Скрин видео Nowhere Men

Тоҷикҷавони навовар ё Билл Гейтси оянда

521
(Таҷдидшуда 17:11 16.08.2017)
Дур аз имкон нест, ки Сино навоваре чун Билл Гейтс, Стив Ҷобс ва Илон Маск шавад, ки ҷаҳонро дигаргун кардаанд

ДУШАНБЕ, 16 авг — Sputnik. Дар шабакаҳои иҷтимоъӣ наворе дар бораи тоҷикҷавоне мунташир шуда, ки дар Амрико зиндагӣ дораду дастгоҳи худкори нерӯдиҳанда барои худравҳои барқӣ ихтироъ кардааст

Ин видео дар сафҳаи фейсбукии гурӯҳи "Nowhere Men" (Мардуме аз Ҳечкуҷо) мунташир шудааст, ки дар бораи бошандагони ғайримаъмулии Ню-Йорк матолиб нашр мекунад. Навори видуюиро то кунун беш аз 30 ҳазор корбар, аз ҷумла шаҳрвандони Тоҷикистон, тамошо кардаанд.

Ин ҷавон Сино Гулчинов ном дорад ва 28-сола аст дар Донишгоҳи иёлатии Сан-Хозе дар Калифорниё таҳсил кардааст.

Сино дар рустое зиндагӣ мекарда, ки бештар аз 300 бошанда надоштааст.

"Мо бо Сино дар сафарамон аз Бритонё ба Муғулистон ошно шудем. Дар рустое истодем то бипурсем, ки оё касе аз ронандагон кумак ниёз надорад? Аммо онҷо касе забони инглисиро намедонист. Ҳамон замон Сино аз ҳечкуҷо пайдо шуду бо мо ба забони инглисӣ суҳбат кардан гирифт. Маълум шуд, ки ӯ дар Амрико таҳсил мекардаву дар таътилот ба зодгоҳаш омадааст", — гуфтаанд созандагони он филм.

Сино бо дарёфти бурсия дар риштаи муҳандисӣ Донишгоҳи иёлатии Сан-Хозе дар Амрико таҳсил кардааст.

"Ҳамакнун машғул ба сохтани барқафзори худкору бесими нерӯрасон барои ботриҳои худравҳои барқӣ ҳастам. Феълан пешнамунаи ин барқафзорро озмоиш дорам", — мегӯяд Сино ба инглисии тоза.

Ин ҷавони навовар барқафзорашро дар манзилаш месозад, ки онҷо ҳама корфазорҳои лозимро дорад.

"Сино метавонад навоваре чун Илон Маск бошад. Дур аз имкон нест, ки фикри ҷадиде, ки шояд битавонад ҷаҳонро дигаргун кунад, аз ин ҷавоне бошад, ки дар дурдасттарин гӯшаи ҷаҳон зода шудааст", — мегӯяд муҷрии барнома бо ишора ба ин, ки Билл Гейтс ва Стив Ҷобс низ замоне дар хонаашон кор мекарданду сипас бузургтарин ширкатҳои фанновариро падид оварданд.

Илон Маск муҳандису навовари амрикоӣ аст, ки дар саноеъи пешрафта сармоягузорӣ мекунад.

521
Барчаспҳо:
муҳандис, ихтироъкори тоҷик, Сино Гулчинов, Амрико
Мавзуъ
Манижа Буйдакова: мехоҳам Русияро ба тоҷикон намоиш бидиҳам
Певец Валиджон Азизов

Чаро Валиҷон навозандаҳои Садриддинро гирифт: сӯҳбат аз бепуливу таънаи шикамкалонӣ

1949
(Таҷдидшуда 14:18 26.10.2020)
Орзу Исоев дар барномаи "Ногуфтаҳо" бо овозхон Валиҷон Азизов аз кам шудани даромад аз тӯй дар давраи ҳамагирии коронавирус ва парҳези овозхон дар пайи "таъна"-и истифодабарандагони Инстаграм аз шиками калони овозхон сӯҳбат кардааст

ДУШАНБЕ, 26 окт — Sputnik. Орзу Исоев аз арзиши хидмати Валиҷон Азизов дар тӯйҳо пеш аз пендемия ёдрас мешавад, ки дар минтақаи Суғд аз 12 то 15 ҳазор сомонӣ ва дар пойтахт то 20 ҳазор сомонӣ будааст.

Аммо тавре овозхон мегӯяд, дар пайи бурузи бемории коронавирус ва кам шудани тӯйҳо, феълан ин нарх хело коҳиш ёфтааст.

"Мо шароити мардумро нигоҳ карда кор мекунем. Ҳоло арзиши ҳақи хизматро 50 дарсад поён бурдаем ва баъзан аз он ҳам камтар мегирем", - қайд мекунад овозхон.

Овозхон ба саволи он ки ин камшавии даромад ба кисаи овозхон то кадом андоза асар кардааст, мегӯяд, боиси мавқуф гузоштани баъзе нақшаҳояш гаштанд.

"Бо он сабаб, ки бештари мардум тӯяшонро то соли оянда мавқуф гузоштанд, мо низ умед мекунем, ки соли оянда вазъият беҳтар мешавад. Гап сари чанд суруди ман меравад, ки омода асту бояд сабт кунам, аммо барои он маблағи зиёд лозим аст", - тавзеҳ медиҳад овозхон.

Чаро Валиҷон навозандаҳои Садриддинро гирифт?

"Чаро навозандаҳои Садриддинро гирифтед?", - мепурсед рӯзноманигор.

Азизов, посух медиҳад, ки "бале, аз хидмати навозандаҳои Садриддини Наҷмиддин, овозхони дигари номии тоҷик истифода мебарад, аммо онҳоро нагирифтааст".

"Ман навозандаҳои Садриддинро нагирифтаам. Вақте ба Душанбе меравам, аз Суғд навозанда намебарам, аз он ҷо киро мекунам.  Ҳатто замоне Садриддин ҳам дар Тоҷикистон қарор дошт, вақте ман Душанбе мерафтам, агар навозандаҳояш бекор мебуданд, ба маъракаҳо бо ман мерафтанд", - мегӯяд Валиҷон.

Мард пирӣ надорад?

Ногуфтаҳои марги Баҳром: намехост рафтан, зангҳои паиҳам ва чӣ хел аз мошин парид?-видео

"Пир шуданро ба гардан мегиред?", - боз мепурсад Орзу Исоев. 

"Мард пирӣ надорад, агар мард ҳамеша хушҳол бошад, ҳамеша дунболи зебогиҳо бошад, пир намешавад", - посух медиҳад Азизов ва мефзояд, ки чанд вақт аст, ки бо вазни зиёдатӣ мубориза мебарад.

"Дар инстаграм ҳама гуфтанд, Валиҷон шикамро нест кун, нест кардам, диета кардам,", - меафзояд вай.

1949
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Россия — «Донишҷӯи хориҷии сол – 2020» гардид

Донишҷӯи тоҷик дар Русия барандаи ҷоизаи "Донишҷӯи хориҷии сол 2020" шуд

680
(Таҷдидшуда 12:50 20.10.2020)
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Русия — "Донишҷӯи хориҷии сол – 2020" гардид

ДУШАНБЕ, 20 окт – Sputnik. Дар шаҳри Хабаровски Русия марҳилаи минтақавии озмун барои Ҷоизаи миллии Рсия — "Донишҷӯи сол – 2020" ба анҷом расид, ки дар он ҷавони тоҷик Ҷуманазар Қурбонназаров пирӯз шуд, хабар медиҳад торномаи Донишгоҳи давлатии шаҳри Комсомолски лаби Амур.

Ин озмун аз ҷониби Созмони ҷамъиятии умумирусиягии "Иттиҳоди ҷавонони Русия" дар якҷоягӣ бо KSAU "Маркази минтақавии ҷавонон оид ба иҷтимоӣ ва саломатӣ" баргузор карда шуд.

Тибқи иттилои манбаъ, озмуни "Донишҷӯи сол-2020" аз рӯи номинатсияҳои инфиродӣ ва коллективӣ дар байни муассисаҳои таҳсилоти олии касбӣ ва ташкилоти таҳсилоти касбии ҳудуди минтақаи Хабаровск доир гардид.

Дар ин озмун Донишгоҳи давлатии шаҳри Комсомолски лаби Амур ва маҳфили ҷавонони тоҷик дар минтақаро донишҷӯи факултаи энергетика ва менеҷменти Донишгоҳи мазкур Ҷуманазар Қурбонназаров  намояндагӣ кард.

Аз рӯи натиҷаҳои ҷаласаи ҳакамон миёни донишҷӯёни 11 донишгоҳи минтақа, донишҷӯи тоҷик Ҷуманазар Қурбоназаров барандаи ҷоиза дар бахши "Донишҷӯи хориҷии сол – 2020" гардид.

"Бо боварӣ метавонам бигӯям, ки Донишгоҳи давлатии шаҳри Комсомолски лаби Амур, имкон медиҳад, ки орзуҳои инсон амалӣ шавад. Ман аз соли 2018 инҷониб дар озмун ширкат мекардам ва бо ҳайрат ба иштирокчиёни дар саҳна буда, назар мекардам. Ман хеле мехостам, ки ба манфиати донишгоҳ кор кунам ва фарҳангу анъанаҳои мардуми тоҷикро дар байни ҷавонон маъмул кунам"  , - гуфт Қурбонназаров.

Ёдовар мешавем, ки даври ниҳоии озмуни "Донишҷӯи сол-2020" аз 14 то 19 ноябр дар шаҳри Маскав баргузор мешавад.

680
Барчаспҳо:
донишҷӯи тоҷик, Русия, сол, донишҷӯй, донишҷӯй
Денежные купюры, архивное фото

Арзиши доллар ва рубл боз боло рафт? - эъломи Бонки миллӣ

0
(Таҷдидшуда 10:44 28.10.2020)
Дар Тоҷикистон тайи ҳафтаҳои ахир афзоиши ҳама асъори хориҷӣ, аз ҷумла доллар ва рубл нисбат ба сомонӣ дар ҳоли баландшавист

ДУШАНБЕ, 28 окт — Sputnik. Пули миллии тоҷикӣ - сомонӣ дар пасманзари болоравии қурби асъори маъмули хориҷӣ дар кишвар коҳиш ёфта истодааст.

Танҳо доллари амрикоӣ дар тӯли ҳафтаи гузашта ва ҳоло чанд зина боло рафт.

Тибқи нишондодҳои Бонки миллии Тоҷикистон қурби миёнаи фурӯши 1 доллари ИМА дар муассисаҳои қарзии Тоҷикистон аз 10.3396 то 10.3400 сомонӣ арзёбӣ мешавад.

Дар тӯли ду ҳафта ба доллар муяссар шуд, ки аз 10.3310 то 10.3396 сомонӣ боло равад.

Асъори аврупоӣ низ дар ҳоли суқут набуда ҳамарӯза дар баробари сомонӣ боло меравад.

Коҳишёбии сомонӣ идома дорад: болоравии рублу доллар ва евро дар Тоҷикистон

Бар пояи нишондоди Бонки миллӣ имрӯз як евро 12.2328  сомонӣ арзиш дорад.

Ин дар ҳолест, ки ҳафтаи гузашта евро 12,1354 сомониро ташкил медод. 

Рубли русӣ низ пас аз коҳишёбии шадид, дубора дорад боло меравад.

Як рубли русӣ дар овезаи Бонки миллӣ барои имрӯз дар бозори нақд  0.1348 то 0.1380  сомонӣ нишон дода шудааст.

Ёдовар мешавем, ки қаблан коршиносони БМТ бо ишора ба пешгӯии расмии нишондиҳандаҳои асосии макроиқтисодии кишвар дар чор соли оянда гуфтанд, ки дар ин давра коҳиши солонаи сомонӣ 3% пешбинӣ шудааст.

Иқтисодшиносон ҷаҳиши рекордии доллар ва евроро пешгӯӣ карданд

БМТ шаҳврвандонро огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

0