Танцор Фарход Джомахмадзода, архивное фото

Фарҳод Ҷомаҳмадзода: орзу дорам мисли Малика Қаландарова раққоси номӣ шавам

1392
(Таҷдидшуда 15:22 03.08.2017)
Фарҳод Ҷомаҳмадзода, раҳбари гурӯҳи "Гулчин" ва донишҷӯи бахши магистратураи Донишгоҳи заминшиносии Маскав, қасд дорад дар пойтахти Русия маркази фарҳангии тоҷиконро бунёд кунад

ДУШАНБЕ, 2 авг — Sputnik, Нилуфар Некқадам. Фарҳод Ҷомаҳмадзода ҳамакнун донишҷӯи соли дувуми бахши коршиносии аршад ё магистартураи Донишгоҳи заминшиносии Максав аст. Вале пеш аз ин вай Омӯзишгоҳи рақси Малика Собироваро хатм кардаву ҳамакун бо дастаи рақсиаш дар барномаҳои фарҳангӣ дар Русия Тоҷикистонро муаррифӣ мекунад.

Манижа Буйдоқова
© Фото : Из личного архива Манижи Будаковой

Ӯ мегӯяд, ки мардуми рус рақсҳои тоҷикиро бисёр хуш доранд. Бавижа рақси мардонаи тоҷикӣ писандашон аст.

"Вақте ман дар як барномаи фарҳангӣ рақс иҷро мекардам,  пиразани русе бо ман ба рақс даромаду то поёни оҳанг рақсид. Сипас аз ман пурсид, ки ин чӣ оҳанг буд? Гуфтам, оҳанги тоҷикӣ аст ва ӯ хоҳиш кард, ки онро барояш бифристам. Ман низ чунон кардам", — мегӯяд Фарҳод.

Вай афзуд, ки рақсиданаш аз барои дарёфти пулу пеш бурдани зиндагаиаш нест, балки мехоҳад дили тамошобинонро шод кунаду рози дилашро бо рақс боз гӯяд.

"Рақс ҳолати руҳии инсонро бозтоб медиҳад. Бо рақсам кӯшиши мекунам, ки эҳсоси худро боз гӯям ва мадрумро шод кунам".

Зиндагинома

Фарҳод Ҷомаҳмадзода 21 июли соли 1993 дар деҳаи Яфраг аз рустоҳои ноҳияи Ваҳдат ба дунё омадааст. Падараш корманди бар ва модараш табиби мардумӣ будаву чаҳор хоҳар ва як бародар дорад.

Танцор Фарход Джомахмадзода, архивное фото
Из личного архива Фархода Джомахмадзода
Танцор Фарход Джомахмадзода, архивное фото

Мегӯяд, ки дар мактаби рустояшон забонҳои русӣ ва инглисиро хуб намеомӯзонаданд ва ӯ пас аз хатми синфи нӯҳум аз модараш дархост кардааст, ки ӯро ба ҷое барад, ки битавонад ин забонҳоро аз худ кунад ва куллан таҳсилашро идома диҳад.

"Модарам дар Омӯзишгоҳи мусиқии ноҳияи Рӯдакӣ ошное доштааст. Вақте маро ба он ҷо бурданд, аз ман пурсиданд, ки оё мехоҳӣ дафнавоз шавӣ ё рубобнавоз? Ман ки на дафро медонистаму чисту на  рубобро, гуфтам рубоброву ҳамон созро омӯхтан гирифтам", — ба ёд меорад Фарҳод.

Ӯ мегӯяд, ки чун аз русто омада буд, дар шаҳри Душанбе гашту гузор карданро дӯст медошт. Рӯзе гузораш аз Филармонияи давлатӣ  меуфтад ва онҷо машқи гурӯҳи рақсиро дар саҳна мебинад. Чунон шавқаш меояд, ки назди раҳбари ин даста Исмат Файзуллоев рафта дархост кардааст, ки "мехоҳад раққоса шавад".

Раққоса не, раққос

"Устод бо табассум гуфт, ки "мард раққос мешавад, на раққоса" ва аз он рӯз ман ҳамзамон бо таҳсил дар Омӯзишгоҳи мусиқӣ дар ансамбли рақсии Филармонияи давлатии Тоҷикистон низ машқи рақс мекардам", — мегӯяд ӯ.

Боре роҳбари дастаи "Лола", ягона дастае, ки ансамбли рақсии мардона дорад,  ӯро дар маҳфиле дидаву ба ансамблашон даъват кард. Фарҳод пас аз чанде даъвати онҳоро пазируфтаву дигар дар ансамбли "Лола" машқ мекунад. Ҳамзамон ҳунаромӯзи Мактаби рақси "Малика Собирова" низ мешавад.

Рӯзе гурӯҳи фарҳангиёни рус дар ҷустуҷӯи ҳунарҷӯёни тоҷик барои таҳсил дар Русия ба донишгоҳи онҳо меоянд. Вале Фарҳод аз имтиҳони онҳо намегузарад. Пасон ӯ бо ду тан аз дӯстону ҳамдонишгоҳиёнаш — Таҳмина ва Умеда — ба Донишгоҳи русиву тоҷикӣ мераванд ва дар ин донишгоҳ имтиҳон дода донишҷӯи яке аз донишгоҳҳои шаҳри Маскав мешаванд.

Таҳсил дар Маскав

"Таҳсил дар Русия бароям бисёр душвор буд. Дар Тоҷикистон мо рақси классикӣ намехондем, ки он асоси ҳамаи рақсҳо ҳаст. Ман вақти пас додани имтиҳонот ҳатто гирён мешудам, вале ба ҳама мушкилот нигоҳ накарда, бо сари баланд ин донишгоҳро хатм кардам", — мегӯяд боифтихор Фарҳод.

Дар Маскав зиндагии Фарҳод ба куллӣ тағйир меёбад. Ӯ дар Наврӯзи соли 2012 бо гурӯҳи духтарони тоҷик шинос мешавад, ки дар барномаҳои гуногун Тоҷикистонро муаррифӣ мекунанд.

"Ин гурӯҳро Манижа Буйдакова роҳбарӣ мекард. Ӯ рақсҳои маро диду шод шуд ва аз он пас моро ҳам ба барномаҳояшон даъват мекард. Ман бо се ҳамдонишгоҳиям гурӯҳеро ташкил кардему чун аз ҳар гӯшаву канори Тоҷикистон будем, онро "Гулчин " номидем", — мегӯяд Фарҳод.

Танцор Фарход Джомахмадзода, архивное фото
Из личного архива Фархода Джомахмадзода
Танцор Фарход Джомахмадзода, архивное фото

Аммо он замон падару бародараш раққос шуданашро хуш напазируфтанд, вале акнун хонаводааш ӯро дастгирӣ мекунад.

"Вақте падарам донист, ки ман аз уҳдаи ин кор бар меоям, розӣ шуд. Бародарам ҳам акнун маро дастгирӣ мекунад", — мегӯяд Фарҳод.

Шуҳрат ва беҳтарин хотираҳо

Дар Масква Фарҳодро бисёр касон хуб мешиносанд ва ӯ Тоҷикистонро дар ҳама барномаҳои ҳунариву фарҳангӣ муаррифӣ мекунад.

Заррагул Искандарова-ҳунарпешаи марлдумии Тоҷикистон
Из личного архива внучки Заррагул Искандаровой

"Ман ба бисёре аз шаҳрҳои Русия сафарҳои ҳунарӣ доштаам ва ҳамчунин ба Укроин, Белорус, Қазоқистон, Олмон ва дигар кишварҳо низ сафар кардаам"

"Аммо беҳтарин хотираҳоро аз сафар ба Олмон дорам. Мо як ҳафта дар шаҳри Берлин гардиш кардем ва он рӯзҳо ба назарам беҳтарин буданд. Бавижа меъмории зебои ин шаҳр бисёр писандидам", — мегӯяд Фарҳод.

Аз рақси лазгӣ то рақсҳои "ҷимиҳои тоҷикӣ" дар Ютюб

Фарҳод Малика Қаландароваро дар рақс беҳамто медонад ва Исмат Файзуллоевро устоди аввалини худ дар ин ҷода мешуморад. Вай мегӯяд, ки зеботарин рақси мардона ин рақси тоҷикӣ аст ва бархе аз ҷавононро, ки аз рақси лазгии мардумони Қафқоз тақлид мекунанд, маломат мекунад.

"Бештари ҷавонони мо ҳатто намедонанд, ки мо рақси мардонаи хуби тоҷикӣ дорем. Онҳо мехоҳанд аз мардумони Қафқоз тақлид кунанд, ки аз паст будани фарҳанг ва бехабар буданашон аз  рақси зебои мардонаи  тоҷикӣ дарак медиҳад", — бовар дорад Фарҳод.

© Sputnik
Танцор Фархода Джонмахмадзода рассказал, в чем сложность таджикских танцев

Либоси раққос бояд чӣ гуна бошад

Либосҳои рақсии Фарҳодро тарроҳи тоҷик Ҳусайн медӯзад. Ӯ мегӯяд, либоси раққос набояд пур аз зару сим ва сангу гулдӯзӣ бошад.

"Ман ният дорам ҳамин рӯзҳо Тоҷикистон рафта як сару либоси мардонаи қадимӣ барои саҳна бидӯзонам, ки ҷома ва тоқӣ бе гулдузӣ бошад. Агар ҳам сару либоси рақсии духтарон ва ҳам мардон дар саҳна пуррангу симу зару гулдӯзӣ бошад, фарқ кардани раққосаву раққос душвор мешавад", — мегӯяд Фарҳод. Вай пешниҳод мекунад, ки рақсандаҳои тоҷик ё ансамблҳои рақсии Тоҷикистон бояд иҷрои рақсро дар навои даф ё худ "доира рақс" бештар кунанд.

Ӯ бар ин назар аст, ки давлати Тоҷикистон ба ҳунари рақс кам таваҷҷуҳ мекунад.

"Дар Тоҷикистон танҳо аз варзишу варзишкорон дастгириву пуштибонӣ мекунанд. Рақсандаҳову ҳунари рақсро ҳеч кас дастгирӣ намекунад. Ман боре ҳам надидаам, ки дар Тоҷикистон барномае куллан ба ҳунарнамоии раққосон ихтисос дода шавад. Дар саросари ҷаҳон ҷашнворҳои махсуси рақс баргузор мешаванд. Масалан, дар Русия зуд-зуд ҷашнвораҳои рақсӣ баргузор мешавад, ки як ансамбл камобеш даҳ гуна рақсро ба тамошобинон намоиш медиҳад", — гила мекунад Фарҳод ва пешниҳод дорад, ки дар Тоҷикистон ҳам ҷашнвораҳои рақс бештар шаванд.

"Ҷомеъаи Тоҷикистон ба рақси ҳирфаӣ таваҷҷуҳ намекунад, аз ин рӯ мардуми мо ба рақс ва махсусан рақси мардона назари танг доранд", — мегӯяд бо таассуф Фарҳод.

Ин ҷавони тоҷик аз густариши шабакаҳои интернетӣ хуб огоҳ аст ва онро яке аз беҳтарин роҳҳо барои шинос кардани ҷаҳониён бо фарҳангу рақси тоҷикӣ медонад.

"Ҷимиҳои тоҷикӣ" дар Ютюб

"Ман равандҳои фарҳангӣ дар Тоҷикистонро ҳамеша аз шабакаҳои интернетӣ пайгирӣ мекунам. Аз навовариҳо дар ҳунари рақси мардона огоҳ мешавам. Вале, мутаассифона, дар интернет аз рақсҳои тоҷикӣ умуман ва мардона хусусан камтар филму навор мунташир шудааст", — мегӯяд Фарҳод.

Вай меафзояд, ки дар Ютюб наворҳое бо рақсҳои ҳама мардумони ҷаҳон ёфт мешавад, вале агар "рақси тоҷикӣ"  ҷустуҷӯ кунед, танҳо наворҳое бо рақси муҳоҷирон дар сохтмонҳои Русия пайдо мешаванд.

Ӯ дар ин росто мехоҳад роҳнамое барои омӯхтани рақси тоҷикӣ дар Ютюб нашр кунад. Ба гуфти ӯ, дар Русия тоҷикони бисёре мехоҳанд фарзандонашонро рақси мардонаи тоҷикӣ биомӯзонанд.

"Ман ният дорам, ки барои кӯдакони тоҷик ва куллан ҳама касоне, ки мехоҳанд бо фарҳанги рақси тоҷикон ошно шаванд, маркази фарҳангие таъсис диҳам. Вале ин кор ниёз ба сармоя ва пуштибонии молӣ дорад. Агар маро дар ин роҳ дастгирӣ кунанд, ҳазорон кӯдаки тоҷик за фарҳанги худ дур нахоҳанд шуд ва Тоҷикистонро низ фаромӯш нахоҳанд кард", — бовар дорад Фарҳод.

"Агар ман хидмате барои Меҳанам накунам, таҳсили шашсолаам дар Русия беҳуда хоҳад буд", — мегӯяд Фарҳод.

1392
Овозхон Фаридуни Хуршед

Фаридуни Хуршед аз таваллуди фарзандаш хабар дод - навор

650
Овозхон охирҳои июли соли 2019 бори севум издивоҷ карда буд. Он замон расонаҳо навишатанд, ки тӯйи овозхона хоксорона ва бидуни иштироки овозхонҳои машҳур баргузор гардид

ДУШАНБЕ, 22 июл - Sputnik. Фаридуни Хуршед, овозхони попи тоҷик хабар додааст, ки ӯ боз падар шуд.

Ӯ дар саҳифаи Инстаграм навишт, ки имрӯз, 22 июл соҳиби писар шуд.

"Ин рӯз барои ман боз ҳам рӯзи хурсандиву хушбахтист. Фарзанди азизам Баёзид ба дунё омад. Қудуми некат муборак бошад, азизи падар. Мухлисои азизам дар хурсандии ман шарик бошед", - навиштааст вай.

Дар шабакаи иҷтимоӣ бештар аз 500 нафар зери ин хушхабари овозхон шарҳ навишта, ӯро шодбош гуфтаанд.

Ёдрас мешавем, Фаридуни Хуршед собиқ ҳамсари овозхон Фарзонаи Хуршед соли гузашта баъди ҷудо шудан аз ӯ, бори севум издивоҷ карда буд.

Он замон расонаҳо навиштанд, ки тӯйи Фаридун хоксора баргузор гардида, исми ҳамсари севумаш расонаӣ нест.

Фаридуни Хуршед аз издивоҷи дувумаш соҳиби як писар ва як духтар аст.

650
Курбанова Фарахноз, студент 1 курса бакалавриата

Аз интихобам розиям: чигуна донишҷӯёни тоҷик дар Русия таҳсил мекунанд - акс

262
Донишҷӯёни тоҷик, ки дар Донишгоҳи технологии Русия таҳсил мекунанд, дар бораи ҳаёти донишҷӯӣ ва раванди таҳсил дар Маскав нақл карданд

ДУШАНБЕ, 2 июл — Sputnik. Донишҷӯёни тоҷик, ки дар Донишгоҳи технологии Русия - МИРЭА таҳсил мекунанд, дар бораи таҳсил дар муҳити байналмилалӣ нақл карданд. 

Имрӯзҳо дар донишгоҳи мазкур ҳудуди 200 донишҷӯи тоҷик таҳсил мекунанд, ки дар оянда дар соҳаҳои телекоммуникатсия, автоматика, кибернетика, радиотехника ва электроника мутахассис хоҳанд шуд.

Чунончи, донишҷӯи курси дувуми магистратура дар саҳаи "технологияи кимёвӣ" Солиҷон Собиров мегӯяд, то дохилшавӣ ба МИРЭА дар Донишгоҳи техникии Тоҷикистон ба номи Муҳаммад Осимӣ таҳсил мекард.

Солижон Собиров, студент 2 курса магистратуры,
Солижон Собиров, студент 2 курса магистратуры,

Ӯ ду сол пеш факултаи энергетикаи донишгоҳро хатм карда, мақсад дошт ба кор дарояд, аммо қарор дод, ки дар Маскав ба бахши магистратура дохил мешавад.

"Мехостам донишамро дар ду самт комил кунам. Феълан ман ду маълумот, муҳандис-энергетик ва химик-технолог дорам. Фикр мекунам, ки ин хело хуб аст", - мегӯяд ҷавон.

Ҳоло Солиҷон дар хобгоҳ зиндагӣ мекунад, идрорпулӣ мегирад, муваққатан худро дар Русия ба қайд гузоштааст. Ин донишҷӯи тоҷик кам-кам кор ҳам мекунад.

"Агар донишҷӯ дар ҳақиқат аз нигоҳи молиявӣ ба мушкилӣ дучор шавад, касе аз ин ҷиҳат ба вай кӯмак накунад ё дар хонаводаашон мушкилии иқтисодӣ бошад, пас вай метавонад дар 11 моҳ як маротиба аз донишгоҳ кӯмак хоҳад. Маблағе ки донишгоҳ медиҳад, кам нест", - меафзояд ӯ.

Солиҷон мегӯяд, вақти бештарашро барои таҷрибаомӯзӣ дар донишгоҳ мегузаронад, аммо барои дӯстӣ бо донишҷӯён ва бозии футбол ҳам вақт меёбад.

Дигар донишҷӯи тоҷик Фараҳноз Қурбонова дар курси аввал таҳсил мекунад. Ӯ ҳам мегӯяд аз интихоби касб ва донишгоҳаш розӣ аст.

Ин духтари тоҷик хатмкардаи Литсейи президентӣ барои хонандагони лаёқатманд аст. Ӯ мехостааст пас аз хатми мактаб ба факултаи муҳандисиву барномарезӣ дохил шавад, барои ҳамин донишгоҳи технологии Русияро интихоб кардааст.

"Ман ки аз кишвари хориҷ ба Русия омадаам, дар хобгоҳ зиндагӣ мекунам. Ба донишҷӯёни хориҷӣ дар бахши авали таҳсил стипендия медиҳанд, баъдҳо ҳаҷми он аз худи донишҷӯй вобаста аст", - мегӯяд Фараҳноз.

Духтарак қайд мекунад, ки бартарии дигари таҳсил дар ин донишгоҳ пайдо кардани дӯстон аз кишварҳои хориҷ аст. Фараҳноз дӯстони ӯзбекистонӣ, белорус, украинӣ, қазоқистонӣ, аз Ветнам, Чин ва албатта Русия дорад.

Танҳо дар як Донишкадаи Тоҷикистон наздик ба 500 донишҷӯ аз Узбакистон дохил шуданд

"Ман ин ҷо худамро дар байни дӯстон пайдо кардам. Ман бо онҳо ба ибтидои нардбони муваффақиятҳоям қадам мегузорам. Агар хоҳӣ, ки ояндаи хушбахт дота бошӣ, бояд хонӣ ва меҳнат кунӣ. Боварӣ дорам, ки дар МИРЭА ба тамоми орзуҳоям мерасам", - мегӯяд Фараҳноз хушбинона.

 

262

Хайр Маскав: маросими пӯшидашавии Олимпиадаи соли 1980 - аксҳои нодир

0
(Таҷдидшуда 19:45 03.08.2020)
  • Маросими пӯшидашавии Олимпиадаи XXII соли 1980
  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
Рӯзи 3 августи соли 1980 дар Маскав маросими пӯшидашавии Бозиҳои тобистона баргузор гардид. Ин маросим аз зеботарин маросимҳо дар таърихи олимпиада шинохта шудааст

Бозиҳои тобистонаи олимпии соли 1980 дар Маскав аз 19 июл то 3 август идома кард. Ин нахустин олимпиада дар қаламрави Урупои Шарқӣ буд. 

Макони асосии баргузории мусобиқаҳо шаҳри Маскав буд. Вале бархе аз рақобатҳо дар Таллин, Киев, Ленинград ва Минск низ гузаронида шуданд.

Ба Бозиҳои тобистонаи олимпии соли 1980 - 5179 варзишкор аз 80 давлати ҷаҳон омада буданд.

Номбардорони Тоҷикистон дар Олимпиадаи соли 1980

Маросими пӯшидашавии Олимпиада рӯзи 3 август баргузор гардид. Барномаи консертӣ чанд соат идома кард.

Байрақи сафеди олимпӣ фароварда шуд ва таҳти навои Эдуард Артёмов "Эй варзиш ту ҳамеша пешравӣ ҳастӣ" духтарон бо пироҳанҳои якранг ба майдон баромаданд ва композитсияи даврони Юнони қадимро нишон доданд. Оташи олимпӣ ҳамон лаҳза хомӯш шуд.

Дар рӯи экран симои Хирсак - рамзи Олимпиадаи соли 80-ум намудор шуд. Расми Хирсакро навиштаҷоти "Роҳи сафед" ҳамроҳӣ мекард.

Яке аз ҳассостарин лаҳазот ашкрезии хирсак шуд.

Дар охири маросим меҳмононро сюрприз интизор буд. Дар мобайни майдон таҳти суруди "Хайр Маскав" дар иҷрои Лев Лешенко ва Татяна Антсиферева хирси бузурге бо пуфакҳо пайдо шуд.

Таҳти суруд ва замоне, ки Хирсак ба ҳаво бармехост, аксари мардум ашк мерехтанд.

Олимпиадаи соли 1980 то ҳол дар хотири меҳмонон ва аксари тамошобинону варзишкорон нақш бастааст. Ин бозиҳо яке аз боадолаттарин дар таърихи варзиш шинохта шудаанд, зеро пас аз итмоми онҳо ягон аризаи шикоятӣ ба комиссияи варзишӣ ворид нашудааст.

0
  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Маросими пӯшидашавии Олимпиадаи XXII соли 1980, 3 август дар майдони ба номи Ленин (Лужники) баргузор гардид.

  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
    © Sputnik / Дмитрий Донской

    Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).

  • Маросими пӯшидашавии Олимпиадаи XXII соли 1980
    © Sputnik / Юрий Сомов

    Маросими пӯшидашавии Олимпиадаи XXII соли 1980.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Олимпиадаи соли 1980 натанҳо барои шаҳрвандони ИҶШС балки мардуми ҷаҳон рухдоди муҳиме шуд.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Торжественная церемония закрытия Игр XXII Олимпиады. Центральный стадион имени В.И. Ленина 3 августа 1980 года.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Барои миллионҳо меҳмони хориҷӣ Бозиҳои олимпии соли 1980 дар Маскав бо меҳмоннавозӣ ва меҳрубонии мардуми рус ёддошт шуд.

  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Оташбозӣ дар маросими пӯшидашавии Олимпиадаи XXII соли 1980 дар майдони Лужники.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Олимпиадаи соли 1980 яке аз бозиҳои боадолаттарин дар ҷаҳони варзиш шинохта шудааст, чун дар давоми мусобиқот ягон аризаи шикоятӣ дар бораи натиҷаҳои бозиҳо навишта нашудааст.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Маросими пӯшидашавии Олимпиадаи XXII соли 1980 дар майдони Лужники.

  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
    © Sputnik / Владимир Акимов

    Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд.

Барчаспҳо:
маросим, олимпиада, Маскав