Далер Назаров

Далер Назаров дар бораи Лидуш Ҳабиб: барои мо ҳамеша зинда ҳаст"

1077
(Таҷдидшуда 10:44 04.10.2017)
Дар шаҳри Душанбе ба муносибати ёдбуди овозхону шоири тоҷик шодравон Лидуш Ҳабиб консерт баргузор шуд

ДУШАНБЕ, 25 сен — Sputnik. Ба муносибати ёдбуди шоиру овозхони номдор Алидоншоҳ Ҳабибов (Лидуш Ҳабиб) дар Филармонияи давлатии шаҳри Душанбе консерти хайрия баргузор гардид.

Консерт рӯзи 23 сентябр дар Филармонияи давлатии ба номи Акашариф Ҷураев баргузор шуд.

Дар ин барномаи фарҳангӣ устод Далер Назаров, гурӯҳи "Авесто", гурӯҳи "Равшандилони Рӯшон", Азиз ва Бахтиёр, гурӯҳи "Бартанг", гурӯҳи "Ҷирай", Некрӯз Мамадамонов ва Ниссои Лутфишо ҳунарнамоӣ карданд.

Ин консерт бо ибтикори созмони ҷамъиятии "Нури Нав" баргузор шуда, даромад аз он барои дастгирии ҷавонони варзишкор ва ширкати онҳо дар сабқатҳои байналмилалӣ равона мешавад.

Раҳбари ин созмон Фарангис Гулмаҳмад дар суханронияш аз ҳузури тамошобинон сипосгузорӣ карда аз ихлоси ҷавонон ба адабиёт ва посдошти забонҳои помирӣ хушнудӣ карду гуфт, ки ин чорумин консерти хайриявӣ аст, ки ба хотири дастгирии варзишкорони ҷавон ташкил мешавад.

"Мо имрӯз ба хотири шоире ҷамъ шудаем, ки тавонист ба забони шевову расо хушиву умедҳои мардумро ба назм овараду бисарояд. Аз ҳузуратон шодам. Ҳузури ҳар яки шумо гувоҳ бар бетараф набуданатон нисбат ба сарнавишти забону адаб аст", — гуфт раҳбари созмони "Нури Нав".

  • Фарангис Гулмаҳмад раҳбари созмони Нури Нав.
    Фарангис Гулмаҳмад раҳбари созмони "Нури Нав".
    © Sputnik Амир Исаев
  • Тамошобинон дар ёдбуди шоиру овозхон - Лидуш Ҳабиб
    Тамошобинон дар ёдбуди шоиру овозхон - Лидуш Ҳабиб
    © Sputnik Амир Исаев
  • Таҳмина Рамазонова дар ёдбуди шоиру овозхон Лидуш Ҳабиб
    Таҳмина Рамазонова дар ёдбуди шоиру овозхон Лидуш Ҳабиб
    © Sputnik Амир Исаев
1 / 3
© Sputnik Амир Исаев
Фарангис Гулмаҳмад раҳбари созмони "Нури Нав".

Азиз Гуламадшо яке аз баргузоркунандагони ин консерт гуфт, ки мақсади нахуст агар пос доштани хотири шоиру овозхони номдор Лидуш Ҳабиб бошад, ҳадафи дигар аз ташкили консерт ба ҷавонон ва насли наврас маълумот додан дар бораи ҳаёту фаъолияти мардони бузург аст.

Дар ин консерт устод Далер Назаров низ ҳунарнамоӣ кард. Ӯ пеш аз сурудхонӣ дар бораи Лидуш Ҳабиб чунин гуфт: "Онҳое, ки тавонистанд маҳбубияти ҷомеаро ба даст биёранд, то ҷовидон зиндаанд. Барои мо Лидуш ҳамеша зинда аст".

Дар ин барнома ҳамчунин овозхони гурӯҳи "Авесто" Таҳмина Рамазонова низ ҳунарнамоӣ кард.

"Лидуш Ҳабиб инсоне бо ҳарфи бузург аст. Ӯ ояндабин буд. Агар мо сурудҳои ӯро гӯш кунем ҳамаи онҳо дар бораи мушкилоти актуалӣ навишта шудаанд. Лидуш инсонест, ки тавонист бо шеърҳояш дар бораи ҳамаи чиз бигӯяд", — гуфт вай.

Пас аз поёни консерт, тамошобинон бо хотири болида ва бо шеърҳои Лидуш Ҳабиб дар қалб ба хониҳояшон раҳсипор шуданд.

1077
Барчаспҳо:
ҳунарнамоӣ, консерт, Лидуш Ҳабиб, Далер Назаров, Тоҷикистон
Мавзуъ
Лидушсароӣ: Далер Назаров дар Душанбе ҳунарнамоӣ мекунад
“Чаки чаки борон”-и Далер Назаров дар тарҳи коргардони Русия Иван Шаповалов “Поднебесы”
Аброр Назаров: на ҳар касе метавонад роҳи Далер Назаровро биравад
Далер Назаров дар "Боми ҷаҳон" ҳунарнамоӣ мекунад
Устод Далер Назаров сафҳаҳои расмияшро дар шабакаҳои иҷтимоъӣ боз кард
“Сафари ҳавоӣ”-и Далер Раҳматов дар Маскав намоиш дода шуд
Неделя моды в Душанбе. архивное фото

Фарзонаи Хуршед дар бораи бегонагӣ бо Фаридун ва "шери нар" - и наваш - видео

4834
(Таҷдидшуда 20:58 10.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

4834
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед
Овозхон Фаридуни Хуршед

Фаридуни Хуршед аз таваллуди фарзандаш хабар дод - навор

706
Овозхон охирҳои июли соли 2019 бори севум издивоҷ карда буд. Он замон расонаҳо навишатанд, ки тӯйи овозхона хоксорона ва бидуни иштироки овозхонҳои машҳур баргузор гардид

ДУШАНБЕ, 22 июл - Sputnik. Фаридуни Хуршед, овозхони попи тоҷик хабар додааст, ки ӯ боз падар шуд.

Ӯ дар саҳифаи Инстаграм навишт, ки имрӯз, 22 июл соҳиби писар шуд.

"Ин рӯз барои ман боз ҳам рӯзи хурсандиву хушбахтист. Фарзанди азизам Баёзид ба дунё омад. Қудуми некат муборак бошад, азизи падар. Мухлисои азизам дар хурсандии ман шарик бошед", - навиштааст вай.

Дар шабакаи иҷтимоӣ бештар аз 500 нафар зери ин хушхабари овозхон шарҳ навишта, ӯро шодбош гуфтаанд.

Ёдрас мешавем, Фаридуни Хуршед собиқ ҳамсари овозхон Фарзонаи Хуршед соли гузашта баъди ҷудо шудан аз ӯ, бори севум издивоҷ карда буд.

Он замон расонаҳо навиштанд, ки тӯйи Фаридун хоксора баргузор гардида, исми ҳамсари севумаш расонаӣ нест.

Фаридуни Хуршед аз издивоҷи дувумаш соҳиби як писар ва як духтар аст.

706
Народный поэт Таджикистана Гулназар Келди

Вазорати фарҳанги Тоҷикистон ба наздикони Гулназар Келдӣ изҳори ҳамдардӣ кард

0
(Таҷдидшуда 19:54 15.08.2020)
Вазорат мегӯяд, ки аз даргузашти шоири мардумии Тоҷикистон, муаллифи Суруди миллӣ Гулназар Келдӣ сахт андӯҳгин аст

ДУШАНБЕ, 15 авг — Sputnik. Вазорати фарҳанги Тоҷикистон аз даргузашти шоири мардумии Тоҷикистон Гулназар Келдӣ изҳори андӯҳ карда, ба наздикони шоири маҳбуби тоҷик  ҳамдардӣ кардааст. Дар ин бора дафтари матбуоти вазорат гузориш медиҳад.

"Вазорати фарҳанги Ҷумҳурии Тоҷикистон ва аҳли фарҳангу ҳунари кишвар нисбати даргузашти Шоири халқии Тоҷикистон, муаллифи Суруди миллии Тоҷикистон Гулназар Келдӣ сахт андӯҳгин буда, ба пайвандони марҳум изҳори ҳамдардии амиқ мекунанд", - менависад манбаъ.

Ёдовар мешавем, ҳамагӣ чанд рӯз пеш Гулназар Келдӣ бо нишони маризии коронавирус бистарии беморхона гардида шуд ва ахиран рӯзи 13 - уми август ҷон ба Ҷонофарин супорид.

Марҳум чанд рӯз қабл дар сӯҳбат бо  Sputnik Тоҷикистон ба мардум насиҳат карда буд, ки "худатонро эҳтиёт кунед".

Он сӯҳбати шоир ба 11 август,  баъд аз хабари ба бемористон интиқол ёфтани шоир анҷом дода шуд. Гулназар Келдӣ, аз ҳамватанонаш хоҳиш карда буд, ки аз бемории ӯ  ташвиш накашанд.

Маросими видоъ бо устод Гулназар Келдӣ - навори муфассал

"Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфта буд шоири халқии Тоҷикистон.

0