Далер Мирзошоев

Далер Мирзошоев: дар Маскав моро хуш пазируфтанд

1041
(Таҷдидшуда 19:07 17.01.2018)
Далер Мирзошоев, яке аз сарояндаи номдори Тоҷикистон ва бародарзодаи Муборакшо Мирзошоев, мегӯяд, ки дар Русия ҳунарнамоии гурӯҳи "Ҷирай"-ро хуш пазируфтанд

ДУШАНБЕ, 17 янв — Sputnik, Нилуфар Некқадам. Далер Мирзошоев овозхони ҷавон ва бародарзодаи сарояндаи саршинос Муборакшо Мирзошоев чанде пеш дар Маскав дар ҳайъати гурӯҳи "Ҷирай" консерти хайрия баргузор кард.

 Мардуми Тоҷикистон ин овозхонро бо таронаҳои "Биё дил" ва "Дил куҷо шуд" хуб мешиносанд.

Дар ҳошияи консерти хайрия, ки 14 январ дар Маскав баргузор шуд, хабарнигори Sputnik Тоҷикистон бо Далер Мирзошоев дар бораи роҳи ҳунарӣ, хотираҳо аз Муборакшо, мушкилоти соҳаи мусиқии Тоҷикистон  суҳбат кард.

Беш аз ду ҳафта мешавад, ки Далер дар Маскав асту дар маҳфилҳои солинавию консертҳои зиёде ҳунарнамоӣ кардааст. Аз нигоҳи ӯ, тоҷикони муқими Маскав ҷойгоҳи худро дар Русия ёфтаанду зиндагии хуб доранд. Танҳо чизе, ки онҳоро аз мардуми Тоҷикистон фарқ мекунонад, дурӣ аз Ватан ва падару модар аст.

Ба гуфти Далер, тоҷикони муқими Маскав ҳунарнамоии онҳоро бисёр писандидаанду хуб пешвозашон гирифтаанд.

"Моро дар ҳамаи шабнишиҳо бисёр хуш пазируфтанд. Шод шудем аз чунин истиқбол", — гуфт Далер.

Дар Тоҷикистон пас аз қабули "Қонуни танзими ҷашну маросим" дар соли 2007, муддати баргузории ҷашни арӯсӣ то се соат кам карда шуд. Ин навовариро ҳам мардум ва ҳам овозхонон бо хушнудӣ пазируфтанд. Вале тоҷикон дар Маскав ҳамчунон то ҳафт соат базму бозӣ мекунанд, ки ҳам овозхононро мондаву ҳам мардумро дилгир мекунад.

"Мо дар Тоҷикистон ҳам чун меҳмон ва ҳам овозхон  бо ҷашнҳои сесоатӣ одат кардаем ва онро хуш дорем. Дар ин муддат мешавад барномаи хуби консертӣ омода кард. Ба фикрам, ҳама овозхонон ин қонунро дастгирӣ мекунанд. Вале ба фикрам ҳафт соат бисёр асту хастакунанда. Барои ҳафт соат камобеш ҳафт овозхон лозим аст", — гуфт Далер.

Хотираҳо аз Муборакшо

Далер Мирзошоев бародарзодаи сарояндаи саршинос Муборакшо Мирзошоев аст. Ӯ  мегӯяд, ки аз амакаш хотира бисёр дорад. Масалан, амакаш Далерро ҳамеша дар рӯзҳои таътил ё ба боғи ҳайвонот ё ба дигар маконҳои фароғатии шаҳри Душанбе мебурдааст.

"Замоне амакам бо сафари ҳунарӣ ба Афғонистон рафта буду, аз он ҷо барои ман сақич ва шалвори велвет овард", — ба ёд меорад Далер.

Ин овозхони ҷавон мегӯяд, ки аз кӯдакӣ бо таронаҳои Муборакшо бузург шудааст ва далели ба мусиқӣ рӯ оварданаш ҳам амакаш аст. Далер мегӯяд, ҳатто мехост танҳо сурудҳои Муборакшоро сарояд ва дар бораи эҷоди сурудҳои шахсӣ фикре ҳам надоштааст.

"Ман овозхониро аз бозхонии таронаҳои Муборакшову Далер Назар оғоз кардам. Нахуст гуфтам ҳамин сурудҳои амакамро месарояму бас. Ҳатто кӯшиш мекардам, ки овозам монанди овози Муборакшо бошад. Вале чунин намешуд. Муборакшо сарояндаи бузург буд. Ҳарчанд кӯшиш мекардам, наметавонистам монанди ӯ суруд бихонам. Ва қарор додам, ки бигзор олӣ набошаду сурудҳои шахсии худам бошад", — гуфт Далер дар суҳбат бо Sputnik Тоҷикистон.

То имрӯз Далер Мирзошоев даҳҳо суруду оҳанг офаридааст, ки маъруфтаринашон "Дил биё" ва "Дил куҷо шуд" ҳастанд. Далер Мирзошоев ният дорад ба наздикӣ нахустин албомашро барорад.

Далер бештари матнҳои сурудҳояшро аз ашъори шоирони классик мегирад. Масалан, суруди "Дил биё" аз ашъори Румӣ буда, суруди "Дил куҷо шуд" аз чакомаҳои Камоли Хуҷандӣ аст.

"Дар умум барои ман муҳим нест, ки шоир классик аст ё муосир. Ман ба матни суруд бештар таваҷҷуҳ мекунам. Бароям маънои шеър бисёр муҳим аст", — гуфт Далер.

Ба фикри Далер Мирзошоев, мушкили аслии соҳаи мусиқии Тоҷикистон набуди мактаби мусиқӣ аст. Ӯ бовар дорад, ки барои рушди мусиқӣ дар сатҳи ҷаҳонӣ мактаби мусиқӣ ва равишҳои гуногун лозим аст.

"Мусиқии тоҷикӣ бисёр ғанӣ аст. Аз Фалаку Шашмақом бигиред то мадҳиясароиву эстрада — дар ҳама жанрҳо ҳунарманд дорем. Бояд ҳар як равиши мусиқӣ дар Тоҷикистон мактаби мусиқии вижа дошта бошад. Бояд дар ҳар як деҳаи хурди Тоҷикистон мактаби мусиқӣ бошад. Мо овозхонони боистеъдод бисёр дорем, вале фақат истеъдод барои маъруф шудан ва дар сатҳи ҷаҳонӣ ҳунарнамоӣ кардан басанда нест. Бояд мактабҳо бошанд он замон рақобат мешавад ва рақобат пешравӣ медиҳад", — бовар дорад Далер.

Далер Миршзошоев соли 1983 дар шаҳри Душанбе зода шудаасту мактабро дар пойтахту дар ноҳияи Рӯшон хондааст. Вай хатмкунандаи Донишгоҳи Техникии Тоҷикистон аст ва тахассусаш муҳандиси соҳаи алоқа аст. Сурудхонию оҳангсозӣ фаъолиятҳои дӯстдоштаи ӯ дар зиндагист. Соли 2011 Акмал Ошурмамдов ҷавонони боистеъдодро дар гурӯҳи "Ҷирай" ҷамъ карду Далерро ҳам чун навозандаи гитор ба он гурӯҳ даъват кард. Нахуст Далер дар ин гурӯҳ гитор менавохту оҳанг меофарид ва баъдтар ба сабти сурудҳояш пардохт. Дар ҳоли ҳозир  Далер Мирзошоев дар ҳайъати ин гурӯҳ ба ҳайси оҳангсоз, сароянда ва навозанда фаъолият мекунад.

1041
Барчаспҳо:
мусиқӣ, Далер Мирзошоев, Маскав
Сальма Хайек

Шабнам ва Манижа дар Ҳолливуд: хориҷиҳои чун себи дукафон ҳаммонанди ситораҳои тоҷик

964
(Таҷдидшуда 16:06 28.02.2021)
Пӯшида нест, ки одамони минтақаҳои гуногуни ҷаҳон новобаста аз нажод ва одатҳояшон ба ҳамдигар монанданд. Чанд ситораи Ҳолливудро номбар кардан мумкин, ки агар куртаи тоҷикӣ пӯшидаву акс гиранд, ба тоҷикдухтар табдил меёбанд

Духтарони зебои Тоикистонро - як дороии дигари кишвар мегӯянд. Бонувони минтақаҳои гуногуни кишвар вобаста аз иқлиму шароит зоҳиран фарқ мекунанд: ранги ҷашм, ҳаҷми он, абрӯ, бинӣ ва ҳоказо.

Пӯшида нест, ки новосбата аз нажоду рангу шакли даҳону бинӣ одамони ҷаҳон ба ҳам монанданд.

Ситораҳои Ҳолливуд, ки машҳури тамоми дунёянд, агар куртаи тоҷикӣ пӯшанду акс гиранд, онҳоро аз як бону тоҷикистонӣ фарқ кардан мушкил мешавад.

Sputnik Тоҷикистон рӯйхати чунин ҳунрамандони саҳнаи ҷаҳониро ҷамъоварӣ кард.

Пенелопа Круз

Ҳунарпешаи Ҳолливуд Пенелопа Круз яке аз дурахшонтарин диваҳои кинои Ғарб аст, бешубҳа, аввалин шуда байни онҳое истидааст, ки духтари бадахшонӣ метавон гуфт.

Актриса Пенелопа Крус
© Sputnik / Екатерина Чеснокова
Актриса Пенелопа Крус

Ба чашмони чуқури ғарқшуда ва абрӯвони саркаши ӯ нигариста, шумо бешубҳа мефаҳмед, ки қаҳрамони "Осмони ванилӣ" метавонист дар ягон гӯшаи Шуғнон таваллуд шавад.

Доғи кунҷитаки рӯи Круз хоси мардумони кӯҳиест, ки дар баландии бештар аз 6 ҳазор аз сатҳи баҳр зери нурҳои сӯзони офтоб ба сар мебаранд. Дар ҳамин ҳол, Пенелопа Круз зодаи шаҳри Алкобендами Испания аст.

Салма Хайек

Духтари оташин, Салма Хайек тамоми хусусиятҳои зоҳироро дорост, ки барои гирифтани унвони "тоҷикдухтар" мубориза барад.

Сальма Хайек
© AFP 2020 / PEDRO PARDO
Сальма Хайек

Агар ба чеҳраи Салма бодиққат нигарем ва махсусан ба аксҳои ҷавониаш метавон чанд ҷои монандашро бо ҳунарманди зебои тоҷик Манижа Давлатова пайдо кард: чашмони гирд, қаду қомати расо ва муҳимаш абрӯвони сиёҳ. 

Албатта метавонанд, мухлисони Манижа иддао кунанд, ки мисли ҳунарманди тоҷик дар ҷаҳон зебое нест.

Манижа Давлат, архивное фото
© Фото : Аккаунт в Facebook
Манижа Давлат, архивное фото

Салма Хайек зодаи Мексика аст ва дорандаи ҷоизаи "Оскар" мебошад.

Ким Кардашян

Дар назари аввал, изҳороти монандаи ситораи шоуи амрикоӣ ба ягон духтари тоҷик шубҳаовар ва ҳато метавонад таҳқиромез намояд.

Ким Кардашьян
© AFP 2020 / JOHN LAMPARSKI
Ким Кардашьян

Аммо бо назардошти он ки феълан стандартҳои зебогӣ дар тамоми ҷаҳон тағйир меёбад ва маҳз асари "технологияи нав" як гурӯҳ бонувони ба ҳам монандро сохтааст. Рӯшантар гӯем, лабҳои бо роҳи сунъӣ васеъкарда, андоми бо роҳи амалиётҳои ҷарроҳӣ тағйирдодашуда, мӯйҳои сунъӣ ва абрӯвони сунъӣ барои ситораҳои тоҷик низ истисно нест.

Овозхони тоҷик Шабнами Сурайё
Овозхони тоҷик Шабнами Сурайё

Бигзор дигаргуниҳои зиҳирии овозхони попи тоҷик Шабнами Сурайё, худашон бозгӯӣ ин далелҳо бошанд.

Селена Гомес

Овозхон ва ҳунарпешаи чобуки амрикоӣ Селена Гомес бо чашмони бодомшакл метавонист  дар замони хонигарии Бухоро таваллуд шавад ва боиси илҳоми шоирони тоҷику форс шавад.

Актриса Селена Гомес
© Sputnik / Екатерина Чеснокова
Актриса Селена Гомес

Дар чеҳраи ин зани мексикоӣ-итало-англисӣ, ба мисли метисои ҳақиқӣ, якбора якчанд гурӯҳҳои этникӣ муттаҳид шуданд, бинобарин чеҳраи ӯ  ба намуди духтарони минтақаҳои шимолии Тоҷикистон - Хуҷанд ё Панҷакент шабоҳат дорад.

Селена Гомес шояд хабаре ҳам надорад, ки дар як гӯшаи ҷаҳон духтари ба вай монанди оддие ба сар мебарад.

Фрида Пинто

Ҳунмарманди ҳиндуитабор, ки бештар дар филмҳои бритониёиву амрикоӣ нақш мебоазад, духтари сабзинаи тоҷикистониеро мемонад.

Фрида Пинто
© AFP 2020 / LISA O'CONNOR
Фрида Пинто

Фрида дар Бомбей таваллуд шудааст ва махфӣ нест, ки тоҷикону ҳиндустониҳо монанд. Фрида Пинто решаҳои португалӣ низ дорад, аммо аз ҳиндустонӣ буданаш, хушаш меояд.

964
Дилафруз  Хоникбоева,

Аз Боми ҷаҳон ба дили Амрико: кист тоҷикдухтаре, ки ба тими Байден роҳ ёфт - акс

31669
(Таҷдидшуда 18:05 19.02.2021)
Хабари ба тими Ҷо Байден шомил шудани як зодаи Тоҷикистон корбаронро шигифтзада кардааст: чигуна ин духтарак аз Боми ҷаҳон тавонист дар дили Амрико муваффақ шавад

ДУШАНБЕ, 19 фев — Sputnik. Дилафрӯз Хоникбоева, як тоҷикдухтар дар Амрико ба як мансаби олӣ тавонист роҳ ёбад. Хабар дар бораи он, ки як духтар аз Тоҷикистон ба тими президенти нави Амрико Ҷо Байден шомил шуд, корбарони шабакаҳои иҷтимоиро шод ва шигифтзада кард. 

Sputnik Тоҷикистон таҳқиқ кард, ки то куҷо ин хабар дуруст ва Дилафрӯз Хоникбоева кист.

Аслан дар бораи расидан ба як мансаби аршад дар Амрико худи Дилафрӯз дар саҳифаи Инстаграмаш хабар додааст.

Ба иттилои вай, ӯ ҳамакнун мушовири аршади масоили сиёсии Оҷонсии ИМА дар умури рушди байналмилалӣ (USAID) аст.

Ташкилоти USAID ҳарчанд бевосита ба мудирияти Байден иртибот надошта бошад ҳам, марбут ба Ҳукумати Амрикост, ки роҳбараш феълан Ҷо Байден аст.

Гузашта аз ин, худи Хоникбоева шомил шудан ба тими Байденро дар навиштааш тасдиқ мекунад.

"Ман савганд хӯрдам ва ба ҳайъати тими Байден ҳамчун мушовири аршади масоили сиёсии Оҷонсии ИМА дар умури рушди байналмилалӣ (USAID) шомил шудам", - менависад вай.

Дар шабакаи иҷтимоии Фейсбук садҳо кораброн аз ин хабар изҳори хушнудӣ кардаву садҳо нафар ӯро ба ин муносибат шодбош гуфтаанд ва барояш комёбӣ таманно кардаанд.

"Мо аз ин ҳамватани худ ифтихор дорем ва барояш муваффақият таманно мекунем", - менависад як корбари Фейсбук.

"Чӣ хабари хуше, бо ту ифтихор дорем ва бароят муваффақият таманно мекунем. Бигзор сафи ту баринҳо бештар шаванд", - менависад нафари дигар.

Худи Дилафрӯз дар саҳифаи Инстаграмаш бо чанд забон ба шодишариконаш изҳори сипос кардааст ва гуфтааст, ки ҳатто интизор ҳам надошт, ки ин қадар мактубу шодбошӣ мегарад ва гоҳе ҳангоми хондани онҳо аз чашмонаш ғайриинтизор ашк рехтанд.

Дилафрӯз Хоникбоева кист?

Ин зани ҷавон, қариб се даҳсола пеш ба Амрико муҳоҷир шудаву таҳсили мактаби миёна ва олиро дар иёлот гирифтааст.

"Ман як бонуи муҳоҷири ҷавони тоҷики помирии исмоилимазҳаби мусалмон ҳастам. 25 сол пеш хонаводаам аз Тоҷикистон ба Амрико кӯч бастанд", - навиштааст вай ва афзудааст, ки дар як кишвари бегона мардуми хуб кӯмакаш карданд.

Дилафруз Хоникбоева 32-сола дар шаҳри Хоруғ, дар хонаводаи коргар таваллуд шудааст. 

Соли 1995 хонаводаи онҳо ба Амрико мераванд, ки дар ин вақт Дилафӯз ҳамаги 7 сол дошт.

Чойхонаи тоҷикон дар Амрико ба макони таърихӣ табдил ёфт

Баъди хатми мактаби миёна дар Амрико, ӯ таҳсилашро дар Донишгоҳи Ҷорҷ Мейсон дар риштаи таҳлилу ҳалли низоъҳо ба ҳайси ҳуқуқшинос оғоз мекунад. 

Баъди хатми донишгоҳ дар USAID, дар Вашингтон кори худро оғоз кард. Баъди як муддати фаъолият ӯро ба Бунёди Оқохон (AKF) дар ИМА ба кор даъват мекунанд, ки Дилафрӯз инро мепазирад.

Баъдан як бурсияи муҳими ҳукумати Амрико Presidential leadership scholars-ро дарёфт мекунад. Ин бурсия дар ИМА хеле бонуфуз аст, ки роҳи соҳибонашро барои рушд ҳам дар сиёсат ва ҳам дар ҷомеа хеле ҳамвор мекунад.

Оиладор ва донандаи чанд забони хориҷӣ аст.

31669
Барчаспҳо:
тоҷикдухтар, Ҷо Байден, Тоҷикистон, Амрико
Мужчина совершает молитву на кладбище

Даргузашти Фотима Ғуломова, ҳунарманди тоҷик пас аз як моҳи марги шавҳар

518
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов аст

ДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

Фотима Ғуломова, ҳунарманди номии тоҷик
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик

Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.

Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.

Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.

Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.

Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.

Хомушии ситораи дигар: нақшҳои беҳтарини Ҳабибулло Абдуразоқов – видео

Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.

518