Ҳунарманди тоҷик бо ҳамсари русаш.

Нигаҳбоне, ки ҳунарпеша шуд: саргузашти Ҷиммӣ Тоҷик

1324
(Таҷдидшуда 16:49 21.03.2018)
Боймурод Аллабердиев муҳоҷирест узбактабор аз Тоҷикистон, ки чанд сол пеш дар паи интишори наворе дар интернет дар Русия чун Ҷиммӣ Тоҷик ном баровард

ДУШАНБЕ, 21 мар — Sputnik, Дмитрий Матвеев. Даҳ сол пеш аз ин муҳоҷири корие аз Тоҷикистон – Боймурод Аллабердиев дар паи нақшофарӣ дар филми комедии "Ёлки" дар саросари Русия шинохтаву номдор шуда буд.

Соли 2008 дӯстони вай навореро дар Youtube мунташир карда буданд, ки дар он Боймурод таронаеро аз филми ҳиндии "Disco dancer" (Раққоси диско) бо овозе гӯшхарош бозхонӣ мекард.

Чанд рӯзе аз ин нагузашт, ки ду милюн кас ин наворро тамошо карданд ва Боймурод ситораи ҷаҳони маҷозӣ шуд. Корбарони шабакаҳои иҷтимоъӣ ӯро Ҷиммӣ Тоҷик номиданд. Навори овозхонии ӯро Шабакаи якуми телевизюни Русия ҳам бозпахш кард.

Аз он пас Боймурод меҳмони барномаҳои телевизюнӣ низ шуд ва сипас дар филмҳо низ нақшҳое офарид.

Sputnik Тоҷикистон бо ин ҳунарпешаи 47-сола дидор кард ва рози комёбӣ ва вазъи зиндагияш дар Русияро ҷӯё шуд.

Ҷавонӣ дар Тоҷикистон ва муҳоҷират ба Русия

Боймурод Аллабердиев соли 1971 дар хонаводае узбактабор дар ноҳияи Панҷ зода ва Оймаҳмад номида шудааст.

Аз онҷое, ки амакаш дар синамосарои зодгоҳаш киномеханик буд, Боймурод аз хурдсолӣ синамодӯст буд ва бештар аз ҳама филмҳо синамои ҳиндиро дӯст медошт, ки рангобарангу шоду пур аз созу овоз буданд.

"Ҳар боре, ки филми ҳиндӣ намоиш медоданд, ман ҳама корамро во мегузоштам ва давон ба тамошояш мерафтам. Филми коргардон Бобур Субҳаш "Рақсандаи диско"-ро бисёр дӯст медоштам, ки дар он Митҳун Чакработӣ нақши аслиро офаридааст. Ман ин филмро нахустин бор дар соли 1991 тамошо карда будам, ки он замон 20-сола будам", — ба ёд меорад "Ҷиммӣ".

Боймурод дастпарвари омӯзишгоҳи мусиқӣ аст.

"Ман аз хурдсолӣ дӯст доштам сурудҳои узбакӣ, тоҷикӣ, озарбойҷонӣ ва ҳиндиро бозхонӣ кунам", — мегӯяд вай.

Ӯ навҷавониву ҷавонияшро, ки дар Тоҷикистон гузашта, бо меҳру гармӣ ёд мекунад.

"Дар он замон аз дӯстдоштатарин корҳо бароям пистачинӣ дар кӯҳҳо ва тарбузхӯриву харбузхӯрӣ дар полезҳо буд. Ёдашон ба хайр он рӯзҳоро. Ростӣ, зодгоҳамро сахт пазмон шудаам", — бо ҳасрат мегӯяд вай.

Вале шароит Боймурод – Оймаҳмадро водор кард, ки дар яке аз рӯзҳои соли 2007 ҳамроҳ бо чанде аз ҳамшаҳриёнаш рӯ ба Русия оварад. Он замон вай 36-сола буд.

Пайдоиши Ҷиммӣ Тоҷик

Муҳоҷират ӯро ба шаҳри Санкт-Петербург овард. Ночор буд даст ба ҳар коре бизанад. Гоҳ аробакашӣ мекард ва гоҳе нигаҳбонӣ. Вале дур аз хонаву дар ҳар коре хушбинияшро аз даст намедод ва дар ҳар фурсати муносибе таронаи дӯстдоштааш "Jimmy Jimmy Jimmy Aaja" аз филми "Раққоси диско"-ро замзама мекард.

Боре дӯстонаш ӯро саргарми сурудхонӣ диданд ва нағманавозиву овозхонияшро наворбардорӣ карданд.

"Он навор соли 2008 гирифта шуда буд. Ман он замон дар яке аз фурӯшгоҳҳои бузург нигаҳбонӣ мекардам. Ҳар аз гоҳе таронаи дӯстдоштаамро месурудам. Дар яке аз рӯзҳои таътил он таронаи маъруфро мехондам, ки дӯстонам онро наворбардорӣ ва дар интернет боргузорӣ карданд", — ба ёд меоварад Боймурод.

Ӯ мегӯяд, ки касе интизор надошт, ки ин навори масхара дар YouTube зиндагонии ӯро саду ҳаштод дараҷа зеру забар карда ва чун Ҷиммӣ Тоҷик дар саросари Русия ва Тоҷикистон номдор хоҳад кард. Ин номро бар Боймурод корбарони интернет ниҳодаанд.

Оҳанги ошно ва овозхонии шӯхи Боймурод ин наворро яке аз пурбинандатарин видюҳо дар YouTube гардонанд. Муҳоҷире, ки то он замон аробакашиву нигаҳбонӣ мекард, якшаба ҳунарпеша шуд.

Нақшофарӣ дар филми Темур Бекмамбетов "Ёлки"

Он навор дар соли 2009 ҷоизаи "Видюи сол" дар озмуни интернетии "РОТОР-2009"-ро дарёфт кард ва Ҷиммиро маъруфтару машҳуртар кард. Дар паи он Боймуродро барои иҷрои нақш дар филме даъват карданд.

Боймурод мегӯяд, ки Темур Бекмамбетов худ бо ӯ тамос гирифтааст.

"Вай зангам заду гуфт: Филми комедие дар бораи соли нав сохтанӣ ҳастем, ки "Ёлки" ном дорад. Сипас пешниҳод кард, ки ман дар он нақшеро бозӣ кунам", — мегӯяд Боймурод.

Боймурод дар ин филм нақши Юсуф ном муҳоҷире аз Осиёи Марказиро иҷро мекунад, ки дар кӯдакистоне дар шаҳри Калининград нигаҳбонӣ мекунад ва ҳама пулеро, ки ба даст меорад, ба хонаводааш мефиристад, вале соле як бор – дар Соли нав барои худ ҳам ҷашне барпо мекунад, ки он наҳоре дар "Макдоналдс" аст.

"Ёлки" нахустин таҷрубаи ҳунарпешагӣ барои ин муҳоҷир буд, аз ин рӯ нақшофарӣ барояш бисёр сахту душвор буд.

"Ҳар саҳнаеро чанд бор тамрину такрор мекардем, ки бисёр сахт буд. Вале дертар одат кардам ва осон шуд", — гуфт Боймурод Аллабердиев.

Вай афзуд, ки он замон ҳофизаи хубаш бисёр кумакаш карда, ки нақшашро зуд дар ёд бигирад ва бидонад, ки коргардон аз вай чи мехоҳад.

Боймурод дар идомаи ин филм "Ёлки-3" ва "Ёлки-5" низ нақши Юсуфро иҷро кард. Дар бахши панҷуми филм Боймуродро ҳамсараш Людмила ҳамроҳӣ кард.

Афзун бар ин филм, Боймурод ҳамчунин дар филмҳои "Тариф на прошлое", "Роман с кокаином", "Бобруйск-Дакар", "Скорый "Москва-Россия", "Звезда" ва "Повелитель снов" низ нақшҳоеро бозӣ кардааст.

  • Актер Баймурат Аллабердиев Таджик Джимми со своей женой, архивное фото
    Актер Баймурат Аллабердиев Таджик Джимми со своей женой, архивное фото
    © из личного архива Беймурата Алабардиева
  • Актер Баймурат Аллабердиев Таджик Джимми с родственниками и со своей женой , архивное фото
    Актер Баймурат Аллабердиев Таджик Джимми с родственниками и со своей женой , архивное фото
    © из личного архива Беймурата Алабардиева
  • Актер Баймурат Аллабердиев Таджик Джимми со своей женой, архивное фото
    Актер Баймурат Аллабердиев Таджик Джимми со своей женой, архивное фото
    © из личного архива Беймурата Алабардиева
  • Актер Баймурат Аллабердиев Таджик Джимми, архивное фото
    Актер Баймурат Аллабердиев Таджик Джимми, архивное фото
    © из личного архива Беймурата Алабардиева
  • Актер Баймурат Аллабердиев Таджик Джимми на сцене, архивное фото
    Актер Баймурат Аллабердиев Таджик Джимми на сцене, архивное фото
    © из личного архива Беймурата Алабардиева
1 / 5
© из личного архива Беймурата Алабардиева
Актер Баймурат Аллабердиев Таджик Джимми со своей женой, архивное фото

Вай мегӯяд, ки нақши таъмиркори худрав дар филми "Последний из Магикян"-ро бештар аз ҳама нақшҳояш дӯст медорад.

Акнун Боймуродро ҳаддақалл ду бор дар сол даъват мекунанд, ки дар филме нақш бозӣ кунад. Чунончи, ҳамин чанд рӯз пеш сериёли наве бо ширкати "Ҷиммӣ" пешкаши тамошобинон шудааст.

Ӯ дар ин филмҳо маъмулан нақши муҳоҷире аз Осиёи Марказиро бозӣ мекунад, вале аз ин заррае нохушнуд нест.

"Ман худ то чанде пеш муҳоҷир будам, чаро бояд аз ин шарм медошта бошам?", — мегӯяд ӯ бо ханда.

Ҳунарнамоии Ҷиммӣ Тоҷик дар Шабакаи якум

Афзун бар нақшофарӣ дар филмҳо Боймурод дар барномаҳои телевизюнӣ ҳам ширкат мекунад. Чунончи, вай чанд бор дар барномаи Андрей Малахов" "Пусть говорят" ва ҳамчунин дар барномаи "Большая разница" дар Шабакаи якум низ ширкат кардааст.

Боре ҳам вай дар барномаи Андрей Малахов "Прямой эфир" дар шабакаи "Россия" ширкат карда буд, ки дар он ҳунарпешаи номии ҳиндӣ Ҳема Малинӣ меҳмон буд. Тамошобинон Боймуродро бо кафкӯбӣ ва хушнудӣ пешвоз гирифтанд.

Издивоҷ бо зани рус

Боймурод Аллабердиев бо Людмила Минко ном зане аз Санкт-Петербург издивоҷ кардааст. Людмила мегӯяд, ки онҳо соли 2013 дар ройпаймоии Якуми май дар майдони Кох дар Петербург ошно шуда буданд.

Ба гуфтаи вай, дӯстонаш то Боймуродро диданд, ӯро шинохтанд ва хостанд аксе бо вай бигиранд. Аммо Людмила то он замон навори овозхонии Боймуродро надида буда ва ӯро намешинохтааст, аз ин рӯ чандон аҳамияте ба ин хоҳиши дугонаҳояш надод. Аммо пас аз акс гирифтан онҳо низ ошно шуданд ва ин ошноӣ ба дӯстӣ ва сипас ба ишқу издивоҷ кашид.

Боймурод мегӯяд, ки хешовандонаш ҳамсари русашро бо хушнудӣ пазируфтанд. "Хонаводаам гуфт, агар дӯсташ медорӣ, ӯро ба занӣ бигир", — мегӯяд вай.

Аммо хонаводаи Людмила домодро бо нигаронӣ пазируфт.

"Ниме аз хонаводаам тарафдор буд, ки мо издивоҷ кунем ва ниме мухолиф. Вале акнун ҳама сад дарсад интихоби маро дуруст мешуморанд", — мегӯяд Людмила.

Пас аз издивоҷ бо Боймурод Людмила ӯро дар кору ҳунарнамоияш ёрӣ додан гирифт.

"Борҳо буда, ки филмсозон ӯро фиреб додаву пулашро пурра надодаанд", — мегӯяд вай.

Ӯ тавонист кори ҳамсарашро дуруст ба роҳ биандозад. Акнун вай кӯшиш мекунад шавҳарашро танҳо нагузорад ва агар филм дар дигар шаҳрҳо наворбардорӣ ҳам шавад, ҳамроҳаш онҷо меравад. Чун Боймурод ҳануз ҳам забони русиро хуб намедонад, Людмила барояш мутарҷимӣ мекунад ва истилоҳоти фанниро барояш тавзеҳ медиҳад.

Ҷиммӣ Тоҷик акнун чикор мекунад?

Боймурод Аллабердиев пас аз издивоҷ бо Людмила дар соли 2017 шаҳрвандии Русияро дарёфт кард. Ҳамсараш мегӯяд, ки омодасозии асноду мадорик сахт буд ва се солро гирифт.

"Ҷиммӣ" имрӯзҳо дар рестуроне дар хиёбони Қазон дар маркази Пебербург кор мекунад. Ӯ бо супориши муштариён суруд мехонад. Кораш шом оғоз мешавад ва то посе аз шаб идома меёбад.

Гоҳе мешавад, ки ҳамшаҳриёнаш аз Боймурод кумак мехоҳанд. Ӯ пеш аз ҳама ба ҳамшаҳриҳои мусиқидону навозандаву хонандааш кумак мекунад, ки дар Русия коре пайдо кунанд. Вай ҳамчунон барои хонаводааш дар Тоҷикистон пул мефиристад.

Актер Баймурат Аллабердиев со своей женой, архивное фото
© из личного архива Беймурата Алабардиева
Актер Баймурат Аллабердиев, Таджик Джимми, со своей женой, архивное фото

Вай дар Тоҷикистон хешованд бисёр дорад: амакҳо, бародарону хоҳарон, амакзодаву бародарзодаву хоҳарзодаҳояш ҳама онҷо ҳастанд.

"Ман хонаву зодгоҳамро бисёр пазмон шудаам, аз ин рӯ ҳар тобистон Тоҷикистон меравам", — мегӯяд Ҷиммӣ Тоҷик.

1324
Барчаспҳо:
нигаҳбон, ҳунарманд, Боймурод Аллабердиев, Тоҷикистон, Русия
Неделя моды в Душанбе. архивное фото

Фарзонаи Хуршед дар бораи бегонагӣ бо Фаридун ва "шери нар" - и наваш - видео

4628
(Таҷдидшуда 20:58 10.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

4628
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед
Овозхон Фаридуни Хуршед

Фаридуни Хуршед аз таваллуди фарзандаш хабар дод - навор

696
Овозхон охирҳои июли соли 2019 бори севум издивоҷ карда буд. Он замон расонаҳо навишатанд, ки тӯйи овозхона хоксорона ва бидуни иштироки овозхонҳои машҳур баргузор гардид

ДУШАНБЕ, 22 июл - Sputnik. Фаридуни Хуршед, овозхони попи тоҷик хабар додааст, ки ӯ боз падар шуд.

Ӯ дар саҳифаи Инстаграм навишт, ки имрӯз, 22 июл соҳиби писар шуд.

"Ин рӯз барои ман боз ҳам рӯзи хурсандиву хушбахтист. Фарзанди азизам Баёзид ба дунё омад. Қудуми некат муборак бошад, азизи падар. Мухлисои азизам дар хурсандии ман шарик бошед", - навиштааст вай.

Дар шабакаи иҷтимоӣ бештар аз 500 нафар зери ин хушхабари овозхон шарҳ навишта, ӯро шодбош гуфтаанд.

Ёдрас мешавем, Фаридуни Хуршед собиқ ҳамсари овозхон Фарзонаи Хуршед соли гузашта баъди ҷудо шудан аз ӯ, бори севум издивоҷ карда буд.

Он замон расонаҳо навиштанд, ки тӯйи Фаридун хоксора баргузор гардида, исми ҳамсари севумаш расонаӣ нест.

Фаридуни Хуршед аз издивоҷи дувумаш соҳиби як писар ва як духтар аст.

696

Муҳоҷиронро дигар ба марзи Қазоқистон намемонанд: полиси Самара роҳро назорат мекунад

0
Муҳоҷирони меҳнатӣ, ки дар сарҳади Русия ҷамъ омада буданд, берун карда шуданд, аммо мақомоти минтақа барои пешгирии такрори ин ҳолат чораҳо меандешанд

 

ДУШАНБЕ, 12 авг — Sputnik.  Дар маҷмӯъ, то 7 август беш аз ду ҳазор шаҳрванди Узбакистон ва инчунин тақрибан сад шаҳрванди Тоҷикистон аз марзи Русия ва аз вилояти Самара хориҷ карда шуданд.

Дар ин бора ба Sputnik Тоҷикистон хадамоти матбуоти Ваколатдор оид ба ҳуқуқи инсон дар вилояти Самара Олга Галтсова хабар дод.

Ба иттилои манбаъ, бурдани шаҳрвандони хориҷӣ бар асоси марҳилаҳо сурат гирифта, мувофиқи омадани онҳо ба сарҳади Русия амалӣ карда шуд.

Номбурда гуфт, барои онҳое, ки меомаданд, лагери хаймаҳо бо тамоми шароити зарурӣ ташкил карда шуда буд.

Ба гуфти ӯ, шаҳрвандони Тоҷикистонро бо ҳавопаймо рӯзи 28 июл аз Қазон интиқол доданд ва охирин гурӯҳи муҳоҷирони ӯзбекро 7 август ба кишварашон сафарбар кардаанд.

Аммо эҳтимолияти он, ки муҳоҷирон ба доми қаллобон афтода, дубора ба сарҳади Русия биёянд, боқӣ мемонад, афзудааст Олга Галтсова.

Қиссаи бедаракшавии муҳоҷири тоҷик: аз латукӯб то гум шудани хотира-видео

"Бо мақсади пешгирии ҷамъшавии минбаъдаи шаҳрвандони хориҷӣ дар қаламрави ноҳияи Болшечерниговски вилояти Самара ва инчунин ҷилавгирӣ аз кӯшиши воридшавии онҳо ба қаламрави вилояти Оренбург, постгоҳи назоратӣ таъсис дода шуд", гуфтааст манбаъ.

0
Барчаспҳо:
Ӯзбекистон, Тоҷикистон, Қазоқистон, муҳоҷирон, марз, Самара, Русия