Меҳрона Ғайбуллоева. Акс аз бойгонӣ

Тоҷикистонро дар озмуни "Ту беҳтаринӣ!" Меҳрона намояндагӣ мекунад

431
(Таҷдидшуда 18:42 01.02.2018)
Ширкаткунандаи озмуни байналмилалии овозхонии "Ту беҳтаринӣ!" (Ты супер!) аз Тоҷикистон Меҳрона Ғайбуллоева орзуи саҳнаи бузургро дорад ва дилпурона ба сӯи ҳадафаш меравад

ДУШАНБЕ, 1 фев — Sputnik. Намояндаи Тоҷикистон бори нахуст аст, ки дар озмуни байналмилалии овозхонии "Ту беҳтаринӣ!" ширкат меварзад. Ба ин озмун, ки бори дувум аз ҷониби телеканали НТВ ва бунгоҳи байналмилалии иттилоъотӣ ва родюи Sputnik ба роҳ монда шудааст, Меҳронаи 17-сола ба Маскав аз Душанбе омадааст.

"Ман аз кудакӣ месароям, аммо худомӯз ҳастам. Дар ҷое таҳсили махсус надидаам, чун қаблан бовар доштам, ки барои ҳунарманди ҳирфаӣ шудан, доштани овози қавӣ басанда аст. Хеле мехоҳам сароям, хеле! Дар зиндагӣ ҳадафи ягонаам овозхонист. Ба озмуни "Ту беҳтаринӣ!" омадам, то ғолиб шавам. Ва бовариам қатъист, ки барои ин неру ва тавоноии кофӣ дорам", — дилпурона мегӯяд Меҳрона.

Ва илова мекунад, ки ҳатто дар сурати мағлубият дар ин озмун, зиндагӣ барояш анҷом нахоҳад ёфт.

"Чун пружа ва озмунҳои дигар пеш меоянд ва ман дар он ҷо хатман сарбаланд мешавам ", — мегӯяд Меҳрона.

Мехрона Гайбуллоева участница шоу Ты супер!, архивное фото
© Sputnik / Евгений Одиноков
Мехрона Гайбуллоева участница шоу "Ты супер!", архивное фото

Модари ин духтари ҷавон нӯҳ сол пеш аз ин дар гузаштааст. Падараш, ба гуфтаи ӯ, пештар аз ин ҳодиса хонаводаро тарк кардааст. Аз ин рӯ Меҳрона бо хоҳарони хурдсолаш ду сол дар мактаб-интернат зиндагӣ ба сар бурданд. Пас аз он сарпарастиашонро холааш ба уҳда гирифт, вале вақтҳои ахир Меҳрона бо яке аз хоҳаронаш дар хонаи иҷора иқомат мекунад.

"Холаам, ки ба ҷойи модарам қабулаш кардам, хеле инсони хуб аст. Ман ӯро бениҳоят дӯст медорам, харчанд ба ҳам рост наомадем. Худро дар наздаш гунаҳкор эҳсос мекунам, чун зиёд азияташ додам, фиребаш кардам. Ҳоло сидқан аз ӯ бахшиш мехоҳам. Медонам, ки ӯ ману хоҳарамро хеле дӯст медорад ва аз фарзандони худаш кам намедонад", — мегӯяд Меҳрона ва хоҳиш мекунад, ки ин суханонаш ҳатман ба холааш расонда шаванд.

Меҳрона ҳунарнамоиро ҳануз аз синфи як дар консертҳои мактабӣ шуруъ кардааст. Чанд сол пеш ҳатто бо репсарои машҳури тоҷик Master Ismail овозхонӣ кард ва фаҳмид, ки аслан аз саҳнаи бузург наметарсад, баръакс худро хеле озод эҳсос мекунад. Шуруъ аз он замон борҳо дар консертҳои шаҳрӣ ҳунарнамоӣ карда, соле пеш ҳатто дар озмуни сарояндагони ғайриҳирфаӣ — "Ориоке" барандаи ҷойи дувум шуд.

Билохира Меҳрона иқрор шуд, ки бе таҳсилоти махсус наметавонад ҳунарманди касбӣ шавад. А ин рӯ моҳи сентябри соли 2017 ба бахши овозхонии Колеҷи санъати ба номи Аҳмад Бобоқулов дохил шуд.

Мехрона Гайбулоева участница шоу Ты супер!, архивное фото
© Sputnik Амир Исаев
Мехрона Гайбулоева участница шоу "Ты супер!", архивное фото

"Ба ин қарори ман Самир ном як ҷавон боис шуд. Бори аввал ӯро се сол кабл, вақте бо репсаро Мaster Ismail овозхонӣ кардам, дар паси саҳна дидам. Хеле аз ӯ хушам омад, чун бачаи "ширин" аст – гитор менавозад, фортопианоро ҳам балад аст, боз месарояд. Дӯстии мо пас аз паёмаш дар ВКонтакте оғоз шуд. Ӯ, албатта, дӯстписари ман нест, аммо аз эҳсосотам нисбаташ хабар дорад", — мегӯяд Меҳрона ва каме аз шарм сурх мешавад.

Ҳарчанд ҳунармандони дӯстдоштааш Полина Гагарина, Ани Лорак, гурӯҳҳои "ВИА Гра", Serebro, IOWA ва Артур Пирожков (Александр Ревва) мебошанд, Меҳрона роҳашро дар равияи поп рафтанӣ нест. Ӯ дар риштаи опера таҳсил мекунад ва бо услуби ҷаз месарояд.

"Ман ҳатман ба мақсадам мерасам ва овозхон мешавам", — бо итминон мегӯяд ӯ.

Озмуни байналмилалии овозхонии "Ту беҳтаринӣ!" ба кӯдакони боистеъдоде, ки бе нигоҳубин ва бе волидайн мондаанд, имкон медиҳад, аз худ хабар диҳанд ва саҳнаҳои бузургро тасхир кунанд. Дар мавсими дувуми озмун кӯдакону наврасон аз Русия, Белорус, Молдова, Эстония, Латвия, Қазоқистон, Узбакистон, Тоҷикистон, Арманистон, Озарбойҷон, Осетияи Ҷанубӣ ва Олмон ширкат мекунанд.

431
Барчаспҳо:
озмун, ширкат, Меҳрона Ғайбуллоева, Тоҷикистон, Русия
Овозхон Фаридуни Хуршед

Фаридуни Хуршед аз таваллуди фарзандаш хабар дод - навор

653
Овозхон охирҳои июли соли 2019 бори севум издивоҷ карда буд. Он замон расонаҳо навишатанд, ки тӯйи овозхона хоксорона ва бидуни иштироки овозхонҳои машҳур баргузор гардид

ДУШАНБЕ, 22 июл - Sputnik. Фаридуни Хуршед, овозхони попи тоҷик хабар додааст, ки ӯ боз падар шуд.

Ӯ дар саҳифаи Инстаграм навишт, ки имрӯз, 22 июл соҳиби писар шуд.

"Ин рӯз барои ман боз ҳам рӯзи хурсандиву хушбахтист. Фарзанди азизам Баёзид ба дунё омад. Қудуми некат муборак бошад, азизи падар. Мухлисои азизам дар хурсандии ман шарик бошед", - навиштааст вай.

Дар шабакаи иҷтимоӣ бештар аз 500 нафар зери ин хушхабари овозхон шарҳ навишта, ӯро шодбош гуфтаанд.

Ёдрас мешавем, Фаридуни Хуршед собиқ ҳамсари овозхон Фарзонаи Хуршед соли гузашта баъди ҷудо шудан аз ӯ, бори севум издивоҷ карда буд.

Он замон расонаҳо навиштанд, ки тӯйи Фаридун хоксора баргузор гардида, исми ҳамсари севумаш расонаӣ нест.

Фаридуни Хуршед аз издивоҷи дувумаш соҳиби як писар ва як духтар аст.

653
Курбанова Фарахноз, студент 1 курса бакалавриата

Аз интихобам розиям: чигуна донишҷӯёни тоҷик дар Русия таҳсил мекунанд - акс

262
Донишҷӯёни тоҷик, ки дар Донишгоҳи технологии Русия таҳсил мекунанд, дар бораи ҳаёти донишҷӯӣ ва раванди таҳсил дар Маскав нақл карданд

ДУШАНБЕ, 2 июл — Sputnik. Донишҷӯёни тоҷик, ки дар Донишгоҳи технологии Русия - МИРЭА таҳсил мекунанд, дар бораи таҳсил дар муҳити байналмилалӣ нақл карданд. 

Имрӯзҳо дар донишгоҳи мазкур ҳудуди 200 донишҷӯи тоҷик таҳсил мекунанд, ки дар оянда дар соҳаҳои телекоммуникатсия, автоматика, кибернетика, радиотехника ва электроника мутахассис хоҳанд шуд.

Чунончи, донишҷӯи курси дувуми магистратура дар саҳаи "технологияи кимёвӣ" Солиҷон Собиров мегӯяд, то дохилшавӣ ба МИРЭА дар Донишгоҳи техникии Тоҷикистон ба номи Муҳаммад Осимӣ таҳсил мекард.

Солижон Собиров, студент 2 курса магистратуры,
Солижон Собиров, студент 2 курса магистратуры,

Ӯ ду сол пеш факултаи энергетикаи донишгоҳро хатм карда, мақсад дошт ба кор дарояд, аммо қарор дод, ки дар Маскав ба бахши магистратура дохил мешавад.

"Мехостам донишамро дар ду самт комил кунам. Феълан ман ду маълумот, муҳандис-энергетик ва химик-технолог дорам. Фикр мекунам, ки ин хело хуб аст", - мегӯяд ҷавон.

Ҳоло Солиҷон дар хобгоҳ зиндагӣ мекунад, идрорпулӣ мегирад, муваққатан худро дар Русия ба қайд гузоштааст. Ин донишҷӯи тоҷик кам-кам кор ҳам мекунад.

"Агар донишҷӯ дар ҳақиқат аз нигоҳи молиявӣ ба мушкилӣ дучор шавад, касе аз ин ҷиҳат ба вай кӯмак накунад ё дар хонаводаашон мушкилии иқтисодӣ бошад, пас вай метавонад дар 11 моҳ як маротиба аз донишгоҳ кӯмак хоҳад. Маблағе ки донишгоҳ медиҳад, кам нест", - меафзояд ӯ.

Солиҷон мегӯяд, вақти бештарашро барои таҷрибаомӯзӣ дар донишгоҳ мегузаронад, аммо барои дӯстӣ бо донишҷӯён ва бозии футбол ҳам вақт меёбад.

Дигар донишҷӯи тоҷик Фараҳноз Қурбонова дар курси аввал таҳсил мекунад. Ӯ ҳам мегӯяд аз интихоби касб ва донишгоҳаш розӣ аст.

Ин духтари тоҷик хатмкардаи Литсейи президентӣ барои хонандагони лаёқатманд аст. Ӯ мехостааст пас аз хатми мактаб ба факултаи муҳандисиву барномарезӣ дохил шавад, барои ҳамин донишгоҳи технологии Русияро интихоб кардааст.

"Ман ки аз кишвари хориҷ ба Русия омадаам, дар хобгоҳ зиндагӣ мекунам. Ба донишҷӯёни хориҷӣ дар бахши авали таҳсил стипендия медиҳанд, баъдҳо ҳаҷми он аз худи донишҷӯй вобаста аст", - мегӯяд Фараҳноз.

Духтарак қайд мекунад, ки бартарии дигари таҳсил дар ин донишгоҳ пайдо кардани дӯстон аз кишварҳои хориҷ аст. Фараҳноз дӯстони ӯзбекистонӣ, белорус, украинӣ, қазоқистонӣ, аз Ветнам, Чин ва албатта Русия дорад.

Танҳо дар як Донишкадаи Тоҷикистон наздик ба 500 донишҷӯ аз Узбакистон дохил шуданд

"Ман ин ҷо худамро дар байни дӯстон пайдо кардам. Ман бо онҳо ба ибтидои нардбони муваффақиятҳоям қадам мегузорам. Агар хоҳӣ, ки ояндаи хушбахт дота бошӣ, бояд хонӣ ва меҳнат кунӣ. Боварӣ дорам, ки дар МИРЭА ба тамоми орзуҳоям мерасам", - мегӯяд Фараҳноз хушбинона.

 

262

Бомбандози Су-27 ду ҳавопаймои ҷосусии Амрикоро забт кард - видео

0
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

0
Барчаспҳо:
халабон, ҳавопаймо, Русия