Фарход Калонов

Гирди дунё: Калонов парчами Тоҷикистонро дар 50 кишвари дунё парафшон мекунад

140
Моторсавори машҳури тоҷик Фарҳод Калонов ба гардиши дунё мебарояд, то корҳои нек анҷом бидиҳад

ДУШАНБЕ, 30 май — Sputnik, Марина Чернышова-Мельник. Рӯзи 1-уми июн президенти ягона клуби байкерҳо дар Тоҷикистон бо номи "Ирбис" Фарҳод Калонов ба ҷаҳонгардӣ мебарояд.

Байкер ният дорад дар тамоми ҷаҳон тани танҳо бо мотосикл чарх зада, ҳамзамон Ватани худро бо парчамаш дар дигар кишварҳо тмуаррифӣ кунад.

Дар суҳбат бо Sputnik Тоҷикистон Калонов муфассалоти сафари банақшагирифтаашро нақл кард.

Байкери тоҷик мехоҳад нишон диҳад, ки чӣ тавр дар танҳоӣ метавон садҳо ҳазор километрро тай намуда, ҳамзамон ватани худро шарафманд гардонд ва корҳои хуб карду, аз тамоми ин чизҳо хушнуд шуд.

Привет жизнь!!!!!! Горизонты ждут!!!!!!

Публикация от Фарход Калонов (@farkhod.kalonov) 5 Май 2018 в 11:54 PDT

 

Хатти сафар дар болои дучарха хеле ғаниву тӯлонӣ аст. Байкер аз Тоҷикистони худ ба Узбакистону Туркманистон, ва сипас бо киштӣ тавассути баҳри Хазар, ба Озарбойҷон расида, аз он ҷо ба Гурҷистон, Туркия, Юнон, Украина, Руминия ва Молдова меравад.

Аз қаламрави Украина, Белорусия ва кишварҳои соҳили Балтик мегузарад. Ба сарзамини шаҳри аз ҳама ғарби Русия — Калининград расида, Фарҳод роҳи худро аз ҳудуди кишварҳои Лаҳистон, Чехия, Австрия ва Хорватия идома хоҳад дод.

 

Бо дучарха аз байни "мӯзача"-и Италия гузашта, ӯ ба Фаронса, сипас ба Испания ва Португалия хоҳад расид. Ҷавонмард аз шаҳри ҷануби Испания гулӯгоҳи Гиблартарро шино карда, ба Марокко мерасад.

Дар Африқои гарму сӯзон вай кишварҳои Марокаш, Мали, Буркина Фасо ва Сенегалро мебинад. Сипас Фарҳод ва мошинаш уқёнуси Атлантикро шино мекунанд ва ба соҳилҳои кишварҳои Амрикои Ҷанӯбӣ мерасанд: Уругвай, Аргентина, Бразилия, Боливия, Чили, Перу, Колумбия ва Венесуэла.

Аз он ҷо — сафар ба Амрикои Марказӣ: Панама, Коста-Рика, Никарагуа, Гондурас, Гватемала ва Мексика. Байкер тавассути қаламравҳои бузурги ИМА ва Канада ҳаракат хоҳад кард. Аз он ҷо киштӣ ӯро аз байни Уқёнуси Ором ба Владивосток оварда мерасонад.

Фарход самти худро ба сӯи Ғарб идома медиҳад: Муғулистон, Русия, Қазоқистон, Қирғизистон ва ниҳоят, Тоҷикистон.

Дар охири сафари худ вай ба макони ибтидо бар хоҳад гашт. Дар маҷмӯъ, Камолов 50 кишварро сайр карда, тақрибан 100 ҳазор километрро тай мекунад. Ӯ ба нақша гирифтааст, ки ба ин сафари худ 1 соли умрашро сарф кунад.

Ба гуфти сайёҳ, ҳадафи асосии вай — хайрия аст. Беҳуда нест, ки сафари вай 1-уми июн — Рӯзи байналмилалии кӯдакон шурӯъ мешавад.

"Дар роҳи тӯлонии худ ман ба марказҳои тиббӣ, ки дар он онҳо кӯдаконро аз синдроми Дауна табобат мекунанд, боздид мекунам. Бо табибон, мизоҷон ва волидайни онҳо гуфтугӯ хоҳам кард. Ба оламиён ман мехоҳам нишон диҳам, ки ин кӯдакони офтобӣ — мисли мо ҳастанд. Муҳим он аст, ки муттаҳид шавему бар зидди ин бемории вазнин мубориза барем. Ман худамро "сафири ҳусни ният" мешуморам ва  вазифаи ман — ҷалби таваҷҷӯҳи ҷамъият тавассути машҳуриву обу рӯям аст", — мутмаъин аст Фарҳод.

Маршрут кругосветного путешествия Фархода Калонова, архивное фото
© Фарход Калонов
Маршрут кругосветного путешествия Фархода Калонова, архивное фото

Ҳамчунин Калонов мехоҳад парчами ватандӯстии ҷавононро баланд бардошта, таваҷҷӯҳи одамонро ба анвоъи варзиши солим ҷалб намояд. Яъне, машғул шудан ба фаъолияти ҷисмонӣ ва тарзи зиндагӣ бо ҳаракат. Барои ин кор байкер мехоҳад рӯзномаи маҷозии сафари худро тартиб диҳад: дар шабакаҳои иҷтимоӣ ҳикоя ва аксҳо аз сафари худро мегузорад.

Ягона моҳвораи Фарҳод дар ин сафари тӯлонӣ — парчами Тоҷикистон аст.

"2018 Соли гардишгарӣ эълон шудааст. Бино бар ин, ман бо худ кутуб ва қурсҳои зиёдеро дар бораи Тоҷикистон ба забони англисӣ мебарам. Ба сокинони кишварҳои мухталиф дар бораи ватани худ, урфу одатҳои он нақл хоҳам кард, таваҷҷӯҳи гардишгаронро ба ватанам Тоҷикистон ҷалб хоҳам кард", — мегӯяд байкер. 

Ҳамин тавр, 1-уми июн Фарҳод Калонов сафари гирдидунёии худро оғоз мекунад.

Он аз майдони Исмоили Сомонӣ (маркази Душанбе), ё аз нуқтаи сифр оғоз меёбад. Агар мақомоти шаҳрӣ иҷозати расмӣ надиҳанд, байкер аз нуқтаи наздиктарини "авто-заправка" роҳсипор мешавад.

Мотор аллакай омода аст ва дар тамоми баданаи он аксҳои парчамҳои кишварҳои дунё ва логотипҳои шарикони тарҳ, ширеш шудааст. Рӯзҳои ангуштшумор мондаанд то Фарҳод нерӯи тоза гираду, ҷасти ҳалкунандаро ба амал орад. Тамоми хоҳишмандон метавонанд оғози хатсайри Фарҳодро тариқи интернет пайгирӣ ва саҳмҳои хайриявии байкери тоҷикро дастгирӣ намоянд.

140
Барчаспҳо:
гардиши дунё, Фарҳод Калонов, Ҷаҳон, Тоҷикистон
Стоматолог

Оиларо гузошту ба Сахалин рафт: чӣ гуна тоҷик дар Русия карйера сохт

745
(Таҷдидшуда 12:59 24.01.2021)
Зодаи Тоҷикистон, дандонпизишк Маҳмад Неъматов боре тасмим гирифт, ки қадами ҷасуронае гузорад ва барои кор ба Русия рафт. Ин қадами ҷасурона ҳаёти ӯро ба куллӣ дигар кард

ДУШАНБЕ, 24 янв – Sputnik. Дандонпизишк Маҳмад Неъматов аз Тоҷикистон ба Русия кӯчид ва тавассути барқарор кардани шуъбаи дандонпизишкӣ дар Сахалин карйераи барҷаста сохт.

Чизе, ки ӯ тӯли 13 сол дур аз ватан ба даст овард ва ба хотири кор чиро қурбон кард, дар матлаби муаллифи РИА Новости Мария Марикян бихонед.

Ба дӯсташ ваъда доду аз Тоҷикистон рафт

Неъматов дар деҳаи Оббурдони ноҳияи Масчоҳи Тоҷикистон таваллуд шудааст. Пас аз мактаб дар Душанбе ба ҳайси духтури дандон таҳсил кардааст. Баъди хатми донишгоҳ аввал дар муассисаҳои тиббии вилоятӣ кор карда, сипас ба зодгоҳи хурди худ баргашт.

"Бо гузашти вақт, муовини сардухтур шудам, ва ҳамзамон раиси иттифоқи касаба будам. Ҳамааш қонеъкунанда буд", - мегӯяд, Неъматов.

Ҳамааш дар соли 2007 тағир ёфт: дӯст ва ҳамкори Маҳмад ба Сахалин рафт ва ӯро бо худ даъват кард.

"Ман розӣ шудам. Ин муколамаи мо, ба назари ман, ҷиддӣ набуд. Ва ногаҳон - занг."  Хуб, ин ҷо хуб аст.  Даромади мӯътадил, таҷрибаи нав. Омода шав! "- гуфт Неъматов.

Ба гуфтаи Неъматов, иҷрои ваъда кори осон набуд: оила ин иқдомро бо камҳавасӣ қабул карданд. Падар ошкоро зидди он буд, ва баҳс мекард, ки ҳоҷат ба тарки вазифа ва гузошта рафтани оила нест.

Аммо Маҳмад ба ин гуфтаҳо гӯш накарду оиларо дар ватан гузошт ва роҳи Русияро пеш гирифт.

Оғози муваффақиятҳои табиби тоҷик дар Русия

Ҷои кори аввалини Неъматов бахши дандонпизишкӣ дар Александровск-Сахалинский дар шимоли вилоят буд. Сахалин пеш аз ҳама ӯро бо барфи зиёд мутаассир кард.

"Ҳолатҳое мешавад, ки шумо дар канори роҳраве, ки ҳар рӯз тоза мекунанд, мегузаред ва дар паҳлӯҳо барф болотар аз шумост. Мисли нақб. Саҳар, баъзан аз даромадгоҳ баромада наметавонед. Ман аз тирезаи ҳамсояҳоям дар ошёнаи якум берун шуда будам ",- ба ёд меорад Маҳмад.

Пас аз панҷ сол, Неъматов қариб тасодуфан ба деҳаи Смирних кӯчид. Ман бо як ҳамватани худ вохӯрдам, ки гуфт, беморхонаи маҳаллӣ мутахассис надорад. Ва дӯсте, ки барояш ба Русия омадам, аллакай ба нафақа баромад, мегӯяд ӯ.

Маҳмад ба беморхонаи марказии ноҳиявии Смирниховский ба кор даромад ва ӯро фавран мудири шӯъбаи дандонпизишкӣ таъин карданд. Духтури дандон дар ихтиёри худ се ҳуҷра дошт: ду ҳуҷра барои қабул ва як ҳуҷра барои табобат.

Махмад Неъматов в Смирныховской ЦРБ
© Фото : из личного архива Махмада Неъматова
Махмад Неъматов в Смирныховской ЦРБ

Чӣ гуна тоҷик дар Русия дандонпизишкиро тағйир дод

Дар ҷои нави кор муҳоҷир  ба вазъи ногувору фанои умумии стоматология дучор шуд. Барои тағир додани шӯъба саъйи зиёд лозим буд.

"Ба назар мерасид, ки ин деворҳо дер боз таъмир нашудаанд. Таҷҳизот аз замони Шӯравӣ буд", - гуфт табиб.

Шуъбаро таъмир карданд, таҷҳизоти нав оварданд. Ва худи Неъматов мутахассисони ҷавон ва кадрҳои ботаҷрибаро фаъолона ҷалб мекард.

Ҳоло беморон дар чор ҳуҷра қабул карда мешаванд. Маҳмад 13 корманд дорад: панҷ табиб, техник-стоматолог, ҳамшираҳои тиб, фаррош. Ифтихори алоҳидаи шуъба- стоматологияи сайёр мебошад.

Ҷеймс Насимӣ - нахустин коргардони тоҷик, ки Ҳолливудро тасхир кард

"Вақте ки ман нав омадам, хеле ҳайрон шудам, ки чаро дар минтақае, ки шароити боду ҳавои махсус дорад, чунин таҷриба вуҷуд надошт. Мо мошинро соли 2019 гирифтем. Онро се сол мунтазир шудем. Дар як моҳ ду маротиба сафар мекунем", - бо болидагӣ мегӯяд, духтури дандон.

Барои карйера, маҷбур будам, оиларо қурбон кунам

Ҳама ин 13 сол Маҳмад аз оилааш дур зиндагӣ кард. Ҳамсараш ҷуръат накард, ки то калон шудани духтарони хурдӣ ба Русия ояд. Ӯ иқрор кард, ки хонаашро хеле пазмон шудааст, гарчанде кӯшиш мекунад, соле ду маротиба ба назди оилааш равад.

Ҳамзамон ба назди Маҳмад, писаронаш низ омаданд: калонӣ, ҳамчун техники дандон таҳсил карда, таҳти назорати падар тахассусашро такмил медиҳад, писари миёнааш ду сол пеш Донишгоҳи давлатии Чувашияро хатм кард ва инчунин ба Сахалин кӯчид.

Махмад с сыном
© Фото : из личного архива Махмада Неъматова
Махмад с сыном

"Ҳоло набераҳоям низ калон шуда истодаанд. То он даме, ки қувват дорам, кор мекунам ва ҳамзамон донишамро ба ҷавонон меомӯзам. Ман як вазифа дорам - ба одамон кӯмак расонидан. Чӣ фарқ дорад, ки дар куҷо? Мо ҳама дар як замин зиндагӣ мекунем. Барои табиб фарқияти ҷинсият, миллат ва дин вуҷуд надорад “, - гуфт Неъматов.

Сайёра Сафарӣ: ҳаргиз бо ҳампешагонам роман надоштам

Маҳмад мегӯяд, ки ӯ худро аллакай Сахалини воқеӣ ҳис мекунад, аммо ба ҳар ҳол нақша дорад, ки пас аз нафақа баромадан, ба зодгоҳаш Тоҷикистон баргардад.

745
Барчаспҳо:
Масчо, Сахалин, касби табибӣ, Русия, Тоҷикистон
Концерт в память барда Лидуша Хабибо в Душанбе, Далер Назаров

Назаров дар бораи убури марзи Ӯзбекистон, вохӯрӣ бо роҳбарону лағви консерташ дар Бухоро

1782
(Таҷдидшуда 18:17 12.01.2021)
Далер Назаров, ҳунарманди маъруфи тоҷикистонӣ пас аз чанд сол бори нахуст дар Ӯзбекистон ҳунарнамоӣ кард. Ӯ ин сафарашро олиҷаноб хондаву гуфтааст, барои консерти лағвшудааш дар Бухоро, дубора ба ин кишвар хоҳад баргашт

ДУШАНБЕ, 12 янв — Sputnik. Овозхон ва оҳангсози шинохтаи тоҷик Далер Назаров, ки охирҳои моҳи декабр дар Ӯзбекистон консерт гузошт, таассуроташ аз ин сафари ҳунариашро нақл кардааст.

Ҳунарманд дар саҳифаи Инстаграмаш, ин сафарро ба шаҳрҳои Тошканду Самарқанд пур аз эҳсоси наҷибу хурсандӣ хондааст.

Вай гуфтааст, сафар ба Ӯзбекистон, ҳарчанд дер боз дар нақша буд, якбора сурат гирифт.

"Ба назарам чунин менамуд, ки ба ин мулоқоти ҷолиб бо тамошобинони Ӯзбекистон бояд омодагии тӯлонӣ бошад. Хусусан, пас аз он ки сарони давлатҳои мо монеаи байни моро бартараф карданд, ки ба ҳама хурсандии зиёд овард ва ман ин ҳодисаро дар солҳои охир матлубтарин ва хурсандибахш мешуморам", - қайд кардааст ӯ.

Далер Назаров омили асосии рушд накардани эстрадаи тоҷикро тавзеҳ дод

Вай афзудааст, ки "новобаста аз пандемия ва баста будани марзҳо, марзбонон  моро хушҳолона пешвоз гирифтанд ва пас аз гузаштани тамоми расмиятҳо ба сарзамини ошно ворид шудем".

"Дар чашми пешвозгирандагон як ҳаяҷон ва тантана намудор мешуд, дар дили мо бошад ҳеҷ "мову шумо"-е набуд, танҳо шодӣ аз вохӯрии деринтизор буд", - афзудааст Далер Назаров.

Овозхон таъкид кардааст, ки дар Самарқанду Тошканд вақташ хуш ва пур аз муҳаббат гузашт. Аммо ҳунарнамоияш дар шаҳри Бухоро бо сабабҳои номаълум лағв шуд.

Хоҳишмандон зиёд шуданд: Далер Назаров дар Тошканд ду рӯз консерт медиҳад

"Мутаассифона, консерти мо дар Бухоро, ки хело интизорамон буданд, лағв шуд. Сабабашро намедонем, аммо медонем, ки вохӯрӣ дар ин шаҳр дар сатҳи олӣ албатта мешавад", - таъкид мекунад ӯ.

Овозхон, қайд кардааст, ки дар давоми ин сафар бо табақаҳои гуногун, аз ҷумла аз роҳбарон то ошпазҳову савдогарон мулоқот дошт.

"Ман инро барои он мегӯям, ки касеро махсус интихоб накардем, ҳама бидуни ягон маҷбурӣ хурсанду самимӣ буданд", - таъкид мекунад ҳунарманд.

Далер Назаров афзудааст, ки то ҳол ба унвонаш "мактубҳои саршор аз меҳру муҳаббат мерасанд ва дар оянда ин ҳама самимият дар таронаҳои тозааш дарҷ хоҳанд шуд".

1782
Барчаспҳо:
консерт, таассуроти нахустин, Ӯзбекистон, Далер Назаров
Сотрудники ФСБ РФ во время задержания гражданина одной из Центрально-азиатских республик

Боздошти ҷавони 22 сола дар пойтахт барои ташкили фоҳишахона

0
(Таҷдидшуда 11:43 25.01.2021)
Вазорати умури дохилаи Тоҷикистон аз боздошти ҷавони 22 сола дар пойтахт барои ташкили фоҳишахона хабар дод

ДУШАНБЕ, 25 янв— Sputnik. Бино бар иттилои дафтари матбуоти вазорати умури дохилаи Тоҷикистон,  ҷавони мазкур дар хонаи иҷорагирифтааш фоҳишахона ташкил карда, аз марду зане, ки ба хонаи ӯ барои алоқаи ҷинсӣ меомаданд 150 сомонӣ мукофотпулӣ мегирифтааст. 

Тибқи иттилои манбаъ зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ҷавони 22-солаи сокини шаҳри Душанбе бо гумони ташкил ва нигаҳдошти фоҳишахона дастгир карда шуд.

Гуфта шудааст, ки номбурда, дар хонаи иҷорагирифтааш, воқеъ дар кӯчаи Сино ба ҷавони 24 ва зани 35-соли сокинони шаҳрҳои Турсунзода ва Душанбе барои алоқаи ҷинсӣ намудан шароит муҳайё намуда, аз онҳо 150 сомонӣ мукофотпулӣ гирифтааст.

Дар ҳоли ҳозир, аз рӯи ҳодиса мазкур тафтишот идома дорад.

Ёдрас мешавем, ки тибқи қонуни нави Тоҷикистон шахсоне, ки ба ташкил ё нигаҳдошти фоҳишахонаҳо, инчунин даллагӣ машғул мебошанд, аз ҳуқуқи падарӣ ва модарӣ маҳрум мегарданд.

0
Барчаспҳо:
ҷавон, Вазорати умури дохилаи Тоҷикистон, боздошт, фоҳишахона, Тоҷикистон