Наврӯз-2018 дар Маскав

Наврӯз дар Маскав: "Наврӯзгоҳи Маскав" имсол мизбони 20 кишвар буд

90
(Таҷдидшуда 17:02 27.03.2018)
Имсол дар барномаҳои ҷашни Наврӯз дар шаҳри Маскав бештар аз дигар солҳо ҳунармандону тамошобинон ширкат карданд

ДУШАНБЕ, 27 мар — Sputnik. Шаҳри Маскав 25 март дар яке аз бузургтарин ғурфаҳои ВДНХ ё Намоишгоҳи дастовардҳои иқтисодиву кишоварзӣ Наврӯзро ҷашн гирифт.

Имсол дар барномаҳои ҷашни Наврӯз дар ВДНХ бештар аз дигар солҳо ҳунармандону тамошобинон ширкат карданд. Ин бор намояндагони 22 кишвар расму ойинҳо ва барномаҳои ҳунариву фарҳангӣ ва ошпазии худро ба мардум ва меҳмонони шаҳри Маскав намоиш доданд.

Ҳарчанд душвор буд барномаҳои ҷашнии ҳама мардумонро пӯшиш дод, вале Sputnik Тоҷикистон сахт кӯшид то ҳар ончиро, ки дар назди "хонаҳои миллӣ" мегузарад, бозтоб диҳад.

Юрт дар канори хоровод

Замоне, ки дар яке аз гӯшаҳои "Наврӯзгоҳи Маскав" меҳмононро ба юрт фаро мехонданд, дар дигар гӯшааш мардумро ба тамошои ҳунарнамоии гурӯҳи мусиқиву рақси русӣ даъват мекарданд. Дар миёни тӯда кулоҳҳои тоҷикӣ, қазоқӣ, қирғизӣ бештар ба чашм мехӯрданд. Ҳар аз гоҳе меҳмононе бо пӯшоки миллии туркманӣ, эронӣ, ҳиндӣ, узбакӣ ва афғонӣ инҷову онҷо дида мешуданд.

Духтарон бо якдигар барои зеботарин пироҳани миллӣ мусобиқа доштанд ва ҷавонон бо парчамҳои миллии барафрошта кӯшиш доштанд ҳарчи хуштар аз рӯи фарши сабзе бигзаранд, ки ба муносибати Наврӯз густарда буданд.

Московский общегородской праздник Навруз-2018
© Sputnik / Евгений Одиноков
Московский общегородской праздник "Навруз-2018"

Бисёре аз меҳмонон ҳар кадоме бо парчами кишвари худ бар дӯшу сурудхонон гашту гузор мекарданд. Ногуфта намонад, ки ин сурудхонии ҳар касу ҳарҷо ҳарҷу марҷ падид намеовард: он рӯз ҳама дар ВДНХ ҳамдилу ҳамовоз буданд.

Ҳарчанд дар толор ғулғула буд, вале ин сару садоҳо ба чандин забон чунон дар ҳам печида буда, ки гӯё ба як забон буд ва монеъ аз гуфтугӯи тамошобинон бо якдигар намешуд. Шигифтангезтар аз ҳама ин буд, ки дар чунон ғулғулае кӯдакони ширхора сари синаи падаронашон ба хоби ноз рафта буданд.

Палавмастӣ

Ҳунармандон меҳмононро дар "Наврӯзгоҳи Маскав" на танҳо бо сохтаҳои дасташон шод мекарданд. Барои дӯстдорони палаву самбӯсаву суманаки тоҷикӣ дар ин ғурфа "дасторхонҳое" ороста буданд, ки кас аз диданашон сер мешуд.

Дар берун ҳар ошпазе канори деги худ остинҳоро бар зада пухту паз мекард. Ҳаво аз бӯи иштиҳоовари палав пур шуда буд ва ҳар касе, ки онро мешамид, нохудогоҳ пояш ӯро ба сӯи дегҳо мекашид. Ошпазҳо низ ҳаминро мунтазир буданд – онҳо барои хӯрондани 40 ҳазор меҳмон на камтар аз як тонна палав пухта буданд.

Ошпазҳо на танҳо дар хӯрондани меҳмонон мусобиқа доштанд, балки кӯшиш мекарданд ҷоизаи хушмаззатарин палавро дар озмуни "Палавмастӣ" ба даст оваранд.

Московский общегородской праздник Навруз-2018
© Sputnik / Евгений Одиноков
Московский общегородской праздник "Навруз-2018"

Ҳамин ки ошпазҳо дегашонро аз оташдон бардоштаву хушнудона ба ғурфа мебурданд, чанд лаҳзае намегузашт, ки он холӣ мешуд. Палавдӯстон дар назди "Ошпазхонаи тоҷикӣ" чунон издиҳом карда буданд, ки палав чашидан он сӯ истад, ҳатто косаву чумчаро ҳам ба сад заҳмат мешуд ба даст овард.

Бисёре аз онҳо ночор буданд дигар барномаҳои наврӯзиро қурбони палавдӯстии худ кунанд: бархе ба барномаи ҳунарӣ нарасиданд ва бархе фурсат накарданд кулоҳу ҷома бихаранд ва ё ҳама толорҳоро тамошо кунанд. Вале бисёре аз онҳое, ки палав насибашон шуда буд, мегуфтанд, ки он арзиши навбат поиданро дошт.

Куштӣ

Имсол барои нахустин бор дар "Наврӯзгоҳи Маскав" зӯрозмоии куштигирон ҳам баргузор шуд, чуноне ки дар Тоҷикистон ҳеч Наврӯзе бе куштӣ намегузарад.

Ин мусобиқаи куштиро созмонҳои "Нур" ва "Помир" бо дастгирии Сафорати Тоҷикистон баргузор карданд. Барои баргузории ин мусобиқот толори ҷудогонае ихтисос дода буданд. Зӯрозмоии куштигирон бисёр ҷиддӣ, мардона, бе созу овозу рақс, пеш мерафт, ки аз ин набардҳо басе гиротару ҳаяҷонангезтар шуда буданд.

Дар чорчӯби ин мусобиқот беш аз 90 паҳлавон дар панҷ вазн куштӣ ва дар се вазн куштии камарбанд гирифтанд. Зӯрозмоии паҳлавононро садҳо кас бо ҳаяҷон тамошо дошт ва ҳар кадоме барои ҳамшаҳрии худ ҳаводорӣ мекард. Бисёре аз тамошобинон ин набардҳоро наворбардорӣ мекарданд то барои касоне намоиш диҳанд, ки дар навбати палав истода буданд.

Дар мусобиқоти куштии тоҷикӣ Дидоралӣ Азизуллоев, Ҷаҳонгир Зикриёев, Нодир Хушаков, Беҳрӯз Гиёев ва Владимир Сарёв қаҳрамон шуданд. Дар мусобиқоти куштии камарбанд Тамерлан Керефов, Рустам Исмоилов ва Александр Затсепин бар ҳамовардон дастболо шуданд.

Московский общегородской праздник Навруз-2018
© Sputnik / Евгений Одиноков
Московский общегородской праздник "Навруз-2018"

Қаҳрамонони ин мусобиқот аз сафири Тоҷикистон дар Русия Имомуддин Сатторов ҷому нишону ҷоизаҳо дарёфт карданд.

Ҳунарнамоии чандсоата

Ҳеч ҷашне дар Ховарзамин бе базму созу овоз баргузор намешавад. Аз ин рӯ, ҳарчанд Маскав шаҳре дар Бохтарзамин аст, вале он рӯз гӯшае аз Ховар шуда буд ва аз оғоз то анҷом овозхонону навозандагон аз кишварҳои гуногун "Наврӯзгоҳ"-ро пур аз созу овоз карда буданд.

Дар ин барномаи ҳунарӣ ҳунармандони номдоре чун Давлатманд Холов, Ренат Иброҳимов, Василий Овсянников. Належда Кригина, барандаи барномаи ҳунарии "Голос" Данила Плужников, гурӯҳи "Учқудуқ" ва бисёре дигар ҳунарнамоӣ карданд.

Московский общегородской праздник Навруз-2018
© Sputnik / Евгений Одиноков
Московский общегородской праздник "Навруз-2018"

Ҳунарнамоии овозхонҳову навозандаҳоро аз рӯи ҷойгоҳи номи кишварашон дар алифбо замонбандӣ карда буданд, аз ин рӯ ҳар гоҳ, ки номи кишвареро мегирифтанд, меҳмонон аз он кишвар ба саҳна наздиктар меомаданд. Ҷолиб аст, ки ҳунарпешаҳои тоҷику узбакро дар канори ҳам ҷой дода буданд, то инҷо низ ҳамсоя бошанд.

Меҳмонон аз Тоҷикистон ва Узбакистон ҳам дар ҳангоми ҳунарнамоии ҳамшаҳриёнашон ҳар аз гоҳе парчамҳои кишварҳояшонро баланд бардоштаву ҳурро мекашиданд. Муҳоҷирони тоҷикро бештар аз ҳама овозхонии устод Давлатманд Холов шод кард, ки ӯро бо кафкӯбии гарм пешвоз гирифтанду гусел карданд. Ҳамчунин намоиши пироҳанҳои тоҷикии тарроҳон Лясан Юмагузина ва Мадина Шарипова меҳмононро бисёр хуш омад.

Ҳунарпешаҳо яке аз паи дигаре якдигарро дар саҳна иваз мекарданд ва меҳмонон дар ҳавои оҳангҳои шӯх дастафшониву покӯбӣ мекарданд. Аммо ҳунарнамоии Меҳрона Ғайбуллоева фазои ҷашнро дигаргун кард: акнун хурду бузург ҳама дар ҳавои таронаи ӯ мерасқсиданд ва дастафшонӣ мекарданд.

Ақрабаки соат беист ба сӯи нимашаб медавид, аммо камтар касе аз меҳмонон мехост аз "Наврӯзгоҳ" биравад, зеро Наврӯз барои бисёре аз онҳо ягона фурсатест, ки худро дар кишварашон эҳсос кунанд ва ё бо дӯстону ҳамшаҳриёнашон дидор тоза кунанд.

Дар шомгоҳи зудҳангоми шаҳри Маскав аз дарвозаҳои "Наврӯзгоҳ" то даромадгоҳи истгоҳи метро "корвоне" аз кулоҳҳои рангоранг равон буд. Ҳафтаи наврӯзӣ дар пойтахти Русия бо маззаи хуши палав ва ёди базму разм дар лабхандҳо ба поён расид.

90
Барчаспҳо:
таҷлил, Наврӯз, мардум, Меҳрона Ғайбуллоева, Давлатманд Холов, Русия, Тоҷикистон
Мавзуҳо:
Наврӯз-2019 дар Тоҷикистон (146)
Мадина Акназарова - Бо ту / Madina Aknazarova - Bo Tu (2020) - YouTube

Мадина Ақназарова чеҳраи Tcell интихоб шуд

1292
(Таҷдидшуда 17:57 24.05.2020)
Сарояндаи ҷавон ва машҳури тоҷик Мадина Ақназарова чеҳраи яке аз брэндҳои алоқаи Тоҷикистон Tcell интихоб шуд

ДУШАНБЕ, 24 май — Sputnik. Мадина Ақназарова сарояндаи ҷавони эстрадаи тоҷик чеҳраи ширкати номдори Tcell интихоб шуда ҳамроҳи ин ширкат бар зидди паҳншавии коронавируси навъи COVID - 19 дар Тоҷикистон мубориза хоҳанд бурд.

Дар ин бора ширкати Tcell ва ҳам Мадина Ақназарова дар саҳифааш дар инстаграм хабар додааст.

Посмотреть эту публикацию в Instagram

@tcell.tj 🎉🙏🏻 Интихоби ман Tcell 😏

Публикация от Madina Aknazarova (@madinaaknazarova_)

Бино ба гузориши манбаъ, Мадина аз ҷумла дар видеоролике барои пешбурди барномаи "Эко" - барномае барои муштариён, ки маблағи он барои мубориза бар зидди паҳншавии коронавируси навъи COVID - 19 дар Тоҷикистон ҳазина мешавад.

Мадина мардуми Тоҷикистонро барои мубориза бо ин вабои аср даъват мекунад, то ба барномаи "Эко" - и Tcell пайваст шаванд ва дар мубориза бо вируси корона саҳмгузор бошанд, чун қисме аз маблағи ин тарофа ба бунёди мубориза бо коронавирус гузошта мешавад.

Аз Шабнам то Нигинаю Мадина: аксияи хайриявии ситораҳои шоу-бизнес - видео

Ёдрас мешавем, ки пештар Мадина Ақназарова дар аксияи хайриявии ситораҳои шоу-бизнеси тоҷик ширкат карда ба 50 оилаи ниёзманд кумак расонид.

Мадина Ақназарова 15 феврали соли 1998 дар шаҳри Хуҷанд ба дунё омадааст. Пас аз чанде хонаводаи Мадина ба пойтахти шимолии Русия шаҳри Санкт-Петербург мекӯчад.

Мадина то синфи 9-ум дар мактаби рақами 596 ин шаҳр таҳсил кардааст. Пас аз хатми синфи 9 хонаводаи Мадина ба шаҳри Душанбе бозгашт.

Мадина ҳуҷҷатҳояшро ба мактаби мусиқии ба номи Аҳмад Бобоқулов бо маслиҳати бобояш ба шуъбаи академӣ (опера) супорид ва онро бо хубӣ хатм кард. Пасон Мадина таҳсилашро дар Донишкадаи санъати Тоҷикистон ба номи Мирзо Турсунзода идома дод.

Феълан Мадина Ақназарова донишҷӯи соли сеюми Донишкадаи ҳунарҳои зебо мебошад.

То имрӯз Мадина Ақназарова консертҳояшро дар шаҳрҳои Душанбе, Хуҷанд, Маскав ва Санкт-Пебербург баргузор кардааст.

1292
Барчаспҳо:
"TCELL", Тоҷикистон, Мадина Ақназарова
Мавзуҳо:
Пайомадҳои COVID-19 дар Тоҷикистон ва ҷаҳон
Юбилейный показ дизайнера Хуршеда Сатторова

Аз Шабнам то Нигинаю Мадина: аксияи хайриявии ситораҳои шоу-бизнес - видео

778
(Таҷдидшуда 13:33 24.05.2020)
Ситораҳои эстрадаи тоҷик дар давраи ҳамагирии коронавируси навъи COVID - 19 ва арафаи Иди Рамазон дар Тоҷикистон аксияи хайриявӣ роҳандозӣ карданд

ДУШАНБЕ, 24 май — Sputnik. Дар Тоҷикистон дар остонаи Иди Фитр нахустин аксияи хайриявии аҳли санъату фарҳанг роҳандозӣ шуда, ба 50 хонаводаи ниёзманд маводи ғизоӣ кумак расонида шуд.

Дар аксия Шабнами Сурайё, Нигина Амонқулова, Мадина Ақназарова, Хуҷастаи Мирзовалӣ, Зайнура Пулодова, Шабнами Собирӣ, ровӣ ва рӯзноманигор Мубориз Усмонов, Сабринаи Назрӣ ва ғайраҳо ширкат кардаанд.

Посмотреть эту публикацию в Instagram

Аввалин челлендж (аксияи хайрияви) миёни ахли санъату фархангу сухан рохандози намудем. Ташаккур ба ташкилкунандагон : @madinaaknazarova_ @rajahmadofficial @delay_dobro_tajikistan Ин навори таргиби (реклама) ва хайп нест, танхо ба хотири водор намудани Шумо азизон дар рохи анчом додани амалхои хайр аст. Мо дар якчояги кудратмандем, ки дасти чандин маъюбону ниёзмандону беморонро бигирем. Пеш аз хама миннатдории худро ба хамаи шахсоне, ки челленчи моро дастгири карданд баён менамоем. Бо кумаку дастгирии Шумо мо тавонистем ки ба 50 оила кумак (озукавори) расонем. Ин танхо огози кори мост. Дар челленчхои оянда мо шахсонеро даъват менамоем, ки имконияти моли доранд , мувофики имконият 1, 5 ,10 сомони ба оилахое, ки дар ин давраи вазнин мухточи дастгириянд, ёрдам намоем. Биёед якдигарро дар ин рузхои сахт дастгири кунем. @nurov_a_i @rajahmadofficial @nigina_amonqulova @khujasta.m @mubor1z @zulaykhoofficial @rafaelgulov @shabnamsurayoofficial @shabnami_sobiri @sabrinai_nazri_official @umedjoni_burhon @_rukhshonakarimova_ @safinajon___8 @fatim.9595 @bonu_shop_tj @zaynura_pulodova @showshotime @pulatovagulasal @shahnozirustam.official @soffi_1111_official @delay_dobro_tajikistan

Публикация от Madina Aknazarova (@madinaaknazarova_)

"Ин навори тарғибӣ ва хайп нест, танхо ба хотири водор намудани Шумо азизон дар роҳи анҷом додани амалҳои хайр аст. Мо дар якҷоягӣ қудратмандем, ки дасти чандин маъюбону ниёзмандону беморонро бигирем. Пеш аз ҳама миннатдории худро ба ҳамаи шахсоне, ки челленҷи моро дастгирӣ карданд баён менамоем. Бо кумаку дастгирии Шумо мо тавонистем ки ба 50 оила кумак (озукавори) расонем", - гуфтаанд дар шарҳи аксия сарояндагон ва афзудаанд, ки ин оғози кор буда дар аксияҳои оянда ба ин кори хайр ашхоси доро ҷалб мешаванд.

Кумаки як миллионӣ: ба муҳоҷирони ниёзманди Маскав 37 тонна маводи ғизоӣ доданд

Аз навор дида мешавад, чӣ гуна мардуми ниёзманд аз дастгирии ситораҳо изҳори шодмонӣ мекунанд ва дар ҳаққи онҳо дасти дуо мебардоранд.

Вазорат омори нави гирифторон, шифоёфтагон ва фавтидагон аз COVID-19 -ро гуфт

Вазорати тандурустии Тоҷикистон мегӯяд, то соати 18:30 дақиқаи 23 май дар Тоҷикистон 2738 нафар гирифторони коронавируси нави COVID-19 ошкор гардида, аз ин беморӣ то кунун дар мамлакат 1223 нафар шифо ёфта, 44 кас ҷон бохтааст.

778
Барчаспҳо:
кумак, кори хайр, ситораҳо, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Город Вахдат. Архивное фото

Даргузашти 14 нафар дар Ваҳдат ва вазъи аз "корона" вазнинтари муҳоҷирини афғонистонӣ

0
14 муҳоҷири афғонистонӣ аз илтиҳоби шуш ва дигар маризиҳо дар шаҳри Ваҳдати Тоҷикистон ҷон ба ҷонофарин таслим кардаанд

ДУШАНБЕ, 25 май — Sputnik. Абдумусаввир Баҳодурӣ, роҳбари ҷамъияти "Ориёно", созмони муҳоҷирини Афғонистон дар Тоҷикистон, ба Sputnik Тоҷикистон гуфт, дар замони шуюъи "вируси корона" 14 муҳоҷире, ки дар шаҳри Ваҳдат зиндагӣ доштанд, бо ташхисҳои мухталиф ҷонҳои худро аз даст доданд.

"Синни поёнтарини онҳо 55 ва болотаринашон 78 буд. Ба қавли пизишкон, аксари онҳо аз илтиҳоби шуш ва қисме ҳам маризиҳои дилу қанд фавт кардаанд. Намефаҳмам, ки ба "вируси корона" чӣ рабте доштанд. Вабо аст дигар, худиву бегонаро намешиносад. Ҳамаи онҳо дар қабристони Теппаи Роҳатии канори роҳи Душанбе - Ромит дафн карда шуданд", - гуфт Абдумусаввир Баҳодурӣ.

Аммо мавсуф аз вазъи риққатбор, хароб ва душвори иқтисодие низ қисса мекунад, ки дар пайи буҳрони пешомада аз "вируси корона" ба сари муҳоҷирини афғонистонӣ омадааст.

"Муҳоҷирин кор надоранд, қарантина аст, мардум ҷое рафта наметавонад, кирои хона ва дигар мушкилот зиндагии моро аз "корона" бештар сангин сохтааст", - гуфт роҳбари ҷамъияти "Ориёно".

Ба қавли ӯ, дар қатори 250 шаҳрванди Афғонистон, ки ҳафтаи гузашта аз Тоҷикистон хориҷ шуданд, ҳудуди 10 хонаводаи муҳоҷирин аз вилоятҳои Балху Бағлон ва Форёб низ буданд.

"Корти муҳоҷираташонро таслими хадамоти муҳоҷират карданд. Сабти вазорати хориҷаву сафорати Афғонистон карда, визаи хуруҷӣ гирифтанд ва рафтанд", - гуфт Абдумусаввир Баҳодурӣ.

Теъдоди маризони коронавирус дар Афғонистон марзи 8 ҳазор нафарро убур кард

Тибқи иттилои ҷамъияти "Ориёно", муҳоҷирини афғонистонӣ асосан дар шаҳри Ваҳдат, бақия дар вилоятҳои Хатлону Суғд, навоҳии Рӯдакӣ, Ҳисор, Шаҳринав ва шаҳри Душанбе сукунат ихтиёр кардаанд ва умдатан бо дӯкондорӣ, мардикорӣ, сохтмон, таъмири мошин, таксиронӣ ва дигар касбу кор машғуланд.

Аммо роҳбари ҷамъияти "Ориёно" мегӯяд, дар қиёс бо онҳое, ки дар Покистону Эрон муҳоҷир ҳастанд, вазъи шаҳрвандони Афғонистон дар Тоҷикистон хеле беҳтару хубтар аст ва дар баробари онҳо аслан табъиз вуҷуд надорад.

"Қабл аз ҳама дар ду чиз: маориф ва тандурустӣ. Бачаҳои мо дар қатори бачаҳои маҳаллӣ озод мактаб мехонанд. Агар яке аз мо ҳам мариз шавад, шифохонаҳо бидуни мамониат моро қабул ва тадовӣ мекунанд. Ҳамин мардуми мо ҳам, ки фавт карданд, чанд рӯз дар шифохонаи Ваҳдат буданд ва бо онҳо ҳамон гуна бархӯрд сурат гирифт, ки бо мардуми бумӣ буд. Мардум ҳам моро як хориҷӣ намедонад", - гуфт Абдумусаввир Баҳодурӣ.

Тайи 40 соли буҳрон дар Афғонистон як қисмати бузурге аз мардуми ин сарзамин ба кишварҳои хориҷ, бахусус, ҳамсоя паноҳ бурданд. Бино ба иттилои расмӣ, ҳоло ҳудуди 7 миллион шаҳрванди Афғонистон дар Покистону Эрон паноҳанда мебошанд. Тоҷикистон яке аз кишварҳои дигари ҳамсоя аст, ки ҳудуди 4 ҳазор муҳоҷирро аз Афғонистон паноҳ додааст.

0
Барчаспҳо:
Афғонистон, маризон, даргузашт, Ваҳдат
Мавзуҳо:
Пайомадҳои COVID-19 дар Тоҷикистон ва ҷаҳон