Далер Назаров, акс аз бойгонӣ

Далер Назаров аз шӯҳрат, сирри эҷодиёт ва мактабе, ки то ҳол ташкил карда натавонист

2491
(Таҷдидшуда 17:13 18.09.2018)
Номи Далер Назаровро ҳар як тоҷикистонӣ медонад. Ҳунармандро на танҳо дар Ватанаш мешиносанд, исми вай солҳост, ки муаррифгари миллати тоҷик аст

ДУШАНБЕ, 17 сен — Sputnik, Фарзона Ширинбек. Дар Тоҷикистон нафаре нест, ки Далер Назаровро нашиносад, оҳангҳои ширини ӯро, ки то қаъри дилҳо мерасанду бо гузаштагону фарҳанги бостон пайванд медиҳанд, нашунида бошанд.

Далер Назаров на танҳо бозёфти фарҳангии тоҷикон, балки  ҷаҳон аст. Даҳсолаҳост, ки ҳунарманд Тоҷикистонро дар саҳнаҳои байналмилалӣ муаррифӣ карда, тамошобинонро бо мусиқии рӯҳнавозаш афсун мекунад.

Дар ҳошияи таҷлили ҷашни Истиқлоли Тоҷикистон  ҳунарманд  тоҷикони Маскавро шод намуд ва дар чорабинии ботантанаи ҷашн, ки Сафорати Тоҷикистон дар Русия ташкил карда буд, ширкат кард.

 Ҳунарманд сурудҳои маъруфи худро, ки дар қалби ҳар як тоҷикистонӣ ҷо гирифтаанд, иҷро кард. Sputnik Тоҷикистон пас аз ҳунарнамоии Далер Назаров бо ӯ мусоҳиба орост.

Ман Далер Назаров будани худро фаромӯш мекунам

Дар рафти барномаи идона ба назди ҳунарманд чандин бор меҳмонон меомаданду эҳтиром ва таҳсин баён мекарданд.

Бештари онҳо аз Далер Назаров хоҳиш мекарданд, ки дар Олмон ё дгар кишварҳои Аврупо ҳунарнамоӣ кунад. Ҳунарманд ба ҳар яке бо табассум ва хоксорона муошират мекард.

"Ин хуб аст, ки ман доим Далер Назаров будани худро дар хотир надорам. Танҳо зиндагӣ мекунаму дар фикри кӣ будани худ нестам. Гоҳо нафареро во мехӯрӣ, ки мусиқии туро пазироӣ мекунад ва маълум мешавад, ки ту садҳо суруд ва мусиқӣ навиштаиву хондаӣ. Аммо худ ба худ ин чизро ҳис намекунӣ", — мегӯяд вай.

Бештари мухлисонаш ҳунармандро ифтихори миллат меноманд, аммо нигоҳи Далер Назаровдар ин ҷо дигар аст.

"Худро ифтихори миллат не, фиристодаи миллат меҳисобам, ки метавонад ба одамони дигар кишварҳо аз торихи Тоҷикистон бо забони онҳо — чун тарҷумоне нақл кунад.

Ифтихор — ин аз интихоби ҳар як кас  вобаста аст, касе метавонад ифтихор кунад, касе не, аммо ман худро фиристода меҳисобам: фиристодаи ин замин ва ин мардуме, ки доим ба фарҳанги ҷаҳонӣ дороии бузург ва ганҷ меорад ва бо сулҳпарвариву меҳмоннавозии худ маъруф аст", — тавзеҳ медиҳад Далер.

Концерт в память барда Лидуша Хабибо в Душанбе, Далер Назаров
© Sputnik Амир Исаев
Концерт в память барда Лидуша Хабибо в Душанбе, Далер Назаров

Ҳунарманд вазифаи худро дар он мебинад, то ба дигарон расонад, ки тоҷикон — қисми фарҳанги бузург ҳастанд, Тоҷикистон бошад, як кунҷи обод ва зебои ҷаҳон аст.

"Ман бисёр мехоҳам, ки ба Тоҷикистон нафарони зиёде меҳмон шаванд, ба фарҳанг ва анъанаҳои мо ошно шаванд. Мо метавонем бо фарҳанги худ ифтихор кунем. Дар ҳамин маънӣ ман худро фиристода меҳисобам".

Далер Назаров арзишҳо ва анъанаҳои тоҷикиро гиромӣ медорад

"Анъанаҳои тоҷикӣ хело зебо ва хело аҷиб ҳастанд. Бояд дар дили фарзандони худ меҳри фарҳанги тоҷикиро ҷо кард. Мо фарҳанги зебое дорем, ки одамонро ба ҳам меорад", — мегӯяд Назаров ва меафзояд, ки ваҳдат роҳи шифоёбӣ аз танидагӣ ва танҳоӣ аст.

Ҳамаи анъанаҳои тоҷикӣ асоси иҷтимоӣ доранд. Оҳангсоз ҳам анъанаеро мисол меорад, ки мардум барои якдигар бемузд манзил месозанд.

Сирри эҷодиёт — тағйирот аст

Далер Назаров ба ҳама чиз бо табассум муносибат мекунад ва  аз ҳама ҷо илҳоми эҷодӣ мегирад.

"Маро тасодуфҳои ҳаёт илҳом мебахшад. Ман аллакай дар зиндагӣ ягон чизи хосеро ҷустуҷӯ намекунам, барои он ки ҳар лаҳза аҷиб аст — ба мо хотиррасон мекунад, ки чигуна бо ин ҳаёт таомул мекунему чигуна ба он вокуниш мекунем", — мегӯяд вай.

Ба гуфтаи ҳунарманд, ҳатто як вохӯрии оддие ҳам барояш аҷиб аст: мисол чорабинии идона дар сафорат.

"Метавон дар Маскав илҳом ҷуст, ё танҳо ба шаҳр нигоҳ карду  рӯҳияеро бардошт, ки дар Душанбе набуд. Сипас ба Душанбе баргашт — онҷо ҳатман рӯҳияи наверо метавон пайдо кард. Ҳар як субҳ нав аст ва ҳар рӯз як чизи наве медиҳад.

Албатта вақтҳое мешавад, ки дар ботини ман тағйироти вижае ба амал меояд, аммо вақтҳои охир ман асосан аз ҳаёт илҳом мегирам, аз ҳамаи он рӯйдоде, ки дар он рух медиҳад", — афзуд вай.

Шогирд надорам

Бештари ҳунармандони навкор орзу доранд, ки шогирди Далер Назаров шаванд, аммо вай барои қабули онҳо намешитобад.

"Агар хоҳиши сарояндагӣ бо шӯҳрат ёфтан бастагӣ дошта бошад, ман кӯмаке карда наметавонам. Шогирди ман шудан мушкил аст, барои ҳамин то ҳол мактаби худро ташкил карда натавонистаам — мактаби ғайриоддӣ, студияеро", — мегӯяд вай.

Дар нақшаҳои ҳунарманд  — ташкили мактаби анъанавӣ нест, балки маконест, ки дар он шогирдон озод бошанд.

Мусиқӣ — сабук ва нозук аст. Ба маҷбурӣ шогирдеро натметавон як нота ҳам омӯзонд. Ҳастанд нафароне, ки мактаби мусиқиро хатм мекунанду сипас мусиқиро як тараф гузошта, ба дигар кор машғул мешаванд. Барои чӣ? Барои он ки онҳо дарси мусиқиро дигаргун тасаввур мекарданд. Дар мактаб бошад ба онҳо сараввал бо асбоби мусиқӣ кор карданро омӯхтанд", — тавзеҳ медиҳад вай.

Бояд кӯшиши шогирдро дастгирӣ кард, на дар бораи он андешид, ки чигуна бо асбоби мусиқӣ кор мекунад. Бояд дар дили шогирд меҳр ва алангаи мусиқиро зинда нигоҳ дошт ва сипас навохтанро омӯхт.  Он гоҳ шогирд аз дарс ҳаловат мебарад", — боварӣ дорад ҳунарманд.

Набояд аз пирӯзӣ дар саҳна фикр кард, балки ҳаловат дар онро пеши назар овард.  Ҳоло тамоюле  аст, ки ҳунармандон ба воситаи муҳит дастгирӣ ё пазироӣ меҷӯянд. Аммо ба воситаи он бояд муҳаббатеро ифшо кард, ки дар он аст. Мусобиқа ва рақобат, танҳо нобуд мекунад. Оё метавонад касе беҳтар аз касе бошад? Вақте ки ҳунарманд ба саҳна мебарояд ва месарояд, ӯ беҳтарин аст, сипас дигар ҳунарманде мебарояду суруд мехонад — вай ҳам беҳтарин аст.

Ту он вақт беҳтаринӣ, ки ба худ бовар дошта бошӣ, вақте кореро мекунӣ, ки лоиқи ту аст, вақте дар худ ҳунареро пайдо мекунӣ, ки ба осонӣ анҷом дода метавонӣ, на ба зӯри чизе. Бояд ин осонӣ ва роҳатро пайдо кард", —  маслиҳат медиҳад вай.

Ба гуфтаи Далер Назаров, барои пайдо кардани худ вақти зиёд лозим аст, аммо меарзад.

"Аз ҳама муҳимаш — бояд худро пайдо кард. Ҳамаи он нафаронеро, ки во мехӯрам, аз он ҷиҳат баҳо медиҳам, ки то кадом андоза бо худ мувофиқ ҳастанд. Агар инсон ба худ мувофиқат кунад, пас ҳамааш хуб аст, вақте ки ӯ ба касе монанд шудан мехоҳад, онгоҳ вай худро дар азоб мемонад ва дар ҳаёти худ зиндагӣ намекунад", — меафзояд Назаров.

Далер Назаров дар бораи мухлисонаш дар Тоҷикистон ва Русия

Аввалин консерти Назаров дар Маскав 10 сол пештар баргузор шуда буд. Дар ин муддат ӯ тавонист бо вижагиҳои тоҷикони Русия ошно шавад.

"Фикр мекунам, ки ҳамватанони мо дар Русия ба ҳунари мардуми худ ниёзи бештаре доранд. Онҳо аз Тоҷикистон дуранд, вале ин дурӣ онҳоро ба фаҳмиши санъати сарзамини худ водор кардааст. Ин мухлисон  идроки хос доранд, ба онҳо метавон мусиқии гуногунро пешниҳод кард, чӣ ором ва чӣ баланду тезро, — мегӯяд Назаров.

"Ин ба мо имконият медиҳад, ки озмоиш кунем оҳангҳоеро эҷод кунем, ки одамонро набарад ва ё онҳоро насӯзонад, балки дилҳои онҳоро бо ҳам пайванд кунад, то якдигарро эҳсос кунанд: тоҷики имрӯза чӣ арзишҳоеро дорад, аз чӣ эҳсоси шодӣ мекунад ва ин ҳаётро чингуна эҳсос мекунад", — мегӯяд ҳунарманд.

Ба гуфтаи вай, тоҷикон ҳар ҷое набошанд, бо Тоҷикистон пайванд доранд, аммо арзишҳоеро низ азхуд мекунанд, ки хоси дигар халқиятҳоянд. Ингуна мухлис омода аст, ки намудҳои нави мусиқиро гӯш кунад. Барои ҳунарманд муҳим аст, ки мухлиси вай ҳама намуди муисиқии ӯро гӯш карда тавонад.

Аҷиб аст, ки барои чӣ Далер Назарови машҳур унвон надорад. Аммо ба ин инсони хирадманд нигариста, ба хулоса меоӣ, ки ба вай унвон лозим нест. Ӯ ошиқи мусиқӣ ва кишвари худ аст — ин ҳарду барои Далер Назаров кифоя аст.

2491
Барчаспҳо:
фиристода, ифтихор, тоҷик, фарҳанг, арзиш, мусоҳиба, Далер Назаров, Тоҷикистон
Мадина Акназарова

Нашри дуэти Чоршанбе Аловатов ва Мадина Ақназарова - видео

1722
(Таҷдидшуда 12:52 11.09.2020)
Ду сарояндаи ҷавону машҳури Тоҷикистон, Чоршанбе Аловатов ва Мадина Ақназарова суруди гурӯҳи "Парем"- ро бозхонӣ карданд

ДУШАНБЕ, 11 сен  — Sputnik. Овозхонони ҷавон ва машҳури Тоҷикистон Чоршанбе Аловатов ва Мадина Ақназарова суруди дуэт иҷро карда, шакли пурраи онро дар шабакаи Youtube нашр кардаанд.

Онҳо яке аз сурудҳои машҳури гурӯҳи "Парем"- "Танҳо дар ёд" - ро бозхонӣ карданд. Дар ин бора ҳам Чоршанбе Аловатов ва ҳам Мадина Ақназарова дар саҳифаҳои расмиашон дар Инстаграм хабар додаанд.

Мадина дар ин росто ба гурӯҳи "Парем" барои додани иҷозат барои бозхонии ин сурудашон изҳори сипос кардааст.

"Сипоси бепоён аз гурӯҳи "Парем" барои ин суруд. Ин зебо аст", - навиштааст Мадина.

Мухлисони ин ду овозхони ҷавон аз дуэт истиқбол карда ҳунари ҳар дуро баланд баҳогузорӣ кардаанд. 

"Чоршанбе худро дар сатҳи минтақавӣ бисёр хуб нишон дод. Ҳунари ӯ, Худодод аст ва ба шарҳе ниёз надорад. Мадина ва Чоршанбе бисёр хуш менамоед", - навиштааст корбаре дар шабакаи  Youtube.

Дуэти Чоршанбе Аловатов ва Мадина Ақназарова: суруди "Парем" - ро бозхонӣ карданд - видео

Ёдрас мешавем, ки ахиран Чоршанбе Аловатов суруди "Масти ту ҳастам" - и овозхон Самандар Пӯлодовро бозхонӣ кард.

Мусиқӣ ва тарзи сурудани овозхони ҷавон Чоршанбе Аловатов аз Самандар Пӯлодов каме мутафовит аст. Бо усули нав иҷро шудани ин сурудро корбарони шабакаҳои иҷтимоӣ низ дарёфт намуда, истеъдоди баланди Чоршанбеи ҷавонро зикр карданд.

1722
Барчаспҳо:
Тоҷикистон, нашр, суруд, дуэт, Мадина Ақназарова
Фарзонаи Хуршед дар бораи бегонагӣ бо Фаридун ва шери нар - и наваш - видео

Фарзонаи Хуршед дар бораи бегонагӣ бо Фаридун ва "шери нар" - и наваш - видео

4946
(Таҷдидшуда 17:20 18.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

4946
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед
Таджикские деньги, архивное фото

Қарзи ноҳияи Кӯшониён аз андоз наздик ба 40 миллион сомонӣ расид

0
(Таҷдидшуда 11:12 20.09.2020)
Дар ноҳияи Кӯшониён 39 миллиону 800 ҳазор сомонӣ қарзи андоз ҷой дорад, ки аз он 19 миллиону 800 ҳазор сомониаш бақияи қарзи андоз буда, 20 миллиони дигарашро қарзҳои мушкилситон ташкил медиҳанд

ДУШАНБЕ, 20 сен — Sputnik.  Раҳмонзода Аҳлиддин, сардори нозироти андози ноҳияи Кӯшониён дар суҳбат бо рӯзномаи “Фараж” таъкид доштааст, ки дар зарфи 8 моҳи соли ҷорӣ қисми даромади буҷети ноҳия 95 дарсад иҷро шуда, ба буҷет 1 миллиону 700 ҳазор сомонӣ ворид нашуд.

Омили саривақт иҷро нашудани қисми даромади буҷетро ин шахси масъул саривақт пардохт накардани андоз аз ҷониби андозсупорандагон арзёбӣ карда, гуфт, ҳоло дар ноҳия 19 миллиону 700 ҳазор бақияи қарзи андоз ҷой дорад, ки 60 дарсади он ба соҳаи кишоварзӣ рост меояд.

Ддар ҳамин ҳол, Ҷамшед Гулонов, як масъули Раёсати молияи ноҳияи Кӯшониён дар суҳбат бо хабарнигори ҳамин рӯзнома гуфтааст, ки қисми даромади буҷети ноҳия дар ҳашт моҳ зиёда аз 28 миллион ба нақша гирифта шуда буд, ки  аз он 26 миллиону 308 ҳазору 771 сомониаш иҷро шудаасту халос.

Ҳамчунин, манбаъ гуфт, ки аз ҳисоби маблағҳои буҷети вилояти Хатлон дар ин давра зиёдтар аз 2 миллиону 650 ҳазор сомонӣ маблағҳои мақсаднок ҷудо карда нашудаанд.

0
Барчаспҳо:
сомонӣ, андоз, қарз, Тоҷикистон