Детский ансамбль Гулоро на кастинге Central Asia's Got Talent

Аз сеҳру ҷоду то рақсу суруд : Central Asia's Got Talent дар Душанбе - акс

885
(Таҷдидшуда 21:08 06.07.2019)
Садҳо нафар барои намоиши ҳунари худ ба озмуни Central Asia's Got Talent омаданд

ДУШАНБЕ, 6 июл - Sputnik. Озмуни телевизонии Central Asia's Got Talent (Осиёи Марказӣ дар ҷустуҷӯи ҳунармандон), барои нахустин бор дар Тоҷикистон баргузор шуд.

Даври интихобии озмуни Central Asia's Got Talent рӯзи 5 июн дар Душанбе, дар театри опера ва балети ба номи Садриддин Айнӣ ба кори худ оғоз кард.

Садҳо ҳунарманд, намояндагони касбу кори гуногун ва синну соли мухталиф - раққос, овозхон, доиранавоз, навозанда, ширинкор, дорбоз, сеҳркор барои машҳури ҷаҳон шудану нишон додани ҳунари худ ҷамъ шуданд.

Довталабон на танҳо аз шаҳри Душанбе балки дигар манотиқи Тоҷикистон низ ба озмун омадаанд.

Очередь у входа на кастинг Central Asia's Got Talent
Amir Isaev
Очередь у входа на кастинг Central Asia's Got Talent

Руслан Газаров яке аз дастандаркорони озмуни Central Asia's Got Talent дар суҳбат бо Sputnik Тоҷикистон гуфт, ки хоҳишмандон хеле зиёданд ва ҳунармандони асил низ миёни онҳо кам нест.

"Танҳо дар давоми як рӯз (рӯзи 5 июн - шарҳ аз идора), мо беш аз 200 довталабро шунидем. Ҳунармандон бисёр ҳастанд, мо аз дидани ҳунари мардуми тоҷки ба ваҷд омадем, вале ин кори моро барои интихоби беҳтаринҳо душвортар мекунад",-гуфт Руслан Газаров. 

Хуршед Мустафоев ҳунарпешаи театр ва кино, ки узви доварони даври интихобии озмун аст, мегӯяд, шод аз он аст, ки ҳунармандони тоҷик ҳам имкон доранд дар сатҳи ҷаҳонӣ ҳунари худро намоиш диҳанд.

"Довталабон ҳунарҳои мухталиф доранд, нафаре рақс мекунад, нафаре месарояд, дигаре рассом аст. Кӯдаконе ҳастанд, ки ба хурдии худ нигоҳ накарда пойтахтҳои кишварҳои ҷаҳонро номбар мекунанду духтароне ҳастанд, ки дар риштаи арифметикаи менталӣ ҳисобоб мебароранд. Мо бояд беҳтаринҳоро аз байни онҳо интихоб ва ба доварон пешкаш кунем".

Беҳтаринҳо аз чор кишвари Осиёи Марказӣ - Тоҷикистон, Узбакистон, Қирғизистон ва Қазоқистон рӯзҳои 8-9 июл дар Қазоқистон дар даври ниҳоӣ байни ҳам рақобат хаҳанд кард.

Менечери озмуни Central Asia's Got Talent-ро Медит Баева Ардактайбековна мегӯяд ӯро дар ин озмун ҳунари як ҷавони тоҷик ки аз баданаш 400 волт қувваи ҷараён мегузаронаду 200 волташро дар дохили баданаш нигоҳ медорад, ба ваҷд овард.

"Ман гуфтам як бор дастатонро ба ман диҳед. Вақте дасташро доштам гармӣ эҳсос кардам. Вале пас аз чанде сарам ба дард даромад. Боз ба наздаш рафта шикоят кардам, ки сардард шудам. Ӯ дасташро 10 сония ба сарам гузошту дард гум шуд. Вақте гуфтам ин чӣ муъҷиза аст, посух дод, ки ӯ мардумро ҳам бо ҳамин роҳ табобат мекунад",- гуфт Медит ва илова кард, ки чунин ҳунарҳо такрорнашавандаанд.

Ҷоизаи озмуни Central Asia's Got Talent 260 000 сомониро ташкил медиҳад. Вале довталабони тоҷик дар фикри маблағ нестанду танҳо мехоҳанд машҳур шаванд ва пирӯзӣ ба даст биёранд.

Довталабон чӣ мехоҳанд

Хусрав Зиёдуллоев хонандаи синфи 10 мактаби 92 барои нишон додани ҳунари худ ба ин озмун омада мехоҳад бо истифода аз ин имкон ба кишарҳои дигар сафар кунаду ҳунари гиторнавозии худро ба ҳамагон нишон бидиҳад.

Музыканты у входа на кастинг Central Asia's Got Talent
Amir Isaev
Музыканты у входа на кастинг Central Asia's Got Talent

"Мехоҳам доварон ба ман бигӯянд мо туро интихоб кардем биё бо мо бирав",- изҳор дошт Хусрав.

Мирзомиддин бошад тӯли чанд сол бо рассомӣ машғул аст. Ӯ хонандаи синфи 9 мактаби 17 Душанбе буда, дар озмуни Central Asia's Got Talent ҳунари рассомии худро нишон доданист.

Мафтуна аз шаҳри Душанбе сарояндагӣ мекунад. Ӯ  аз синфи сеюм ба овозхонӣ шавқ дораду ба забонҳои русӣ ва англисӣ месарояд.

"Мехоҳам ба қуллаҳои баланд бирасам ҷойҳои намоёнро ишғол намоям",- мегӯяд Мафтуна.

Фахриддинов Умед ровии барномаҳои радиои "Овози тоҷик" ва телевизиони Сафина кор мекунад мехоҳад боз ҳунари диг ба ҳамагон намоиш бидиҳад.

"Ман бар инам, ки муҳим ширкат аст на пирӯзӣ. Ҳар як шахс ҳуқуқ дорад худро аз дигар ҷониб нишон бидиҳад. Ботини худро бикушояд, ки ӯ дар воқеъ кӣ ҳаст. Ман мехоҳам ҳамаи қувваамро барои хубӣ сарф кунам. Ман сароянда ҳастам ин шуғли дӯстдоштаи ман аст. Ҳамчунин ман гитор ҳам менавозам.

Илбек ҳамагӣ 5 сол дорад. Ӯ аз ноҳияи Ҷаббор Расулов омадаасту мехоҳад ҳунари дуторнавозии худро ба доварон нишон диҳад.

Детский ансамбль Гулоро на кастинге Central Asia's Got Talent
© Sputnik / Амир Исаев
Детский ансамбль "Гулоро" на кастинге Central Asia's Got Talent

Central Asia's Got Talent - озмуни байналмилаллиест, ки дар беш аз 70 кишвари дунё баргузор шудааст. Ин бор ин озмуни бонуфуз дар чор кишвари Осиёи Марказӣ - Тоҷикистон, Узбакистон, Қирғизистон ва Қазоқистон ҳунар меҷӯяд.

Дар ин озмун ҳар нафаре, ки истеъдоди фавқуллода ё ҳунаре бартар аз дигаронро дорад, метавонад ширкат кунад. 

Мавсими нахустини Central Asia’s Got Talent дар шабакаҳои телевизионии "Хабар" (Қазоқистон), Zo’r TV (Узбакистон), КТРК (Қирғизистон) ва ТВ "Сафина" (Тоҷикистон) намоиш дода мешавад.

Ин шоуи телевизионӣ дар пайравӣ ба лоиҳаи маъруфи Britain’s Got Talent роҳандозӣ мешавад.  

Акнун сокинони Қазоқистону Қирғизистон ва Тоҷикистону Ӯзбекистон низ бахти худро дар ин озмун санҷида метавонанд. Сокинони ин давлатҳо сарфи назар аз синнусолу ҷинс ва шуғлу андешаҳояшон нисбати ҳаёт, дар ин озмун иштирок карда метавонанд

Ҳунари довталабон аз ҷониби чаҳор довар, намояндагони чор кишвари иштирокчӣ баҳогузорӣ мекунанд. Ба ҳайати ҳакамон Нурлан Абдулин - сарояндаи қазоқистонӣ, ровии телевизион, соҳибкор, Ситора Фармонова - ҳунарпешаи кино, ҳофиза ва ширинкори узбекистонӣ, Гулнур Сатилганова -сарояндаи қирғиз, Ҳунарманди халқии Ҷумҳурии Қирғизистон, Аловуддин Абдуллоев - ҳунарпешаи тоҷик, режиссёри филми мустана, ҳунарманди театр дохил шуданд.

Ҷоизаи асосии озмуни Central Asia's Got Talent 260 000 сомониро ташкил медиҳад.

885
Барчаспҳо:
Узбаикстон, Қазоқистон, Қирғизистон, Тоҷикистон, Осиёи Марказӣ, театри опера ва балети ба номи Айнӣ, ҳунарнамоӣ, озмун
Овозхон Фаридуни Хуршед

Фаридуни Хуршед аз таваллуди фарзандаш хабар дод - навор

650
Овозхон охирҳои июли соли 2019 бори севум издивоҷ карда буд. Он замон расонаҳо навишатанд, ки тӯйи овозхона хоксорона ва бидуни иштироки овозхонҳои машҳур баргузор гардид

ДУШАНБЕ, 22 июл - Sputnik. Фаридуни Хуршед, овозхони попи тоҷик хабар додааст, ки ӯ боз падар шуд.

Ӯ дар саҳифаи Инстаграм навишт, ки имрӯз, 22 июл соҳиби писар шуд.

"Ин рӯз барои ман боз ҳам рӯзи хурсандиву хушбахтист. Фарзанди азизам Баёзид ба дунё омад. Қудуми некат муборак бошад, азизи падар. Мухлисои азизам дар хурсандии ман шарик бошед", - навиштааст вай.

Дар шабакаи иҷтимоӣ бештар аз 500 нафар зери ин хушхабари овозхон шарҳ навишта, ӯро шодбош гуфтаанд.

Ёдрас мешавем, Фаридуни Хуршед собиқ ҳамсари овозхон Фарзонаи Хуршед соли гузашта баъди ҷудо шудан аз ӯ, бори севум издивоҷ карда буд.

Он замон расонаҳо навиштанд, ки тӯйи Фаридун хоксора баргузор гардида, исми ҳамсари севумаш расонаӣ нест.

Фаридуни Хуршед аз издивоҷи дувумаш соҳиби як писар ва як духтар аст.

650
Курбанова Фарахноз, студент 1 курса бакалавриата

Аз интихобам розиям: чигуна донишҷӯёни тоҷик дар Русия таҳсил мекунанд - акс

262
Донишҷӯёни тоҷик, ки дар Донишгоҳи технологии Русия таҳсил мекунанд, дар бораи ҳаёти донишҷӯӣ ва раванди таҳсил дар Маскав нақл карданд

ДУШАНБЕ, 2 июл — Sputnik. Донишҷӯёни тоҷик, ки дар Донишгоҳи технологии Русия - МИРЭА таҳсил мекунанд, дар бораи таҳсил дар муҳити байналмилалӣ нақл карданд. 

Имрӯзҳо дар донишгоҳи мазкур ҳудуди 200 донишҷӯи тоҷик таҳсил мекунанд, ки дар оянда дар соҳаҳои телекоммуникатсия, автоматика, кибернетика, радиотехника ва электроника мутахассис хоҳанд шуд.

Чунончи, донишҷӯи курси дувуми магистратура дар саҳаи "технологияи кимёвӣ" Солиҷон Собиров мегӯяд, то дохилшавӣ ба МИРЭА дар Донишгоҳи техникии Тоҷикистон ба номи Муҳаммад Осимӣ таҳсил мекард.

Солижон Собиров, студент 2 курса магистратуры,
Солижон Собиров, студент 2 курса магистратуры,

Ӯ ду сол пеш факултаи энергетикаи донишгоҳро хатм карда, мақсад дошт ба кор дарояд, аммо қарор дод, ки дар Маскав ба бахши магистратура дохил мешавад.

"Мехостам донишамро дар ду самт комил кунам. Феълан ман ду маълумот, муҳандис-энергетик ва химик-технолог дорам. Фикр мекунам, ки ин хело хуб аст", - мегӯяд ҷавон.

Ҳоло Солиҷон дар хобгоҳ зиндагӣ мекунад, идрорпулӣ мегирад, муваққатан худро дар Русия ба қайд гузоштааст. Ин донишҷӯи тоҷик кам-кам кор ҳам мекунад.

"Агар донишҷӯ дар ҳақиқат аз нигоҳи молиявӣ ба мушкилӣ дучор шавад, касе аз ин ҷиҳат ба вай кӯмак накунад ё дар хонаводаашон мушкилии иқтисодӣ бошад, пас вай метавонад дар 11 моҳ як маротиба аз донишгоҳ кӯмак хоҳад. Маблағе ки донишгоҳ медиҳад, кам нест", - меафзояд ӯ.

Солиҷон мегӯяд, вақти бештарашро барои таҷрибаомӯзӣ дар донишгоҳ мегузаронад, аммо барои дӯстӣ бо донишҷӯён ва бозии футбол ҳам вақт меёбад.

Дигар донишҷӯи тоҷик Фараҳноз Қурбонова дар курси аввал таҳсил мекунад. Ӯ ҳам мегӯяд аз интихоби касб ва донишгоҳаш розӣ аст.

Ин духтари тоҷик хатмкардаи Литсейи президентӣ барои хонандагони лаёқатманд аст. Ӯ мехостааст пас аз хатми мактаб ба факултаи муҳандисиву барномарезӣ дохил шавад, барои ҳамин донишгоҳи технологии Русияро интихоб кардааст.

"Ман ки аз кишвари хориҷ ба Русия омадаам, дар хобгоҳ зиндагӣ мекунам. Ба донишҷӯёни хориҷӣ дар бахши авали таҳсил стипендия медиҳанд, баъдҳо ҳаҷми он аз худи донишҷӯй вобаста аст", - мегӯяд Фараҳноз.

Духтарак қайд мекунад, ки бартарии дигари таҳсил дар ин донишгоҳ пайдо кардани дӯстон аз кишварҳои хориҷ аст. Фараҳноз дӯстони ӯзбекистонӣ, белорус, украинӣ, қазоқистонӣ, аз Ветнам, Чин ва албатта Русия дорад.

Танҳо дар як Донишкадаи Тоҷикистон наздик ба 500 донишҷӯ аз Узбакистон дохил шуданд

"Ман ин ҷо худамро дар байни дӯстон пайдо кардам. Ман бо онҳо ба ибтидои нардбони муваффақиятҳоям қадам мегузорам. Агар хоҳӣ, ки ояндаи хушбахт дота бошӣ, бояд хонӣ ва меҳнат кунӣ. Боварӣ дорам, ки дар МИРЭА ба тамоми орзуҳоям мерасам", - мегӯяд Фараҳноз хушбинона.

 

262

10 миллион нафар дар Афғонистон мубталои коронавирус шуданд

0
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

0
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон