Манижа Сангин овозхон

“Мо бо Манижа ифтихор дорем”: консерти овозхони тоҷик дар Петербург

308
(Таҷдидшуда 20:51 23.05.2017)
Ин тоҷикдухтар дар толори “Ледовый дворец” ҳама сурудҳояшро иҷро кард ва бо таронаҳои тоза мухлисонашро шод намуд

ДУШАНБЕ, 23 май — Sputnik, Марина Чернышова-Мельник. Манижа Сангин — овозхони тоҷики муқими Русия рӯзи шанбеи гузашта аввалин консерти худро  дар Санкт- Петербург баргузор кард.

Дар ин барнома овозхон тамоми сурудҳояшро — аз таронаҳои нахустинаш сар карда, то сурудҳои навтарин иҷро кард. Яке аз онҳо суруди "Устал" мебошад, ки пас аз инфиҷор дар Петербург сабт гардида буд.

Манижа Сангин дар назди мухлисон бо овози зинда суруд мехонд. Дар толор ҳамшаҳриҳои овозхон ва намояндаҳои дигар миллатҳо, аз ҷумла русҳо, нишаста буданд.

Хабарнигори Sputnik Тоҷикистон дар ин консерт ширкат кард, то таассуроти ин хонанда ва ҳаводоронашро аз наздик бинаду сабт кунад.

Аввалин "саҳна" — шабакаҳои иҷтимоъӣ

Ин духтари нозук ва сияҳмӯйро кашфи бузурги мусиқии сол меноманд. Саҳнаи вай — шабакаҳои иҷтимоъӣ ҳастанд, ки дар он ҳунарманд намоҳангҳои 15-сонияии худро, дар сабки ҷаз, соул ва R'n'b  мегузорад.

Танҳо дар Инстаграм Манижа беш аз 240 ҳазор ҳамванд дорад, ки зери сурудҳои вай 10 милюн лайк ё писанд гузоштаанд ва ҳазорҳо ёддошт навиштаанд. Дар Youtube низ намоҳангҳои ин духтари зеборо милюн кас тамошо кардааст.

Ин ҳамон Манижа Сангин аст, ки ҳама қавонини бозори мусиқиро шикастааст: вай аз шабакаҳои иҷтимоъӣ бе ҳеч таҳиягар ва такрори таронаҳояш дар родюву телевизион ба саҳна роҳ ёфту номдор шуд.

Аз аввал Манижа наворҳои сурудашро дар шабакаҳои иҷтимоъӣ мегузошт. Ҳар рӯз овозхон дар Инстаграм акс, видио ва блогҳои нав ҷой медод ва ба ин восита дӯстони интернетияшро шод мекард.

Дар асл шуҳрати Манижа аз шабакаҳои иҷтимоӯӣ сарчашма мегирад. Манижа куллан 4 албом дорад ва дар даҳҳо озмуну ҷашнвора ширкат кардааст.

Ин бор Манижа ҳадаф гузошт, ки рӯ ба рӯйи ҳаводоронаш суруд хонад. 20-уми май нахустин консерташ дар яке аз толорҳои Петербург баргузор шуд.

Дар толори консертии "Ледовый дворец" чанд ҳазор тамошобин ҷамъ омаданд. Мухлисон интизор мешуданд, ки кай консерт сар мешавад ва сурудҳои Манижаро — "Цветок", "Иногда", "Люстра", Wake up, My love зери лаб такрор мекарданд.  

Бештари тамошогарон бо хешовандон ва дӯстонашон омада буданд. Қисми зиёди мухлисон тоҷиконе буданд, ки мехостанд ҳаммеҳанашонро дастгирӣ ва пазироӣ кунанд.

Манижа Сангин (Ҳамроева) соли 1991 дар шаҳри Душанбе чашм ба олами ҳастӣ кушодааст.  Замоне, ки дар Тоҷикистон ҷанги шаҳрвандӣ сар шуд, хонаводааш ба Русия паноҳ ҷустанд. Манижа ҳеҷ гоҳ зодбумашро фаромӯш накардааст. Якчанд суруд ба забони тоҷикӣ низ дорад. Ин таронаҳо тоҷикони Русияро бештар болида мекунанд.

Концерт певицы Манижи
© Фото : Марина Мельник
Концерт певицы Манижи

 

Низора ва Суҳроб — муҳоҷирони ҷавон дар толор нишаста буданд. Онҳо мегӯянд, чанд моҳ аз дастмуздашон дар бозоре, ки фурӯшанда кор мекунанд, пасандоз мекарданд, то барои консерти Манижа билет харанд.

"Мо ҳам аз Душанбе омадаем. Вақте ки аз  баргузории консерт хабардор шудем, ноҳор ҳам намехӯрдем то пуламонро ҷамъ карда билет бихарем. Мо бо Манижа ифтихор мекунем",- мегӯяд Низора.

"Ин гуна барномаҳоро муҳоҷирон бо ҷону дил интизор мешаванд",- мегӯяд Суҳроб. — Мо пас аз замоне дароз аввалин бор аст, ки пӯшоки корамонро дигар карда, бо либоси маҷлисӣ пӯшидаву консерт омадем ва бо ҳамватанону дӯстонамон суҳбат дорем".

Шаҳноза ҳам, ки хуҷандӣ аст, мегӯяд пеш аз ҳама ин гуна консертҳо барояшон ёде аз Ватан аст.

"Дар хона низ пайвандонам сурудҳои Манижаро гӯш мекунанд ва ӯро дастгирӣ мекунанд. Бисёр хуб аст, ки ин духтари зебои тоҷик тавонистааст дар Русия муваффақ шавад. Мо шахсони боистеъдоди зиёд дорем, аммо ҳамаи онҳо имконият надоранд. Ин ситораҳаки тоҷик тавонист, миллати моро  муаррифӣ кунад."

 

Шаҳноза ҳамроҳаш ду фарзандашро низ овардааст, ки мехоҳад аз хурдӣ меҳри мусиқӣ дар дилашон ҷо ёбад. Манижа ба забонҳои гуногун суруду тарона мехонад.

Концерт певицы Манижи
© Фото : Марина Мельник
Концерт певицы Манижи

Дар толор тамошобинони узбак, қирғиз ва туркман ҳам буданд. Ҳамчунин аз Украина, Белорус, Латвия ва албатта аз Русия низ тамошобинон ҳузур доштанд.

Манижа Сангин ҳам ба саҳна баромад. Нахуст якчанд сурудашро аз албоми Manuscript (моҳи феврали ҳамин сол сабт шудааст) хонд ва сипас ҳаводоронашро хуш омадед гуфт.

"Ман хеле дар ҳаяҷонам, дӯстон, зеро ин нахустин ҳунарнамоии таксароии ман аст ва он ҳам дар чунин толоре. Медонед, ман хушбахтам, ки ҳамаи шумо — ҳаводоронамро мебинам. Хурсандам, ки аввалин консерти ман дар Петербург мегузарад. Ин ҷо борҳо дар ҷашнвораҳо ҳунарнамоӣ кардаам. Дар Маскав зиндагӣ кунам ҳам, бештари мухлисонам фикр мекунанд, ки ман зодаи ҳамин шаҳрам. Барои худам ҳам ҳамин тавр аст. Зеро бисёре аз сурудҳоямро дар Петербург ва бо илҳом аз насими рӯди Нева навиштаам", — гуфт вай.

Зери кафкубиҳои пурмавҷ Манижа сурудҳои машҳури худро аз қабили "Люстра", "Иногда", "Не твое", I love too much, Little lady ва ғайраҳо иҷро кард. Мухлисон якҷоя бо овозхони дӯстдоштаашон суруд мехонданд, рақс мекарданд ва акс мегирифтанд. Гоҳе миёни иҷрои сурудҳо овозхон дар бораи ҳаёту эҷодиёт ва аз ангезаҳое, ки ба вай илҳом мебахшанд, мегуфт. Аз ин барнома боз ҳам самимитар мегашт.

Суруди "Устал", ки мухлисон онро бори аввал шуданиданд, туҳфаи махсуси Манижа дар консерт шуд.

 "Моҳи апрел пас аз ҳамон инфиҷори мудҳиш  зиндагӣ дар шаҳр ваҳмангез буд. Ман доим дар фикри амният, зиндагӣ ва тақдири инсонӣ, ки онро наметавон пешгӯйи кард, мегаштам. Ҳамин тавр шабе ин суруд тавлид гашт. Матни онро бадоҳатан эҷод кардаам", — гуфт Манижа ва хондани сурудро оғоз кард.

Мухлисон гуё нақш мебозида бошанд, пораҳои сурудро дар як лаҳза аз худ карданд ва ҳамроҳ бо хонанда ин сурудро иҷро намуданд.

"Медонед зеботар аз мусиқӣ чист?", — пурсид Манижа аз меҳмонони худ. "Кафкӯбиҳои Шумо, шунидани он маънои шунадани муҳаббат ва ихлоси шуморо нисбати сурудҳои ман дорад.  Агар ба Шумо сурудҳои ман писанд бошанд, пас эҷодиёти ман беҳуда набудааст.

Концерт певицы Манижи, архивное фото
© Фото : Марина Мельник
Концерт певицы Манижи, архивное фото

Танҳо ба пеш!

Дар охири барнома Манижа ба мухлисонаш иқрор шуд, ки дидор аз наздик бо ҳаводорон аз муошират ба воситаи интернет бисёр беҳтар будааст. Вай шиносоиҳои худро дар "саҳна" бо мухлисонаш давом хоҳад дод.

Сухангӯи ин ҳунарманд ба Sputnik Тоҷикистон хабар дод, ки тобистон Манижа Сангин дар чанд ҷашнвораи мусиқӣ "ВКонтакте", "Усадьба Jazz", "Дикая мята" и "Калининград Сити Джаз" ширкат хоҳад варзид.

Ҳамчунин ба зудӣ овозхон дар  Маскав низ консерт баргузор мекунад. Тирамоҳи ҳамин сол бошад, ҳунарманд  албоми мусиқии тозаи худро ба омма пешниҳод мекунад, ки ҳоло гурӯҳи вай ба эҷоди он машғул аст. Ном ва таронаҳои ин албом ҳоло махфӣ аст. Аммо ба Sputnik ваъда доданд, ки то рӯнамоии расмии он дар борааш маълумот медиҳанд.

308
Барчаспҳо:
ҳаммеҳан, мухлисон, суруд, Манижа Сангин, Русия
Певец Валиджон Азизов

Чаро Валиҷон навозандаҳои Садриддинро гирифт: сӯҳбат аз бепуливу таънаи шикамкалонӣ

2024
(Таҷдидшуда 14:18 26.10.2020)
Орзу Исоев дар барномаи "Ногуфтаҳо" бо овозхон Валиҷон Азизов аз кам шудани даромад аз тӯй дар давраи ҳамагирии коронавирус ва парҳези овозхон дар пайи "таъна"-и истифодабарандагони Инстаграм аз шиками калони овозхон сӯҳбат кардааст

ДУШАНБЕ, 26 окт — Sputnik. Орзу Исоев аз арзиши хидмати Валиҷон Азизов дар тӯйҳо пеш аз пендемия ёдрас мешавад, ки дар минтақаи Суғд аз 12 то 15 ҳазор сомонӣ ва дар пойтахт то 20 ҳазор сомонӣ будааст.

Аммо тавре овозхон мегӯяд, дар пайи бурузи бемории коронавирус ва кам шудани тӯйҳо, феълан ин нарх хело коҳиш ёфтааст.

"Мо шароити мардумро нигоҳ карда кор мекунем. Ҳоло арзиши ҳақи хизматро 50 дарсад поён бурдаем ва баъзан аз он ҳам камтар мегирем", - қайд мекунад овозхон.

Овозхон ба саволи он ки ин камшавии даромад ба кисаи овозхон то кадом андоза асар кардааст, мегӯяд, боиси мавқуф гузоштани баъзе нақшаҳояш гаштанд.

"Бо он сабаб, ки бештари мардум тӯяшонро то соли оянда мавқуф гузоштанд, мо низ умед мекунем, ки соли оянда вазъият беҳтар мешавад. Гап сари чанд суруди ман меравад, ки омода асту бояд сабт кунам, аммо барои он маблағи зиёд лозим аст", - тавзеҳ медиҳад овозхон.

Чаро Валиҷон навозандаҳои Садриддинро гирифт?

"Чаро навозандаҳои Садриддинро гирифтед?", - мепурсед рӯзноманигор.

Азизов, посух медиҳад, ки "бале, аз хидмати навозандаҳои Садриддини Наҷмиддин, овозхони дигари номии тоҷик истифода мебарад, аммо онҳоро нагирифтааст".

"Ман навозандаҳои Садриддинро нагирифтаам. Вақте ба Душанбе меравам, аз Суғд навозанда намебарам, аз он ҷо киро мекунам.  Ҳатто замоне Садриддин ҳам дар Тоҷикистон қарор дошт, вақте ман Душанбе мерафтам, агар навозандаҳояш бекор мебуданд, ба маъракаҳо бо ман мерафтанд", - мегӯяд Валиҷон.

Мард пирӣ надорад?

Ногуфтаҳои марги Баҳром: намехост рафтан, зангҳои паиҳам ва чӣ хел аз мошин парид?-видео

"Пир шуданро ба гардан мегиред?", - боз мепурсад Орзу Исоев. 

"Мард пирӣ надорад, агар мард ҳамеша хушҳол бошад, ҳамеша дунболи зебогиҳо бошад, пир намешавад", - посух медиҳад Азизов ва мефзояд, ки чанд вақт аст, ки бо вазни зиёдатӣ мубориза мебарад.

"Дар инстаграм ҳама гуфтанд, Валиҷон шикамро нест кун, нест кардам, диета кардам,", - меафзояд вай.

2024
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Россия — «Донишҷӯи хориҷии сол – 2020» гардид

Донишҷӯи тоҷик дар Русия барандаи ҷоизаи "Донишҷӯи хориҷии сол 2020" шуд

687
(Таҷдидшуда 12:50 20.10.2020)
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Русия — "Донишҷӯи хориҷии сол – 2020" гардид

ДУШАНБЕ, 20 окт – Sputnik. Дар шаҳри Хабаровски Русия марҳилаи минтақавии озмун барои Ҷоизаи миллии Рсия — "Донишҷӯи сол – 2020" ба анҷом расид, ки дар он ҷавони тоҷик Ҷуманазар Қурбонназаров пирӯз шуд, хабар медиҳад торномаи Донишгоҳи давлатии шаҳри Комсомолски лаби Амур.

Ин озмун аз ҷониби Созмони ҷамъиятии умумирусиягии "Иттиҳоди ҷавонони Русия" дар якҷоягӣ бо KSAU "Маркази минтақавии ҷавонон оид ба иҷтимоӣ ва саломатӣ" баргузор карда шуд.

Тибқи иттилои манбаъ, озмуни "Донишҷӯи сол-2020" аз рӯи номинатсияҳои инфиродӣ ва коллективӣ дар байни муассисаҳои таҳсилоти олии касбӣ ва ташкилоти таҳсилоти касбии ҳудуди минтақаи Хабаровск доир гардид.

Дар ин озмун Донишгоҳи давлатии шаҳри Комсомолски лаби Амур ва маҳфили ҷавонони тоҷик дар минтақаро донишҷӯи факултаи энергетика ва менеҷменти Донишгоҳи мазкур Ҷуманазар Қурбонназаров  намояндагӣ кард.

Аз рӯи натиҷаҳои ҷаласаи ҳакамон миёни донишҷӯёни 11 донишгоҳи минтақа, донишҷӯи тоҷик Ҷуманазар Қурбоназаров барандаи ҷоиза дар бахши "Донишҷӯи хориҷии сол – 2020" гардид.

"Бо боварӣ метавонам бигӯям, ки Донишгоҳи давлатии шаҳри Комсомолски лаби Амур, имкон медиҳад, ки орзуҳои инсон амалӣ шавад. Ман аз соли 2018 инҷониб дар озмун ширкат мекардам ва бо ҳайрат ба иштирокчиёни дар саҳна буда, назар мекардам. Ман хеле мехостам, ки ба манфиати донишгоҳ кор кунам ва фарҳангу анъанаҳои мардуми тоҷикро дар байни ҷавонон маъмул кунам"  , - гуфт Қурбонназаров.

Ёдовар мешавем, ки даври ниҳоии озмуни "Донишҷӯи сол-2020" аз 14 то 19 ноябр дар шаҳри Маскав баргузор мешавад.

687
Барчаспҳо:
донишҷӯи тоҷик, Русия, сол, донишҷӯй, донишҷӯй
День 29 октября

Ҷашнҳои рӯзи 29 октябр дар Тоҷикистон ва ҷаҳон

0
(Таҷдидшуда 20:28 28.10.2020)
Рӯзи 29 октябри соли 2019 рӯзи ҷаҳонии мубориза бар зидди бемории сактаи майна, рӯзи байналмилалии псориаз (бемории пӯст) ва рӯзи кормандони низоми ҳифзи иҷтимоӣ дар Қазоқистон мебошад

Рӯзи 29 октябр дар ҷаҳон чӣ рух дод

Соли 1898 дар Русия нахустин киштии яхшикан дар ҷаҳон - "Ермак" ба истифода дода шуд.

День 28 октября
© Sputnik / Стас Этвеш / Вишнякова Мария

Соли 1945 дар Ню-Йорк аввалин маротиба ручкаи саққодор ба фурӯш бароварда шуд.

Соли 1947 аввалин маротиба ба хотири ба вуҷуд овардани борон аз яхи хушк истифода бурда шуд.

Соли 1969 аввалин доду гирифт миёни ду компютер дар доираи лоиҳаи ARPANET сурат гирифт, ки ин ҳодисаро дар таърих тавлиди Интернет меноманд.

Пользователь смотрит товары в интернет магазине, архивное фото
Пользователь смотрит товары в интернет магазине, архивное фото

Соли 2016 дзюдочии тоҷик Хушбахт Қурбонмамадов дар мусобиқаи The Big Apple Judo Classic-2016 дар Ню-Йорк медали тилло ба даст овард.

Хушбахт Курбонмахмадов, архивное фото
Хушбахт Курбонмахмадов, архивное фото

Рӯзи 29 октябр дар Тоҷикистон чӣ рух дод

Cоли 2006 пешвои исмоилиёни ҷаҳон Шоҳ Карим ал-Ҳусайнӣ Оқохони IV аз Тоҷикистон боздид кард.

Принц Карим Ага-хан IV, архивное фото
Принц Карим Ага-хан IV, архивное фото

Соли 2012 дар шаҳри Хуҷанд бо ширкати Президент Эмомалӣ Раҳмон ду коргоҳи нави истеҳсолӣ  мавриди баҳрабардорӣ қарор гирифтанд.

День 27 октября
© Sputnik / Стас Этвеш / Вишнякова Мария

Соли 2013 дар шаҳри Кӯлоб 6 корхонаи нави истеҳсолӣ ба кор дароварда шуданд.

Соли 2014 Эмомалӣ Раҳмон ба ифтихори 20 — солагии қабули Конститутсияи Ҷумҳурии Тоҷикистон Қонуни Ҷумҳурии Тоҷикистон "Дар бораи авф"-ро, ки бо пешниҳоди Роҳбари давлат аз тарафи Маҷлиси намояндагон қабул гардида буд, имзо кард.

Соли 2015 дар шаҳри Душанбе масоили ҳамкории дуҷонибаи Тоҷикистону Фаронса баррасӣ шуданд.

Соли 2016 дар шаҳри Роғун бо ширкати Эмомалӣ Раҳмон дар соҳили дарёи Вахш маросими оғози бунёди сарбанди Неругоҳи барқи обии "Роғун" барпо шуд.

Президент Республики Таджикистана Эмомали Рахмон
© Sputnik / Амир Исаев
Президент Республики Таджикистана Эмомали Рахмон

Соли 2019 беш аз 400 маҳбус аз муассисаи ислоҳии 3/5 воқеъ дар шаҳри Хуҷанд ба озодӣ баромаданд.

Пайвандони афвшудагон дар шаҳрии Хуҷанд
акс аз Sputnik Тоҷикистон
Пайвандони афвшудагон дар шаҳрии Хуҷанд

Соли 2019 Sputnik Тоҷикистон хабар дод, ки Ҳукумати Тоҷикистон аз ҷаҳонпаҳлавон Сомон Маҳмадбеков қадрдонӣ кард.

Встреча чемпиона мира Сомона Махмадбекова
© Sputnik / Амир Исаев
Встреча чемпиона мира Сомона Махмадбекова

Соли 2019 Sputnik Тоҷикистон хабар дод, ки бо пешниҳоди раисҷумҳури Тоҷикистон Эмомалӣ Раҳмон, муовини раиси вилояти Хатлон Махфират Хидирова узви Маркази интихот ва раъйпурсии Тоҷикистон интихоб гардид.

Махфират Хидирзода
© Sputnik Махпора Киромова
Махфират Хидирзода

Ҷашнҳои рӯзи 29 октябр

  • Рӯзи ҷаҳонии мубориза бар зидди бемории сактаи майна.
  • Рӯзи байналмилалии псориаз (бемории пӯст).
  • Рӯзи кормандони низоми ҳифзи иҷтимоӣ дар Қазоқистон.

Рӯзи 29 октябр дар Тоҷикистон кӣ ба дунё омадааст

Соли 1929-1993 нависанда Қулмуҳаммад Абдулҳусейнов.

Соли 1950 Алӣ Муҳаммадии Хуросонӣ.

Соли 1958 доктори илмҳои иқтисодӣ Ихтиёр Ашуров.

Соли 1963 сароянда Раъно Абдуллоева.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 октябр дар Тоҷикистон ва ҷаҳон
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон
Ҷашнҳои рӯзи 27 октябр дар Тоҷикистон ва ҷаҳон
Ҷашнҳои рӯзи 28 октябр дар Тоҷикистон ва ҷаҳон