Озмуни зебоӣ. Акс аз бойгонӣ

Се ҷоизаи зебосанамҳои тоҷик дар озмуни Пер Карден

135
(Таҷдидшуда 18:04 04.09.2017)
Имсол дар ҳайъати доварон тарроҳи тоҷик-Ниссо Қаюмова ҳам ҳузур дошт. Ӯ дар ин ҷашнвора пироҳанҳои духтаашро ба намоиш гузошт

ДУШАНБЕ, 4 сен— Sputnik. Зебосанамони тоҷик дар ҷашнвораи Пер Карден — Miss World Asia Beauty, ки дар Остона баргузор шуд, се ҷоиза ба даст оварданд.

Дар ин ҷашнвора ҳамаи ғолибони озмунҳои қаблии зебоӣ аз кишварҳои ИДМ ҷамъ омада буданд. Зебодухтарони Тоҷикистон дар ин ҷашнвора се ҷоиза ба даст оварданд.

Зумрат Боқиева и 27 сола — намояндаи мактаби мудели "Новая Эра" мақоми аввал ва Гран-прии ҷашнвворароба даст овард.

Амалия Ҷураеваи 13-сола бошад, дар бахши наврасон, сазовори унвони "топ-мудели ҷашнвора" шуд. Нозанин Азимоваи 7-сола дар бахши "мини-миси озмун" ҷои сеюмро гирифт.

Ин хурдтаракон ҳам дар мактаби муделҳои "Новая Эра" тарбият мегиранд.

Имсол дар сафи доварони озмун тарроҳ ва мудели тоҷик — Ниссо Қаюмова низ буд. Худи ӯ дар ин озмун пироҳанҳои навашро ба намоиш гузошта мақоми аввалро соҳиб шуду аз дасти Пер Карден тоҷ гирифт.

Miss World Asia Beauty-озмуни зебоӣ мебошад, ки ҳамасола дар кишварҳои мухталифи ҷаҳон баргузор мешавад. Соли гузашта ин озмун дар Ветнам гузаронида шуда буд.

135
Барчаспҳо:
зебосанам, озмуни зебоӣ, Новая эра, Ниссо Қаюмова, Остона
Мадина Акназарова

Нашри дуэти Чоршанбе Аловатов ва Мадина Ақназарова - видео

1722
(Таҷдидшуда 12:52 11.09.2020)
Ду сарояндаи ҷавону машҳури Тоҷикистон, Чоршанбе Аловатов ва Мадина Ақназарова суруди гурӯҳи "Парем"- ро бозхонӣ карданд

ДУШАНБЕ, 11 сен  — Sputnik. Овозхонони ҷавон ва машҳури Тоҷикистон Чоршанбе Аловатов ва Мадина Ақназарова суруди дуэт иҷро карда, шакли пурраи онро дар шабакаи Youtube нашр кардаанд.

Онҳо яке аз сурудҳои машҳури гурӯҳи "Парем"- "Танҳо дар ёд" - ро бозхонӣ карданд. Дар ин бора ҳам Чоршанбе Аловатов ва ҳам Мадина Ақназарова дар саҳифаҳои расмиашон дар Инстаграм хабар додаанд.

Мадина дар ин росто ба гурӯҳи "Парем" барои додани иҷозат барои бозхонии ин сурудашон изҳори сипос кардааст.

"Сипоси бепоён аз гурӯҳи "Парем" барои ин суруд. Ин зебо аст", - навиштааст Мадина.

Мухлисони ин ду овозхони ҷавон аз дуэт истиқбол карда ҳунари ҳар дуро баланд баҳогузорӣ кардаанд. 

"Чоршанбе худро дар сатҳи минтақавӣ бисёр хуб нишон дод. Ҳунари ӯ, Худодод аст ва ба шарҳе ниёз надорад. Мадина ва Чоршанбе бисёр хуш менамоед", - навиштааст корбаре дар шабакаи  Youtube.

Дуэти Чоршанбе Аловатов ва Мадина Ақназарова: суруди "Парем" - ро бозхонӣ карданд - видео

Ёдрас мешавем, ки ахиран Чоршанбе Аловатов суруди "Масти ту ҳастам" - и овозхон Самандар Пӯлодовро бозхонӣ кард.

Мусиқӣ ва тарзи сурудани овозхони ҷавон Чоршанбе Аловатов аз Самандар Пӯлодов каме мутафовит аст. Бо усули нав иҷро шудани ин сурудро корбарони шабакаҳои иҷтимоӣ низ дарёфт намуда, истеъдоди баланди Чоршанбеи ҷавонро зикр карданд.

1722
Барчаспҳо:
Тоҷикистон, нашр, суруд, дуэт, Мадина Ақназарова
Фарзонаи Хуршед дар бораи бегонагӣ бо Фаридун ва шери нар - и наваш - видео

Фарзонаи Хуршед дар бораи бегонагӣ бо Фаридун ва "шери нар" - и наваш - видео

4946
(Таҷдидшуда 17:20 18.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

4946
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед
Люди в защитных масках в Душанбе, архивное фото

Омори нави гирифторӣ, шифо ва фавт аз COVID-19 дар Тоҷикистон

120
То санаи 20 сентябр дар мамлакат 8108 (86,7%) нафар аз бемории COVID-19 шифо ёфта, бар асари он 73 нафар фавтидаанд.

ДУШАНБЕ, 20 сен — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, то шоми имрӯз дар маҷмӯъ шумораи гирифторони ин беморӣ ба  9346  нафар баробар гардид.

Бино бар иттилои манбаъ, дар як шабонарӯзи охир 115 нафар гумонбарон зери назорати табибон қарор дошта, 42 нафар баъд аз муолиҷа ба хонаҳояшон рухсат дода шуданд.

Ҳамзамон, то санаи  20 сентябр дар кишвар  8108  (86,7%) нафар аз бемории COVID-19 шифо ёфта,  бар асари он 73  нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Зарари бесобиқаи коронавирус ба иқтисоди ҷаҳон: 5 сол барои барқароршавӣ лозим

Дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

120