Муҳаббат Кимсанова, акс аз бойгонӣ

Рақс дар рӯзи мотам: Қиссаи 22 соли муҳоҷирати Муҳаббат Кимсанова дар Русия

1364
(Таҷдидшуда 16:58 24.11.2017)
Муҳаббат Кимсанова – зани тоҷикест, ки тайи солиёни зиёд дар Русия истиқомат мекунад. Бонуест, ки дар як шаҳри хурдакаки Русия маъруф ба ЗАНИ ТОҶИК гаштааст- гоҳе дар саҳнаҳо рақс мекунаду гоҳе нақш мебозад

ДУШАНБЕ, 24 ноя — Sputnik, Фарида Бобоҷонова. Муҳаббат Кимсанова яке аз камшумортарин муҳоҷирони тоҷик аст, ки чун дигар ҳамватанонаш ба хотири пешбурди рӯзгор рӯ ба ғарибӣ овард, аммо баробари он тавонист, ки  аз Ватан фарҳангу маданияташро савғо биёрад. Ӯ дар шаҳри Радужнии вилояти Тумен 20 сол кору зиндагӣ карду бо сокинони  шаҳр дӯсту бародар шуд. Ӯ дар шаҳри русӣ  ҷашни "Наврӯз"-ро ташкил карду акнун 6 сол аст, ки сокинони чандмиллиятии шаҳр як ҷашни дигар доранд, ӯ кӯдакони русро рақси тоҷикӣ омӯхт, акнун онҳо шеъри тоҷикӣ медонанд…

Имрӯз Sputnik Тоҷикистон ба хонандагон як чеҳраи дигарро шинос мекунад, ки ба хотири ҳамватанону  пешбурди фарҳанги тоҷикӣ ҳатто дар рӯзе, ки матам дошт,  ба саҳна баромад ва рақс кард.

Волидон, зодгоҳ ва муҳоҷират

— Муҳаббат Кимсанова,  чӣ хеле ки мегӯянд, сухан аз даҳони Луқмон хуш аст, худро муаррифӣ мекардед…

— Салом алейкум,  зодгоҳи ман яке аз деҳаҳои зебоманзари Тоҷикистон- деҳаи Маҳрами шаҳри Конибодом  аст. Падарам- Солибой Кимсановро мардум ба хубӣ мешиносанд ва эҳтиром мекунанд. Модарам, Худо раҳмат кунад, Гавҳархон  Шукурова, ки ҳамдеҳагонамон Гавҳар — духтур ном дода буданд. Рӯҳашон шод бод, он кас дар  бемористони деҳамон ҳамшираи шафқат шуда кор мекарданд ва берун аз он ба тамоми сокини деҳа кӯмаки худро дареғ намедоштанд. Маълумотам олист. Тахассусам муалими забон ва адабиёти русӣ аст. То соли 1996 дар филиали Донишгоҳи технологи Тоҷикистон дар Хуҷанд ба ҳайси муовини мудири китобхона кор мекардам. Оиладор ва соҳиби се фарзанд ҳастам.

— Чӣ шуд, ки ба Русия омадед?

— Соли 1996-ум бароям  соли мушкиле буд. Ҳамон сол  фарзандамро гирифта, назди хоҳарам ба шаҳри Радужний омадам. Фикр мекунам, он вақтҳо ба ҳама мушкил буд.  Ҳамин мушкилии иқтисодӣ маро ҳам ба Русия овард.

— Шуморо имрӯз ҳамон рақси тоҷикиатон бо кӯдакони рус машҳур кардааст. Дер боз дар соҳаи маориф кор мекунед?

— Не, ман аз соли 1996 то соли 2016 дар яке аз шаҳрҳои беҳтарини Русия-Радужний дар вилояти Тумен зиндагӣ мекардам.  Аммо ман аз аввал корманди соҳаи мариф набудам: 4 сол дар як ташкилот кор кардам,  14 сол дар бемористон ба ҳайси ҳамшираи шафқат кор кардам. Баъд соли 2013 дар боғчаи  "Родничок"- шаҳри Радужний  омадам.  Ҳоло якуним сол мешавад, ки дар шаҳри Нижневартовск, дар  боғчаи "Золотая рыбка" ба ҳайси мураббӣ кор мекунам.

Мухаббат Кимсанова, архивное фото
из личного архива Мухаббат Кимсановой
Мухаббат Кимсанова, архивное фото

Ҷашни Наврӯз ва суманак дар Русия

— Пас фаъолияти иҷтимоиро кай сар кардед?

— Соли 2011 гурӯҳи эҷодии Наврузро ташкил кардем. Аввалин баромади мо  дар моҳи июн, дар иди "Дӯстии халқҳо"  буд. Мо одатҳои тӯёнаи тоҷиконро нишон додем.  Сипас рақси "Остинатро ҷунбода буро"-ро  раққосаҳоямон иҷро карданд. Писари худам, Толибҷон таронаи  "Гул ба даст"-ро суруда буд. Бо қироати шеъре Тоҷикистонро муаррифӣ карда буд.

Вақте ки Толибҷон ин шеърро мехонад, 6 000 аҳолӣ моро тамошо мекарданд. Сипас ба наздаш омада, изҳори миннатдорӣ каданд. Намояндагони дигар халқиятҳо, ки бори аввал бо фарҳанги тоҷикӣ шинос мешуданд бо раққосаҳои миллипӯш акс мегирифтанд. Барои ҷашн  кати калонеро  ҳам гирифта дар рӯяш кӯрпача партофтем. Ҳама мехостанд як бор болои он кат нишинанд. Сипас гурӯҳи эҷодии мо дар ҷашни 70-солагии иди Ғалаба ширкат кард. Ман чанд дақиқаи филми "Тоҷикон дар замони ҶБВ"-ро нашон додам.

— Наврӯзро дар ин шаҳр пештар ҳам ҷашн мегирифтанд?

— Не, бори аввал ман ва муовини мудири фарҳанги шаҳри Радужний ҷашни Наврузро ташкил кардам. Барои ҷашн бо ҳамватанонамон 24 соат суманак пухтаву онро дар рӯзи Наврӯз ба меҳмонон тақсим кардем. Ман пеш аз тақсим кардани хӯрок фаҳмонидам, ки ин хӯроки миллли тоҷикон аст, ки аз қадимулайём мондааст. Ва сипас аз хӯрдани он аз онҳо пурсидам, ки маззааш ба чӣ монанд аст? Ҷавоби онҳо аҷиб буд: касе мегуфт шоколад ва касе кашаи ширин…

Ман ба онҳо фаҳмонидам, ки таркиби ин хӯроки лазиз аслан шакар надорад ва решаи гандуму орд тайёр шудааст. Ҳама дар ҳайрат буданд. Илова намудам, ки пеш аз хӯрдани нияти нек кунанд, амалӣ мешавад.

Ҳоло бошад 4 сол мешавад, ки дар шаҳри Радужний  Наврӯз ҷашн мегирем. Акнун намояндагони миллатҳои гуногун- тоҷикон, озарбойҷониҳо, тоторҳо, доғистониҳо, қазоқҳо ба мо шарик шудаанд.

Мухаббат Кимсанова, архивное фото
из личного архива Мухаббат Кимсановой
Мухаббат Кимсанова, архивное фото

- Барои чӣ аз Радужний ба шаҳри дигар кӯчидед?

— Моҳҳои июни соли гузашта буд, ки тоҷикони маркази фарҳангии "Суғдиёна" —и шаҳри Нижневартовск маро ба ин шаҳр даъват карданд ва ман ҳам қабул кардам.

- Яъне Шумо дар шаҳри Нижневартовск ҳам фаъолияти иҷтимоии худро давом додед?

—  Бале, албатта. Яке аз сабабҳои кӯчидани ман ҳам ҳамин буд. Маро диаспораи тоҷикон аз Маркази фарҳангии "Суғдиёна" (ТНКЦ "СОГДИАНА") даъват карданд ва ҳам рад карда натавонистам. Сипас дар  ин ҷо маро роҳбари гурӯҳи эҷодии "Суғдиёна" таъин карданд.  Мо аз соли 2016 инҷонб дар ҷаҳшнҳо "Дӯстии халқҳо", "Рӯзи фарҳанги миллии мардуми тоҷик дар шаҳри Нижневартовск" фаъолона иштирок мекунем. Бо истифода аз фурсати муносиб мехоҳам ба тоҷикони фаъоли шаҳрамон, ба роҳбари Маркази фарҳангии "Суғдиёна"  сипосгузорӣ кунам.

—  Як рақси шумо бо кӯдакони рус дар интернет хело машҳур шудааст. Ростӣ аз либоси тоҷикии онҳо фикр мекунӣ, ки тоҷик ҳастанд…

— Бале, барои иҷрои рақси "Во вайло" то ҳол ба ман нома менависанд ва ташаккур мегӯянд. Касе аз он кӯдакон тоҷик нестанд. Ҳама кӯдакони рус ҳастанд.

Моя ты таджичка…

— Омӯхтани рақс мушкил набуд, волидонашон чӣ муносибат доранд?

Омӯхтани рақси тоҷикӣ  мушкил набуд Онҳо 4 —5-сола буданд, ва гоҳе баъзе лаҳзаҳои рақсро фаромӯш мекарданд. Волидонашон ба рақси онҳо танҳо ҷонибдорӣ мекарданд.  Ин рақсе, ки дар сомонаи Одноклассники машҳур шудаасту зиёда аз 60 ҳазор кас тамошо кардаанд, дар ҷашни "Дӯстии халқҳо" дар шаҳри Нижневартовск  иҷро шуда буд. Тамошробинон зиёд буданд, аммо ба фикри ман гурӯҳе, ки барои дастгири раққосачаҳои ман омада буданд, бештар буданд. Барои дастгирии як раққосаи гурӯҳамон, ду бобо, ду бибӣ, падару модар ва холаву амакаш омада буданд.  Як раққосаи дигарамон дар пайи машқҳои зиёд супруди "Вовайло"-и Сӯҳроб Отаевро ҳам азёд кардааст. Ҳеҷ аз хотирам намеравад, ки пас аз баромади навбатиамон  падари ин духтарча омада, вайро навозишкунон, "моя ты таджичка" (тоҷикдухтари ман) гуфт.

—  Сару либосҳои миллиро аз Тоҷикистон меоред?

— Не, аз Тоҷикистон овардан бароямон мушкил мешавад. Асосан бо қувваи худ дастрас мекунем. Касе матоъ меёбад ва касе мудӯзад. Мо ҳама бо якдигар ройгон хизмат мерасонам.

  Рақс дар рӯзи мотам

—  Мехоҳам бидонам, ки ин қадар қувваи эҷодкорӣ дар Шумо аз куҷост?

—  Шояд меҳри суруд, рақс ва саҳна аз кӯдаки дар дили ман ниҳон буд. Худо ба дилам андохтааст — чӣ хеле, ки мегӯянд. Ман то имрӯз барои халқам ва барои мауаррифи тоҷикон ройгон хидамат кардам. Ҳарчанд он қадар доро набошам ҳам, баъзан тамоми либосҳои рақсро аз киссаи худам мехаридам. Рақс, саҳна, озмуну барномаҳое, ки ман аввал тарҳрезӣ мекардам, ҳатман кӯшиш мекардам, ки амалӣ кунам. Дар ягон маросим ва ҷашн диаспораи тоҷикон дасти холӣ намеомад. Ҳатман барнома месохт ва хӯроки миллӣ меовард. Падару модарам ҳам доим аз ин кори ман розӣ буданд. Дар ин фаъолияти иҷтимоиам як таҷрибаи талх ҳам дорам: Модарам бемор буданд. Ба Тоҷикистон рафтем ва нигоҳубини модар мекардем. Аз баски ин беморӣ ногаҳонӣ буд, барномаҳои ман дар Радужний нимтайёр монданд. Пас аз як моҳи нигоҳубинӣ модарам дуо доданд, ки ба Русия бар гардам ва аз паси корам шавам. "Хез духтарам, он ҷо туро халқ интизор"- гуфтанд. Ман барои пурра кардани баромадҳо ба роҳ баромдам. Бояд барои ҷашнвораи "Мы вместе" барномаамро омода мекардам. Ба Русия расидаму хабари марги модарам ба ман расид…

Рӯзи 7-ум буд, ки мотам доштам. Ҷашнвораи "Мы вместе" баргузор шуд. Барои он ки тоҷикон дар ин ҷашнвора бе намоянда намонанд, дар сар рӯймол ва дар тан куртаи кабуд ба саҳна баромдам. Баъзеҳо аз ин ҳол маро бо даст нишон доданд, аммо ман бошам, охирон васияти модарамро иҷро кардам, вай кас доим маро дуо медоданд ва мегутфанд, "ту он ҷо лизим ҳастӣ"….

Гиряи арӯси қирғиз

- Пас аз 22-соли зиндагӣ дар Русия зиндагӣ кардед, дар бораи ҳаёти муҳоҷирон чӣ гуфта метавонед?

— На танҳо дар муҳоҷират, ҳатто дар Ватан ҳам рушду камоли ҳар кас ба худи ӯ вобаста аст. Асосаш дар муҳоҷират тоҷикони мо бояд дар доираи қонун амал карданро ёд гиранд ва сипас ҳаммаш хуб мешавад. Ман 22 сол мешавад, ки дар муҳити кишвари дигар зиндагӣ мекунам. Лекин худро ёфтам ва худро СОХТАМ. Маро ҳатто ҳангоми аз як шаҳр ба шаҳри дигар рафтан, худи раиси шаҳр гусел кард. Ин барои ман ҳамчун зани тоҷик як ифтихори миллист, ифтихори калон аст. Тоҷиконе ки ман во хӯрдам, дар Русия ҳама инсонҳои хуб буданд. Мо тавонистем, ки фарҳанги миллати дигарро қабул кунем баробари он фарҳанги худро рушд диҳкему ба дигарон нишон диҳем ва маро хуб қабул ҳам карданд. Барои муносибатҳои неки ду кишвар- Русия ва Тоҷикисон ба раисҷумҳури Тоҷикистон  Эмомалӣ Раҳмон ва раисҷумҳури Русия Владимир Путин изҳори миннатдорӣ баён мекунам.

Медонед, ман илова бар рақсу муаллимиву духтурӣ боз дар тӯйҳо барандагӣ ҳам кардаам. Ҳоло як воқеа ба ёдам омад. Рӯзе ду шаҳрванди Қирғизистон дар шаҳри Радужний тӯй доштанд. Маро даъват карданд, ки баранда шавам. Қабул кардам. Азбаски оилаи нодор буданд, гуфтам, хуб ройгон  хизмат мекунам. Лекин.. Тӯй сар шуд. Ҳамаш хуб мегузашт. Ман ҳамроҳам ҳофиз ҳам бурда буам, ки тоҷик буд. Азбаски забони узбекӣ ба қирғизӣ наздик аст, ҳофизи мо каме сурудҳои узбекӣ ҳам хонд. Аммо ногоҳ гиряи арӯс маро шигифтзада  кард. Чӣ шудааст? Ҳама ҳайрон буданд. Маълум шуд, ки арус суруди қирғизӣ мехостааст. Домод хоҳиш кард, ки суруди қирғизӣ хонем. Хушбахтона дар флешка сурудҳои узбекӣ бурда будам. Бо ҳамин тӯйро гузаронидем…

Мехоҳам духтарам дар барномаи "Голос" ширкат кунад

— Мехоҳед, ки фарзандонатон роҳи шуморо интихоб кунанд?

Духтарам,  Гулнора 11 сола аст. Ӯ аз синни сесолагӣ рақс мекунад ва суруд мехонад. Дар озмуне дар шаҳри Нижневартовск дар байни 67 иштироккунанда ҷойи севвумро гирифта буд. Мехоҳам ин истеъдоди фарзандамро рушд диҳам. Орзу дорам, ки рӯзе духтарам дар озмуни "Голос"  иштирок кунад. Умуман ман ҳамавақт бо фарзандонам Толибҷон, Алишер ва Гулнора дар саҳна ҳастам. Баъзан онҳоро маҷбур мекунам, ки бо забони тоҷикӣ баромад кунанд.  Мо дар озмуни оилавуии "Ухты" дар байни 200 оила ҷойи дуввумро гирифтем.

Мухаббат Кимсанова, архивное фото
из личного архива Мухаббат Кимсановой
Мухаббат Кимсанова, архивное фото

- Чӣ нақшаҳо доред?

— Нақшаҳо зиёданд. Асос амалӣ кардани онҳрост. Мехоҳам дар ҷашни Дӯстии халқҳо рақси "Эй санам"-ро ба саҳна гузорам.  Фикр мекунам ин дафъа ҳам ба ман муяссар мешавад, ки ин рақсро бо духтаракони худ иҷро кунам. Ягона мушкилие, ки дорем, ин сару либоси рақсӣ аст, ки бештар барои дастрас кардани он мо ба мушкилӣ дучор мешавем. Ҳарчанд ин ҳама корҳои ҷамъиятии мо ройгон аст, аммо мо ниёз ба пуштибонии ҳамватанонамон дар баъзе масъалаҳо дорем. Масъалан ҳозир ман чанд барномаро дар сарам тарҳрезӣ мекунам. Аммо фикр карда дидам, ки барои амалӣ карданӣ он бароям каме вақти берун аз кор, ва малбағ лозим аст.

— Ташаккур барои суҳбати самимӣ!

— Ба Шумо ташаккур!

1364
Барчаспҳо:
рақс, дуо, модар, суманак, тоҷикон, Наврӯз, фарҳанг, Муҳаббат Кимсанова, Русия-Тоҷикистон
Пробирка с тестом на коронавирус

Нури лазерӣ: Ғуломов дар бораи усули нави табобати COVID - 19, ки дар худ санҷидааст

1071
(Таҷдидшуда 16:02 05.06.2020)
Мудири шуъбаи ҷарроҳии МД "Ёрии таъҷилии тиббӣ"-и шаҳри Душанбе Лоиқ Ғуломов мегӯяд, нури лазерӣ ба тезондани табобати бемории "COVID-19" ёрӣ мерасонад

ДУШАНБЕ, 5 июн – Sputnik. Мудири шуъбаи ҷарроҳии МД "Ёрии таъҷилии тиббӣ"-и шаҳри Душанбе Лоиқ Ғуломов дар мусоҳибаи бо сармуҳаррири МД "Маҷаллаи Фирўза" Саодат Ҳайдарзода, ки Вазорати фарҳанг нашр кардааст, дар бораи усули нави табобати коронавирус дар Тоҷикистон нақл мекунад.

Вазъи имрӯзаи каронавирус дар Тоҷикистон

Ба гуфти пизишк, хушбахтона, сустшавии авҷи ин беморӣ ҳам дар Тоҷикистон ва ҳам дар як қатор мамолики хориҷӣ ба назар мерасад. Дар ҳафтаҳои охир муроҷиати одамон ба муассисаҳои тандурустӣ то андозае кам шуда истодааст ва фавт ҳам хеле кам ба назар мерасад.

Ғуломов ҳолати табобати маризони коронавирусро дар МД "Ёрии таъҷилии тиббӣ"-и шаҳри Душанбе шарҳ дод.

Ӯ мегӯяд, бемороне, ки ба "COVID-19" гирифтор шудаанд, ҳамзамон метавонанд ба бемории дигар узвҳои ковокии батн гирифтор шаванд. Дар беморхонаи «Ёрии таъҷилӣ»-и тиббии шаҳри Душанбе барои пешгирӣ ва табобат кардани ин беморон ҳуҷраҳои алоҳида ҷудо карда шуда, табибону ҳамшираҳо бо либосҳои яккарата ва доруворӣ таъмин мебошанд. Ягон фарқияте дар табобати онҳо дида намешаванд ва ягон хусусияти махсус ҳам надорад ба ғайр аз чораҳои пешгирикунанда.

Барои ҳамин тавсия додан мумкин аст, ки ҳам табибон ва ҳам аҳли байти бемор бояд ба таҳлука дода нашаванд. Наҳаросида метавонанд хабар гиранд. Танҳо бо истифода аз либосҳои махсус, ниқоб ва ғайраҳо.

Нури лазерӣ

Ба гуфти пизишк, тибби муосир якчан усулҳои пешгирӣ ва табобати ин бемориро исбот кардааст ва ба роҳ мондааст. Аммо новобаста аз ин дар тиб усулҳое ҳаст, гарчанде, ки кашф шуда бошанд ҳам айни ҳол маъмул истифода бурда намешаванд. Яке аз онҳо ин табобати лазерӣ мебошад.

Табобати лазерӣ ба тамоми табибон маълум аст, ки он хусусиятҳои зеринро дорост:

  • Ҳуҷайраҳое, ки доим бар зидди вирусҳою бактерияҳо муқовимат нишон медиҳанд. Ин ситокинҳо ва интерферонҳо мебошанд ва гузаронидани табобати лазерӣ ин усулро метезонад.
  • Дар хун ҳуҷайраҳое ҳаст, ки бо номи фагоситҳо машҳуранд. Ин фагоситҳо дилхоҳ ҷисми бегонаро дар хун несту нобуд месозад ва барои фаъол сохтани он табобати лазерӣ лозим аст.
  • Барои пешгирӣ ва табобати бемории «COVID-19» пурқувватии организм нақши муҳим мебозад. Бо ин мақсад мо бояд гардиши хунро хуб кунем. Ба тамоми табибон маълум аст, ки гузаронидани табобати лазерӣ макро ва микросиркулятсия дорад ва он гардиши хунро дар бофтаҳо хуб мегардонад. Агар мо лазератерапияро истифода барем, гардиши хуни ин беморон ва ё шахсоне, ки ба бемории музмин гирифторанд ва гардиши хунашон суст аст, онро фаъол гардонем, ин гуна шахсон ба ин беморӣ мубтало намегарданд.
  • Сабаби фавти чунин беморон ин бештар лахташавии хун мебошад. Барои он, ки хун лахта нашавад, мо бояд дору истифода кунем ва ё метавонем дар шароити имрўза табобати лазерӣ гирем. Зеро вақте, ки гардиши хун хуб мешавад лахташавии хун муътадил мегардад. Дар ин ҳолат одам намефавтад.

Лазератерапияро чӣ тавр мегузаронанд?

Ғуломов мегӯяд, табобати лазератерапия бениҳоят осон аст ва гуфтан мумкин аст, ки нисбати дигар усулҳое, ки истифода бурда шудааст ин натиҷабахш аст. Дастгоҳи махсус ҳаст, ки дар он нурҳои лазерӣ ҷой карда мешавад ва ба воситаи ҳамин дастгоҳ ин нур ба воситаи сўзандору вориди ҷисми бемор гардонда мешавад ва дар муддати аз 2 то 5 дақиқа бемор табобатро қабул мекунад ва нурҳои лазерӣ ба воситаи ҷараёни хун ба тамоми организм таъсири худро мерасонад.

Хуб аст, ки ин усулро 5 маротиба, яъне 1 рўз пас, давоми 10 рўз табобат кунанд. Мо медонем, ки ҳамин дастгоҳ қариб дар тамоми муассисаҳо, алалхусус, дар муассисаҳои тандурустии шаҳри азизамон Душанбе мавҷуд аст. Лекин ҳамчун усули пешгирикунанда нисбати бемории «COVID-19» ва ин усули табобат дар марҳилаҳои аввал гуфта метавонам, ки айни замон танҳо дар Беморхонаи «Ёрии таъҷилӣ»-и шаҳри Душанбе ба таври васеъ истифода бурда шуда истодааст. Ва натиҷабахш ҳам ҳаст.

Шахсан худам ва якчанд нафар хамкасбон бо мақсади пешгирӣ ҳамин усулро дар худ истифода бурдем. Баъди пурра боварӣ ҳосил кардан дар бадани якчанд бемор низ истифода намудем. Хушбахтона, ягон нафар аз онҳое, ки ҳамин табобатро гирифтаанд, дучори бемории COVID-19 нашудаанд. Айни ҳол тақрибан ду ё се моҳ гузаштааст аз ин таҷриба ва барои хулоса баровардан каме бармаҳал аст.

Табобати лазерӣ ба бемороне, ки аллакай дучори ин беморианд, ёрӣ мерасонад?

Ғуломов мегӯяд, дар марҳилаҳои аввали табобати гирифторони коронавирус, истифода бурдани табобати лазерӣ имкон дорад. Чунки норасогии узвҳо ба таври ҷиддӣ ба назар намерасад. Хуб мешавад, ки истифода кунанд. Табобати лазерӣ ҳамчун усули пешгирикунанда ва ҳамчун усули табобаткунанда дар ҳамин беморон бениҳоят қулай аст.

Пизишк мегӯяд муттассифона чунин усул дар дигар муассисаҳои табобатӣ истифода намешавад.

"Гарчанде, ки ин усул дар тиб кашф шуда бошад, ҳам истифодаи васеи худро дар тиббӣ муосир наёфтааст. Тавсияи мо ҳам ҳамин аст, ки ин усул маъмултар истифода бурда шавад. Табобати лазерӣ як қисмати рисолаи номзадии илмии ман мебошад, ки ҳоло рафта истодааст. Табобати лазерӣ дар одамоне, ки мубталои санги талхадон ҳастанду бинобар сабаби бисёр бемориҳои ҳамрадиф доштан, беҳисгардонӣ (наркоз) карда намешаванд".

Дар марҳилаи аввал дар зери назорати ташхиси ултрасадоӣ талхадони онҳо сабуктар мегардад ва барои пурқувват шудани системаҳои организм табобати лазерӣ мегузаронем ва онҳо қувват пайдо мекунанд, ки барои беҳисгардонидан бардошт кунанд.

Дар марҳилаи дуюм ҷарроҳӣ мегузаронем. Агар дар марҳилаҳои ниҳоӣ норасогии нафас ба назар нарасад зери дастгоҳи сунъӣ будан дигар муҳим нест. Чунки норасогии дил дар он вақт ба назар мерасад. Дар марҳилаи декампитсионӣ, норасогии ҷигар ба назар мерасад, ки дар ин маврид ҳам мумкин нест", - шарҳ медиҳад Ғуломов.

Табиби тоҷик мегӯяд, одамоне, ки бемории пеллагра, бемориҳои музмин дар марҳилаҳои ниҳонӣ, одамони гирифтори васкулити геморригӣ дар марҳилаи ниҳоӣ, гирифторони серози ҷигар дар марҳилаи ниҳоӣ, норасогии кори гурдаҳо дар марҳилаи ниҳоӣ доранд, наметавонанд бо усули нури лазерӣ табобат шаванд.

Табиб мегӯяд, дар Тоҷикистон хушбахтона тамоми чораҳои бартарафкунанда гузаронида шуд ва айни замон барои пешгирии шахсоне, ки ба ин беморӣ дучор шудаанд, имкон аст, ки ба табобати пурраву мукаммал фаро гирифта шудааст.

Чунин беморон аслан дорувории зиддивирусӣ, зиддимикробӣ ва табобати индивидуалии худро қабул мекунанд ва аз рӯи тақсимот бемороне, ки сабук ҳастанд, метавонанд дар хона табобат гиранд ва бемороне, ки норасогиҳои узвҳо доранд, ҳатман табобати статсионарӣ, (беморхона) табобат мегиранд.

1071
Мавзуҳо:
Пайомадҳои COVID-19 дар Тоҷикистон ва ҷаҳон
Мадина Акназарова

Аз кулчапазӣ то нашри нахустин суруд ба забони шуғнонӣ: Мадина дар замони COVID - 19

2218
(Таҷдидшуда 18:24 01.06.2020)
Мадина Ақназарова ахиран суруди ҷадиди худро ба забони шуғнонӣ зери унвони "Рози дил" пешкаши мухлисонаш кард

ДУШАНБЕ, 1 июн — Sputnik, Нилуфар Некқадам. Мадина Ақназарова сарояндаи ҷавон ва машҳури эстрадаи тоҷик, дар суҳбат бо Sputnik Тоҷикистон дар бораи нашри суруди нахустинаш ба забони шуғнонӣ ва ҳамагирии COVID - 19 нақл кард.

Ба гуфти Мадина вақте рӯзҳои аввал дар бораи COVID - 19 сухан мекарданд, дар Душанбе ҳамаро тарсу ваҳм фаро гирифта буд, вале пас аз чанде ҳамаҷо ором шуд.

"Наздик ба якуним моҳ мешавад, ки мо дар хона нишастаем. Худро эҳтиёт мекунем. Шукри Худо ҳамаи аҳли хонаводаамон дурусту бардаманд", - гуфт Мадина.

Сарояндаи ҷавон дар даврони ҳамагирӣ нахустин суруди худро ба забони шуғнонӣ (пештар ӯ суруде бо номи "Ҷону дилам" нашр карда буд, ки танҳо қисме аз суруд ба забони шуғнонӣ сароида шуд) таҳти унвони "Рози дил" нашр ва пешкаши мухлисонаш кард.

Суҳбати Мадина: аз ишқ дар маршировка то муҳоҷирату пулёбӣ ва ҷарроҳии пластикии ситораҳо

Дар бораи нашри ин суруд Мадина мегӯяд аз дер боз мақсад дошт, суруде ба забони модариаш - шуғнонӣ бисарояд, вале суруди мувофиқи дилашро пайдо накарда буд.

"Вақте ман навори қадимиеро тамошо кардам, ки дар он се духтари ҷавон ҳамин суруди "Рози дил"-ро иҷро мекарданд, ман дарҳол онро писандидам ва ба худ гуфтам, ки ман албатта ин сурудро месароям", - нақл кард Мадина ва афзуд, ки аслан ӯ сурудеро интихоб мекунад, ки ба дилаш наздик бошад.

Ӯ гуфт чун матни суруд  бештар мувофиқи сарояндагон - мардон аст, тасмим гирифт матни онро каме тағйир диҳад.

"Ростӣ иҷро кардани суруди бадахшонӣ кори осоне нест. Бояд баландии овоз нота ва ҳамааш мувофиқ бошад. Вале ин суруд ба ман бо тамоми нозукиҳояш мувофиқ омад. Танҳо матнашро ҷой ҷое барои овози духтар мувофиқ кардем", - гуфт Мадина ва афзуд, ки муаллифи ин сурудро пайдо накард, чун яке аз сурудҳои қадимии мардуми Бадахшон ҳаст ва онро суруди халқӣ унвон кард.

Ба ҷавонон муаррифӣ кардани суруди пешинро Мадина аз далели дигари интихоби сурудаш гуфт.

Суруди нави Мадина рӯзи 30 май дар саҳифааш дар шабакаи Youtube нашр шуд. То имрӯз ин сурудро беш аз 39 ҳазор кас шунида ва зиёда аз якуним ҳазор нафар писандидааст.

Аз ҳамагирии коронавирус ёдоварӣ карда, Мадина мегӯяд вақти мувофиқест барои пухту паз барои аҳли хонавода ва сабти наворҳои шӯхиомез.

Дар саҳифаи Мадина дар инстаграм наворе нашр шудааст, ки ӯ дар он тари омода намудани кулчаро аз аввали кор то охир намоиш додааст. Аз навор бар меояд, ки Мадина кадбонуи хубе ҳаст.

Посмотреть эту публикацию в Instagram

Таёри ба Сухур 🌹 Сараф во бамаза ширчой 😜

Публикация от Madina Aknazarova (@madinaaknazarova_)

Ҳамчунин дар баробари наворҳои пухтупаз Мадина видеоҳои шӯхиомезро низ нашр кардааст, ки писанди ҳаводорони ҳунараш шудааст.

Умуман Мадина Ақназарова аз фаъолтарин ҳунармандони тоҷик дар Instagram ба шумор меравад. Ӯ сирри шӯҳрати худро дар истеъдод ва истифодаи фаъолонаи шабакаҳои иҷтимоӣ медонад.

Бар хилофи аксари сарояндагони тоҷик, ки шӯҳратро бо сарфи маблағи ҳангуфт тавъам медиҳанд, Мадина бовар дорад, ки барои инсони боистеъдод ва меҳнаткаш барои дарёфти мақоми худ дар шоу-бизнеси тоҷик, монеа вуҷуд надорад.

"Дар асри 21 машҳур шудан бисёр осон аст. Агра инсон истеъдод ва ҷаззобият дошта бошад, албатта метавонад дар санъати тоҷик мақоми худро пайдо кунад. Ман ин чизро дар мисоли худам тасдиқ мекунам. Шояд солҳои пеш мушкилтар буд, вале имрӯзҳо бо кумаки интернет ин кор осон шудааст”, - гуфт Мадина дар суҳбат бо Sputnik Тоҷикистон.

Мадина Ақназарова соли 2018 дар санъати эстрадии тоҷик зуҳур кард. Ӯ бо сабки сурудхонӣ, интихоби матни суруд, овози боқувват ва ҷасорату фаъолнокӣ дар Instagram зуд дар дилу дидаи мақомдорони умури фарҳанг ва мардум ҷой ёфт.

Посмотреть эту публикацию в Instagram

Dustoni aziz, surudi halqii ” ”Rozi dil”bo zaboni Badakhshoni ( Shugnoni) alakai dar Youtube dar kanali man sado medihad 🙏🏻 Marhamat, gush kuned . 🎉 #girlfrombadakhshan🌹

Публикация от Madina Aknazarova (@madinaaknazarova_)

Нахустин намоҳангашро таҳти унвони "Ай ёр, ёр" соли 2017 сабт ва пешкаши мухлисон карда буд, ки аз ҷониби тамошобинон бисёр хуш пазируфта шуд. Мадина дар чандин консертҳои хайриявӣ низ ҳунарнамоӣ карду ӯро дигар дар чорабиниҳои сатҳи давлатӣ низ даъват мекарданд. 

Мадина мусиқии тоҷикро дар Ӯзбекистон ва Ҷопон ва дигар кишварҳо муаррифӣ кардааст.

Мадина Ақназарова 15 феврали соли 1998 дар шаҳри Хуҷанд ба дунё омадааст. Пас аз чанде хонаводаи Мадина ба пойтахти шимолии Русия шаҳри Санкт-Петербург мекӯчад.

Мадина то синфи 9-ум дар мактаби рақами 596 ин шаҳр таҳсил кардааст. Пас аз хатми синфи 9 хонаводаи Мадина ба шаҳри Душанбе бозгашт.

Мадина ҳуҷҷатҳояшро ба мактаби мусиқии ба номи Аҳмад Бобоқулов бо маслиҳати бобояш ба шуъбаи академӣ (опера) супорид ва онро бо хубӣ хатм кард. Пасон Мадина таҳсилашро дар Донишкадаи санъати Тоҷикистон ба номи Мирзо Турсунзода идома дод.

Феълан Мадина Ақназарова донишҷӯи соли сеюми Донишкадаи ҳунарҳои зебо мебошад.

То имрӯз Мадина Ақназарова консертҳояшро дар шаҳрҳои Душанбе, Хуҷанд, Маскав ва Санкт-Пебербург баргузор кардааст.

2218
Барчаспҳо:
Забони модарӣ, Мадина Ақназарова, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Свеча

Мусибат дар хонаводаи Мӯъмин Қаноат: набераи 42 - солааш ҷаҳони фониро падруд гуфт

244
(Таҷдидшуда 23:48 06.06.2020)
Баҳрин нахустнабераи шоири зиндаёд Мӯъмин Қаноат дар синни 42 - солагӣ аз олам ҷашм пӯшид. Иллати марги ӯ маризии гурда арзёбӣ мешавад

ДУШАНБЕ, 6 июн – Sputnik. Хабари фавти бармаҳали Баҳрин - нахустнабераи Мӯъмин Қаноат шоири зиндаёдро адиби тоҷик Аҳмадшоҳи Комилзода дар сафҳаи Фейсбукии худ коридаст.

акс аз сафҳаи фейсбукии Комилзода Аҳмадшоҳ
Баҳрин нахустнабераи Мӯъмин Қаноат

Ба навишати Комилзода, набераи устоди зиндаёд Мӯъмин Қаноат ҳамагӣ 42 - сол умр дошта, бар асари бемории шадиди гурда, рӯзи 6 - уми июн аз олам чашм пӯшид. 

"Баҳрин ҷавони донишманд, донанда ва тарҷумони хуби се забон – порсии тоҷикӣ, русӣ ва англисӣ буд, ки бо ин се забон кору тарҷума мекард", - навиштааст Комилзода.

Хезед бобо Дарвоз мерем: арӯси хонаводаи Мӯъмин Қаноат аз вопасин суханҳои шоир нақл кард

Аз марҳум ду фарзанд Суруш ва Мумтоз, ки яке 15 - сола ва дувумӣ 13 - солаанд, ятим монданд.

Дӯстони Баҳрин, даргузашти ӯро ҳамчун шахсияти соҳибхираду соҳибғурур ва нафари ботамкин, як мусибати бузурги ҷуброннопазир арзёбӣ мекунанд.

244