Концерт Манижи в Москве

Манижа Сангин бо ҳунарнамоияш маскавиҳоро "ба по" хезонд

1359
(Таҷдидшуда 14:09 28.10.2017)
Манижа Сангин бо ҳунарнамоияш мардуми Маскавро ба ваҷд овард

ДУШАНБЕ, 28 окт — Sputnik, Нилуфар Некқадам. Шоми 27 октябр, овозхони номдори тоҷики муқими Русия-Манижа Сангин, дар толори зеботарини Маскав "Дом Союзов" барномаи ҳунариашро пешкаши мухлисонаш гардонид. Ин дувумин барномаи ҳунарии Манижа дар Русия мебошад. Нахустин консерти ҳунарии Манижа моҳи май дар пойтахти шимолии Русия Санкт-Птеребруг баргузор шуда буд.

Ба консерти Манижа Сангин ҷавонони Маскав, ки дар шабакаҳои Instagram ва Facebook эҷодиёт ва зиндагии овозхони дӯстдоштаи худро пайгирӣ мекунанд, омада буданд.

Ногуфта намонад, ки Манижа яке аз камтарин овозхононе ҳаст, ки аз технологияҳои замонавӣ дар омода кардани намоҳанг истифода мекунаду дар саҳифаи Instagram-аш беш аз 250 ҳазор аъзо дорад.

Ба барномаи ҳунарии Манижа нафаре бо дӯстдухтар, дуюмӣ ҳамроҳи ҳамсинфон ва дигаре ҳам ҳамроҳи рафиқон омада буд.

Толори "Дом союзов" ҷои барҳавоеро мемонд, ки бо ивазшавии ҳар суруд бо ҷилоҳои рангоранг тамошобинонро ба дунёи ғайримаъмулии Манижа ворид мекард.

Расо соати 19:28 консерт оғоз шуд. Манижа ба саҳна баромаду мухлисон ӯро бо қарсакҳои пурмавҷ пешвоз гирифтанд. Овозхони тоҷик ҳунарнамоияшро бо суруди "Люстра", ки соли гузашта сабт шудаву ҳамакнун миёни мардуми рус ҳаводорони зиёде  пайдо кардааст, оғоз кард.

Концерт Манижи в Москве
© Sputnik Стас Этвеш
Концерт Манижи в Москве

Саҳна ва деворҳои толор бо мувофиқати ҳар суруд бо ҷилваҳои рангоранг оро дода мешуд. Дар тани Манижа ва навозандагонаш пӯшокҳое ғайримаъмулии аз матои сафед дӯхташуда буд, ки дар фазои ивазшавии ҷилоҳои деворҳои толор, ҷаззобияти хоссае дошт. Худи Манижа хабар дод, ин пӯшокҳои саҳнавиро барои ӯ ва навозандагонаш модараш тарроҳӣ кардааст.

Пас аз сароидани сурудҳои "I miss you", "I wish", ва "Люстра", Манижа бо хитоб ба тамошобинон "Шом бахайр", — гӯён хушомадед гуфт ва даст сари бар-тоҷикона аз ҳузури онҳо миннатдорӣ кард.

Бештари сурудҳои Манижа Сангин бо забони русӣ ва англисӣ сароида шуданд. Чанде аз сурудҳои тозаэҷодаш ҳам дар ҳамин консерт пешкаши мухлисонаш шуд, ки яке аз онҳо "Феноминали вумен" буд. 

Пеш аз оғози ин суруд, Манижа ба аҳли толор муроҷиат карду гуфт, ки ҳар як инсон шахсияти нотакрор аст ва агар аз ҷиҳати намуди зоҳирияш аз диарон фарқ кунад, ин бойгарии ӯст.

"Худро ранҷ  надиҳед ва беҳуда фикратонро машғул накунед, ки фарбеҳ ҳастед ё лоғар — шумо ягона дар ҷаҳон ҳастед", — мефаҳмонд Манижа муҳтавои суруди "ФеноминалиВумен"-ро ба мухлисонаш.

Концерт Манижи в Москве
© Sputnik Стас Этвеш
Концерт Манижи в Москве

Мардум ин сурудро хеле хуш пазируфтанду бо садо додани "браво" ва қарсакзаниҳои бепоёну тақдими гулдастаҳо меҳри худро ба овозхони дӯстдоштаашон баён мекарданд.

Дар воқеъ Манижа Сангин  аз рӯи саҳна бо тамошобион озод суҳбату шӯхӣ мекард ва чунин менамуд, ки  гӯё ин мардум дар меҳмонии Манижа қарор доштанд, на дар консерт.

"Чор сол пеш мо ҳамроҳи Манижа дар як курс таҳсил мекардем. Ногаҳон аксҳояшро дар Instagram дидему пас аз чаҳор сол инак мо ба консерташ омадем. Мо ба Манижа офарин мегӯем, чунки ӯ хеле моҳирона ва озодона бо мардуми толор суҳбат мекунаду гӯё ҳар яки онҳоро ҳис мекунад. Чунин менамояд, ки дар давоми консерт тамошобин ҳамроҳи ӯ ҳамсуҳбат аст, гӯиё ки ба меҳмониаш омадаӣ на ба консерт", — гуфтанд Вика ва София.

Концерт Манижи в Москве
© Sputnik Стас Этвеш
Концерт Манижи в Москве

Ин духтарон бори аввал дар консерти Манижа ҳузур доранд ва мегӯянд, ки ҳунарнамоиҳои баъдиашро низ интизор хоҳанд шуд.

Агар бархеро овозу ҷаззобияти худи Манижа тасхир карда бошад, дигаронро қобилияти ташкилотчигӣ ва озод будан дар саҳна ба ваҷд овард. Ҳар нафаре, ки дар консерти Манижа буд, ё дар телефонаш акс мегирифт, ё ба навораш мегирифт, ё бо ишораи Манижа ва навозандагон ба рақс медаромаду бо кафкӯбиҳои пурмавҷ ҳунарнамоии Манижаро қадр мекард.

Манижа бошад қабл аз шурӯъи ҳар як суруд ва бахусус сурудҳои тозаэҷодаш каме дар бораи таърихи пайдоиши онҳо ва ё сабаби пайдошавӣ нақл мекард. Масалан дар бораи суруди "Изумруд", ки суруди тозаэҷодаш ҳаст Манижа гуфт, ки ба ин шеър меҳри хоссае доад.

Концерт Манижи в Москве
© Sputnik Стас Этвеш
Концерт Манижи в Москве

"Номи ман Манижа, ки дар тарҷума аз забони форсӣ маънои "нозук"-ро дорад ва насабам Сангин-яъне санг. Пас ман санги нозук ҳастам", — нақл мекард овозхони тоҷик ба мухлисонаш.

Манижа сурудеро ҳам ба модараш бахшиду гуфт, ки "модарам нури удеми ман ҳаст ва ман ӯро беҳад дӯст медорам".

Ӯ аз ҳар як дастгирию кафкӯбиҳои мухлисон ба ваҷд меомаду ҳатто ҷое ҳам ашки шодӣ рехт.

"Ташаккур ки ба ман имконият медиҳед, чунин лаҳзаҳои фараҳбахшро дар зиндагӣ аз сар гузаронам", — изҳори миннатдорӣ мекард Манижа.

"Ин хоҳари ман аст, духтари амакам. Ба ман эҷодиёти хоҳарам бисёр писанд аст. Боиси ифтихор ҳаст, ки миёни намояндагони миллати мо чунин овозхонони боистеъдод ҳастанд, ки дар чунин сатҳи баланд ҳунарнамоӣ мекунанд", — гуфт Зариф бародарзодаи Манижа Сангин ва афзуд, ки суруди дӯстдоштааш аз эҷодиёти Манижа "Люстра" аст.

Консерт ба охир расиду мардум намехост  меҳмонии Манижа Сангинро тарк кунанд. Пас аз чанд лаҳзае, ки аллакай эълони ба охир расидани консерт садо дод, мардум бо даъвати идомаи консерт толорро тарк намекарданд.

Манижа ин аҳволи мухлисонашро дида бозгашту бори дигар суруди "Люстра"-ро ҳамроҳи тамошобинон суруд. Ҷо ҷое фақат мухлисон месароиданду Манижа ба сифати дирежжер овозхонии мухлисонашро идора мекард. Пас аз анҷоми ин суруд, Манижа ва гурӯҳи эҷодияш ба тамошобинон хайру хуш карданду сари таъзим фурӯд оварда толорро тарк карданд.

Бо боварӣ метавон гуфт, ки дар давоми ду соат бо овози зинда бо шухию маслиҳат суҳбату дастгирӣ Манижа Сангин халқи русро мафтуни худ карду онҳоро ба ҷаҳони рангини худ бурд.

1359
Барчаспҳо:
консерт, Манижа Сангин, Москва
Неделя моды в Душанбе. архивное фото

Фарзонаи Хуршед дар бораи бегонагӣ бо Фаридун ва "шери нар" - и наваш - видео

4838
(Таҷдидшуда 20:58 10.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

4838
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед
Овозхон Фаридуни Хуршед

Фаридуни Хуршед аз таваллуди фарзандаш хабар дод - навор

706
Овозхон охирҳои июли соли 2019 бори севум издивоҷ карда буд. Он замон расонаҳо навишатанд, ки тӯйи овозхона хоксорона ва бидуни иштироки овозхонҳои машҳур баргузор гардид

ДУШАНБЕ, 22 июл - Sputnik. Фаридуни Хуршед, овозхони попи тоҷик хабар додааст, ки ӯ боз падар шуд.

Ӯ дар саҳифаи Инстаграм навишт, ки имрӯз, 22 июл соҳиби писар шуд.

"Ин рӯз барои ман боз ҳам рӯзи хурсандиву хушбахтист. Фарзанди азизам Баёзид ба дунё омад. Қудуми некат муборак бошад, азизи падар. Мухлисои азизам дар хурсандии ман шарик бошед", - навиштааст вай.

Дар шабакаи иҷтимоӣ бештар аз 500 нафар зери ин хушхабари овозхон шарҳ навишта, ӯро шодбош гуфтаанд.

Ёдрас мешавем, Фаридуни Хуршед собиқ ҳамсари овозхон Фарзонаи Хуршед соли гузашта баъди ҷудо шудан аз ӯ, бори севум издивоҷ карда буд.

Он замон расонаҳо навиштанд, ки тӯйи Фаридун хоксора баргузор гардида, исми ҳамсари севумаш расонаӣ нест.

Фаридуни Хуршед аз издивоҷи дувумаш соҳиби як писар ва як духтар аст.

706
Народный поэт Таджикистана Гулназар Келди

Вазорати фарҳанги Тоҷикистон ба наздикони Гулназар Келдӣ изҳори ҳамдардӣ кард

0
(Таҷдидшуда 19:54 15.08.2020)
Вазорат мегӯяд, ки аз даргузашти шоири мардумии Тоҷикистон, муаллифи Суруди миллӣ Гулназар Келдӣ сахт андӯҳгин аст

ДУШАНБЕ, 15 авг — Sputnik. Вазорати фарҳанги Тоҷикистон аз даргузашти шоири мардумии Тоҷикистон Гулназар Келдӣ изҳори андӯҳ карда, ба наздикони шоири маҳбуби тоҷик  ҳамдардӣ кардааст. Дар ин бора дафтари матбуоти вазорат гузориш медиҳад.

"Вазорати фарҳанги Ҷумҳурии Тоҷикистон ва аҳли фарҳангу ҳунари кишвар нисбати даргузашти Шоири халқии Тоҷикистон, муаллифи Суруди миллии Тоҷикистон Гулназар Келдӣ сахт андӯҳгин буда, ба пайвандони марҳум изҳори ҳамдардии амиқ мекунанд", - менависад манбаъ.

Ёдовар мешавем, ҳамагӣ чанд рӯз пеш Гулназар Келдӣ бо нишони маризии коронавирус бистарии беморхона гардида шуд ва ахиран рӯзи 13 - уми август ҷон ба Ҷонофарин супорид.

Марҳум чанд рӯз қабл дар сӯҳбат бо  Sputnik Тоҷикистон ба мардум насиҳат карда буд, ки "худатонро эҳтиёт кунед".

Он сӯҳбати шоир ба 11 август,  баъд аз хабари ба бемористон интиқол ёфтани шоир анҷом дода шуд. Гулназар Келдӣ, аз ҳамватанонаш хоҳиш карда буд, ки аз бемории ӯ  ташвиш накашанд.

Маросими видоъ бо устод Гулназар Келдӣ - навори муфассал

"Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфта буд шоири халқии Тоҷикистон.

0