Хайём Хаёлбеков

Аз гараж ба саҳна: Хайём Хаёлбеков намехоҳад ба Муборакшо монанд бошад

1818
(Таҷдидшуда 12:52 23.03.2018)
Хайём Хаёлбеков овозхони ҷавони тоҷик ҳадаф дорад гурӯҳи худро ташкил кунаду олами мусиқии Тоҷикистонро бо овозхонии зинда тасхир кунад

ДУШАНБЕ, 23 мар — Sputnik, Нилуфар Некқадам. Хайём Хаёлбеков ин рӯзҳо барои консерташ дар Маскав омодагӣ мебинад. Дар суҳбат бо Sputnik Тоҷикистон Хайём дар бораи роҳи ҳунарӣ, консерт дар Маскав ва хоҳиши монанд набудан ба дигарон нақл кард.

Хайём Хаёлбеков 23 майи соли 1990 дар нохияи Ишкошими ВМКБ  ба дунё омадааст. Мактаби миёнаро дар шаҳри  Душанбе хатм кардааст. Донишомӯхтаи бахши муносибатҳои байналмилалии Донишгоҳи Славянии Тоҷикистону Русия мебошад. Дар айни замон Хайём дар Аввалин Бонки Молиявии Хурд шаҳри Душанбе фаьолият мекунаду дар фурсати холӣ ба эҷоди мусиқӣ машғул мешавад.

Кӯдаке бо магнитафон

Хайём Хаёлбеков аз кӯдакӣ шавқи овозхон шуданро доштааст, дар ин роҳ касеро устоди худ намешуморад. Мегӯяд, ки фақат гӯш кардани мусиқӣ ӯро мафтуни оҳангу наво кардааст.

"Аслан устоди ман ин магнитофони одии даврони кӯдакиам буд. Устод Далер Назаров, Олег Фезов, шодравон Наргис Бандишоева, Муборакшо Мирзошоев ва овозхонони классики афғонрро гӯш мекардам",-ба ёд меорад Хайём дар суҳбат бо Sputnik Тоҷикистон.

Шояд таъсири сурудҳои устодони ҳунар буд, ки имрӯз аксари мардуме, ки таронаҳои Хайёмро гӯш мекунанд, сабки ӯро ба Муборакшо Мирзошоев монандӣ медиҳанд.

"Бале ҳаминхел мегӯянд, вале ман Муборакшоро тақлид намекунам ва намехохам ба ягон кас монанд бошам, чун эшон нотакрор буданд, тақлид кардани у маъное ҳам надорад", — бовар дорад Хайём.

Хайём мегӯяд, ки будаанд овозхонони зиёде, ки Муборакшоро тақлид мекарданд, вале дар ин ҷода муваффақ нашудаанд, чун шодравон Мирзошоев нотакрор буд.

Бонкдор, гиторнавоз, овозхон ва оҳангсоз

Дар айни замон Хайём дар Аввалин Бонки Молиявии Хурд шаҳри Душанбе фаьолият мекунаду дар фурсати холӣ ба эҷоди мусиқӣ машғул мешавад.

Овозхонӣ шуғли дӯстдоштааш ҳаст, ки ӯро аллакай байни мардум маъруф кардааст. То имрӯз Хайём Хаёлбеков 12 суруди худро сабт кардаву пешкаши мухслисонаш гардонидааст.

Сурудҳои "Чашмонсиёҳ", "Дар ишқи яздон", "Нозукбадан", "Шоҳмуборак", "Ба ҳаққи шоҳи мардон", "Шохи гул", "Лабҳои сард", "Фасли баҳор", "Рамида", "Санамо", "Май дар соғар андозем", "Ошиқам", Хайём-ро мардум аз шабакаҳои интернетӣ хуб балад аст.

Бархе аз ин сурудҳо моли аслии Хаёлбеков буда, чанде бозхонӣ аз овозхонони дигар вале бо иловаи шакли мусиқавии нав мебошад.

"Ҳастанд сурудҳое, ки барои ба қофияи мусиқӣ даровардан худам навиштаам, масалан, нақароти суруди "Чашмонсиёҳ", ки рубоёти шодравон Эҳтибор Юсуфӣ",- гуфт Хайём ва илова карда, ки оҳанги "Нозукбадан"-ро ҳам худ офаридааст.

Дар баробари ин Хайём гиторро хеле хуб менавозад.

Нахустин қарсакҳои мухлисон

Нахустин ҳунарнамоии  Хайём Хаёлбеков дар саҳнаи бузург, рӯзи 8 март дар Филармонияи давлатии Душанбе ба муносибати Рӯзи модарон баргузор шуда буд. Ба гуфти Хайём дар ин коенсрт ҳунарнамоияшро хуш пазируфтаанд ва ӯ нахустин қарсакҳои пурмавҷеро, ки солҳо интизорашон буд, аз мухлисонаш шунидааст.

"Ман то ин дам танҳо барои дӯстон ва дар барномаҳои фарҳангӣ суруд мехондам, вале консерти нахустинам ҳамин сол дар Душанбе баргузор шуд", — гуфт Хайём.

Аз гараж ба саҳна

Вале ба фикри Хайём барои пешрафт ва сабти сурудҳои нав танҳо қарсакҳои пурмавҷи мухлисон басанда нест ва фаъолияти овозхонӣ дастгирии молиявиро талаб мекунад.

Пӯшида нест, ки дар Тоҷикистон манбаъи даромади аслии овозхонон тӯй аст, вале аз сабаби он ки Хайём то имрӯз гурӯҳи навозандагони худро надорад дар тӯйҳо танҳо барои табрик гуфтани дӯстон як ду тарона иҷро мекунаду бас.

"Дар Точикистон бисёр фармоишҳо мешавад, чун гуруҳ надорам аз ҳамин лиҳоз як ду суруди табрикотӣ мехонаму халос", — гуфт Хайём.

Вале Хайём бо як ду суруди табрикотӣ бас карданӣ нест. Ӯ дар нақша дорад гурӯҳи худро ташкил кунаду бо ҳунарнамоии зинда, ки вақтҳои охир барои шоу-бизнеси Тоҷикистон коре маҳол шудааст, мардуми Тоҷикистонро тасхир кунад.

"Албата барои ташкил кардани гурӯҳ, ба мо пеш аз ҳама, лавозимот, асбобҳои мусиқӣ барои машқ кардан ва дарёфти навозандагони касбӣ лозим аст", —гуфт Хайём ва афзуд, ки макони машқро аллакай дар Душанбе ташкил кардааст.

"Ҷое, ки дар он машқу тамрин барои сабти албом мекардем, дар дохили гараже ки дар он мошинро нигоҳ медоштем буд. Вале замоне хабар шудем ки ҷой барои машқкунӣ пурра омода шудаасст", — мегӯяд бо табассум Хайём.

Роҳи ҳунар пурпечутоб ҳасту сабру меҳнати зиёдеро талаб дорад. Хайём мегӯяд, ки ӯро дар ин роҳ ҳам аъзои хонавода ва ҳам дӯстонаш пайваста дастгирӣ мекунанд.

"Мо аз Бадахшон макони шерон"

Дар Точикистон суруди "Чашмонсиёҳ"-и Хаёйм Хаёлбеков қариб ки дар тамоми бозорҳо, ва дуконҳои фиттафурӯшии Душанбе ба гӯш мерасад. Тоҷикони муқими Маскав бошад бештар "Ба ҳаққи шоҳи мардон"-ро писандидааст, яъне сурудҳои Хаёлбеков ҳам дар Тоҷикистон ва ҳам дар Русия мухлисони худро пайдо кардааст.

Яке аз сурудҳое, ки Хайёмро бештар барои тамошобинони тоҷик машҳур кард, суруди "Дар ишқи яздон" бо нақароти "Мо аз Бадахшон макони шерон" буд. Ин сурудро дар шабакаи ютуб наздики 50 ҳазор кас боздид кардааст.

Аслан ин суруд аз устод Иброҳим Сорбон, овозхони классики афғон, бо нақороти "Ки карда пар пар гули печида ёрам бе гуноҳ аз мо рамида" мебошад. Пасон шодравон Муборакшо Мирзошоев ин сурудро бо нақороти "Мо аз Бадахшон мо ҳам мусалмон" сурудааст.

Вале Хайём нақароти ин сурудро ба "Мо аз Бадахшон макони шерон" иваз кардааст ва ин эҷодиёти худро аз воқеъият дур намедонад.

Хайём дар суҳбат бо Sputnik Тоҷикистон сабаби ба шер монанд кардани мардони Бадахшонро гуфт.

Ӯ мегӯяд, ки мардони Бадахшон ва умуман Тоҷикистон дар масъалаи дастгирӣ ба мисоли шеранд. Консерт дар Маскав бо даъвати ҷавонони тоҷи сурат гирифтааст ва Хайём аз дастгирии дӯстонаш беҳад розӣ аст.

"Дар ташкилкунии консерти Маскав, ки чанд руз аст ин ҷоем, мо то имрӯз ягон камбудӣ надидем, мо ҳамроҳ бо гурӯҳи навозандагон 9 кас ҳастем ва баргузоркунандагони ин консерт тамоми шароитро барои мо мухаё кардаанд".

Ва инак рӯзи баргузории барномаи консертии Хайём Хаёлбеков дар Маскав наздик омадааст. Консерт, ки бо ширкати Чоршанбе Аловатов писари овозхони номдор Ақназар Аловатов баргузор мешавад ба ҷашни Наврӯз бахшида шудааст.

Ин овозхонон қасд доранд, дили муҳоҷирони тоҷикро дар ин сардиҳои Маскав бо сурудҳои наврӯзӣ гарм кунанд.

Консерт рӯзи 24 март соати 19:00 дар Кохи фарҳанги воқеъ дар истгоҳи метрои Сокол баргузор мешавад.

1818
Барчаспҳо:
ҳунарнамоӣ дар Маскав, консерт, Хайём Хаёлбеков, Тоҷикистон, Русия
Певец Валиджон Азизов

Чаро Валиҷон навозандаҳои Садриддинро гирифт: сӯҳбат аз бепуливу таънаи шикамкалонӣ

2025
(Таҷдидшуда 14:18 26.10.2020)
Орзу Исоев дар барномаи "Ногуфтаҳо" бо овозхон Валиҷон Азизов аз кам шудани даромад аз тӯй дар давраи ҳамагирии коронавирус ва парҳези овозхон дар пайи "таъна"-и истифодабарандагони Инстаграм аз шиками калони овозхон сӯҳбат кардааст

ДУШАНБЕ, 26 окт — Sputnik. Орзу Исоев аз арзиши хидмати Валиҷон Азизов дар тӯйҳо пеш аз пендемия ёдрас мешавад, ки дар минтақаи Суғд аз 12 то 15 ҳазор сомонӣ ва дар пойтахт то 20 ҳазор сомонӣ будааст.

Аммо тавре овозхон мегӯяд, дар пайи бурузи бемории коронавирус ва кам шудани тӯйҳо, феълан ин нарх хело коҳиш ёфтааст.

"Мо шароити мардумро нигоҳ карда кор мекунем. Ҳоло арзиши ҳақи хизматро 50 дарсад поён бурдаем ва баъзан аз он ҳам камтар мегирем", - қайд мекунад овозхон.

Овозхон ба саволи он ки ин камшавии даромад ба кисаи овозхон то кадом андоза асар кардааст, мегӯяд, боиси мавқуф гузоштани баъзе нақшаҳояш гаштанд.

"Бо он сабаб, ки бештари мардум тӯяшонро то соли оянда мавқуф гузоштанд, мо низ умед мекунем, ки соли оянда вазъият беҳтар мешавад. Гап сари чанд суруди ман меравад, ки омода асту бояд сабт кунам, аммо барои он маблағи зиёд лозим аст", - тавзеҳ медиҳад овозхон.

Чаро Валиҷон навозандаҳои Садриддинро гирифт?

"Чаро навозандаҳои Садриддинро гирифтед?", - мепурсед рӯзноманигор.

Азизов, посух медиҳад, ки "бале, аз хидмати навозандаҳои Садриддини Наҷмиддин, овозхони дигари номии тоҷик истифода мебарад, аммо онҳоро нагирифтааст".

"Ман навозандаҳои Садриддинро нагирифтаам. Вақте ба Душанбе меравам, аз Суғд навозанда намебарам, аз он ҷо киро мекунам.  Ҳатто замоне Садриддин ҳам дар Тоҷикистон қарор дошт, вақте ман Душанбе мерафтам, агар навозандаҳояш бекор мебуданд, ба маъракаҳо бо ман мерафтанд", - мегӯяд Валиҷон.

Мард пирӣ надорад?

Ногуфтаҳои марги Баҳром: намехост рафтан, зангҳои паиҳам ва чӣ хел аз мошин парид?-видео

"Пир шуданро ба гардан мегиред?", - боз мепурсад Орзу Исоев. 

"Мард пирӣ надорад, агар мард ҳамеша хушҳол бошад, ҳамеша дунболи зебогиҳо бошад, пир намешавад", - посух медиҳад Азизов ва мефзояд, ки чанд вақт аст, ки бо вазни зиёдатӣ мубориза мебарад.

"Дар инстаграм ҳама гуфтанд, Валиҷон шикамро нест кун, нест кардам, диета кардам,", - меафзояд вай.

2025
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Россия — «Донишҷӯи хориҷии сол – 2020» гардид

Донишҷӯи тоҷик дар Русия барандаи ҷоизаи "Донишҷӯи хориҷии сол 2020" шуд

687
(Таҷдидшуда 12:50 20.10.2020)
Донишҷӯи тоҷик Ҷуманазар Қурбонназаров дар Хабаровск соҳиби ҷоизаи миллии Русия — "Донишҷӯи хориҷии сол – 2020" гардид

ДУШАНБЕ, 20 окт – Sputnik. Дар шаҳри Хабаровски Русия марҳилаи минтақавии озмун барои Ҷоизаи миллии Рсия — "Донишҷӯи сол – 2020" ба анҷом расид, ки дар он ҷавони тоҷик Ҷуманазар Қурбонназаров пирӯз шуд, хабар медиҳад торномаи Донишгоҳи давлатии шаҳри Комсомолски лаби Амур.

Ин озмун аз ҷониби Созмони ҷамъиятии умумирусиягии "Иттиҳоди ҷавонони Русия" дар якҷоягӣ бо KSAU "Маркази минтақавии ҷавонон оид ба иҷтимоӣ ва саломатӣ" баргузор карда шуд.

Тибқи иттилои манбаъ, озмуни "Донишҷӯи сол-2020" аз рӯи номинатсияҳои инфиродӣ ва коллективӣ дар байни муассисаҳои таҳсилоти олии касбӣ ва ташкилоти таҳсилоти касбии ҳудуди минтақаи Хабаровск доир гардид.

Дар ин озмун Донишгоҳи давлатии шаҳри Комсомолски лаби Амур ва маҳфили ҷавонони тоҷик дар минтақаро донишҷӯи факултаи энергетика ва менеҷменти Донишгоҳи мазкур Ҷуманазар Қурбонназаров  намояндагӣ кард.

Аз рӯи натиҷаҳои ҷаласаи ҳакамон миёни донишҷӯёни 11 донишгоҳи минтақа, донишҷӯи тоҷик Ҷуманазар Қурбоназаров барандаи ҷоиза дар бахши "Донишҷӯи хориҷии сол – 2020" гардид.

"Бо боварӣ метавонам бигӯям, ки Донишгоҳи давлатии шаҳри Комсомолски лаби Амур, имкон медиҳад, ки орзуҳои инсон амалӣ шавад. Ман аз соли 2018 инҷониб дар озмун ширкат мекардам ва бо ҳайрат ба иштирокчиёни дар саҳна буда, назар мекардам. Ман хеле мехостам, ки ба манфиати донишгоҳ кор кунам ва фарҳангу анъанаҳои мардуми тоҷикро дар байни ҷавонон маъмул кунам"  , - гуфт Қурбонназаров.

Ёдовар мешавем, ки даври ниҳоии озмуни "Донишҷӯи сол-2020" аз 14 то 19 ноябр дар шаҳри Маскав баргузор мешавад.

687
Барчаспҳо:
донишҷӯи тоҷик, Русия, сол, донишҷӯй, донишҷӯй
День 29 октября

Ҷашнҳои рӯзи 29 октябр дар Тоҷикистон ва ҷаҳон

0
(Таҷдидшуда 20:28 28.10.2020)
Рӯзи 29 октябри соли 2019 рӯзи ҷаҳонии мубориза бар зидди бемории сактаи майна, рӯзи байналмилалии псориаз (бемории пӯст) ва рӯзи кормандони низоми ҳифзи иҷтимоӣ дар Қазоқистон мебошад

Рӯзи 29 октябр дар ҷаҳон чӣ рух дод

Соли 1898 дар Русия нахустин киштии яхшикан дар ҷаҳон - "Ермак" ба истифода дода шуд.

День 28 октября
© Sputnik / Стас Этвеш / Вишнякова Мария

Соли 1945 дар Ню-Йорк аввалин маротиба ручкаи саққодор ба фурӯш бароварда шуд.

Соли 1947 аввалин маротиба ба хотири ба вуҷуд овардани борон аз яхи хушк истифода бурда шуд.

Соли 1969 аввалин доду гирифт миёни ду компютер дар доираи лоиҳаи ARPANET сурат гирифт, ки ин ҳодисаро дар таърих тавлиди Интернет меноманд.

Пользователь смотрит товары в интернет магазине, архивное фото
Пользователь смотрит товары в интернет магазине, архивное фото

Соли 2016 дзюдочии тоҷик Хушбахт Қурбонмамадов дар мусобиқаи The Big Apple Judo Classic-2016 дар Ню-Йорк медали тилло ба даст овард.

Хушбахт Курбонмахмадов, архивное фото
Хушбахт Курбонмахмадов, архивное фото

Рӯзи 29 октябр дар Тоҷикистон чӣ рух дод

Cоли 2006 пешвои исмоилиёни ҷаҳон Шоҳ Карим ал-Ҳусайнӣ Оқохони IV аз Тоҷикистон боздид кард.

Принц Карим Ага-хан IV, архивное фото
Принц Карим Ага-хан IV, архивное фото

Соли 2012 дар шаҳри Хуҷанд бо ширкати Президент Эмомалӣ Раҳмон ду коргоҳи нави истеҳсолӣ  мавриди баҳрабардорӣ қарор гирифтанд.

День 27 октября
© Sputnik / Стас Этвеш / Вишнякова Мария

Соли 2013 дар шаҳри Кӯлоб 6 корхонаи нави истеҳсолӣ ба кор дароварда шуданд.

Соли 2014 Эмомалӣ Раҳмон ба ифтихори 20 — солагии қабули Конститутсияи Ҷумҳурии Тоҷикистон Қонуни Ҷумҳурии Тоҷикистон "Дар бораи авф"-ро, ки бо пешниҳоди Роҳбари давлат аз тарафи Маҷлиси намояндагон қабул гардида буд, имзо кард.

Соли 2015 дар шаҳри Душанбе масоили ҳамкории дуҷонибаи Тоҷикистону Фаронса баррасӣ шуданд.

Соли 2016 дар шаҳри Роғун бо ширкати Эмомалӣ Раҳмон дар соҳили дарёи Вахш маросими оғози бунёди сарбанди Неругоҳи барқи обии "Роғун" барпо шуд.

Президент Республики Таджикистана Эмомали Рахмон
© Sputnik / Амир Исаев
Президент Республики Таджикистана Эмомали Рахмон

Соли 2019 беш аз 400 маҳбус аз муассисаи ислоҳии 3/5 воқеъ дар шаҳри Хуҷанд ба озодӣ баромаданд.

Пайвандони афвшудагон дар шаҳрии Хуҷанд
акс аз Sputnik Тоҷикистон
Пайвандони афвшудагон дар шаҳрии Хуҷанд

Соли 2019 Sputnik Тоҷикистон хабар дод, ки Ҳукумати Тоҷикистон аз ҷаҳонпаҳлавон Сомон Маҳмадбеков қадрдонӣ кард.

Встреча чемпиона мира Сомона Махмадбекова
© Sputnik / Амир Исаев
Встреча чемпиона мира Сомона Махмадбекова

Соли 2019 Sputnik Тоҷикистон хабар дод, ки бо пешниҳоди раисҷумҳури Тоҷикистон Эмомалӣ Раҳмон, муовини раиси вилояти Хатлон Махфират Хидирова узви Маркази интихот ва раъйпурсии Тоҷикистон интихоб гардид.

Махфират Хидирзода
© Sputnik Махпора Киромова
Махфират Хидирзода

Ҷашнҳои рӯзи 29 октябр

  • Рӯзи ҷаҳонии мубориза бар зидди бемории сактаи майна.
  • Рӯзи байналмилалии псориаз (бемории пӯст).
  • Рӯзи кормандони низоми ҳифзи иҷтимоӣ дар Қазоқистон.

Рӯзи 29 октябр дар Тоҷикистон кӣ ба дунё омадааст

Соли 1929-1993 нависанда Қулмуҳаммад Абдулҳусейнов.

Соли 1950 Алӣ Муҳаммадии Хуросонӣ.

Соли 1958 доктори илмҳои иқтисодӣ Ихтиёр Ашуров.

Соли 1963 сароянда Раъно Абдуллоева.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 октябр дар Тоҷикистон ва ҷаҳон
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон
Ҷашнҳои рӯзи 27 октябр дар Тоҷикистон ва ҷаҳон
Ҷашнҳои рӯзи 28 октябр дар Тоҷикистон ва ҷаҳон