ бошад, то ними шаб кор мекунам. Барои дӯхтани шим, костюм ва курта тақрибан як ҳафа вақт лозим мешавад",-мегӯяд дӯзанда.

Наряды работы портнихи Салимы Худобердиевой, архивное фото
Костюм ва куртаи дӯхтаи Салима

Сарфи назар аз он, ки дӯхтани куртаи мардона мушкилтар аст, барои омода намуднаи куртаи занона вақти бештар сарф мешавад.

Омода шудани либос ҳамчунин аз худи муштарӣ вобаст аст. Агар ӯ дар вақташ ба ченкунӣ ҳозир шавад, дар охир тӯҳфаи хуберо соҳиб мешавад.

Ҳар як арӯс нотакрор аст

"Вақте арӯсе ба ман барои дӯхтани курта муроҷиат мекунад, дар аввал ман хоҳиши ӯро шунида, баъд маслиҳат медиҳам, то куртаи ӯ такрорнашаванда бошад. Ман мехоҳам, ки ҳар як арӯс дар тӯйи худ нотакрор бошад. Намуди курта аз фикри арӯс вобаста аст. Мо куртаҳоро аз якчанд тарҳ омода мекунем",-мегӯяд бо табассум Салима.

Мешуданд ҳолатҳое, ки курта аллакай омода аст, аммо фикри арӯс дигар мешавад ва маҷбур мешавӣ онро аз сар дӯзӣ. Танҳо як чиз дигар намешавад-рангҳои анъанавӣ барои куртаҳои помирӣ-ранги сурх ва сафед.

Вале бо рангҳо бозӣ кардан қобили қабул аст, масалан куртаро пурра бо ранги сафед ва болопӯшро бо ранги сурх. Вале ҳастанд боз нафароне, ки ба ҷои ранги сурх дигар рангҳоро истифода мебаранд. Масалан дар тӯйи бародараш Салима ба ӯ ва арӯсаш куртаи сафед бо шерозҳои ранги сабз дӯхтааст. Ин тарҳ ҳангоми ҷашнгирии иди Наврӯз ба фикри Салима омадааст.

"Ин намудро мо ҳамроҳи арӯс фикр кардем. Шерозӣ дар асл кори дастӣ набуд, вале мо таовнистем матои ба он монанд дарёфт кунем",-изҳор дошт ҳунарманд.

Наряды работы портнихи Салимы Худобердиевой, архивное фото
Либоси омоданамудаи Салима

Муди ҳаррӯза

Мешаванд ҳолатҳое, ки духтарони мудпараст аз Салима куртаи мардона фармоиш дода онро ҳамроҳи шими ҷинс мепӯшанд.

"Дар айни замон ҷавонон ба либоси миллӣ таваҷҷӯҳи зиёд доранд. Духтарони 18-19-сола намуди куртаро дигар карда, худи  шерозҳои анъанавиро дар либосҳояшон истифода мекунанд. Ин хеле зебо ва нотакрор аст",-нақл мекунад  Салима.

Наряды работы портнихи Салимы Худобердиевой, архивное фото
Домод ва арӯс бо либосҳои дӯхтаи Салима

Куртаҳои арӯсони Тоҷикистон вобаста аз минтақа бо ранг ва намуди худ фақр мекунанд. Масалан дар Помир рангҳои сурх ва сафед истифода мешавад, ки маънои тозагӣ ва муҳаббатро дорад. Арӯс курта ва шими сафед ба бар намуда, рӯи худро бо рӯймоли калон пинҳон мекунад, то аз чашми бад дур бошад. Дар баробари ин аксари духтарон ба пӯшидани фата шавқ доранд.

2535
Барчаспҳо:
дӯзанда, духтани либоси арӯсӣ, либос, Салима Худобардиева, Маскав
Сальма Хайек

Шабнам ва Манижа дар Ҳолливуд: хориҷиҳои чун себи дукафон ҳаммонанди ситораҳои тоҷик

81
(Таҷдидшуда 16:06 28.02.2021)
Пӯшида нест, ки одамони минтақаҳои гуногуни ҷаҳон новобаста аз нажод ва одатҳояшон ба ҳамдигар монанданд. Чанд ситораи Ҳолливудро номбар кардан мумкин, ки агар куртаи тоҷикӣ пӯшидаву акс гиранд, ба тоҷикдухтар табдил меёбанд

Духтарони зебои Тоикистонро - як дороии дигари кишвар мегӯянд. Бонувони минтақаҳои гуногуни кишвар вобаста аз иқлиму шароит зоҳиран фарқ мекунанд: ранги ҷашм, ҳаҷми он, абрӯ, бинӣ ва ҳоказо.

Пӯшида нест, ки новосбата аз нажоду рангу шакли даҳону бинӣ одамони ҷаҳон ба ҳам монанданд.

Ситораҳои Ҳолливуд, ки машҳури тамоми дунёянд, агар куртаи тоҷикӣ пӯшанду акс гиранд, онҳоро аз як бону тоҷикистонӣ фарқ кардан мушкил мешавад.

Sputnik Тоҷикистон рӯйхати чунин ҳунрамандони саҳнаи ҷаҳониро ҷамъоварӣ кард.

Пенелопа Круз

Ҳунарпешаи Ҳолливуд Пенелопа Круз яке аз дурахшонтарин диваҳои кинои Ғарб аст, бешубҳа, аввалин шуда байни онҳое истидааст, ки духтари бадахшонӣ метавон гуфт.

Актриса Пенелопа Крус
© Sputnik / Екатерина Чеснокова
Актриса Пенелопа Крус

Ба чашмони чуқури ғарқшуда ва абрӯвони саркаши ӯ нигариста, шумо бешубҳа мефаҳмед, ки қаҳрамони "Осмони ванилӣ" метавонист дар ягон гӯшаи Шуғнон таваллуд шавад.

Доғи кунҷитаки рӯи Круз хоси мардумони кӯҳиест, ки дар баландии бештар аз 6 ҳазор аз сатҳи баҳр зери нурҳои сӯзони офтоб ба сар мебаранд. Дар ҳамин ҳол, Пенелопа Круз зодаи шаҳри Алкобендами Испания аст.

Салма Хайек

Духтари оташин, Салма Хайек тамоми хусусиятҳои зоҳироро дорост, ки барои гирифтани унвони "тоҷикдухтар" мубориза барад.

Сальма Хайек
© AFP 2020 / PEDRO PARDO
Сальма Хайек

Агар ба чеҳраи Салма бодиққат нигарем ва махсусан ба аксҳои ҷавониаш метавон чанд ҷои монандашро бо ҳунарманди зебои тоҷик Манижа Давлатова пайдо кард: чашмони гирд, қаду қомати расо ва муҳимаш абрӯвони сиёҳ. 

Албатта метавонанд, мухлисони Манижа иддао кунанд, ки мисли ҳунарманди тоҷик дар ҷаҳон зебое нест.

Манижа Давлат, архивное фото
© Фото : Аккаунт в Facebook
Манижа Давлат, архивное фото

Салма Хайек зодаи Мексика аст ва дорандаи ҷоизаи "Оскар" мебошад.

Ким Кардашян

Дар назари аввал, изҳороти монандаи ситораи шоуи амрикоӣ ба ягон духтари тоҷик шубҳаовар ва ҳато метавонад таҳқиромез намояд.

Ким Кардашьян
© AFP 2020 / JOHN LAMPARSKI
Ким Кардашьян

Аммо бо назардошти он ки феълан стандартҳои зебогӣ дар тамоми ҷаҳон тағйир меёбад ва маҳз асари "технологияи нав" як гурӯҳ бонувони ба ҳам монандро сохтааст. Рӯшантар гӯем, лабҳои бо роҳи сунъӣ васеъкарда, андоми бо роҳи амалиётҳои ҷарроҳӣ тағйирдодашуда, мӯйҳои сунъӣ ва абрӯвони сунъӣ барои ситораҳои тоҷик низ истисно нест.

Овозхони тоҷик Шабнами Сурайё
Овозхони тоҷик Шабнами Сурайё

Бигзор дигаргуниҳои зиҳирии овозхони попи тоҷик Шабнами Сурайё, худашон бозгӯӣ ин далелҳо бошанд.

Селена Гомес

Овозхон ва ҳунарпешаи чобуки амрикоӣ Селена Гомес бо чашмони бодомшакл метавонист  дар замони хонигарии Бухоро таваллуд шавад ва боиси илҳоми шоирони тоҷику форс шавад.

Актриса Селена Гомес
© Sputnik / Екатерина Чеснокова
Актриса Селена Гомес

Дар чеҳраи ин зани мексикоӣ-итало-англисӣ, ба мисли метисои ҳақиқӣ, якбора якчанд гурӯҳҳои этникӣ муттаҳид шуданд, бинобарин чеҳраи ӯ  ба намуди духтарони минтақаҳои шимолии Тоҷикистон - Хуҷанд ё Панҷакент шабоҳат дорад.

Селена Гомес шояд хабаре ҳам надорад, ки дар як гӯшаи ҷаҳон духтари ба вай монанди оддие ба сар мебарад.

Фрида Пинто

Ҳунмарманди ҳиндуитабор, ки бештар дар филмҳои бритониёиву амрикоӣ нақш мебоазад, духтари сабзинаи тоҷикистониеро мемонад.

Фрида Пинто
© AFP 2020 / LISA O'CONNOR
Фрида Пинто

Фрида дар Бомбей таваллуд шудааст ва махфӣ нест, ки тоҷикону ҳиндустониҳо монанд. Фрида Пинто решаҳои португалӣ низ дорад, аммо аз ҳиндустонӣ буданаш, хушаш меояд.

81
Дилафруз  Хоникбоева,

Аз Боми ҷаҳон ба дили Амрико: кист тоҷикдухтаре, ки ба тими Байден роҳ ёфт - акс

31574
(Таҷдидшуда 18:05 19.02.2021)
Хабари ба тими Ҷо Байден шомил шудани як зодаи Тоҷикистон корбаронро шигифтзада кардааст: чигуна ин духтарак аз Боми ҷаҳон тавонист дар дили Амрико муваффақ шавад

ДУШАНБЕ, 19 фев — Sputnik. Дилафрӯз Хоникбоева, як тоҷикдухтар дар Амрико ба як мансаби олӣ тавонист роҳ ёбад. Хабар дар бораи он, ки як духтар аз Тоҷикистон ба тими президенти нави Амрико Ҷо Байден шомил шуд, корбарони шабакаҳои иҷтимоиро шод ва шигифтзада кард. 

Sputnik Тоҷикистон таҳқиқ кард, ки то куҷо ин хабар дуруст ва Дилафрӯз Хоникбоева кист.

Аслан дар бораи расидан ба як мансаби аршад дар Амрико худи Дилафрӯз дар саҳифаи Инстаграмаш хабар додааст.

Ба иттилои вай, ӯ ҳамакнун мушовири аршади масоили сиёсии Оҷонсии ИМА дар умури рушди байналмилалӣ (USAID) аст.

Ташкилоти USAID ҳарчанд бевосита ба мудирияти Байден иртибот надошта бошад ҳам, марбут ба Ҳукумати Амрикост, ки роҳбараш феълан Ҷо Байден аст.

Гузашта аз ин, худи Хоникбоева шомил шудан ба тими Байденро дар навиштааш тасдиқ мекунад.

"Ман савганд хӯрдам ва ба ҳайъати тими Байден ҳамчун мушовири аршади масоили сиёсии Оҷонсии ИМА дар умури рушди байналмилалӣ (USAID) шомил шудам", - менависад вай.

Дар шабакаи иҷтимоии Фейсбук садҳо кораброн аз ин хабар изҳори хушнудӣ кардаву садҳо нафар ӯро ба ин муносибат шодбош гуфтаанд ва барояш комёбӣ таманно кардаанд.

"Мо аз ин ҳамватани худ ифтихор дорем ва барояш муваффақият таманно мекунем", - менависад як корбари Фейсбук.

"Чӣ хабари хуше, бо ту ифтихор дорем ва бароят муваффақият таманно мекунем. Бигзор сафи ту баринҳо бештар шаванд", - менависад нафари дигар.

Худи Дилафрӯз дар саҳифаи Инстаграмаш бо чанд забон ба шодишариконаш изҳори сипос кардааст ва гуфтааст, ки ҳатто интизор ҳам надошт, ки ин қадар мактубу шодбошӣ мегарад ва гоҳе ҳангоми хондани онҳо аз чашмонаш ғайриинтизор ашк рехтанд.

Дилафрӯз Хоникбоева кист?

Ин зани ҷавон, қариб се даҳсола пеш ба Амрико муҳоҷир шудаву таҳсили мактаби миёна ва олиро дар иёлот гирифтааст.

"Ман як бонуи муҳоҷири ҷавони тоҷики помирии исмоилимазҳаби мусалмон ҳастам. 25 сол пеш хонаводаам аз Тоҷикистон ба Амрико кӯч бастанд", - навиштааст вай ва афзудааст, ки дар як кишвари бегона мардуми хуб кӯмакаш карданд.

Дилафруз Хоникбоева 32-сола дар шаҳри Хоруғ, дар хонаводаи коргар таваллуд шудааст. 

Соли 1995 хонаводаи онҳо ба Амрико мераванд, ки дар ин вақт Дилафӯз ҳамаги 7 сол дошт.

Чойхонаи тоҷикон дар Амрико ба макони таърихӣ табдил ёфт

Баъди хатми мактаби миёна дар Амрико, ӯ таҳсилашро дар Донишгоҳи Ҷорҷ Мейсон дар риштаи таҳлилу ҳалли низоъҳо ба ҳайси ҳуқуқшинос оғоз мекунад. 

Баъди хатми донишгоҳ дар USAID, дар Вашингтон кори худро оғоз кард. Баъди як муддати фаъолият ӯро ба Бунёди Оқохон (AKF) дар ИМА ба кор даъват мекунанд, ки Дилафрӯз инро мепазирад.

Баъдан як бурсияи муҳими ҳукумати Амрико Presidential leadership scholars-ро дарёфт мекунад. Ин бурсия дар ИМА хеле бонуфуз аст, ки роҳи соҳибонашро барои рушд ҳам дар сиёсат ва ҳам дар ҷомеа хеле ҳамвор мекунад.

Оиладор ва донандаи чанд забони хориҷӣ аст.

31574
Барчаспҳо:
тоҷикдухтар, Ҷо Байден, Тоҷикистон, Амрико
Раҳмон Исломиддин Раҳмон, раиси ноҳияи Данғара ва раисиҷумҳур Эмомалӣ Раҳмон ҳангоми мулоқот бо заминдорон

Беш аз 1.1 миллиард доллар аз хориҷ: Раҳмон гуфт, чанд пул ба Данғара равона шудаст?

0
Раҳмон Исломиддин Раҳмон, раиси ноҳияи Данғара, мегӯяд, то имрӯз 1 миллиарду 155 миллион доллар сармояи хориҷӣ ба ноҳия ҷалб карда шудааст, ки аз ин 1 миллиарду 49 миллиону 146 ҳазор доллар сармояи мустақим мебошад.

ДУШАНБЕ, 28 фев – Sputnik. Ба иттилои Исломиддин Раҳмон, соли гузашта нақшаи даромади буҷаи ноҳия барзиёд иҷро шуда, ба ҷои 144,1 миллион ба буҷа 160,6 миллион сомонӣ ворид шуд.

Раиси ноҳия дар суҳбат бо нашрияи “Ҷумхурият” аз сармоягузории давлатию хориҷӣ дар Данғара гуфта, иттилоъ додааст, ки то имрӯз беш аз 1 миллиарду 155 миллион доллар сармояи хориҷӣ ҷалб карда шудааст.

Инчунин дар ноҳия 12 лоиҳаи давлатии сармоягузорӣ амалӣ мегардад, ки маблағи истифодашуда 33,7 миллион доллари амрикоиро ташкил медиҳад.

“Барномаи рушди иҷтимоию иқтисодии ноҳия барои солҳои 2016-2020 -ум 119 лоиҳаро ба маблағи 685,6 миллион сомонӣ дар бар гирифта, ба ҳолати 1 декабри соли гузашта 60 лоиҳа ба маблағи 478,9 миллион сомонӣ ба иҷро расидааст”, - иттилоъ додаст Исломиддин Раҳмон.

Манбаъ афзудааст, ки ҳоло дар ноҳия 38 корхонаи саноатӣ фаъолият дошта, то 30 - солагии Истиқлоли давлатӣ боз 4 корхонаи саноатӣ фаъол мешаванд.

Ҳаҷми умумии истеҳсоли маҳсулоти кишоварзӣ тайи соли 2020 дар ноҳия муодили 1 миллиарду 196 миллион сомонӣ арзёбӣ шудааст.

Қаблан Эмомалӣ Раҳмон, раисиҷумҳури Тоҷикистон, заминҳои паҳновари Данғараро захираи тиллоии Тоҷикистон хонда, таъкид намуд, ки танҳо одам даркор, ки ин заминро истифода барад.

0
Барчаспҳо:
Данғара, пул, Тоҷикистон