Антон Кротов, акс аз бойгонӣ

Гардишгар: Тоҷикистон худ дарашро ба рӯи ҷаҳонгардон мебандад

857
(Таҷдидшуда 19:59 10.11.2017)
Гардишгари машҳури рус Антон Кротов мегӯяд далели кам будани ҷаҳонгардон дар Тоҷикистон озод набудани рафту омад миёни шаҳру вилоятҳои кишвар аст

ДУШАНБЕ, 10 ноя — Sputnik, Илона Ярош. Ҷаҳонгарди рус, бунёдгузори "Мактаби гардишгарии озод" Антон Кротов аз сайёҳати навбатии худ аз Осиёи Марказӣ бозгашт.

Дар ин сафараш Кротов ба Тоҷикистон рафтаву ду ҳафта дар Мурғоб ба сар бурдааст. Дар мусоҳиба бо Sputnik Тоҷикистон гардишгар хотироташро аз Тоҷикистон ёд карду далели кам будани гардишгаронро дар Тоҷикистон гуфт.

Кротовро дар Осиёи Марказӣ бисёр касон мешиносанд. Ин ҳафтумин сафари ӯ ба ин минтақа буд. Ҳар боре, ки гардишгар ба Осиёи Марказӣ меравад, дар кишваре чанд рӯз ба сар мебараду ҳатман аз Тоҷикистон низ боздид мекунад.

"Ман аз 103 кишвари ҷаҳон боздид кардаам ва одат кардаам ба ҷойҳои хуб бар гардам. Тоҷикистон беҳтарин кишвар аст. Тоҷикон меҳмоннавозтарин мардуми дар паҳнои Шуравии пешин ҳастанд", — гуфт ин гардишгар.

Горы в Таджикистане
© Фото : из личного архива Антона Кротова
Горы в Таджикистане

Дар охирин сафари худ Антон бо гурӯҳе аз гардишгарон ду ҳафта дар ноҳияи Мурғоб ба сар бурд. Вай барои вуруд ба қаламрави вилояти мухтори Кӯҳистони Бадахшон иҷозатномаи ҷудогонае ҳам дарёфт кардааст.

"Албатта шумораи хориҷиёне, ки хостори боздид аз Тоҷикистон ҳастанд, афзудааст. Мушкил ин аст, ки барои боздид аз бархе аз ноҳияҳои Тоҷикистон бояд иҷозаи вуруд гирифт. Масалан, дар Қирғизистон чунин мушкил нест, барои ҳамин шумораи гардишгарон дар он ҷо бештар аст", — тавзеҳ дод Кротов.

Ин гардишгар дар гуфтугӯ борҳо аз меҳмоннавозии тоҷикон ёдоварӣ кард. Ҳар ҷое, ки гардишгар мерафта, ӯро чун меҳмони азиз пешвоз гирифта чойу шириниву ҷои хоб пешниҳод мекарданд. Ба гуфти Антон, ҳатто агар мардум зиндагии миёнҳолона дошта бошанд ҳам, кӯшиш мекунанд, ҳамеша меҳмонро ғизо диҳанду бо ӯ суҳбат кунанд.

"Мардуми бумӣ ҳамеша омодаанд гардишгарро ба  хонаашон даъват кардаву чойу ширинӣ пешниҳод кунанд. Агар дар кӯчае гашту гузор кунӣ мардум ба наздат омада мепурасанд, ки аз куҷоӣ ва ин ҷо чӣ кор мекунӣ. Аксари мардум аз шунидани гуфтори русӣ бисёр шод мешаванд", — нақл кард Антон.

Ба гуфти Кротов, дар Тоҷикистон натанҳо меҳмоннавозӣ дар сатҳи олист, балки ройгонсаворӣ ё автостоп ҳам хеле хуб аст. Ӯ мегӯяд, на ҳама мардуми бумӣ маънои "автостоп"-ро медонанд, вале розӣ мешаванд, гардишгаронро бепул ба мақсад бирасонанд. Агар ройгон ҳам нашуд, арзон мебаранд.

Таджикские деньги, архивное фото
© Фото : из личного архива Антона Кротова
Таджикские деньги, архивное фото

"Нархро на танҳо дар бозорҳо, балки дар ҳамаҷо метавон арзон кард. Дар Тоҷикистон чона задан дар савдоро бисёр дӯст медоранд ва бо камоли майл чона мезананд", — афзуд Кротов.

Ин гардишгарро аз Қирғизистону Узбакистон ҳам хуш омадааст, вале Кротов иқрор мекунад, ки гардишгарӣ дар Узбакистон мушкилтар шуда, зеро маҳдудиятҳо бештар шудаанд. Масалан, акс гирифтан аз бисёре аз маҳаллҳо мамнуъ шудааст.

Дар бораи нақшаҳои оянда Кротов бо боварӣ мегӯяд, ки пас аз панҷ сол ҳатман ба Тоҷикистон бар мегардад.

"Ман дар маконҳои гуногун ба сар мебарам. Ҳуҷра ё манзилеро барои зист иҷора мегирам. Масалан дар Душанбе ва Мурғоб зиндагӣ кардаам. Пас аз панҷ сол — дар соли 2022 нақша дорам дар Хоруғ зиндагӣ кунам", — хулоса кард гардишгар.

857
Барчаспҳо:
гардишгарӣ, мушкилот, Антон Кролов, Тоҷикистон
Награждение, архивное фото

Қадрдонии шоири тоҷик бо нишони "Наследие"

497
(Таҷдидшуда 16:52 23.11.2020)
Шоир ва рӯзноманигори тоҷик Карим Ҳайдар ба медали иттифоқи нависандагони Русия "Наследие" сазовор гардид

ДУШАНБЕ, 23 ноя — Sputnik. Шоир ва сармуҳаррири барномаҳои ахбори телевизиони "Тоҷикистон", Карим Ҳайдарро бо ситораи "Наследие" - 2020 қадрдонӣ мекунанд.

Қарори мукофотонидани шоири тоҷик дар Иттифоқи нависандагони Русия қабул гардид.

Ба гуфти шоир, ин мукофот дар маросими ҷоизасупории "Наследие" ба ӯ дода мешавад. Ин маросим баҳори соли 2021 бо ширкати фаъоли ҷамъиятӣ Мария Романова баргузор мешавад.

Қайд мекунем, ки ин дуввумин ҷоизаи шоир дар соли 2020 мебошад. Пештар шоир ва рӯзноманигори тоҷик Карим Ҳайдар ба медали иттифоқи нависандагони Русия "Сергей Есенин" сазовор гардид.

Шоири тоҷик Карим Ҳайдар ба медали "Сергей Есенин"-и Русия сазовор шуд

Шарҳи ҳоли Карим Ҳайдар

Карим Ҳайдар 6 январи соли 1961 дар Истаравшан дар оилаи рӯзноманигор Раҳим Ҳайдар таваллуд шудааст.

Шоир узви Иттифоқи нависандагон, Иттифоқи рӯзноманигорон ва аълочии телевизион ва радиои Тоҷикистон мебошад.

Соли 1983 факултаи забон ва адабиёти руси донишгоҳи давлатии Хуҷандро хатм карда, аз соли 2006 дар шабакаи телевизиони "Тоҷикистон" фаъолият мебарад.

Карим Ҳайдар муаллифи маҷмааҳои шеърии "Садои аҷдодон" ("Голоса предков"), "Қиссаи Ҳисор", ҳикояву очеркҳо мебошад, ки бештарагон дар маҷмааҳои кишварҳои ИДМ мунташир шудаанд.

Ӯ суруди миллии Тоҷикистонро ба забони русӣ тарҷума кардааст ва муаллифи филмҳои мустанади Роберт Рождественский", "Тимур Зулфиқоров", "Михаил Синелников - шоир ва тарҷумон" мебошад.

Гулчине аз ҳаёту эҷодиёти устод Гулназар Келдӣ-тасвирбаён

Афзун бар ин, Карим Ҳайдар барои  Донишгоҳи славянии Тоҷикистону Русия гимн навиштааст.

Бо медалҳои "Хизмати шоиста" ва  МГТРК "Мир" мукофотонида шудааст. Карим Ҳайдар соли 2018 ордени дараҷаи якуми "Достаевский"-и Русияро гирифта буд.

497
Барчаспҳо:
нишон, медал, шоир, Карим Ҳайдаров
Сцена из спектакля «Тартюф» (реж. Б. Миралибеков) Государственного таджикского русского драматического театра имени Вл. Маяковского. Фестиваль русских театров в Москве

Чӣ гуна ҳунармандони Душанбе тамошобинони Маскавро тасхир карданд

296
(Таҷдидшуда 11:50 21.11.2020)
Театри русизабони Тоҷикистон тавонист дар даврони ҳамагирии коронавирус тамошобинони Маскавро бо саҳнаҳои классикӣ шод кунад

ДУШАНБЕ, 21 ноя — Sputnik. Сафари ҳунарӣ дар шароити пандемия мушкил аст - марзҳо баста ё замони убури сарҳад риояи карантин ҳатмӣ мешавад.

Дар пасманзари баста будани парвозҳои мунтазам миёни Тоҷикистону Русия сафари ҳунарии хориҷ чанд маротиба лағв мешуд, вале дар охир кормандони театри ба номи В. Маяковский тавонистанд ба Русия бирасанд.

"Мо то охир умед доштем, ки метавонем биёем. Вале рӯзҳои охир вақте гуфтанд, ки дар Русия маҳдудиятҳо ҷорӣ мешаванд ва баргузории барномаҳои фарҳангӣ манъ мешавад, дар воқеъ хавотир шудем. Вале мо тамринро идома медонем ва бо дастгирии ВУХ Русия ва сафорати Тоҷикистон дар Маскав мо тавонистем сафар кунем", - нақл мекунад, ҳунарманди шоистаи Тоҷикистон, директори театри Маяковский Мунира Дадаева.

Вале ҳамагирии коронавирус тағйироти худро ворид кард. Ҳунармандон дар доираи ҷашнвораи "Сафарҳои бузург" бояд дар Ярославл, Киров ва Йошкар-ол ду саҳнаро бозӣ мекарданд. Вале дар ватани театр шаҳри Ярославл ба далели маҳдудияти карантинӣ баргузории барномаҳои фарҳангиро манъ карданд ва сафарро ба Маскав ба саҳнаи театри Еt Cetera ва "Современник", яке аз театрҳои машҳури кишвар гузарониданд.

Албатта бозӣ кардан дар театри Маскав дар шароити нав баргузор шуд - яъне толор бояд танҳо 25 дарсад пур мешуд ва ин навгониҳо ҳунармандонро ҳаяҷонзада кард.

"Албатта ҳар ҳунарманд мехоҳад дар толори пура за тамошобинон ҳунарнамоӣ кунад. Вале маълум аст, ки дар сурати ба саҳна баромадан тамошобинон чӣ гуна ҳунармандро пешвоз мегиранд. Ва моро толор бисёр гарм ва самимӣ пешвоз гирифтанд, - мегӯяд Дадаева. Росташро мегӯям - ҳайрониҳо буданд. Дар саҳнаи театри Лоҳутӣ девораҳо ба таври дигар гузошта шудаанд ва мо маҷбур шудем бархе аз лаҳзаҳои саҳнаро каме дигар ба саҳнаи ин ҷо мутобиқ кунем. Албатта мо ҳаяҷонзада шудем. Ин ку театри "Современник" аст. Хушбахтона ҳамааш хуб гузашт, умедворам ба маскавиҳо низ писанд омад".

Моҳпайкар Ёрова. Акс аз бойгонӣ
© Фото : Из личного архива Мохпайкар Еровой

Саҳна натанҳо ба маскавиҳо балки ба дигар тамошобинон низ, ки ҳунармандони тоҷик намоиш доданд, писанд омад. Ҳам ҳунармандон ва ҳам костюмерҳо аз таҳти дил кӯшиш кардаанд. Пӯшокҳои асри миёнаро чунон моҳирона омода кардаанд, ки рӯҳияи он замонро нишон медиҳад. Нақшҳои асосиро дар намоишнома ҳунармандони машҳури Тоҷикистон - Мустафоев, Ярмолик, Шукурова, Мурзинов, Андамбеков, Дадаева ва Бобоев бозиданд.

"Мардуми Киров моро бисёр гарм истиқбол карданд. Толорҳои пур аз тамошобинон моро барои бозӣ рӯҳбаланд мекарданд, то Тоҷикистонро бо ифтихор муаррифӣ кунем", - гуфт ҳунарманд Мустафоев бо таассуф аз он, ки танҳо ду маротиба саҳна намоиш дода мешавад.

Барои ҳунармандони ҷавон сафар ба Русия нахустин сафари ҳунарӣ буд ва намоишномаи театри ба номи Маяковский аз саҳнаи аслияш каме фарқ мекард.

"Мо "Ҳамлет" ва "Тартюф" - ро ба таври муосир рӯи саҳна гузоштем, махсусан пӯшокҳо ва декоратсияҳо. Ё масалан намошномаи Молер, ки ҳама дидани як персонаж Тартюфро одат кардаанд, вале дар намоишномаи мо ду персонаж нақш офарид. Дар умум зимни ҳунарнамоӣ дар назди тамошобинони Маскав ҳаяҷонзада мешавӣ, чун талаботи мардуми ин ҷо бештар аст. Мо доим ба ҳар намоиши худ хуб омодагӣ мебинем, вале ин ҷо ҳаяҷон бештар аст", - гуфт дар суҳбат бо Sputnik Тоҷикистон директори театр.

Ба гуфти ӯ ширкат дар фестивали "Болшие гастроли" - (Сафарҳои бузург) дар давраи ҳамагирии коронавирус дар воқеъ як нафаси тоза аст. Коронавирус натанҳо ба кори театр таъсир кард, балки ба барномаи онҳо низ тағйирот ворид намуд. Ҳамин тавр, ин замон дар театр саҳнаҳо барои кӯдакон ба намоиш гузошта намешаванд, чун волидон аз тарси сироят шудан ба коронавирус фарзандонашро дигар ба театр намебаранд.

Вале тарафи хубияш ҳам ҳаст. Ба мавҷи дуюми коронавирус нигоҳ накарда, тамошобинон пас аз чандин моҳи танаффус ташнаи ҳунар шудааанд ва эълонҳоро бодиққат пайгирӣ мекунад.

296
Барчаспҳо:
Маскав, тамошобинон, Театри Маяковский, театр
Зима в городе Душанбе

Борону барф меборад: пешбинии обуҳавошиносони Тоҷикистон барои имрӯз

0
(Таҷдидшуда 10:08 25.11.2020)
Имрӯз дар ҷумҳурӣ ҳаво абрнок шуда, дар ноҳияҳо борон ва барф меборад, гузориш медиҳанд обуҳавошиносони Тоҷикистон

ДУШАНБЕ, 24 ноя — Sputnik.  Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво абрнок шуда, дар баъзе ноҳияҳо бориши борон ва барф ба амал меояд. Шамол аз самти ғарб бо суръати 3-8 метр дар як сония мевазад. Ҳаво дар ғарби вилоят   шабона 1-6 дараҷа хунук мешавад.

Рӯзона ҳаво аз 2 дараҷа хунук то 3 дараҷа гарм мешавад. Дар  шарқи вилоят  ҳаво шабона 12-17 дараҷа хунук ва рӯзона  2-7   дараҷа хунук мешавад.

Ҳаво дар вилояти Суғд  тағйирёбанда шуда, дар ноҳияҳои алоҳидаи кӯҳӣ бориши борон ва барф дар назар аст. Шамол аз самти ғарб бо суръати 3-8 метр дар як сония мевазад. Ҳаво  дар водиҳо шабона 1-6 дараҷа  хунук ва рӯзона 1+6 дараҷа гарм мешавад.

Дар ноҳияҳои кӯҳӣ ҳаво шабона  3-8 дараҷа  хунук ва рӯзона аз 3 дараҷа  хунук то 2 дараҷа гарм мешавад.

Дар вилояти Хатлон  ҳаво абрнок шуда, борон ва барф меборад.  Шамол аз самти ғарб бо суръати 3-8 метр дар як сония мевазад. Ҳаво дар водиҳо шабона аз 1 дараҷа хунук то 4 дараҷа гарм ва рӯзона 2+7 дараҷа  гарм  мешавад.

Дар  доманакӯҳҳо ҳаво шабона 1-6 дараҷа хунук ва рӯзона аз 2+7 дараҷа гарм мешавад.

Дар шаҳру ноҳияҳои тобеи марказ ҳавои абрнок шуда, боридани борон ва  барф пешбинӣ шудааст. Шамол аз самти ғарб бо суръати 3-8 метр дар як сония  мевазад. 

Сардиву барфу борон: ҳушдори обуҳавошиносон ва тавсияҳои КҲФ Тоҷикистон

Ҳаво  дар водиҳо  шабона аз 3 дараҷа хунук  то 2 дараҷа гарм ва рӯзона 2+7 дараҷа гарм мешавад.  Дар ноҳияҳои кӯҳӣ ҳаво шабона 4-9 дараҷа хунук ва рӯзона аз  1 дараҷа хунук то 4 дараҷа гарм мешавад.

Дар  шаҳри Душанбе ҳаво абрнок шуда, борон ва барф меборад. Шамол аз самти ғарб бо суръати 3-8 метр дар як сония мевазад. Ҳарорати ҳаво шабона аз 1 дараҷа хунук то 1 дараҷа гарм ва рӯзона  3+5 дараҷа гарм мешавад.

 

 

 

0