Вазири умури дохилаи Тоҷикистон, акс аз бойгонӣ

Раҳимзода дар бораи модаркушии ҷангҷӯи тоҷик достон навишт

338
(Таҷдидшуда 17:01 08.08.2018)
Ғояи ба намоиш гузоштани пиесаи "Дили модар" дар рафти ҳамкории театри Лоҳутӣ бо шоир Ниҳонӣ пайдо шуда, коргардон ва ҳунармандони театр онро амалӣ карданд

ДУШАНБЕ, 8 авг — Sputnik. Театри Лоҳутӣ достони "Дили модар"-и шоир Ниҳонӣ, вазири умури дохилаи Тоҷикистон-ро ба намоиш мегузорад. Интизор меравад, нахустнамоиши "Дили модар" 13 август дар театри Лоҳутӣ баргузор шавад. Дар ин бора ба Sputnik Тоҷикистон роҳбари бахши адабии театр Ортиқи Қодир хабар дод.

Ба гуфтаи вай, муаллифи достони "Дили модар" шоир Ниҳонӣ ва коргардони он коргардони соҳибкасб Қурбони Собир аст.

Тавре  роҳбари бахши адабии театр афзуд, намоишнома ба таври манзум ба саҳна гузошта шуда, аз саргузашти як ҷавони тоҷик, ки ба гурӯҳи ифротӣ пайваста саранҷом модари худро ба қалт мерасонад, нақл мекунад.

Театри Лоҳутӣ бо муаллифи достон шоир Ниҳонӣ ҳамкории зич доштааст.

"Ниҳонӣ на танҳо чун шоир, балки чун мансабдор бо театр алоқаи калон дорад.  Ӯ зуд-зуд бо ҳамкоронаш ба театр меояд. Ин иқдоми вазири умури дохила намунаи олӣ ба дигар мансабдорони тоҷик аст", — гуфт вай.

Ба гуфтаи Ортиқи Қодир, идеяи ба намоиш гузоштани чунин як пиеса дутарафа сурат гирифтааст.

"Ман шахсан пештар як шеъри Ниҳониро, ки "Ҳизби замин" ном дошт қироат карда будам. Онро Ниҳонӣ хуш қабул карданд. Пасон идеяи гузоштани чунин як намоишнома пайдо шуд ва мо бо шоир Ниҳонӣ онро амалӣ кардем", — афзуд ҳунарманди мардумии Тоҷикистон.

Нақшҳои асосиро дар пиеса Марям Исоева (модар) ва нақши писарро як донишҷӯи тоҷик бозидаанд.

Бори аввал нест, ки ашъори вазири умури дохилаи Тоҷикистон расонаӣ мешавад. Чунончӣ пештар хабар дода шуд, ки ҳунарманди мардумии Тоҷикистон Афзалшо Шодиев шеъри "Эҳёи дӯстӣ"-и Ниҳониро оҳанг баст. Ин шеъри вазири умури дохилаи Тоҷикистон ба барқарор шудани муносибатҳои Тоҷикистону Узбакистон бахшида шуда, пас аз сафари раисҷумҳури Узбакистон Шавкат Мирзиёев дар моҳи март ба Тоҷикистон расонаӣ гашт ва ахиран онро Афзалшо Шодиев дар рафти сафари ҳунарӣ ба кишвари ҳамсоя иҷро кард.

338
Барчаспҳо:
шеър, намоишнома, Рамазон Раҳимзода, Тоҷикистон
Овозхон Фаридуни Хуршед

Фаридуни Хуршед аз таваллуди фарзандаш хабар дод - навор

653
Овозхон охирҳои июли соли 2019 бори севум издивоҷ карда буд. Он замон расонаҳо навишатанд, ки тӯйи овозхона хоксорона ва бидуни иштироки овозхонҳои машҳур баргузор гардид

ДУШАНБЕ, 22 июл - Sputnik. Фаридуни Хуршед, овозхони попи тоҷик хабар додааст, ки ӯ боз падар шуд.

Ӯ дар саҳифаи Инстаграм навишт, ки имрӯз, 22 июл соҳиби писар шуд.

"Ин рӯз барои ман боз ҳам рӯзи хурсандиву хушбахтист. Фарзанди азизам Баёзид ба дунё омад. Қудуми некат муборак бошад, азизи падар. Мухлисои азизам дар хурсандии ман шарик бошед", - навиштааст вай.

Дар шабакаи иҷтимоӣ бештар аз 500 нафар зери ин хушхабари овозхон шарҳ навишта, ӯро шодбош гуфтаанд.

Ёдрас мешавем, Фаридуни Хуршед собиқ ҳамсари овозхон Фарзонаи Хуршед соли гузашта баъди ҷудо шудан аз ӯ, бори севум издивоҷ карда буд.

Он замон расонаҳо навиштанд, ки тӯйи Фаридун хоксора баргузор гардида, исми ҳамсари севумаш расонаӣ нест.

Фаридуни Хуршед аз издивоҷи дувумаш соҳиби як писар ва як духтар аст.

653
Курбанова Фарахноз, студент 1 курса бакалавриата

Аз интихобам розиям: чигуна донишҷӯёни тоҷик дар Русия таҳсил мекунанд - акс

262
Донишҷӯёни тоҷик, ки дар Донишгоҳи технологии Русия таҳсил мекунанд, дар бораи ҳаёти донишҷӯӣ ва раванди таҳсил дар Маскав нақл карданд

ДУШАНБЕ, 2 июл — Sputnik. Донишҷӯёни тоҷик, ки дар Донишгоҳи технологии Русия - МИРЭА таҳсил мекунанд, дар бораи таҳсил дар муҳити байналмилалӣ нақл карданд. 

Имрӯзҳо дар донишгоҳи мазкур ҳудуди 200 донишҷӯи тоҷик таҳсил мекунанд, ки дар оянда дар соҳаҳои телекоммуникатсия, автоматика, кибернетика, радиотехника ва электроника мутахассис хоҳанд шуд.

Чунончи, донишҷӯи курси дувуми магистратура дар саҳаи "технологияи кимёвӣ" Солиҷон Собиров мегӯяд, то дохилшавӣ ба МИРЭА дар Донишгоҳи техникии Тоҷикистон ба номи Муҳаммад Осимӣ таҳсил мекард.

Солижон Собиров, студент 2 курса магистратуры,
Солижон Собиров, студент 2 курса магистратуры,

Ӯ ду сол пеш факултаи энергетикаи донишгоҳро хатм карда, мақсад дошт ба кор дарояд, аммо қарор дод, ки дар Маскав ба бахши магистратура дохил мешавад.

"Мехостам донишамро дар ду самт комил кунам. Феълан ман ду маълумот, муҳандис-энергетик ва химик-технолог дорам. Фикр мекунам, ки ин хело хуб аст", - мегӯяд ҷавон.

Ҳоло Солиҷон дар хобгоҳ зиндагӣ мекунад, идрорпулӣ мегирад, муваққатан худро дар Русия ба қайд гузоштааст. Ин донишҷӯи тоҷик кам-кам кор ҳам мекунад.

"Агар донишҷӯ дар ҳақиқат аз нигоҳи молиявӣ ба мушкилӣ дучор шавад, касе аз ин ҷиҳат ба вай кӯмак накунад ё дар хонаводаашон мушкилии иқтисодӣ бошад, пас вай метавонад дар 11 моҳ як маротиба аз донишгоҳ кӯмак хоҳад. Маблағе ки донишгоҳ медиҳад, кам нест", - меафзояд ӯ.

Солиҷон мегӯяд, вақти бештарашро барои таҷрибаомӯзӣ дар донишгоҳ мегузаронад, аммо барои дӯстӣ бо донишҷӯён ва бозии футбол ҳам вақт меёбад.

Дигар донишҷӯи тоҷик Фараҳноз Қурбонова дар курси аввал таҳсил мекунад. Ӯ ҳам мегӯяд аз интихоби касб ва донишгоҳаш розӣ аст.

Ин духтари тоҷик хатмкардаи Литсейи президентӣ барои хонандагони лаёқатманд аст. Ӯ мехостааст пас аз хатми мактаб ба факултаи муҳандисиву барномарезӣ дохил шавад, барои ҳамин донишгоҳи технологии Русияро интихоб кардааст.

"Ман ки аз кишвари хориҷ ба Русия омадаам, дар хобгоҳ зиндагӣ мекунам. Ба донишҷӯёни хориҷӣ дар бахши авали таҳсил стипендия медиҳанд, баъдҳо ҳаҷми он аз худи донишҷӯй вобаста аст", - мегӯяд Фараҳноз.

Духтарак қайд мекунад, ки бартарии дигари таҳсил дар ин донишгоҳ пайдо кардани дӯстон аз кишварҳои хориҷ аст. Фараҳноз дӯстони ӯзбекистонӣ, белорус, украинӣ, қазоқистонӣ, аз Ветнам, Чин ва албатта Русия дорад.

Танҳо дар як Донишкадаи Тоҷикистон наздик ба 500 донишҷӯ аз Узбакистон дохил шуданд

"Ман ин ҷо худамро дар байни дӯстон пайдо кардам. Ман бо онҳо ба ибтидои нардбони муваффақиятҳоям қадам мегузорам. Агар хоҳӣ, ки ояндаи хушбахт дота бошӣ, бояд хонӣ ва меҳнат кунӣ. Боварӣ дорам, ки дар МИРЭА ба тамоми орзуҳоям мерасам", - мегӯяд Фараҳноз хушбинона.

 

262
Тестирование на коронавирус (COVID-19)

Наздики 100 ҳазор кас дар Қазоқистон мубталои COVID - 19 шуданд

0
(Таҷдидшуда 18:52 09.08.2020)
Комиссияи байниҳукуматии Қазоқистон омори нави гирифторӣ, шифо ва фавт аз коронавируси COVID - 19 - ро нашр кард

ДУШАНБЕ, 9 авг — Sputnik. Теъдоди беморони коронавируси навъи COVID - 19 дар Қазоқистон наздики 100 ҳазор нафар шуд, хабар медиҳад Комиссияи байниҳукуматии Қазоқистон.

Бино ба гузориши расмии ин ниҳод дар давоми 24 соати гузашта 872 ҳолати нави гирифторӣ бо коронавирус сабт шудааст.

"Дар кишвар 872 ҳолати нави гирифторӣ бо коронавирус сабт шудааст - аз ин ҳисоб 444 ҳолат бо нишонаҳо ва 428 кас бе нишона қайд шудааст", - омадааст дар хабарнома.

Ҳамин тавр то нисфирӯзии 9 август, шумораи умумии маризони коронавирус то 98,7 ҳазор кас расид.

Афзоиши маризони COVID - 19 дар Ӯзбекистон: аз 30 ҳазор гузашт

Тибқи иттилои манбаъ, пизишкон дар давоми ҳамагирии коронавирус тавонистанд беш аз 72 ҳазор касро табобат кунанд. 

Аз фардо дар Бухоро маҳдудиятҳои карантинӣ бардошта мешавад

Дар баробари ин аз аввали моҳи август дар кишвар 12 110 ҳолат сабт шудааст, ки нишонаҳояш ба бемории коронавирус монанд аст.

0
Барчаспҳо:
беморон, вируси нав, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон