Мехрона Гайбуллоева

Ман ӯро кайҳо бахшидаам: холаи Меҳрона гуфт, ки миёни онҳо чи мушкиле буд

1287
(Таҷдидшуда 19:02 28.02.2018)
Бо вуҷуди муносибатҳои душвор бо хоҳарзодааш, холаи Меҳрона самимона ӯро дастгирӣ менамояд ва омода аст, ки ҳатто пас аз поёни барномаи "Ту беҳтаринӣ!" ҳам ӯро дар кору бораш кумак кунад

ДУШАНБЕ, 28 фев — Sputnik. Дар ҳоле, ки намояндаи Тоҷикистон Меҳрона Ғайбуллоева дар барномаи "Ту беҳтаринӣ!" дар Маскав ширкат мекунад, дар Душанбе холааш Шаҳло Ғайбуллоева ташвишу нигаронӣ мекашад.  

Ҳама барои Меҳрона аз Тоҷикистон мухлисӣ мекарданд

Бо яку якбора баҳои "чор" гирифтани Меҳрона Ғайбуллоева дар барномаи "Ту беҳтаринӣ!", ин тоҷикдухтар дар як чашм ба ҳам задан қаҳрамони тоҷикистониён гардид. Қариб ҳар нафари дуюми корбарони Facebook аллакай дар шабакаҳои иҷтимоӣ табодули афкор кардаанду аз шодиву ифтихор суханҳои неки бепоён гуфтаанд.  

Бо эҳсосоту тарсу ҳароси на кам баромади Меҳронаро холааш Шаҳло Ғайбуллоева, ки таи 10 соли охир ба ҷои волидайни духтар буд, тамошо мекард. Зан дар бораи таассуроташ ба Sputnik Тоҷикистон нақл кард.

"Ҳунарнамоии ӯро бо нигарониву ҳаяҷон ҳанӯз аз рӯзи ҷумъа, ки занг заду ба ман гуфт, ки барояш дуо бихонам, интизор будам. Вақте ман фаҳмидам, ки вай суруди хеле душвор — "Фоҷеа дигар нест"-и Полина Гагаринаро иҷро мекунад, ташвишу нигарониям дучанд шуд. Худатон мефаҳмед, охир духтари ман ҳанӯз маълумоти пурраи мусиқӣ надорад. Ӯ танҳо дар соли аввали коллеҷи ҳунар таҳсил мекунад, ва табиист, ки барои духтари худомӯз сурудани чунин як матни сангин худ як хавф аст", — ташвишу ҳаяҷони худро тавзеҳ медиҳад Шаҳло Ғайбуллоева.

Аммо, бо хушбахтии бузурги ӯ, ба Меҳрона ҳанӯз дар дақиқаи аввали иҷрояш ҳамаи чор довари озмуни "Ту беҳтаринӣ!" "бале" гуфтанд.

"Ин ҷавобгӯи чизе ҳаст, охир? Бигзор дар баробари ӯ ҷавонони қавӣ ҳунарнамоӣ кунанд, ки таҳсилоти мувофиқу овозҳои пурқувват доранд, вале Меҳрона одати таслим шуданро надорад, ки ин ба ӯ афзалият мебахшад. Бале, ӯ хислати мураккабу фиребанда дорад, ва чунон ки шумо аллакай медонед, ҳама чиз дар муносибатҳои мо ҳамвор нест, аммо ман бо ӯ танҳо барои як сифаташ фахр мекунам: вай духтари мубориз аст ва ҳама чизеро, ки дар 17 солагияш ба даст овардаст, — натиҷаи заҳматҳои сангину пайвастаи ӯст. Ҳеҷ кас дар ин самт ба ӯ кумак накардааст", — таъкид мекунад холаи Меҳрона Ғайбуллоева.

Муносибатҳои холаву хоҳарзода дар Душанбе

Меҳрона таи ин чанд рӯз тавонист, ки ба маротиб аз холаи худ ба воситаи васоили ахбори омма бахшиш пурсад, аммо на ҳама медонистанд, ки гуноҳи ӯ дар чист. Ба гуфтаи холааш, гап сари он аст, ки Меҳрона мехост, ки дар ҳаёти шахсияш худаш тасмим бигирад.

"Вай чунин тасмим гирифт, ки бояд ҷудо аз ман зиндагӣ кунад. Бо хоҳараш аз хонаи мо баромада рафтанду дар яке аз ноҳияҳои Душанбе хонае иҷора гирифтанд. Вале аз тарафи дигар — дар хоҳиши шахси мустақил будан ҳеҷ гуноҳе нест. Зиёда аз ин, ман кайҳо ӯро бахшидаам. Охир модар наметавонад бадхоҳи фарзандаш бошад. Ман барои ӯ хеле дар ташвишам ва ҳатто рӯзе нест, ки ман барои беҳбудии ӯ дуо накунам", — эътироф мекунад Шаҳло Ғайбуллоева.

Дар истодагарӣ ва худдорӣ Меҳрона, аз рӯи гуфтаҳои холааш, ба модараш рафтааст. Хоҳари Шаҳло — Барно Ғайбуллоева —  10 сол пеш аз бемории вазнин фавтидааст. Ӯ ҳамин гуна инсон буд. Исрор — ин чизест, ки касби рӯзноманигорӣ талаб мекунад. Зан солҳои зиёд, мисли падараш, дар Студияи телевизиони давлатии Тоҷикистон кору фаъолият намудааст.

"Оилаи мо эҷодист, вале ҳеҷ кас то Меҳрона ба мусиқӣ сару кор надошт. Мо ҳамроҳи модари вай дар тааҷҷуб мемондем, замоне ки Меҳрона ҳанӯз пойҳои худро дуруст монда наметавонисту, ба назди гаҳвораи хоҳараш рафта, ӯро аллагӯӣ мекард. Вай чӣ тавр рақс мекард, замоне аз ҷое агар садои мусиқӣ меомад, — да ҳақиқат аҷоиб буд! Ҳанӯз модараш мегуфт, ки духтарашро барои таҳсил дар мактаби мусиқӣ мегузорад», — ба ёд меорад холаи Меҳрона.

Танҳо як шарт барои Меҳрона

Ӯ ҳанӯз намедонад, ки лоиҳаи "Ту беҳтаринӣ!" чӣ гуна ба итмом мерасад, зеро дар даври дуюм аз 56 ширкаткунанда, 36 нафарашон намегузаранд. Аз ин рӯ, ташвиш мекашад хола, мубориза хеле душвор хоҳад шуд.

"Аммо Меҳрона, бар акси ман, қалбашро аз даст намедиҳад. Вай дилпуру хӯшҳол аст. Мегӯяд, ки агар дар ин ҷо ғолиб нашавад, вай ҳатман дар озмӯни дигар ғолиб хоҳад шуд. Ӯ ҳадафи беҳтар шуданро дорад, ва аммо хоҳиш бошад, чунон ки мегӯянд, нисфи кор аст", — қайд мекунад хола.

Хонум бисёр умедвор аст, ки Меҳрона дар Русия макону мақоми худро меёбад. Агар бахт ба рӯи вай хандад, холааш омода аст, ки ҷиянашро то охир дастгирӣ намояд, вале танҳо бо як шарт: вай бояд худашро шарафмандона нишон диҳад, дар куҷое, ки набошад бояд шаъни духтари тоҷикро нигоҳ дорад, ба сӯҳбатҳои озоду рафтори сабукфикрона роҳ надиҳад. Дигар ба ҳамааш, боварибахшона мегӯяд Шаҳло Ғайбуллоева, вай дуои худро медиҳад.

Озмуни байналмилалии овозхонии "Ту беҳтаринӣ!" ба кӯдакони боистеъдод, ки бе сарпарастии волидайн мондаанд, имкон медиҳад, ки аз худ хабар диҳанду саҳнаҳои бузурги оламро тасхир намоянд. Дар даври дуюми озмӯн кӯдакон ва наврасон аз Русия, Белорус, Молдава, Эстония, Латвия, Қазоқистон, Ӯзбакистон, Тоҷикистон, Арманистон, Озарбойҷон, Осетияи Ҷанӯбӣ ва Олмон ширкат меварзанд.

1287
Барчаспҳо:
хола, хонавода, муносибат, озмун, пирӯзӣ, Меҳрона Ғайбуллоева, Тоҷикистон
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Россия — «Донишҷӯи хориҷии сол – 2020» гардид

Донишҷӯи тоҷик дар Русия барандаи ҷоизаи "Донишҷӯи хориҷии сол 2020" шуд

635
(Таҷдидшуда 12:50 20.10.2020)
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Русия — "Донишҷӯи хориҷии сол – 2020" гардид

ДУШАНБЕ, 20 окт – Sputnik. Дар шаҳри Хабаровски Русия марҳилаи минтақавии озмун барои Ҷоизаи миллии Рсия — "Донишҷӯи сол – 2020" ба анҷом расид, ки дар он ҷавони тоҷик Ҷуманазар Қурбонназаров пирӯз шуд, хабар медиҳад торномаи Донишгоҳи давлатии шаҳри Комсомолски лаби Амур.

Ин озмун аз ҷониби Созмони ҷамъиятии умумирусиягии "Иттиҳоди ҷавонони Русия" дар якҷоягӣ бо KSAU "Маркази минтақавии ҷавонон оид ба иҷтимоӣ ва саломатӣ" баргузор карда шуд.

Тибқи иттилои манбаъ, озмуни "Донишҷӯи сол-2020" аз рӯи номинатсияҳои инфиродӣ ва коллективӣ дар байни муассисаҳои таҳсилоти олии касбӣ ва ташкилоти таҳсилоти касбии ҳудуди минтақаи Хабаровск доир гардид.

Дар ин озмун Донишгоҳи давлатии шаҳри Комсомолски лаби Амур ва маҳфили ҷавонони тоҷик дар минтақаро донишҷӯи факултаи энергетика ва менеҷменти Донишгоҳи мазкур Ҷуманазар Қурбонназаров  намояндагӣ кард.

Аз рӯи натиҷаҳои ҷаласаи ҳакамон миёни донишҷӯёни 11 донишгоҳи минтақа, донишҷӯи тоҷик Ҷуманазар Қурбоназаров барандаи ҷоиза дар бахши "Донишҷӯи хориҷии сол – 2020" гардид.

"Бо боварӣ метавонам бигӯям, ки Донишгоҳи давлатии шаҳри Комсомолски лаби Амур, имкон медиҳад, ки орзуҳои инсон амалӣ шавад. Ман аз соли 2018 инҷониб дар озмун ширкат мекардам ва бо ҳайрат ба иштирокчиёни дар саҳна буда, назар мекардам. Ман хеле мехостам, ки ба манфиати донишгоҳ кор кунам ва фарҳангу анъанаҳои мардуми тоҷикро дар байни ҷавонон маъмул кунам"  , - гуфт Қурбонназаров.

Ёдовар мешавем, ки даври ниҳоии озмуни "Донишҷӯи сол-2020" аз 14 то 19 ноябр дар шаҳри Маскав баргузор мешавад.

635
Барчаспҳо:
донишҷӯи тоҷик, Русия, сол, донишҷӯй, донишҷӯй
Нигина Амонкулова

"Гуфтиву накардӣ" : нашри суруди ҷадиди Нигина Амонқулова - видео

1277
(Таҷдидшуда 20:12 18.10.2020)
Нигина Амонқулова сарояндаи шинохтаи саҳнаи тоҷик, суруди ҷадиди худро таҳти унвони "Гуфтиву накардӣ" нашр кард

ДУШАНБЕ, 18 окт — Sputnik. Нигина Амонқулова овозхони шинохтаи Тоҷикистон, дар саҳифаи Qiam Entertainment дар Ютуб, суруд ва намоҳанги нави худро пешкаши мухлисонаш гардонидааст.

Навори суруд дирӯз, 17 октябр дар шабакаи Youtube нашр шудааст. Дар давоми як рӯз ин сурудро беш аз 84 ҳазор кас тамошо карда ва зиёда аз 2 ҳазор корбар писандидааст.

Ногуфта намонад, ки ин суруди Нигина Амонқулова низ дар доираи тарҳи нави сароянда бо ширкати Qiam Entertainment сабт шудааст.

Маллифи суханони суруд Орзу Исоев буда, оҳангашро Даврони Раҳматзод эҷод кардааст. Ин суруд дар бораи ошиқест, ки маъшуқаашро қадр намекунад. 

Ёдрас мешавем, ки чанде пеш сароянда тарҳи нави худ -  "Legends live forever" оғоз кард, ки дар доираи он сурудҳои машҳури ситораҳои номдори шарқро бозхонӣ мекунад. Ба гуфти Нигина ин тарҳро ба ӯ ширкати  Qiam Entertainment, ки сароянда аз оғози соли 2020 бо он ҳамкорӣ дорад, пешниҳод кардааст.

То ҳол Нигина сурудҳои сарояндаҳои шодравон  - Аҳмад Зоҳир, Муқаддас Набиева, Зафар Нозим, Муҳаммадрафеъ ва Аминҷон Сабуриро, ки ба гуфти худаш аз ҳама бештар писандаш ҳастанд, иҷро кардааст.

Нигина Амонқулова суруди Муқаддас Набиеваро бозхонӣ кард

Нигина Амонқулова дар доираи ин тарҳи ҷадид, нахустин бор ба забони ҳиндӣ сароид. Ҳамчунин дар баробари зинда кардани ёди ҳунармандони қадимӣ, Нигина дар доираи ин тарҳ, се суруди ҷадиди худро низ месарояд.

1277
Барчаспҳо:
Тоҷикистон, нав, ҷадид, нашр, Нигина Амонқулова
Букет гвоздик в руке, архивное фото

Ли Ҳонг Хи, мудири ширкати ҷаҳонии Samsung даргузашт

0
Соҳибкори бузурги Кореяи Ҷанубӣ, роҳбари консерни Samsung Ли Ҳонг Хи, дар синни 79-солагӣ дар Сеул вафот мекунад

ДУШАНБЕ, 23 окт — Sputnik. Роҳбари Samsung Ли Ҳонг Хи 25 октябр дар беморхонаи Сеул дар синни 79-солагӣ даргузашт.

Вориси ин соҳибкор писари ӯ Ли Ҷэ Ён мебошад, ки додситонии Кореяи Ҷанубӣ дар қаллобӣ гумонбар медрнд.

Дар бораи марги соҳибкори маъруф хабаргузории “Ренхап”  хабар додааст.

Сабаби марг мушаххас нашудааст.

Samsung Group соли 1938 аз ҷониби падари Ли Ҳон Хи, Ли Бён Чхол таъсис дода шудааст. Пас аз марги ӯ, корпоратсия ба фарзандонаш мерос монд ва Ли Ҳонг Хи (писари сеюм) роҳбари Шӯрои директорон шуд.

Таҳти роҳбарии ӯ, ширкат аз як истеҳсолкунандаи хурди Корея ба як корпоратсияи бузурги байналмилалӣ табдил ёфт.

Соли 2014 Ли Ҳонг Хи сактаи қалбро аз сар гузаронд, пас аз он, назорати корпоратсия ба писараш ва ноиби президенти ширкати фаръии ин гурӯҳ, Samsung Electronics Ли Ҷэ Янг гузашт, ки боварӣ дорад, ворис аст.

Дар гузориши хабаргузории Кореяи Ҷанубӣ гуфта мешавад, ки додситонӣ Ли Ҷэ Янгро ба ин далел гумонбар мекунад, ки дар ҷараёни ба даст овардани қудрат дар консерн, Ли Ҷэ Янг дар тақаллуби ғайриқонунӣ дар якҷояшавии ширкатҳои корпоратсия бо мақсади ба даст овардани назорат аз болои Samsung Group ширкат кардааст.

0