Меҳрона Ғайбуллоева, акс аз бойгонӣ

Дархости Меҳрона аз Рустам Эмомалӣ: дар таъмини манзил кӯмакам кунед

2717
(Таҷдидшуда 12:43 07.06.2018)
Ширкат дар озмуни "Ту беҳтаринӣ!" ба Меҳрона Ғайбуллоева даст дод то истеъдоди худро сайқал диҳад, вале мутаассифона, ҳама мушкилоти оилавӣ ва маишии ӯро ҳал карда натавонист

ДУШАНБЕ, 7 июн — Sputnik. Дар охирҳоии май тавассути шабакаи НТВ давраи  ниҳоии озмуни мусиқии  байналмилалии "Ту беҳтаринӣ!" сурат гирифт.

Ҳамаи ширкаткунандагон пас аз озмун ба манзил ва мактаб-интернатҳои худ баргаштанд.  Меҳрона Ғайбуллоева низ саҳфаи  нави зиндагии худро пас аз озмун дар Тоҷикистон оғоз кард.

Духтари тоҷик ба Sputnik Тоҷикистон тавзеҳ дод, ки пас аз ширкат дар озмун ба ҳаёти вай чӣ навгоние ворид шуд.

© Sputnik Р.Гарсия
Мехрона Гайбуллоева рассказала о жизни после проекта "Ты супер!"

Меҳронаро Душанбе чигуна пешвоз гирифт

Меҳрона Ғайбуллоева ба давраи ниҳоии "Ту беҳтаринӣ!" нагузашт ва пас аз итмоми идҳои моҳи май ба Тоҷикистон рафт.

"Маро дар Душанбе хело хуб пешвоз гирифтанд",  — мегӯяд духтар ва ба ёд меорад, ки чӣ гуна замони баромад аз фурудгоҳ ӯро ҳамчун як шахсияти шӯҳратманд таҳти садои карнай пазируфтанду ба вай гулдастаи калоне тақдим карданд.

Ин пазироии гарм, метавонад ҳар нафарро рӯҳбаланд созанд. Дастгирии ҳамватанон Меҳронаро низ илҳоми беандозае  бахшид.

"Муносиботи одамон нисбати ман тағйир ёфтааст, акнун онҳо маро дар кӯчаҳо ва коллеҷ мешиносанду эҳтиромам мекунанд, ба чорабиниҳои бисёре, ки дар Душанбе баргузор мегарданд, даъват мекунанд", — мегӯяд ба шавқ овозхони ҷавон.

Чоруми июн Меҳрона 18-солагии худро ҷашн гирифт. Овозхони ҷавонро ҳазорҳо корбари  Facebook, VKontakte ва Instagram шодбош гуфтанд.

 

 

Албатта, Меҳрона аз чунин таваҷҷӯҳ хеле хӯшҳол гардида, дар зеҳни вай ҳисси боварӣ ба нерӯи худ пайдо шудааст, ҳарчанд ҷиддяти маҷозии духтар тақрибан пас аз табассуми аввалин нопадид мегардад: Меҳрона зуд ва боз ба ҳамон гулдухтари хандонрӯи сертабассуму сеҳрангез табдил меёбад.

"Мехоҳам ба ҳама муштарикини худ ва ҳамаи онҳое, ки маро мухлиси кардаанд, арзи сипос намоям. Нафарони зиёде ба ман менависанд ва дастгириям мекунанд. То озмун дар шабакаҳои иҷтимоӣ наздики 200 дӯст доштам, ҳоло шумораи онҳо ба 3000 расидааст. Мутаассифона, баъзан ба мактубҳои корбарон посух гуфта наметавонам", — мегӯяд вай.

 

 

Меҳрона аз лоиҳаи "Ту беҳтаринӣ!" чӣ гирифт?

Меҳрона озмунро пас аз марҳилаи нимниҳоӣ тарк кард, аммо ӯ он вақтеро, ки дар чорчӯбаи лоиҳаи "Ту беҳтаринӣ!" гузаронида буд, бо як ҳисси гармӣ ба ёд меорад. Мувофиқи суханони духтар, он чанд моҳе, ки дар доираи лоиҳа сипарӣ шудаанд, ба ӯ малакаҳои муҳими савтиву ҳунарпешагӣ доданд.

 

 

"Аз иштирок дар озмуни байналмилалии "Ту беҳтаринӣ!" ман таҷрибаи бузург гирифтам, дар ниҳоят овози ман кушода шуд. Ман аз муаллимони худ хеле миннатдорам, онҳо ҳамеша пеши назари мананд, бе эшон дилтангам", — эътироф мекунад вай.

Меҳрона афзудааст, ки аз тарк кардани намоиш ва ба давраи ниҳоии озмуни "Ту беҳтаринӣ!" роҳ наёфтанаш, зиёд ғамгин нест.

"Ростӣ, барои ман чизи муҳим ғалаба набуд. Барои он ман андӯҳгин шудам, ки бо дӯстони худ худоҳофизӣ мекунам. Дар 4 моҳ ман бо якчанд нафари онҳо бисёр аз наздик ошно шудам, масалан, бо Артем Семенов, Богдан Вандишев, Вера Ярошик ва Анастасия Пак дӯст шудем. Акнун ман онҳоро хеле ёд мекунам, онҳо ба ман намерсанд", — мегӯяд Ғайбуллоева.

Бисёриҳо дар ёд доранд, ки чӣ тавр Меҳрона Ғайбуллоева ба оҳангсоз Игор Крутой дар пахши мустақим ҷавоби дурушт дода буд.

Узви ҳайати доварон тугмачаи сабзи арзишмандро пахш накарду баромади намояндаи Тоҷикистонро танқиди созанда кард. Вай гуфт, ки баромади ту маро ба ҳайрат оварда натавонист. Он гоҳ Меҳрона суханони ӯро қотеъона буриду гуфт: "Ин танҳо фикри шумост, аммо ман чунин мешуморам, ки ширкаткунандаи шоиставу сазовори ғалаба ҳастам". Ҳоло Ғайбуллоева, албатта, аз кори кардааш сахт пушаймон аст.

"Ман хато кардам — бо оҳангсоз Игор Крутой бо лаҳни дурушт ҳарф задам. Ман мехоҳам барои суханони худ бахшиш пурсам. Игор Крутой барои ман —  идеал аст, бинобар ин, ман мехоҳам боз як бори дигар аз эшон пӯзиш хоҳам," — шармгинона мегӯяд вай.

Тибқи гуфтаҳои Меҳрона, ӯ ин амалро зери таъсири эҳсосот кардааст.

"Ман дар ҳарос будам, намехостам ба Тоҷикистон баргардам, чунки медонистам он ҷо маро ҳама мушкилиҳои мавҷуда — манзил ва молиёт — мунтазиранд. Рӯзҳое буданд, ки ман хоб намерафтам, гиря мекардам ва дар бораи ояндаи худ фикр мекардам. Ман барои ҳамаи ин як бори дигар бахшиш мепурсам. Хиҷолатовар аст, вале ин эҳсосоте буд, ки ман алайҳи онҳо муқобилат карда натавонистам, аз кори кардаам сахт пушаймонам", —  эътироф мекунад сароянда.

Ҳанӯз то сафар ба Маскав байни Меҳрона ва холааш Шаҳло Ғайбуллоева муносибатҳои мураккаб вуҷуд доштанд. Дар пахши мустақим духтар ҳатто барои рафтораш аз холааш, ки ӯро модар гуфта номбар мекунад, бахшиш пурсида буд.

Ҳангоми фуруд омадан ба Душанбе, овозхони ҷавон бо холааш вохӯрда, бори дигар аз вай бахшиш пурсид, аммо пешниҳоди холаашро, ки ба хонаи ӯ раванд, духтар рад кардааст. Мувофиқи гуфтаҳои вай, ӯ ҳанӯз омода нест, ки қадами аввалро гузорад.

"Бо холаам мо ҳеҷ гуна муошират надорем, ҳеҷ чиз тағйир наёфтааст. Шояд, ин ихтиёри вай ё ин ки аз ман бошад. Ҳеҷ намехоҳам гоми аввалро гузорам, оромона ва алоҳида аз вай зиндагӣ кардан мехоҳам", — маҳзунона эълом мекунад Ғайбуллоева.

Сароянда бар он бовар аст, ки алъон ҳеҷ чиз наметавонад муносиботи онҳоро хуб кунад, ва метарсад, ки агар онҳо мисли пештара ҳамроҳ зиндагӣ кунанд, муноқишаҳои хонаводагӣ тамом намешаванд.

Ҳоло ширкаткунандаи озмуни "Ту беҳтаринӣ!" ният дорад ҷудогона зиндагӣ кунад, ҳарчанд вай иқрор мешавад, ки ин тасмим барои вай ба осонӣ ба даст намеояд.

 

… ва аз мақомоти Тоҷикистон хоҳиш дорад, то ӯро бо манзил таъмин намоянд 

Аз лаҳзаи бозгашт ба Душанбе, Меҳрона "кӯчманчигӣ" мекунад, аз хонаи як дугонааш ба хонаи дугонаи дигараш ва аз сеюмаш ба чорумаш, зеро вай ҷои зисти дигар надорад.

"Дар робита ба масъалаи манзили ман, чизе тағйир наёфтааст. Айни ҳол барои ман хеле душвор аст. Ҳозир ман ба Душанбе омадаам ва дар хонаҳои дугонаҳоям зиндагӣ мекунам. Ман медонам, ки ин нодуруст аст. Як-ду рӯз дар хонаи як дугона, як ё ду рӯзи дигар дар хонаи дугонаи дигар ба сар мебарӣ. Баъд чӣ?! Яқин аст, ки бо чунин тарзи ҳаёт ман абадӣ буда наметавонам", — бо изҳори нигаронӣ мегӯяд вай..

Мувофиқи гуфтаҳои ширкаткунандаи озмуни "Ту беҳтаринӣ!", мудирияти коллеҷе, ки дар он вай таҳсил мекунад, ба ӯ дар хобгоҳ ҷой пешниҳод кардааст, вале барои тасмими мусбӣ гирифтан тарбияи вай халал мерасонад, зеро, охир, дар Тоҷикистон қобили қабул нест, ки духтари ҷавон бидуни назорати хешу ақрабо дар хобгоҳ ва бо одамони бегона зиндагӣ кунад.

"Ман мехоҳам кулбаи худро дошта бошам, ҳамроҳи хоҳаракам зиндагӣ кунам. Пас аз марги модарамон, ғамхору меҳрубони нисбати хоҳарам — вазифа ва қарзи ман аст. Бар ин бино, барои ман беҳтар мебуд, агар мақомоти Тоҷикистон ба ман манзили алоҳида медоданд", — изҳор дошт ӯ.

Пас аз давраи нимниҳоии озмуни "Ту беҳтаринӣ!", муҷрии телевизионии лоиҳа Вадим Такменов  ба мақомоти Тоҷикистон, бо дархости кумак ба Меҳрона дар робита ба ҳалли мушкилоти вай, аз ҷумла таъмини ҷои зист дар Душанбе, муроҷиат карда буд. Аммо, чуноне ки Ғайбуллоева мегӯяд, то ба ин дам роҳи ҳалли масъала аз ҷояш наҷунбидааст.  

"Аз ҳамон лаҳза то ба ҳол ҳеҷ чиз тағйир наёфтааст. Ман худам ба ҳузури шаҳрдори пойтахт Рустами Эмомалӣ нарафтаам, вале ҳоло аз фурсати муносиб истифода бурда, бисёр мехостам, ки барои таъмини манзил ба ман кумак кунанд, зеро ин ба ман хеле муҳим аст", — мегӯяд Меҳрона.

Аммо, сарфи назар аз ҳама душвориҳо дар Душанбе, овозхони ҷавон рӯҳафтода нашуда, танҳо ба пеш ҳаракат кардан мехоҳад.

"Қабл аз ҳама ман бояд дар назди худам исбот кунам, ки аз ӯҳдаи анҷоми коре баромада метавонам. Худо хоҳад, дар зиндагӣ ман ноком нахам шуд. Мутмаинам, ки ба мақсадҳои худ мерасам. Ҳамчунин ман ба ҳамаи онҳое, ки бо ман буданд, маро дастгирӣ намуда, боварӣ доштанд ва мухлисиям мекарданд, миннатдории худро баён месозам. Ҳазор раҳмат ба шумо!", —мегӯяд Меҳрона бо лаби пуртабассум.

Ба он дастоварде, ки Меҳрона дар 6 моҳ тавонист ба он ноил шавад, назар карда, метавон изҳори умедворӣ кард, ки Меҳрона Ғайбуллоева мақсадҳояшро амалӣ мекунад ва сарояндаи ҳирфаӣ мешавад.

2717
Барчаспҳо:
манзил, озмун, Меҳрона Ғайбуллоева, Рустам Эмомалӣ, Тоҷикистон
Курбанова Фарахноз, студент 1 курса бакалавриата

Аз интихобам розиям: чигуна донишҷӯёни тоҷик дар Русия таҳсил мекунанд - акс

232
Донишҷӯёни тоҷик, ки дар Донишгоҳи технологии Русия таҳсил мекунанд, дар бораи ҳаёти донишҷӯӣ ва раванди таҳсил дар Маскав нақл карданд

ДУШАНБЕ, 2 июл — Sputnik. Донишҷӯёни тоҷик, ки дар Донишгоҳи технологии Русия - МИРЭА таҳсил мекунанд, дар бораи таҳсил дар муҳити байналмилалӣ нақл карданд. 

Имрӯзҳо дар донишгоҳи мазкур ҳудуди 200 донишҷӯи тоҷик таҳсил мекунанд, ки дар оянда дар соҳаҳои телекоммуникатсия, автоматика, кибернетика, радиотехника ва электроника мутахассис хоҳанд шуд.

Чунончи, донишҷӯи курси дувуми магистратура дар саҳаи "технологияи кимёвӣ" Солиҷон Собиров мегӯяд, то дохилшавӣ ба МИРЭА дар Донишгоҳи техникии Тоҷикистон ба номи Муҳаммад Осимӣ таҳсил мекард.

Солижон Собиров, студент 2 курса магистратуры,
Солижон Собиров, студент 2 курса магистратуры,

Ӯ ду сол пеш факултаи энергетикаи донишгоҳро хатм карда, мақсад дошт ба кор дарояд, аммо қарор дод, ки дар Маскав ба бахши магистратура дохил мешавад.

"Мехостам донишамро дар ду самт комил кунам. Феълан ман ду маълумот, муҳандис-энергетик ва химик-технолог дорам. Фикр мекунам, ки ин хело хуб аст", - мегӯяд ҷавон.

Ҳоло Солиҷон дар хобгоҳ зиндагӣ мекунад, идрорпулӣ мегирад, муваққатан худро дар Русия ба қайд гузоштааст. Ин донишҷӯи тоҷик кам-кам кор ҳам мекунад.

"Агар донишҷӯ дар ҳақиқат аз нигоҳи молиявӣ ба мушкилӣ дучор шавад, касе аз ин ҷиҳат ба вай кӯмак накунад ё дар хонаводаашон мушкилии иқтисодӣ бошад, пас вай метавонад дар 11 моҳ як маротиба аз донишгоҳ кӯмак хоҳад. Маблағе ки донишгоҳ медиҳад, кам нест", - меафзояд ӯ.

Солиҷон мегӯяд, вақти бештарашро барои таҷрибаомӯзӣ дар донишгоҳ мегузаронад, аммо барои дӯстӣ бо донишҷӯён ва бозии футбол ҳам вақт меёбад.

Дигар донишҷӯи тоҷик Фараҳноз Қурбонова дар курси аввал таҳсил мекунад. Ӯ ҳам мегӯяд аз интихоби касб ва донишгоҳаш розӣ аст.

Ин духтари тоҷик хатмкардаи Литсейи президентӣ барои хонандагони лаёқатманд аст. Ӯ мехостааст пас аз хатми мактаб ба факултаи муҳандисиву барномарезӣ дохил шавад, барои ҳамин донишгоҳи технологии Русияро интихоб кардааст.

"Ман ки аз кишвари хориҷ ба Русия омадаам, дар хобгоҳ зиндагӣ мекунам. Ба донишҷӯёни хориҷӣ дар бахши авали таҳсил стипендия медиҳанд, баъдҳо ҳаҷми он аз худи донишҷӯй вобаста аст", - мегӯяд Фараҳноз.

Духтарак қайд мекунад, ки бартарии дигари таҳсил дар ин донишгоҳ пайдо кардани дӯстон аз кишварҳои хориҷ аст. Фараҳноз дӯстони ӯзбекистонӣ, белорус, украинӣ, қазоқистонӣ, аз Ветнам, Чин ва албатта Русия дорад.

Танҳо дар як Донишкадаи Тоҷикистон наздик ба 500 донишҷӯ аз Узбакистон дохил шуданд

"Ман ин ҷо худамро дар байни дӯстон пайдо кардам. Ман бо онҳо ба ибтидои нардбони муваффақиятҳоям қадам мегузорам. Агар хоҳӣ, ки ояндаи хушбахт дота бошӣ, бояд хонӣ ва меҳнат кунӣ. Боварӣ дорам, ки дар МИРЭА ба тамоми орзуҳоям мерасам", - мегӯяд Фараҳноз хушбинона.

 

232
Музаффар Имомдод

Музаффар Имомдод: аз воҳимаи COVID - 19 дар ВМКБ то ризокории 3000 ҷавон ва сахои мардум

3510
(Таҷдидшуда 15:19 23.06.2020)
Музаффари Имомдод, ризокор, фаъоли ҷамъиятӣ ва яке аз бунёдгузорони гурӯҳи "Цавор куен" (Чор кӯҳ) дар Facebook дар бораи вазъи COVID - 19 дар ВМКБ, кумаки хайрхоҳон ва 11 соли ихтиёрӣ буданаш гуфт

ДУШАНБЕ, 23 июн – Sputnik, Нилуфар Некқадам. Музафари Имомдодро корбарони Facebook чун шахси фаъоли ҷамъиятӣ ва ризокори ҳамеша омодаи кумаку ёрӣ мешиносанд. Ӯ аз рӯзҳои аввали шуюи COVID - 19 дар Тоҷикистон, ба хайрхоҳон муроҷиат карда, бо маблағи ҷамънамуда ба табибони Суғду, Хатлону Вилояти Мухтори Кӯҳистони Бадахшон кумак кард.

Ҳар рӯз дар саҳифааш дар Facebook наворе дар бораи расонидани кумак ба табибони ин ё он минтақаи кишвар пайдо мешавад. Чун худи ӯ мегӯяд, "бояд хайрхоҳон бидонанд ва бубинанд, ки маблағи онҳо дар куҷо ва чӣ гуна ҳазина мешавад".

Аз Русия то Африқо

Дар Тоҷикистон рӯзи 30 апрели соли 2020 расман 15 ҳолати гирифторӣ ба вируси корона сабт гардид. Пас аз як рӯз Музаффар бо наворе барои ҷамъ овардани маблағ барои кумак ба пизишкон ба мардум муроҷиат кард. Ба гуфти ӯ бародарони саховатпеша аз Русия то Африқо занг мезаданду маблағ равон мекарданд.

"Аввал бародарон аз Русия ва аз худи Тоҷикистон кумак карданд. Баъдтар аз Олмон, Африқо, Амрико ва дигар кишварҳо низ маблағ равон карданд. Пас аз се рӯзи муроҷиат мо маблағи ирсолкардаро гирифта, 70-дона либоси вижаи муҳофизатӣ харидем ва ба пизишкони навоҳии гуногун аз Ҷилликул то шаҳри Хуҷанду Ёвон расонидем. Пули равоннамудаи хайрхоҳон дар умум наздики 50 ҳазор сомонӣ шуд. Аз ин маблағ аз номи ризокорони ВМКБ ба зарадидагони фоҷиаи Хуросон 10 ҳазор сомонӣ равон карда шуд", - гуфт Музаффар.

Музаффар аз он изҳори хушнудӣ мекунад, ки мардуми тоҷик ҳиммати баланд доранд ва саховатпешаанд.

"Ростӣ ман бо мардуми хайрхоҳамон ифтихор мекунам", - мегӯяд ӯ ва ба ҳамаи ашхоси саховатпеша ва ихтиёриён, барои хизматашон изҳори сипос мекунад.

Вазъи COVID - 19 дар ВМКБ: аз воҳима то оромии рӯҳӣ

Музаффар рӯзи 9 май барои кумак ба пизишкон ба ВМКБ сафар кард ва инак беш аз ду моҳ мешавад, ки ӯ дар хизмати халқ аст. Ба фикри ӯ? маризии коронавирус худ онқадар вазнин нест, вале ваҳму воҳимааш барои фаҳмиш душвор аст.

"Рӯзҳои аввал мардумро ваҳму воҳима пахш карда буд. Онҳо дар бораи маргу мир аз ин маризӣ, ки бахусус дар кишварҳои Урупо зиёд буд, шунида буданд ва ба таҳлука афтода буданд",-изҳор дошт ӯ.

Музаффар ҳамроҳи дигар ризокорон барои кумак ба пизишкон қариб ба ҳамаи ноҳияҳои ВМКБ ва қишлоқҳои дурдаст сафар карданд. 

"Мо аз қишлоқҳои ноҳияи Ванҷ, Рӯшону Бартанг, Шуғнону Ишкошим ва то Мурғоб сафар карда, либосҳои муҳофизатӣ, ниқобҳо, маҳлулҳои зиддиуфунӣ бурдем. Фақат Язгулом ва қишлоқҳои болоии ноҳияи Шоҳдара мондааст, ки насиб бошад пас аз се рӯз бо кумаки вижа барои хонаводаҳои ниёзманд, сафар хоҳем кард", - гуфт Музаффар.

Мусоҳиб мегӯяд вазъияти беморӣ дар ВМКБ дар ягон ҷо вазнин набуд, чун аз рӯзҳои аввал ҳам духтурон ва ҳам ризокорон барои пешгирии он кори зиёде анҷом доданд. Созмонҳои гуногун аз қабили Бунёди Оқохон оид ба тандурустӣ, ширкати Памир энерҷӣ ва Ҳукумат барои пешгирии беморӣ кумак карданд.

"Чун зичии аҳолӣ дар шаҳри Хоруғ бештар аст, ин ҷо маризон бештар буданд. Дар водии Бартанг дар кишлоки якум - Шуджанд танҳо як бемор буд. Шукри Худо дар дигар деҳаҳои Бартанг нафаре бемор набуд. Мо ба қишлоқҳои дурдасти Бартанг аз номи Ҳукумат се либоси муҳофизатӣ, маҳлулҳои зиддиуфунӣ ва аз номи ризокорон ниқобҳоро бурдем", - нақл кард Музаффар .

Дар ВМКБ то 20 июни соли равон барои пешгирӣ аз паҳншавии густурдаи коронавирус аз ҷониби мақомоти ҳокимияти давлатии вилоят маҳдудиятҳо - равуо миёни навоҳӣ ва шаҳри Хоруғ, ҷорӣ шуда буданд. Имрӯзҳо бошад мардуми ин вилоят ба зиндагии муқаррарии худ бозгаштааст.

"Феълан мардум бе ҳарос ба корҳои саҳроӣ ва хоҷагидорӣ машғул ҳаст. На бузургсолон ва на ҷавонон дигар аз ин беморӣ ҳарос надоранд, чун дарк карданд, ки он ҳам мисоли зуком гузаранда аст, албатта на барои ҳама", - гуфт Музаффар ва афзуд, ки мардум рӯҳан ором шудаанд.

 Чаро ВМКБ барои роҳ надодани COVID - 19 омода набуд?

Коронавируси навъи COVID - 19 моҳи декабри соли 2019 дар Вуҳани Чин зуҳур кард ва бар пояи гузориши расмӣ ба Тоҷикистон пас аз 4 моҳ, 30 апрели соли 2020  расид. Мебоист Тоҷикистон барои пешгирии ин вабои аср ҳаматарафа омода мешуд. Музаффар мегӯяд "қаҳрамонони рӯз" - пизишкон барои мубориза бо ин маризӣ омода буданд, вале имконияти пешгирии онро надоштанд.

"Фикр мекунам пизишкон барои табобати маризони коронавирус омода буданд, аммо лавозимоти муҳофизатӣ ва доруву даво надоштанд. Чун ба ҳар қишлоқе, ки мо сафар мекардем ва ба ҳар марказҳои табобатӣ, ки мерасидем, бо чашмони худ медидем, ки пизишкон либоси муҳофизатӣ надоранд", - шарҳ дод Музаффар. 

Сабаби аслии роҳ ёфтани коронавирус ба ВМКБ-ро Музаффар дар камаҳамиятӣ ва бедиққатӣ мебинад. Ба гуфти ӯ танҳо бо кумаки ризокорон ва шахсони саховатпеша мешуд паҳншавии COVID - 19 - ро дар ВМКБ пешгирӣ кард.

11 соли ризокории Музаффар ва кумаки 3000 ихтиёрӣ дар замони ҳамагирии COVID - 19 дар Бадахшон

Ризокор ё ихтиёрӣ - шахсест, ки бемузд ба нафари дигаре хизмат мекунад. Аз давраҳои қадим чун дар дигар манотиқи Тоҷикистон, мардуми Бадахшон бештари кори худро тариқи ҳашар - кори дастаҷамъонаи бемузд анҷом медоданд. Қариб ҳамаи хонаҳои помирӣ, ки имрӯз дар Бадахшон ҳастанд тариқи ҳашар - ё бо қувваи ихтиёриён сохта шудаанд.

Музаффар ризокориро аз арзишҳои волои мазҳаби худ медонад. Ӯ мегӯяд аз кумак кардан ба дигарон ҳаловат мебарад ва бо ин роҳ мехоҳад дилеро шод кунад.

"Ризокорӣ аз арзишҳои мазҳаби ман аст. Бо ин арзишҳо ман метавонам диле ба даст оварам. Дар навбати аввал ман аз коре, ки барои шахсе анҷом медиҳаму ӯ шод мешавад, ҳаловат мебарам, махсусан кумак ба бузургсолон, кӯдакон ва ниёзмандонро дар назар дорам", - гуфт Музаффар ва афзуд ки беш аз 11 сол ӯ дар хизмати халқ аст.

"Ҷое мешавад, ки нафареро бепул бо хадравам ба манзилаш мерасонам, ҷое мешавад, ки бо кумаки дӯстонам мушкили касеро ҳал мекунам".

Дар замони ҳамагирии COVID - 19 дар ҳар қишлоқи ВМКБ гурӯҳи ризокорон аз ҳисоби ҷавонон ва фаъолони ҷомеа ташкил шуд, ки тартибу интизом ва риояи қоидаҳои қарантиниро назорат мекард. Онҳо намегузоштанд, ки меҳмонони аз шаҳри Душанбе расида бе гузашти 14 рӯз бо дигарон ҳамсуҳбат шаванд, ё нафаре бидуни ниқоб аз хона берун равад, ё дар кӯча масофаи иҷтимоиро риоя накунад.

Ба ҳамаи ин корҳо беш аз 3000 ризокор банд буд. Шояд ҳамин якдиливу омодаи кумак будани халқ, буд, ки мардуми Бадахшон авҷи аввали  COVID - 19 - ро бидуни талафоти зиёд паси сар карданд.

Вале, набояд фаромӯш кард, ки бино ба пешбинии ҳамагиршиносон мавҷи дуюми COVID - 19 дар Тоҷикистон аз эҳтимол дур нест ва ҳамоно бояд риояи қоидаҳои беҳдошт ва масофаи иҷтиоию пӯшидани ниқоб фаромӯш нашавад.

То 22 июн дар Тоҷикистон 5513 нафар бо ташхиси сирояти коронавируси нави COVID-19   ошкор гардида, аз ин беморӣ то кунун дар кишвар 4039 (73,2%) нафар шифо ёфтаанд. Ҳамзамон, то санаи зикргардида дар мамлакат аз ин беморӣ 52 нафар фавтидаанд.

3510
Барчаспҳо:
сукунати ихтиёрӣ, ихтиёрӣ, вазъ, вируси нав, Музаффари Имомдод, Тоҷикистон
Судебный процесс по делу Зиёева Юсуфа Раджабалиевич по обвинению в изнасиловании трехлетней девочки

Муттаҳам дар таҷовузи духтари сесола: оғози мурофиаи парвандаи Зиеёв дар суди Душанбе: акс

1090
(Таҷдидшуда 00:00 04.07.2020)
Додгоҳи шаҳри Душанбе ба баррасии парвандаи марде оғоз кардааст, ки дар таҷовузи духтарчаи сесола муттаҳам мешавад

ДУШАНБЕ, 3 июл — Sputnik. Дафтари матбуотии додгоҳи пойтах бо нашри аксҳо аз оғози баррасии парвандаи таҷовузи духтари сесола хабар додааст.

Тибқи иттилои манбаъ, мурофиаи додгоҳӣ имрӯз, 3 июли дар толори судии суди шаҳри Душанбе бо парвандаи ҷиноятӣ бо айбдории Зиёев Юсуф Раҷабалиевич барои содир намудани таҷовуз ба номуси духтарчаи се сола оғоз шудааст.

Ба иттилои манбаъ Зиёев Юсуф  бо моддаҳои 138 қисми 3 банди “а”, 139 қисми 4 банди “а” ва 127 қисми 1 Кодекси ҷиноятии ҷумҳурии Тоҷикистон гунаҳгор дониста мешавад.

Дафтари матбуотии додгоҳи Душанбе ҷузъиёти пурраи парвандаро нашр накардааст.

Тибқи Кодекси ҷиноятии Тоҷикистон қисими сеюми моддаи 138 (таҷовуз ба номус нисбат ба духтари баръало ба синни чордаҳсолагӣ нарасида ё хеши наздик) – аз 12 то 25 соли зиндон ё ҳукми қатл ё ҳабси умрбод пешбинӣ шудааст.

  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
1 / 3
Пресс-служба столичного суда
Судебный процесс по делу Зиёева Юсуфа Раджабалиевич по обвинению в изнасиловании трехлетней девочки

Ҳамчунин қисми чори моддаи 139-и Кодекси ҷиноии кишвар барои ҳаракати зўроварии дорои хусусияти шаҳвонӣ нисбат ба шахси баръало ба синни чордаҳсолагӣ нарасида аз 15 то 20 соли зиндонро дар бар мегирад.

Қисми якуми моддаи 127 бошад дидаю дониста дар хатар монондан ва нарасонидани ёрӣ ба шахсе, ки дар вазъияти барои ҳаёт ё саломатиаш хавфнок қарор дорад ва аз сабаби хурдсолӣ, пиронсолӣ, беморӣ ё аз сабаби оҷизии худ имконияти андешидани чораҳои худмуҳофизатиро надорад, ҳангоме, ки шахси гунаҳгор метавонист ба ин шахс ёрӣ расонад ва вазифадор буд нисбати ў ғамхорӣ зоҳир намояд ё худаш ўро дар ҳолати барои ҳаёт ё саломатиаш хатарнок гузоштанро дар бар гирифта, ашхоси муттаҳам бо чунин моддаро ду сол зиндон таҳдид мекунад.

1090