Ҷоми Оқохони 4- маросими кушодашавӣ дар Маскав

"Ҷоми Оқохони IV": рақобати нуздаҳ даста барои ҷоми футбол дар Маскав

2597
(Таҷдидшуда 13:32 22.05.2017)
"Ҷоми Оқохони IV" дар ҷаҳон ягона буда, ҳар сол дар Маскав барои ба даст овардани он мусобиқаи футбол ташкил мешавад. Имсол 19 даста аз деҳаҳои гуногуни ВМКБ барои ин ҷоиза рақобат мекунанд

ДУШАНБЕ, 21 май — Sputnik. Нилуфар Некқадам. Дирӯз, 20 май дар майдони "Спартак" Маскав маросими ифтитоҳи мусобиқаи футбол барои ба даст овардани "Ҷоми Оқохони IV" баргузор шуд.

Дар ин барномаи варзишӣ ҳаводорони футбол, раиси созмони иҷтимоъии "Нур" Алимамад Боймамадов, раиси созмони иҷтимоъии "Помир" Анзор Назархудоев ва раиси кулли Созмони муҳоҷирони Русия Вадим Коженов ширкат доштанд. Бозии дастаҳоро доварони пешакор аз федеросюни доварони Русия арзёбӣ мекунанд.

Аслишо Акимбеков, муҷрии барнома, сараввал ҳамаи дастаҳоро ба майдон хонда, тими "Вамар"—ро ки соли гузашта дар сабқат пирӯз шуда буд, бо "Ҷоми Оқохони IV"  ба майдон даъват кард. Ғолибони порсоларо занони доирабадаст, дафзанон ба майдон бароварданд.

Дастаи Вамар ҷомро таҳти навои доира ба майдон бароварданд
Sputnik Каллиников Кирилл Симонович
Дастаи "Вамар" ҷомро таҳти навои доира ба майдон бароварданд

Доиранавозӣ дар Бадахшон яке аз расмҳои муҳимест, ки пеш аз оғози ҳар кори хайр навохта мешавад. Пас аз садо додани сурудҳои миллии Русия ва Тоҷикистон намояндагони расмӣ сухан гуфтанд.

"Аз дидори ҳамаи шумо дӯстони азиз шодам. Ман хурсандам, ки муҳоҷирон чунин барномаву мусобиқот баргузор мекунанд. Бигзор нерӯмандтарин пирӯз шавад", — гуфт раиси Федеросюни муҳоҷират Вадим Коженов.

Алимамад Боймамадов, раиси созмони "Нур", дар суханронии худ ёдовар шуд, ки имсол мусобиқот дар чорчӯби Соли ҷавонон ва Ҷашни 60—умин солгарди Имомати Волоҳазрат Оқохони IV баргузор мешавад.

"Варзиш яке аз муҳимтарин омилҳоест, ки инсонҳоро бо ҳам меорад. Ман аз ҳамаи тамошобинон хоҳиш мекунам, ки тартиботро дар давраи сабқат риоя кунанд. Ба варзишгарон мувафаққият орзу дорам", — гуфт Алимамад Боймамадов.

Лобинов бо раққосаҳо дар майдони "Спартак"

Қаҳрамони Русия дар рақси фри-стайл — Дмитрий Лобинов ба майдон баромада ба футболбозони дастаҳои Помир трюкҳои гуногунро нишон дод.

Пас аз намоиши футболбози рус, гулдухтарон тоқӣ ба сар бо куртаҳои сафед ва ҷуробҳои помирӣ ба майдон баромада, дар навои марғуб рақси помирӣ иҷро карданд. Ҳунарнамоии ансамбли "Нур" ва гулдухтарони дафнавоз бо кафкубиҳои пурмавҷи мухлисон анҷом ёфт.

Раҳбари созмони "Помир" Анзор Назархудоев дар ин маросим гуфт, ки барои бар по кардани чунин барономаи бузурги варзишӣ дар Маскав ба онҳо сафорати Тоҷикистон дар Русия ва шаҳрдории Маскав кумак карданд.

"Ҷоми Оқохони IV" дар тақвими Маскав

"Равобити хуб бо шаҳрдории Маскав, роҳбарии федеросюни муҳоҷирон ва сафорати Тоҷикистон дар Русия имкон медиҳад, ки мо чунин барномаи густардаеро дар майдони фарох бар по кунем", — гуфт Анзор дар суҳбат бо Sputnik Тоҷикистон.

Бино ба гуфтаи Анзор, "Ҷоми Оқохон" аз соли 2010 инҷониб дар Маскав баргузор мешавад ва сол аз сол сатҳи баргузории мусобиқот баландтар мешавад.

"Мо мехоҳем дар солҳои оянда ба ин сабқат дастаҳо аз дигар минтақаҳои Русияро низ ҷалб кунем. Ва ҳамзамон бо шаҳрдории Маскав дар бораи ворид кардани ин мусобиқа дар тақвими варзишии шаҳри Маскав гуфтушунид дорем. Имсол ба қаҳрамони мусобиқа ҷом ва ба барандагони мақомҳои дувуму севум дар баробари нишонҳо мехоҳем маблағе ҳам туҳфа диҳем", — изҳор дошт роҳбари созмони "Помир" Анзор Назархудоев.

"Вамар" — "Сохчарв"

Сабқати аввалин миёни ду даста — қаҳрамони ҷоми соли гузашта — "Вамар" ва тими "Сохчарв" баргузор шуд. Ин бозӣ бо ҳисоби 3:1 бо пирӯзии дастаи "Сохчарв" анҷом ёфт. Дар мусобиқа дар умум 19 даста аз деҳаҳои гуногуни ВМКБ ширкат мекунанд.

Аксари бозигарон дӯстдорони ин навъи варзишанд ва танҳо ба хотири каме ҳам бошад аз зиндагии пурмашаққати муҳоҷиратӣ фаромӯш кардан ба бозии футбол машғул мешаванд.

"Мо дар як ҳафта ду маротиба машқи футбол мекунем. Албатта мешаванд ҳолатҳое, ки на ҳамаи бозигарон омада метавонанд, чун бештари онҳо кор мекунанд, вале бо вуҷуди ин кӯшиш дорем, ки аз дигар дастаҳо ақиб намонем", — гуфт яке аз аъзои дастаи "Сохчарв" дар суҳбат бо Sputnik Тоҷикистон.

Вамар - Сохчарв
Sputnik Каллиников Кирилл Симонович
"Вамар" - "Сохчарв"

Бо вуҷуди ин бозии "дӯстдорони футбол" аз ҷониби доварони касбӣ баҳои қаноатманд гирифт.

"Мусобиқа дар сатҳи баланд баргузор шуда истодааст. Либосҳои варзишгарон, тӯбҳо, мусиқӣ ҳамааш дар ҷояш. Аз ҳама муҳимаш ба нишон расидан. Имрӯз бозигарон ростӣ хуб ҳаракат карданд. Ҳатто лаҳзаҳои хатарнок низ зиёд буд", — баҳо дод Виталий Чикунков, довари бозӣ.

"Вамар худзак аз чапат рост"

Мухлисон бо парчамҳо ва аксҳои махсус барои дастгирии дастаҳояшон омода буданд. Интизор буд, ки дар майдон панҷ ҳазор нафар ҷамъ шавад. Вале бештари курсиҳо холӣ буд. Аммо холӣ будани курсиҳо бозигаронро руҳафтода накард, чун мухлисони ҳузурдошта бо дафу доира омада буданд. 

Мухлисони дастаи "Вамар" бо таблҳо бозигарони худро дастгирӣ карда, ҳатто ба овозхонӣ пардохтанд. Онҳо гӯё худро дар зодгоҳашон деҳаи "Вамар" эҳсос карда бошанд, суруди машҳури халқӣ —  "Вамар худзак аз чапат рост" — ро иҷро карда, бозигаронро дастгирӣ мекарданд.

Мухлисони дастаи Вамар бо плакатҳо ва барабан
© Sputnik Каллиников Кирилл
Мухлисони дастаи "Вамар" бо плакатҳо ва барабан

Аммо аз чӣ бошад, ки сурудхонии онҳо ба бозигарон ёрӣ надод ва дастаи "Вамар" дар ин бозӣ шикаст хӯрд.

"Ман ҳар сол бо хонаводаам ба тамошои футбол меоям. Ин рӯзро дер боз интизор будам. Ман мухлиси дастаи "Вамар" ҳастам. Ва шикасти онҳо моро руҳафтода намекунад. Мо бояд дар пастӣ ҳам бо онҳо бошем, чун  ғолиб ки шуданд, ҳама мухлисашон мешаванд. Ҳамаи ин бозиҳо барои ба ҳам овардани мардум аст. Ва ин бисёр муҳим аст. Мо доим футболбозонамонро дастирӣ хоҳем кард", — гуфт Матбуъ Боймамадов, мухлиси фаъоли дастаи "Вамар".

Кор, хидмат ё футбол

Ҳайъати дастаҳо ҳар сол тағйир меёбад, чун нафаре ба Тоҷикистон бармегардад, нафаре ба дигар шаҳри Русия мекӯчад ва бозигаре ба хидмати низомӣ меравад.

Муҳаммад — узви дастаи "Вамар" дар вилояти Маскав хидмати сарбозӣ мекунад ва пас аз 17 рӯз муддати сарбаозияш ба поён мерасад. Ӯ соли гузашта дар ҳайъати ин даста бозӣ карда ва имсол низ ба хотири дастгирии дӯстон ду рӯз аз хидмат рухсатӣ гирифтааст.

"Ба ман ду рӯз иҷозат доданд. Ман дирӯз омадаму пагоҳ боз ба хидмат бармегардам. Баъди 17 рӯз муддати хидмати сарбозиям ба поён мерасад", — мегӯяд бо шодӣ Муҳаммад, узви дастаи "Вамар".

Наврӯз — яке аз аъзои дастаи "Сохчарв" донишомӯзи синфи 11 аст. Ӯ аз хурдӣ ба футболбозӣ машғул аст. Аввал дар дастаи ноҳиявӣ ва акнун дар "Спартак — 2" машқ мекунад. Мегӯяд, ки майдони "Спартак" —ро мисли панҷ ангушташ аз ёд медонад.

Бозии Вамар - Сохчарв
© Sputnik Каллиников Кирилл
Бозии "Вамар" - "Сохчарв"
"Ман дар ин даста ҳам ҳамлагар ҳастам ва ҳам ҳимоятгарӣ мекунам, вале имрӯз ҳамлагар будам. Мехоҳам баъди хатми мактаб касби барномасозиро аз худ кунам. Ва албатта футболбозиро идома хоҳам дод", — гуфт футболбози ҷавон дар суҳбат бо Sputnik Тоҷикистон.

Мусобиқаи футбол барои ба даст овардани "Ҷоми Оқохон" 20 май оғоз шуда то 15 июли соли равон идома мекунад. Дар ин муддат ҳар ҳафта рӯзҳои истироҳат дар майдони "Спартак" Маскав бозиҳо баргузор мешаванд.

2597
Барчаспҳо:
19 даста, "Ҷоми Оқохони IV", сабқат, ташкилоти ҷамъиятии Нур, Маскав
Мавзуъ
Рустами Эмомалӣ телевизиони “Футбол”-ро ба кор даровард
Мурабии мунтахаби наврасони Тоҷикистон оид ба футбол вафот кард
Мунтахаби Тоҷикистон дар Бозиҳои ҷашнии исмоилиёни ҷаҳон сеюм шуд
Мадина Акназарова - Бо ту / Madina Aknazarova - Bo Tu (2020) - YouTube

Мадина Ақназарова чеҳраи Tcell интихоб шуд

1632
(Таҷдидшуда 17:57 24.05.2020)
Сарояндаи ҷавон ва машҳури тоҷик Мадина Ақназарова чеҳраи яке аз брэндҳои алоқаи Тоҷикистон Tcell интихоб шуд

ДУШАНБЕ, 24 май — Sputnik. Мадина Ақназарова сарояндаи ҷавони эстрадаи тоҷик чеҳраи ширкати номдори Tcell интихоб шуда ҳамроҳи ин ширкат бар зидди паҳншавии коронавируси навъи COVID - 19 дар Тоҷикистон мубориза хоҳанд бурд.

Дар ин бора ширкати Tcell ва ҳам Мадина Ақназарова дар саҳифааш дар инстаграм хабар додааст.

Посмотреть эту публикацию в Instagram

@tcell.tj 🎉🙏🏻 Интихоби ман Tcell 😏

Публикация от Madina Aknazarova (@madinaaknazarova_)

Бино ба гузориши манбаъ, Мадина аз ҷумла дар видеоролике барои пешбурди барномаи "Эко" - барномае барои муштариён, ки маблағи он барои мубориза бар зидди паҳншавии коронавируси навъи COVID - 19 дар Тоҷикистон ҳазина мешавад.

Мадина мардуми Тоҷикистонро барои мубориза бо ин вабои аср даъват мекунад, то ба барномаи "Эко" - и Tcell пайваст шаванд ва дар мубориза бо вируси корона саҳмгузор бошанд, чун қисме аз маблағи ин тарофа ба бунёди мубориза бо коронавирус гузошта мешавад.

Аз Шабнам то Нигинаю Мадина: аксияи хайриявии ситораҳои шоу-бизнес - видео

Ёдрас мешавем, ки пештар Мадина Ақназарова дар аксияи хайриявии ситораҳои шоу-бизнеси тоҷик ширкат карда ба 50 оилаи ниёзманд кумак расонид.

Мадина Ақназарова 15 феврали соли 1998 дар шаҳри Хуҷанд ба дунё омадааст. Пас аз чанде хонаводаи Мадина ба пойтахти шимолии Русия шаҳри Санкт-Петербург мекӯчад.

Мадина то синфи 9-ум дар мактаби рақами 596 ин шаҳр таҳсил кардааст. Пас аз хатми синфи 9 хонаводаи Мадина ба шаҳри Душанбе бозгашт.

Мадина ҳуҷҷатҳояшро ба мактаби мусиқии ба номи Аҳмад Бобоқулов бо маслиҳати бобояш ба шуъбаи академӣ (опера) супорид ва онро бо хубӣ хатм кард. Пасон Мадина таҳсилашро дар Донишкадаи санъати Тоҷикистон ба номи Мирзо Турсунзода идома дод.

Феълан Мадина Ақназарова донишҷӯи соли сеюми Донишкадаи ҳунарҳои зебо мебошад.

То имрӯз Мадина Ақназарова консертҳояшро дар шаҳрҳои Душанбе, Хуҷанд, Маскав ва Санкт-Пебербург баргузор кардааст.

1632
Барчаспҳо:
"TCELL", Тоҷикистон, Мадина Ақназарова
Мавзуҳо:
Пайомадҳои COVID-19 дар Тоҷикистон ва ҷаҳон
Юбилейный показ дизайнера Хуршеда Сатторова

Аз Шабнам то Нигинаю Мадина: аксияи хайриявии ситораҳои шоу-бизнес - видео

930
(Таҷдидшуда 13:33 24.05.2020)
Ситораҳои эстрадаи тоҷик дар давраи ҳамагирии коронавируси навъи COVID - 19 ва арафаи Иди Рамазон дар Тоҷикистон аксияи хайриявӣ роҳандозӣ карданд

ДУШАНБЕ, 24 май — Sputnik. Дар Тоҷикистон дар остонаи Иди Фитр нахустин аксияи хайриявии аҳли санъату фарҳанг роҳандозӣ шуда, ба 50 хонаводаи ниёзманд маводи ғизоӣ кумак расонида шуд.

Дар аксия Шабнами Сурайё, Нигина Амонқулова, Мадина Ақназарова, Хуҷастаи Мирзовалӣ, Зайнура Пулодова, Шабнами Собирӣ, ровӣ ва рӯзноманигор Мубориз Усмонов, Сабринаи Назрӣ ва ғайраҳо ширкат кардаанд.

Посмотреть эту публикацию в Instagram

Аввалин челлендж (аксияи хайрияви) миёни ахли санъату фархангу сухан рохандози намудем. Ташаккур ба ташкилкунандагон : @madinaaknazarova_ @rajahmadofficial @delay_dobro_tajikistan Ин навори таргиби (реклама) ва хайп нест, танхо ба хотири водор намудани Шумо азизон дар рохи анчом додани амалхои хайр аст. Мо дар якчояги кудратмандем, ки дасти чандин маъюбону ниёзмандону беморонро бигирем. Пеш аз хама миннатдории худро ба хамаи шахсоне, ки челленчи моро дастгири карданд баён менамоем. Бо кумаку дастгирии Шумо мо тавонистем ки ба 50 оила кумак (озукавори) расонем. Ин танхо огози кори мост. Дар челленчхои оянда мо шахсонеро даъват менамоем, ки имконияти моли доранд , мувофики имконият 1, 5 ,10 сомони ба оилахое, ки дар ин давраи вазнин мухточи дастгириянд, ёрдам намоем. Биёед якдигарро дар ин рузхои сахт дастгири кунем. @nurov_a_i @rajahmadofficial @nigina_amonqulova @khujasta.m @mubor1z @zulaykhoofficial @rafaelgulov @shabnamsurayoofficial @shabnami_sobiri @sabrinai_nazri_official @umedjoni_burhon @_rukhshonakarimova_ @safinajon___8 @fatim.9595 @bonu_shop_tj @zaynura_pulodova @showshotime @pulatovagulasal @shahnozirustam.official @soffi_1111_official @delay_dobro_tajikistan

Публикация от Madina Aknazarova (@madinaaknazarova_)

"Ин навори тарғибӣ ва хайп нест, танхо ба хотири водор намудани Шумо азизон дар роҳи анҷом додани амалҳои хайр аст. Мо дар якҷоягӣ қудратмандем, ки дасти чандин маъюбону ниёзмандону беморонро бигирем. Пеш аз ҳама миннатдории худро ба ҳамаи шахсоне, ки челленҷи моро дастгирӣ карданд баён менамоем. Бо кумаку дастгирии Шумо мо тавонистем ки ба 50 оила кумак (озукавори) расонем", - гуфтаанд дар шарҳи аксия сарояндагон ва афзудаанд, ки ин оғози кор буда дар аксияҳои оянда ба ин кори хайр ашхоси доро ҷалб мешаванд.

Кумаки як миллионӣ: ба муҳоҷирони ниёзманди Маскав 37 тонна маводи ғизоӣ доданд

Аз навор дида мешавад, чӣ гуна мардуми ниёзманд аз дастгирии ситораҳо изҳори шодмонӣ мекунанд ва дар ҳаққи онҳо дасти дуо мебардоранд.

Вазорат омори нави гирифторон, шифоёфтагон ва фавтидагон аз COVID-19 -ро гуфт

Вазорати тандурустии Тоҷикистон мегӯяд, то соати 18:30 дақиқаи 23 май дар Тоҷикистон 2738 нафар гирифторони коронавируси нави COVID-19 ошкор гардида, аз ин беморӣ то кунун дар мамлакат 1223 нафар шифо ёфта, 44 кас ҷон бохтааст.

930
Барчаспҳо:
кумак, кори хайр, ситораҳо, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
День 27 мая

Ҷашнҳои рӯзи 27 май дар Тоҷикистон ва ҷаҳон

0
(Таҷдидшуда 20:52 26.05.2020)
Рӯзи бисту ҳафтуми май дар Нигерия — Рӯзи кӯдакон буда дар Қирғизистон – Рӯзи китобхона мебошад. Дар ин рӯз Душанбе Паллаев - ҳофизи халқии Тоҷикистон, Корманди шоистаи маданияти ҷумҳурӣ ба дунё омадааст

Рӯзи 27 май дар ҷаҳон чӣ рух дод

Соли 1997 дар Порис санади асосии муносиботи дуҷонибаи Русия ва Созмони Шартномаи Атлантикаи Шимолӣ ба имзо расид.

День 26 мая
© Sputnik / Стас Этвеш / Вишнякова Мария

Соли 1999 Додгоҳи Гаага Президенти Югославия Слободан Милошевичро гунаҳкори ҳарбӣ эълон кард.

Рӯзи 27 май дар Тоҷикистон чӣ рух дод

Соли 2003 дар шаҳри Душанбе аввалин форуми намояндагони сохторҳои давлатӣ ва ғайридавлатӣ, истеҳсолкунандагон, воситаҳои ахбори омма ва  созмонҳои байналмилалӣ баргузор гардид ва дар он шартнома дар бораи ҳамкории иҷтимоӣ ба имзо расид.

Соли 2003 дар шаҳри Исфараи вилояти Суғд аввалин Фестивал-симпозиуми байналмилалии мусиқии классикии «Шашмақом» баргузор гардид.

Соли 2009 дар шаҳри Душанбе мактаби олии сарҳадбонони САҲА (ОБСЕ) ифтитоҳ гардид.

Соли 2010 аввалин ҳавопаймо аз самти Душанбе ба Бориспол (Фурудгоҳи  байналмилалии Бориспол, Украина) бо 15 мусофир парвоз кард.

Ҷашнҳои рӯзи 27 май

  • Дар Нигерия — Рӯзи кӯдакон.
  • Дар Қирғизистон – Рӯзи китобхона.

Рӯзи 27 май дар Тоҷикистон кӣ ба дунё омадааст

Бекназар Аҳмадов (1926) – китобшинос, нависанда, Корманди шоистаи Тоҷикистон.

Григорий Воробоев (1925 – 1986) – актёри театр, Ҳунарпешаи шоистаи Тоҷикистон.

Ғаффор Каримов (1938)- актёри театру кино, Ҳунарпешаи шоистаи Тоҷикистон.

Аҳмадбек Қушқоров (1936-1989)- педагог, профессор.

Бурҳон Маҳмадқулов (1945) – сароянда, Ҳунарпешаи мардумии Тоҷикистон.

Неъмат Мирсаидов (1955)- публисист.

Зайниддин Наҷмиддинов (1938) – Устои халқии Тоҷикистон.

Марина Некрасова (1954) –шоира.

Нурулло Оқилов (1965) – нависанда.

Душанбе Паллаев (1950 - 2017) –Ҳофизи халқии Тоҷикистон, Корманди шоистаи маданияти ҷумҳурӣ.

Ғуфрон Раҳимбоев (1949) – мутриб, Ҳунарпешаи мардумии Тоҷикистон.

Бурҳон Ризоев (1948) – доктори илми таърих, профессор.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 21 май дар Тоҷикистон ва ҷаҳон
Ҷашнҳои рӯзи 20 май дар Тоҷикистон ва ҷаҳон
Ҷашнҳои рӯзи 23 май дар Тоҷикистон ва ҷаҳон
Ҷашнҳои рӯзи 22 май дар Тоҷикистон ва ҷаҳон
Ҷашнҳои рӯзи 24 май дар Тоҷикистон ва ҷаҳон
Ҷашнҳои рӯзи 26 май дар Тоҷикистон ва ҷаҳон
Ҷашнҳои рӯзи 25 май дар Тоҷикистон ва ҷаҳон