Фестиваль культур России и Таджикистана, Памир-Москва

"Мо аз Помир омадем...": ҷашнвораи фарҳанги Тоҷикистону Русия дар Маскав

1620
(Таҷдидшуда 17:54 05.06.2017)
Дирӯз Музеи Маскав мизбони тоҷикон буд. Баргузоркунандагони ҷашнвораи фарҳанги тоҷикиву русии "Помир - Маскав" майдонгоҳеро, ки дар миёни сохтмонҳои ин музей ҷой дорад, барои муддате гӯшае аз Тоҷикистон гардонда буданд

ДУШАНБЕ, 5 июн — Sputnik, Нилуфар Некқадам. Ҳарчанд имрӯзҳо дар пойтахти Русия "ҳаво бас ноҷавонмардона сард аст", аммо беш аз 3 500 кас аз шаҳрвандони Тоҷикистон аз муҳоҷиру муқим дар Маскав аз ин ҷашнвораи фарҳангӣ боздид карданд.

Ин ҷашнвораро Музеи Маскав дар ҳамкорӣ бо созмони тоҷикии "Нур", гурӯҳи мусқии "Аркадий Котс", гурӯҳи Cineminers ва Бунёди Роза Луксембург омода карда буданд. Дар маросими оғози раҳбари созмони иҷтимоъии "Нур" Алимамад Боймамадов, намояндаи расмии сафорати Тоҷикистон дар Русия Сарвар Бахтӣ, коргардон Анна Моисеенко суханронӣ карданд.

Ҳар кадоме аз онҳо меҳмононро хуш омад гуфтанд ва бар ин нукта таъкид карданд, ки ҳадаф аз баргузории ин ҷашнвора намоиши ҳунару фарҳанги тоҷикон ба манзури посдошти он дар миёни муҳоҷирон ва мондгоршудагон дар Русия ва ҳамчунин ошносозии русҳо бо фарҳанги тоҷикон аст.

Бо ин ҳадаф дар майдонгоҳ кӯчае аз рустоҳои кӯҳистониро бозсозӣ карда буданд ва хонае дар он сохта буданд то ҳар муҳоҷире худро дар хонааш эҳсос кунад.

Шоҳи мо омад…

Яке аз барномаҳои аслии ин ҷашнвора баргузории ҷашни арӯсӣ бо иҷрои ҳама суннатҳои асливу қадимии он буд, ки дар ҳамин хона бояд баргузор мешуд. Пеш аз он ки домод арӯсашро ба ин хона биёрад, муҷриёни ин бахш аз барнома Умед Ҷайҳонӣ ва Давлатсултон Назархудоева дар бораи ториху меъмории хонаи суннатии помирӣ барои меҳмонон аз дуру наздик ва русу тоҷик тавзеҳоте доданд.

Фестиваль культур России и Таджикистана, Памир-Москва
Sputnik / Стас Этвеш
Фестиваль культур России и Таджикистана, Памир-Москва

Чунончи, гуфта шуд, ки чунин хонаҳое дар қадим дар саросари Эронзамин — аз Хутан то Курдистон — сохта мешуданд. Аз он ҷумла, кохҳои шоҳону бузургон ва ниёишгоҳҳои Суғд низ чунин тарҳе доштаанд ва дар Рашту Дарвозу Бадахшон низ чунин хонаҳое сохта мешуда, вале бо гузашти замон ин хонаҳо танҳо дар Помир боз мондаанд. Ин хонаҳо афзун бар ин ки аз диди сохту меъморӣ ларзатобовар ҳастанд, ҷанбаҳои зебоишинохтӣ ва руҳонӣ низ доранд, ки меъморӣ ва фалсафаи исломиро дар ҳам омехта ва ҳамзамон зистгоҳу ниёишгоҳро дар худ мегунҷонанд.     

Мизбонон меҳмонон аз Австрия, Амрико, Люксембург, Олмон, Қирғизистон ва Қазоқистонро дар ин хона ба расми қадима ҷобаҷо карданд. Як сӯ мардон нишаста буданд ва дигар сӯ бонувон ва домоду арӯс дар ҷойгоҳе ки "тахт" хонда мешавад, нишастанд. Пас аз баргузории "маросими шаръӣ" базм оғоз шуду ҳунармандон мардумро ба рақс кашиданд.

Мардум аз ин базм чунон хурсанд шуданд ки аз чеҳра гӯё хонда мешуд, ки дӯшизагон орзу доранд зудтар хонадор шаванд ва ҷавонон ҳам бо дидани хонаи помирӣ аз сохтусози манзили ояндаи худ меандешанд.

Бонувон ҷашни арӯсиро бо диққати томм тамошо мекарданду ҳар як расму ойинашро бо сурҳои замони худ мсанҷиданд, мардони бузургсолтар ин хонаи помириро бо манзилҳои худ муқоиса кардаву баҳои дару тирезаи онро ҳисобу китоб мекарданд.

Анзор се сол мешавад, ки дар Маскав кор мекунад. Вай дар суҳбат бо Sputnik Тоҷикистон гуфт, орзу дорад чунин хонае бисозаду сипас арӯсашро ба он биёрад: "Ман  медонам, ки сохтани хонаи помирӣ бо нархи имрӯза хеле гарон меафтад. Вале зиндагӣ дар манзилҳои замонавиро хуш надорам. Ду соли дигар кор карда бармегардаму ҳатман хонаи бобоӣ бунёд мекунам. Ва баъд, Худо хоҳад, зан мегирам".

Палав, ширчой ва мавизу тут

Агар тоҷикон аз тамошои ин ҷашну базму хона аз ёру диёр ёд мекарданд, хориҷиён аз он шигифтзада шуда буданд. Мизбонон барои онҳо дар "хонаи помирӣ" дасторхонеро густардаву бо палаву ширчойу нону кулчаву мавизу туту зардолу ва дигар хӯрданиҳову шириниҳо ороста буданд. Хориҷиён оши палавро чашидаву барпо шудани як хонаводаи ҷавонро бо забонҳои гуногун табрик мегуфтанд.

Фестиваль культур России и Таджикистана, Памир-Москва
Sputnik / Стас Этвеш
Фестиваль культур России и Таджикистана, Памир-Москва

Яке аз онҳо Ян Маршалл аз Бритониё буд, ки ду сол боз устоди донишгоҳи Мактаби олии риёзии Маскав аст. Ӯ дар суҳбат бо Sputnik Тоҷикистон гуфт, ки аз роҳ мегузашт, ки овози мусиқӣ таваҷҷуҳашро ҷалб карду ӯро ба ин сӯ овард.

"Баргузории барномаро наметавонам арзёбӣ кунам, чун коршинос нестам, вале ҳаминро дақиқ мегӯям, ки оши палав бисёр хушмазза аст ва фазои ин ҷашнвора бисёр хуш аст", — гуфт ӯ.

Тоқӣ, цемак, печак

Дар канори "хонаи помирӣ" маконеро бозоргоҳ карда буданд, ки дар он маҳсули дасти ҳунармандони тоҷик ба намоиш гузошта шуда буд.

Яке ҷӯробҳоро медиду дигаре тоқӣ ба сар мекард, севумӣ мӯраҳои рангорангро ба гардан меовехту чаҳорумӣ печакҳо ё наворҳои рангорангро, ки дар гесувонаш мебофт.

Чанде аз бонувони рус пеши дукони гарданбандҳои сангӣ ҷамъ шудаву асл будани онҳоро бо маъдансанги намоишӣ месанҷиданд.

Навозандагон дар ҷустуҷӯи созе чун рубобу сетору дутор буданд. Вале ҳаводорони мусиқӣ чашм ба ангуштони созандагон дӯхтаву остинро бар зада омодаи рақс буданд.

Рӯбарӯи "хона" саҳнае буд, ки пас аз "ҷашни арӯсӣ" дар он намоиши пӯшоки суннатии арӯсу домод баргузор шуд. Муҷриёни ин барнома Фарзона Ширинбек ва Умед Ҷайҳонӣ дар бораи рамзу маънии рангҳо ва ҳар кадоме аз пӯшокҳо тавзеҳоте муфассал доданд.

Аз ҷумла гуфта шуд, ки маънии рангҳои сурху сафеду сабз, ки рангҳои миллии тоҷикон ҳастанд, мутаносибан озодӣ, оромӣ ва ободӣ аст. Ин барнома, ки ба манзури посдошти фарҳангу суннати сур ё ҷашни арӯсиву домодӣ баргузор шуд, ҳамагонро бисёр хуш омад.  Бавижа "домод" ин "маросим"-ро ҷиддӣ гирифта буду мехост аз фурсати муносиб истифода бурда, "арӯс"-ро ҳамонҷо хостгорӣ кунад.

"Суруди Абдул"

Дар бахше дигар аз барнома филме дар бораи зиндагии як муҳоҷир бо номи "Суруди Абдул" намоиш дода шуд. Толоре, ки филм намоиш дода мешуд, пур аз тамошобин буд. Мардум аз дидани бархе аз саҳнаҳо гоҳе механдиду бархеро гиря гулӯгир мекард.

"Ин зиндагии ман аст", — гуфт Лутфия, ки саҳнае аз филмро монанд ба зиндагии худ ёфта буд.

"Ростӣ, ман қаблан дар бораи зиндагии муҳоҷирон дар Русия фикр намекардам. Гӯё онҳоро намедидам. Вале пас он, ки Анна Моисенко — коргардони филми мустанади "суруди Абдул", маро ба ин ҷо даъват карду ин филмро дидам, дарк мекунам, ки чӣ гуна барои муҳоҷирон зиндагӣ дар ду ҷаҳони комилан гуногун душвор аст", — гуфт Елена Закирка дар суҳбат бо Sputnik Тоҷикистон.

Дар майдон рақсу бозӣ ҳамчунон дошт, вале бисёре аз мардум дигар ба хонаҳояшон баргашта буданд ва гӯё офтоб низ дар паси абрҳо пинҳон шудаву хабар медод, ки рӯз инак ба поён мерасад.

Пас аз намоиши филми "Суруди Абдул" дар худи ҳамон толор баҳсе миёни муҳоҷирон ва коршиносони умури муҳоҷират барпо шуд.

Муҳоҷират…

Коршиносон дар таҳлилҳои худ аз ҷанбаҳои гуногуни муҳоҷрат гузориш медоданду муҳоҷирон ба саволҳои бешуморашон посух мегирифтанд.

Донишҷӯи соли сеюми донишгоҳи Маскав, Сайёра дар бораи баргузории ҷашнвора гуфт, ки барномааш хуб буд, вале маконаш тангӣ мекард ва имкон набуд, ки ҳама гӯшаҳояшро тамошо кунанд.

"Дар миёни издиҳом ман хешу таборамро ёфтам дидор тоза кардем. Намошии филми "Суруди Абдул" ва  мизи гирд дар мавзуъи муҳоҷиратро бисёр писандидам, зеро шеваи наве дар баргузории ҷашнвораҳо аст".

Раҳбари созмони "Нур" Алимамад Боймамадов дар мусоҳиба бо мо аз баргузории ин барнома чунин натиҷагирӣ кард, ки Музеи Маскав "хонаи помириро" бисёр писандида ва дархост карда, ки онро дар шуӯъбаи ин осорхона дар парки Кузминки бозсозӣ кунанд ва пешниҳоде ҳам шуд, ки дигар ҷои баргузории туйи домодию арусии тоҷикони Маскав бошад.

1620
Барчаспҳо:
Алимамад Боймамадов, Маскав
Мадина Акназарова

Аз кулчапазӣ то нашри нахустин суруд ба забони шуғнонӣ: Мадина дар замони COVID - 19

2036
(Таҷдидшуда 18:24 01.06.2020)
Мадина Ақназарова ахиран суруди ҷадиди худро ба забони шуғнонӣ зери унвони "Рози дил" пешкаши мухлисонаш кард

ДУШАНБЕ, 1 июн — Sputnik, Нилуфар Некқадам. Мадина Ақназарова сарояндаи ҷавон ва машҳури эстрадаи тоҷик, дар суҳбат бо Sputnik Тоҷикистон дар бораи нашри суруди нахустинаш ба забони шуғнонӣ ва ҳамагирии COVID - 19 нақл кард.

Ба гуфти Мадина вақте рӯзҳои аввал дар бораи COVID - 19 сухан мекарданд, дар Душанбе ҳамаро тарсу ваҳм фаро гирифта буд, вале пас аз чанде ҳамаҷо ором шуд.

"Наздик ба якуним моҳ мешавад, ки мо дар хона нишастаем. Худро эҳтиёт мекунем. Шукри Худо ҳамаи аҳли хонаводаамон дурусту бардаманд", - гуфт Мадина.

Сарояндаи ҷавон дар даврони ҳамагирӣ нахустин суруди худро ба забони шуғнонӣ (пештар ӯ суруде бо номи "Ҷону дилам" нашр карда буд, ки танҳо қисме аз суруд ба забони шуғнонӣ сароида шуд) таҳти унвони "Рози дил" нашр ва пешкаши мухлисонаш кард.

Суҳбати Мадина: аз ишқ дар маршировка то муҳоҷирату пулёбӣ ва ҷарроҳии пластикии ситораҳо

Дар бораи нашри ин суруд Мадина мегӯяд аз дер боз мақсад дошт, суруде ба забони модариаш - шуғнонӣ бисарояд, вале суруди мувофиқи дилашро пайдо накарда буд.

"Вақте ман навори қадимиеро тамошо кардам, ки дар он се духтари ҷавон ҳамин суруди "Рози дил"-ро иҷро мекарданд, ман дарҳол онро писандидам ва ба худ гуфтам, ки ман албатта ин сурудро месароям", - нақл кард Мадина ва афзуд, ки аслан ӯ сурудеро интихоб мекунад, ки ба дилаш наздик бошад.

Ӯ гуфт чун матни суруд  бештар мувофиқи сарояндагон - мардон аст, тасмим гирифт матни онро каме тағйир диҳад.

"Ростӣ иҷро кардани суруди бадахшонӣ кори осоне нест. Бояд баландии овоз нота ва ҳамааш мувофиқ бошад. Вале ин суруд ба ман бо тамоми нозукиҳояш мувофиқ омад. Танҳо матнашро ҷой ҷое барои овози духтар мувофиқ кардем", - гуфт Мадина ва афзуд, ки муаллифи ин сурудро пайдо накард, чун яке аз сурудҳои қадимии мардуми Бадахшон ҳаст ва онро суруди халқӣ унвон кард.

Ба ҷавонон муаррифӣ кардани суруди пешинро Мадина аз далели дигари интихоби сурудаш гуфт.

Суруди нави Мадина рӯзи 30 май дар саҳифааш дар шабакаи Youtube нашр шуд. То имрӯз ин сурудро беш аз 39 ҳазор кас шунида ва зиёда аз якуним ҳазор нафар писандидааст.

Аз ҳамагирии коронавирус ёдоварӣ карда, Мадина мегӯяд вақти мувофиқест барои пухту паз барои аҳли хонавода ва сабти наворҳои шӯхиомез.

Дар саҳифаи Мадина дар инстаграм наворе нашр шудааст, ки ӯ дар он тари омода намудани кулчаро аз аввали кор то охир намоиш додааст. Аз навор бар меояд, ки Мадина кадбонуи хубе ҳаст.

Посмотреть эту публикацию в Instagram

Таёри ба Сухур 🌹 Сараф во бамаза ширчой 😜

Публикация от Madina Aknazarova (@madinaaknazarova_)

Ҳамчунин дар баробари наворҳои пухтупаз Мадина видеоҳои шӯхиомезро низ нашр кардааст, ки писанди ҳаводорони ҳунараш шудааст.

Умуман Мадина Ақназарова аз фаъолтарин ҳунармандони тоҷик дар Instagram ба шумор меравад. Ӯ сирри шӯҳрати худро дар истеъдод ва истифодаи фаъолонаи шабакаҳои иҷтимоӣ медонад.

Бар хилофи аксари сарояндагони тоҷик, ки шӯҳратро бо сарфи маблағи ҳангуфт тавъам медиҳанд, Мадина бовар дорад, ки барои инсони боистеъдод ва меҳнаткаш барои дарёфти мақоми худ дар шоу-бизнеси тоҷик, монеа вуҷуд надорад.

"Дар асри 21 машҳур шудан бисёр осон аст. Агра инсон истеъдод ва ҷаззобият дошта бошад, албатта метавонад дар санъати тоҷик мақоми худро пайдо кунад. Ман ин чизро дар мисоли худам тасдиқ мекунам. Шояд солҳои пеш мушкилтар буд, вале имрӯзҳо бо кумаки интернет ин кор осон шудааст”, - гуфт Мадина дар суҳбат бо Sputnik Тоҷикистон.

Мадина Ақназарова соли 2018 дар санъати эстрадии тоҷик зуҳур кард. Ӯ бо сабки сурудхонӣ, интихоби матни суруд, овози боқувват ва ҷасорату фаъолнокӣ дар Instagram зуд дар дилу дидаи мақомдорони умури фарҳанг ва мардум ҷой ёфт.

Посмотреть эту публикацию в Instagram

Dustoni aziz, surudi halqii ” ”Rozi dil”bo zaboni Badakhshoni ( Shugnoni) alakai dar Youtube dar kanali man sado medihad 🙏🏻 Marhamat, gush kuned . 🎉 #girlfrombadakhshan🌹

Публикация от Madina Aknazarova (@madinaaknazarova_)

Нахустин намоҳангашро таҳти унвони "Ай ёр, ёр" соли 2017 сабт ва пешкаши мухлисон карда буд, ки аз ҷониби тамошобинон бисёр хуш пазируфта шуд. Мадина дар чандин консертҳои хайриявӣ низ ҳунарнамоӣ карду ӯро дигар дар чорабиниҳои сатҳи давлатӣ низ даъват мекарданд. 

Мадина мусиқии тоҷикро дар Ӯзбекистон ва Ҷопон ва дигар кишварҳо муаррифӣ кардааст.

Мадина Ақназарова 15 феврали соли 1998 дар шаҳри Хуҷанд ба дунё омадааст. Пас аз чанде хонаводаи Мадина ба пойтахти шимолии Русия шаҳри Санкт-Петербург мекӯчад.

Мадина то синфи 9-ум дар мактаби рақами 596 ин шаҳр таҳсил кардааст. Пас аз хатми синфи 9 хонаводаи Мадина ба шаҳри Душанбе бозгашт.

Мадина ҳуҷҷатҳояшро ба мактаби мусиқии ба номи Аҳмад Бобоқулов бо маслиҳати бобояш ба шуъбаи академӣ (опера) супорид ва онро бо хубӣ хатм кард. Пасон Мадина таҳсилашро дар Донишкадаи санъати Тоҷикистон ба номи Мирзо Турсунзода идома дод.

Феълан Мадина Ақназарова донишҷӯи соли сеюми Донишкадаи ҳунарҳои зебо мебошад.

То имрӯз Мадина Ақназарова консертҳояшро дар шаҳрҳои Душанбе, Хуҷанд, Маскав ва Санкт-Пебербург баргузор кардааст.

2036
Барчаспҳо:
Забони модарӣ, Мадина Ақназарова, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Мадина Акназарова - Бо ту / Madina Aknazarova - Bo Tu (2020) - YouTube

Мадина Ақназарова чеҳраи Tcell интихоб шуд

2006
(Таҷдидшуда 17:57 24.05.2020)
Сарояндаи ҷавон ва машҳури тоҷик Мадина Ақназарова чеҳраи яке аз брэндҳои алоқаи Тоҷикистон Tcell интихоб шуд

ДУШАНБЕ, 24 май — Sputnik. Мадина Ақназарова сарояндаи ҷавони эстрадаи тоҷик чеҳраи ширкати номдори Tcell интихоб шуда ҳамроҳи ин ширкат бар зидди паҳншавии коронавируси навъи COVID - 19 дар Тоҷикистон мубориза хоҳанд бурд.

Дар ин бора ширкати Tcell ва ҳам Мадина Ақназарова дар саҳифааш дар инстаграм хабар додааст.

Посмотреть эту публикацию в Instagram

@tcell.tj 🎉🙏🏻 Интихоби ман Tcell 😏

Публикация от Madina Aknazarova (@madinaaknazarova_)

Бино ба гузориши манбаъ, Мадина аз ҷумла дар видеоролике барои пешбурди барномаи "Эко" - барномае барои муштариён, ки маблағи он барои мубориза бар зидди паҳншавии коронавируси навъи COVID - 19 дар Тоҷикистон ҳазина мешавад.

Мадина мардуми Тоҷикистонро барои мубориза бо ин вабои аср даъват мекунад, то ба барномаи "Эко" - и Tcell пайваст шаванд ва дар мубориза бо вируси корона саҳмгузор бошанд, чун қисме аз маблағи ин тарофа ба бунёди мубориза бо коронавирус гузошта мешавад.

Аз Шабнам то Нигинаю Мадина: аксияи хайриявии ситораҳои шоу-бизнес - видео

Ёдрас мешавем, ки пештар Мадина Ақназарова дар аксияи хайриявии ситораҳои шоу-бизнеси тоҷик ширкат карда ба 50 оилаи ниёзманд кумак расонид.

Мадина Ақназарова 15 феврали соли 1998 дар шаҳри Хуҷанд ба дунё омадааст. Пас аз чанде хонаводаи Мадина ба пойтахти шимолии Русия шаҳри Санкт-Петербург мекӯчад.

Мадина то синфи 9-ум дар мактаби рақами 596 ин шаҳр таҳсил кардааст. Пас аз хатми синфи 9 хонаводаи Мадина ба шаҳри Душанбе бозгашт.

Мадина ҳуҷҷатҳояшро ба мактаби мусиқии ба номи Аҳмад Бобоқулов бо маслиҳати бобояш ба шуъбаи академӣ (опера) супорид ва онро бо хубӣ хатм кард. Пасон Мадина таҳсилашро дар Донишкадаи санъати Тоҷикистон ба номи Мирзо Турсунзода идома дод.

Феълан Мадина Ақназарова донишҷӯи соли сеюми Донишкадаи ҳунарҳои зебо мебошад.

То имрӯз Мадина Ақназарова консертҳояшро дар шаҳрҳои Душанбе, Хуҷанд, Маскав ва Санкт-Пебербург баргузор кардааст.

2006
Барчаспҳо:
"TCELL", Тоҷикистон, Мадина Ақназарова
Мавзуҳо:
Пайомадҳои COVID-19 дар Тоҷикистон ва ҷаҳон
День 4 июня

Ҷашнҳои рӯзи 4 июн дар Тоҷикистон ва ҷаҳон

0
(Таҷдидшуда 20:07 03.06.2020)
Рӯзи 4 июн дар Ингушистон — Рӯзи маориф, дар Молдова — Рӯзи кормандони бонк, дар Финландия — Рӯзи Қувваҳои Мусаллаҳ, дар Қазоқистон — Рӯзи рамзҳои давлатӣ, дар ИМА ӯзи оила, дар Қирғизистон Рӯзи ёдбуд ва дар Эстония Рӯзи парчам таҷлил мешавад

Рӯзи 4 июн дар ҷаҳон чӣ рух дод

Соли 1922 дар замимаи нашрияи шӯравии «Рабочая газета» аввалин шумораи маҷаллаи суратдори «Рабочий» нашр шуд, ки пас аз чанд вақт номи «Крокодил»-ро гирифт.

Рабочая газета
Рабочая газета

Соли 1940 дар шаҳри Маскав варзишгоҳи "Динамо" мавриди истифода қарор дода шуд.

Соли 1956 дар собиқ Иттиҳоди Шӯравӣ пардохт барои таҳсил дар мактаби миёна ва олӣ бекор карда шуд.

Соли 1956 дар Иттиҳоди Шӯравӣ шумораи нахустини киномаҷаллаи ҳаҷвии «Фитил»  ба экран баромад.

День 2 июня
© Sputnik / Стас Этвеш / Вишнякова Мария

Соли 1970 Тонга аз Британияи Кабир истиқлолият ба даст овард.

Соли 1975 аввалин маротиба пахши мустақими телевизионӣ аз ҷараёни ҷаласаи парлумони Англия сурат гирифт.

Соли 2010 дар шаҳри Маскав аз ҷониби тоҷикон созмони хайриявии "Даргил наник" таъсис  дода шуд.

Рӯзи 4 июн дар Тоҷикистон чӣ рух дод

Соли 2008 аввалин шумораи ҳафтаномаи "Боргоҳи сухан" чоп шуд.

Соли 2011 Расул Боқиев варзишгари тоҷик барандаи медали тиллои мусобиқоти Ҷоми ҷаҳон оид ба ҷудо дар шаҳри Бухарест гардид.

На занятии в школе Расула Бокиева, архивное фото
© Sputnik
На занятии в школе Расула Бокиева, архивное фото

Соли 2012 Президенти Ҷумҳурии Тоҷикистон Эмомалӣ Раҳмон бо мақсади идомаи сафари давлатӣ ва иштирок дар ҳамоиши навбатии сарони давлатҳои аъзои Созмони Ҳамкории Шанхай аз шаҳри Сямэн ба шаҳри Пекин ташриф омад.

День 3 июня
© Sputnik / Стас Этвеш / Вишнякова Мария

Соли 2013 Сарвазири вақти Ҷумҳурии Тоҷикистон Оқил Оқилов бо директори минтақавии Бонки ҷаҳонӣ оид ба стратегия ва амалиёт дар Аврупо ва Осиёи Марказӣ хонум Лора Пак мулоқот кард. Оқил Оқилов изҳор дошт, ки Ҳукумати Тоҷикистон ба ҳамкорӣ бо Бонки ҷаҳонӣ дар соҳаҳои ояндадори иқтисодию иҷтимоии Ҷумҳурии Тоҷикистон таваҷҷуҳ зоҳир намуда, барои тақвияти раванди ин ҳамкорӣ тадбирҳои зарурӣ меандешад.

 

Соли 2015 дар шаҳри Душанбе Эмомалӣ Раҳмон вазирони мудофиаи кишварҳои аъзои Созмони аҳдномаи амнияти дастаҷамъиро, ки барои иштирок дар ҳамоиши навбатӣ  ба Тоҷикистон ташриф овардаанд, ба ҳузур пазируфт. Дар мулоқот масоили ҳамкории ҳарбӣ ва ҳарбию техникии кишварҳои аъзои Созмони Аҳдномаи амнияти дастаҷамъӣ баррасӣ шуд.

Соли 2016 дар шаҳри Ваҳдат фабрикаи маъданғанигардонии Ҷамъияти дорои масъулияташ маҳдуди "Покрӯд" ба фаъолият шурӯъ кард.

Соли 2018 дар Душанбе байни вазоратҳои корҳои хориҷии Тоҷикистон ва Финляндия машваратҳои сиёсӣ баргузор гардид.

Ҷашнҳои рӯзи 4 июн

  • Дар Ингушистон — Рӯзи маориф.
  • Дар Молдова — Рӯзи кормандони бонк.
  • Дар Финландия — Рӯзи Қувваҳои Мусаллаҳ.
  • Дар Қазоқистон — Рӯзи рамзҳои давлатӣ.
  • Рӯзи оила дар ИМА.
  • Рӯзи ёдбуд дар Қирғизистон.
  • Рӯзи парчам дар Эстония.

Рӯзи 4 июн дар Тоҷикистон кӣ ба дунё омадааст

Розия Акобирова (1937-2009)- киноактриса.

Сафват Бурҳонов (1968)- журналист.

Гушин Игор (1951)- доктори илми тиб.

Марям Давлатова (1955)–мутарҷим, ҷомеъашинос.

Наим Ёқубов (1934) – меъмор, профессор.

Олга Морозова (1902 – 1981) – доктори илми кишоварзӣ, профессор.

Николай Решетников (1923 – 1983) – доктори илми фалсафа, профессор.

Ҳошим Содиқов (1911 – 1994) – физик, профессор.

Фуфигин Виктор (1907 – 1973) – рассом, Ходими шоистаи ҳунари Тоҷикистон.

Бобо Худойдодов (1927 – 1990) – мутарҷим, адабиётшинос.

Муаттара Ҷӯраева (1975)- собиқ наттоқи ТВ.

Шаферштейн Семен (1898 – 1978) – доктори илми тиб, профессор, Ходими шоистаи илми Тоҷикистон.

0
Барчаспҳо:
Ҷаҳон, ҷашн, Тоҷикистон
Мавзуъ
Ҷашнҳои рӯзи 1 июн дар Тоҷикистон ва ҷаҳон
Ҷашнҳои рӯзи 2 июн дар Тоҷикистон ва ҷаҳон
Ҷашнҳои рӯзи 3 июн дар Тоҷикистон ва ҷаҳон