Сара Саидасанова

Сара Саидасанова Тоҷикистонро дар озмуни зебоии Русия муаррифӣ мекунад

2282
(Таҷдидшуда 11:22 15.09.2017)
Сара Саидасанова тоҷикдухтари зебою соҳибистеъдод дар озмуни байнулмилалии зебоӣ Тоҷикистонро муаррифӣ мекунад

ДУШАНБЕ, 26 авг- Sputnik. Дар пойтахти шимолии Русия, шаҳри Санкт-Петербург озмуни зебоӣ ва истеъдоди "Мiss дюймовочка" баргузор мешавад.

Озмун рӯзи 24 сентябр дар тарабхонаи "Парус"-и ин шарҳ гузаронида мешавад. Дар ин озмун зебодухтарон аз шаҳру навоҳии Русия ва кишварҳои ИДМ ҳуқуқи ширкатро доранд.

Тоҷикистонро дар ин озмун Сара Саидасанова муаррифӣ хоҳад кард.

"Ман дер боз интизори чунин озмун будам. Вақте дар саҳифаи ВКонтаке эъломи озмуни "Мисс дюймовочка"-ро дидам даррав аризаамро барои ширкат ба онҳо равон кардам. Чун пештар дар ҳамаи озмунҳо талаботи муҳимтарин қади балантар аз 1,70 см буд, ман имон надоштам дар онҳо ширкат кунам. Ин озмун бошад барои ман мувофиқ аст", — гуфт Сара дар суҳбат бо Sputnik Тоҷикистон.

 

Пас аз дидани расмҳои Сара баргузоркунандаҳо ба ӯ ҷавоби мусбӣ додаанд ва тоҷикдухтар ҳамакнун барои ширкат дар ин озмун омодагӣ мебинад.

Шартҳои озмун аз намоиши либоси миллӣ, пӯшоки дӯхтаи тарроҳон ва намоиш додани истеъдоде иборат аст. Сара мегӯяд, ки омодагиаш махсусан барои намоиши пироҳани миллӣ ҷиддӣ аст.

"Пироҳанҳои милли мо бисёр зебоянд. Ман бояд беҳтаринашро интихоб кунаму онро ба доварону мардуми рус намоиш диҳам", — гуфт Сара ва афзуд,ки барои бахши истеъдод суруди Celin Dion — The heart-ро омода кардааст.

🌷

Публикация от Сара Абдуллаевна (@sara.asn) Июл 16 2017 в 1:47 PDT

 

Сара ба пирӯзии худ боварӣ дорад, чун ин ширкати нахустини гулдухтар дар озмуни зебоӣ нест. Замони донишҷӯӣ вай дар Қирғистон ҳам дар озмуни зебоӣ ширкат карда ва пирӯз шудааст.

Сара Саидасаова дар озмуни зебоии соли 2015
© Фото : Аз бойгонии Сара
Сара Саидасаова дар озмуни зебоии соли 2015

"Замони донишҷӯӣ дар шаҳри Бишкек ман дар озмуни "Miss top News.kg-2015" ширкат карда мақоми дувумро сазовор шуда будам. Аз ширкат ҳарос надорам ва ба худам бовар дорам", — гуфт Сара Саидасанова.

 

Озмун аз 22 то 24 сентябр дар шаҳри Санкт-Петербург баргузор мешавад. Ба гуфти Сара пеш аз озмун ширкаткунандагон ду рӯз омодагӣ мебинанд. Зебоӣ ва истеъдоди гулдухтаронро доварон баҳогузорӣ мекунанд

Озмуни "Miss дюймовочка" махсусан барои бонувоне созмон шудааст, ки қадашон то 1,70 см мебошад. Ин озмун ҳамасола аз ҷониби PR-EVENT студияи Роман Патин гузаронида мешавад.

Сара Саидасанова гулдухтари 23-солаи тоҷик оиладор соҳиби як фарзанд мебошад. Вай айни замон дар шаҳри Маскав ба сар мебарад ва ба ҳайси ороишгари рӯю мӯй кор мекунад. Донишгоҳро бошад дар шаҳри Бишкек аз рӯи ихтисоси муносибатҳои байнулмилалӣ хатм кардааст.

 

Вай мегӯяд, ки касби ороишгар барои кор ва тарбияи фарзанд дар як замон бисёр мувофиқ аст. 

 

 

2282
Барчаспҳо:
озмуни зебоӣ, Сара Саидасанова, Русия-Тоҷикистон
Мавзуъ
Садорат Мамадқулова ба давраи ниҳоии озмуни ҷаҳонии "Зеботарин лабханди ҷаҳон" роҳ ёфт
Шаҳноз яке аз барандагони озмуни Miss Nations of the World 2017 шуд
Манижа Сангин дар озмуни “Бонуи сол - 2017” ширкат меварзад
Тоҷикдухтар дар озмуни зебогии Пенза унвони "таваҷҷӯҳи тамошобинон"-ро соҳиб гашт
Неделя моды в Душанбе. архивное фото

Фарзонаи Хуршед дар бораи бегонагӣ бо Фаридун ва "шери нар" - и наваш - видео

4200
(Таҷдидшуда 20:58 10.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

4200
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед
Овозхон Фаридуни Хуршед

Фаридуни Хуршед аз таваллуди фарзандаш хабар дод - навор

693
Овозхон охирҳои июли соли 2019 бори севум издивоҷ карда буд. Он замон расонаҳо навишатанд, ки тӯйи овозхона хоксорона ва бидуни иштироки овозхонҳои машҳур баргузор гардид

ДУШАНБЕ, 22 июл - Sputnik. Фаридуни Хуршед, овозхони попи тоҷик хабар додааст, ки ӯ боз падар шуд.

Ӯ дар саҳифаи Инстаграм навишт, ки имрӯз, 22 июл соҳиби писар шуд.

"Ин рӯз барои ман боз ҳам рӯзи хурсандиву хушбахтист. Фарзанди азизам Баёзид ба дунё омад. Қудуми некат муборак бошад, азизи падар. Мухлисои азизам дар хурсандии ман шарик бошед", - навиштааст вай.

Дар шабакаи иҷтимоӣ бештар аз 500 нафар зери ин хушхабари овозхон шарҳ навишта, ӯро шодбош гуфтаанд.

Ёдрас мешавем, Фаридуни Хуршед собиқ ҳамсари овозхон Фарзонаи Хуршед соли гузашта баъди ҷудо шудан аз ӯ, бори севум издивоҷ карда буд.

Он замон расонаҳо навиштанд, ки тӯйи Фаридун хоксора баргузор гардида, исми ҳамсари севумаш расонаӣ нест.

Фаридуни Хуршед аз издивоҷи дувумаш соҳиби як писар ва як духтар аст.

693
Похороны в Таджикистане, архивное фото

Худкушӣ ё маризи COVID - 19 буд: даргузашти собиқ раиси филиали "Агроинвестбонк"

339
(Таҷдидшуда 18:28 11.08.2020)
Дар ноҳияи Шаҳринав собиқ раиси филиали "Агроинвестбонк" Зоирҷон Қурбонов дар синни 36 - солагӣ фавтидаст

ДУШАНБЕ, 11 авг – Sputnik. Даргузашти собиқ раиси филиали "Агроинвестбон" дар ноҳияи Шаҳринавро рӯзноманигори тоҷик Саидэҳсони Ҷалолиён дар сафҳаи худ дар Фейсбук нашр намудааст ва аз марҳум инсони хоксору заминӣ ёдовар шуд.

Зимнан, дар аксар расонаҳои кишвар хабари даргузашти Зоирҷон Қурбонов нашр шуд ва иллати марги ӯро худкушӣ навиштанд.

Андӯҳи маорифи Хуҷанд аз даргузашти мудири кӯдакистон аз беморӣ

Аммо манобеи Фараж бо такя ба гуфтаҳои наздикони Зоирҷон хабар дод, ки собиқ раиси филиали ин бонк дар ноҳияи Шаҳринав аз маризии коронавирус ба ҳалокат расидааст.

"Марҳум аз бемории илтиҳоби дутарафаи шуш азият мекашид ва тайи як ҳафтаи ахир дар бемористони ноҳияи Шаҳринав бистарӣ буд", - таъкид мешавад дар хабар.

Ба қавли наздикон, Зоирҷон Қурбонзода ду моҳ қабл ба бемории коронавирус гирифтор шуда будааст.

"Ин беморӣ баъдан ба шушҳояш таъсир гузошт", — афзудаанд пайвандони марҳум.

339
Барчаспҳо:
Агроинвестбонк, филиал, раис, собиқ, даргузашт, Тоҷикистон